Sizin Reklam Burada
Xəbər lenti
29-03-2024
28-03-2024
BÜTÜN XƏBƏRLƏR

Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL

Tarix: 06-10-2019 09:20     Baxış: 3366 A- / A+
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL

Bu ay dahi rus şairi Sergey Yeseninin 122 yaşı tamam olur. Cəmi 30 il ömür sürən qüdrətli ədəbiyyat xadimi bu qısa müddət ərzində nəinki rus sənət tarixini, bütövlükdə bəşər şeiriyyatını əsrarəngiz yaradıcılığı ilə zənginləşdirməyə nail olub.

Sergey Aleksandroviç Yesenin 1895-ci ildə Ryazan quberniyasının Kuzmino vilayətinin Konstantinovo kəndində dünyaya gəlib. Rus ədədbiyyatında onun adı hər zaman dövrünün böyük şairləri Aleksandr Blok, Valeri Bryusov, Vladimir Mayakovski ilə bir sırada hallanır.

Olduqca sadə, diləyatımlı eyni zamanda kifayət qədər mürəkkəb yaradıcılığı, könülləri oxşayan zəngin lirikası ilə qəlblərə yol tamışdı, Yesenin. O, xalq şairi idi, çeşmələrdən gələn saf suya, ölünü belə dirildən təmiz havaya sahib kənd camaatının əhatəsində, ahılların dilindən süzülən xalq nəğmələrini, nağıllarını dinləyərək böyümüşdü. Çoxşaxəli təxəyyül dünyası, şeiriyyata, xalq yaradıcılığına sonsuz həvəsi də bundan qaynaqlanırdı.

Bugünədək Sergey Yeseninin yaradıcılığı və həyatı haqda kifayət qədər yazılıb, sənədli filmlər çəkilib.

Manevr.az qüdrətli şairin həyatı haqda qaranlıq qalan ən maraqlı faktları təqdim edir:

Şair və pəriləri...

Gənc şair 1913-cü ilin payızında Anna Romanova ilə vətəndaş nikahında yaşamağa başlayır. 1914-cü ildə cütlüyün oğlu Yuri doğulur. Tezliklə Sergey "ayaqlarını zəncirləyən" ailəsindən canını qurtarıb, baş götürüb gedir. Anna Romanova öz xatirələrində yazırdı: "Ölümündən bir neçə gün öncə gəlib mənimlə vidalaşdı, ah çəkərək bildirdi ki, artıq bu dünya ona darlıq edir. Öləcəyini hiss edirdi, "Oğlumuza yaxşı bax amma hər istədiyini də etmə" deyib, evdən çıxdı".

Yeseninin oğlu Yurinin də taleyi çox acı olur. O, 1937-ci ildə İosif Stalinə qarşı hazırlanan süi-qəsddə günahlandırılaraq güllələnir.

1917-ci il iyul ayının 30-u yaraşıqlı şair Zinaida Rayxla rəsmi nikaha daxil olur. 1918-ci ildə Segeylə Zinaidanın Tantyana adlı qızları doğulur. Sergey mavi gozlü mələyini çox sevir, xanımı və qızı ilə çox zaman keçirdərdi. Adətən yaradıcı insanlar daim ehtiyac duyduqları ruh azadlığı ilə yanaşı cəmiyyətin çərçivələrini də qırıb keçməyə can atırlar.

Onlar özlərini hər mənada hürr hiss etmədikcə, sanki, yaradıcılıqlarında bir durğunluq, yeknəsəklik yaşanır. Odur ki, Yesenin bu ailəsindən də qaçır.

Bir neçə ay sonra şair Zinaida və qızına rast gəlir. Xanımının qucağındakı körpəni görüb, heyrətə gəlir. Zinaida ona bildirir ki, bu Yeseninin oğludur, adını da Konstantin qoyub. O qara gözlü körpənin öz oğlu olduğuna inanmayaraq, deyir: "Yeseninlər əsmər olmurlar". Lakin mənbələrə inansaq, o, Tatyana ilə Konstantinin şəkillərini daim özü ilə gəzdirərmiş. Hətta onlara tez-tez pul göndərərmiş. Həmçinin rəsmən boşanandan sonra da bəzən Zinaida ilə gizlində görüşərmiş.

Artıq Reyx ikinci dəfə ailə qurmuşdu. Ölümündən bir müddət əvvəl Sergey onu və uşaqlarını ziyarət edir: "Siz belə küt kitabları yox atanızın şeirlərini oxumalısınız" deyə həm keçmiş xanımına, həm də övladlarına iradını bildirir. Onların son görüşü də savaş və göz yaşı içində sona çatır. Gizli mənbələrin məlumatına əsasən, Zinaida 1937-ci ildə evində vəhşicəsinə qətlə yetirirlir. Reyxin ölümü haqda hələ də səhih məlumat bildirilmir.

1920-ci ildə rus ədəbiyyatının parlaq siması həyatının üçüncü burulğanına tuş gəlir. Qalina Benislavskaya adlı xanımla eşq məcarəsı yaşayır. Bu məhəbbət romanı bir neçə il davam edir. Nəhayət, bir gün Segey Qalinaya onu artıq sevmədiyini bildirir. Qüruru sevdiyi kişinin ayaqları altında dəfələrlə tapdanan Qalina xatirələrində yazırdı: "Bir Tanrı şahiddir ki, onunla olan xatirələrimə arxa çevirib, nə qədər getmək istmişəm. Onun qadını yox, sadəcə dostu olmağa cəhd etmişəm. Lakin gec də olsa anladım ki, aramızda olan tellər qopan deyil".

Yesenin xəstəxanada ölümünü gözləyərkən Qalinanın yanına çağırtdırır. Arzularını puç etmiş məşuqunun oyun qurduğunu düşünən ümidsiz qadın Sergeyi yoluxmaqdan imtina edir. Yeseninin dünyadan köçdüyünü öyrənəndə isə onun məzarına gəlir, odlu silahla özünə atəş açıb, intihar edir. Qəbir daşının üzərində isə, bir qeyd qoyur: "Mən burada intihar edirəm. Bilirəm ki, bununla Yesenin haqda daha çox şaiənin yayılacağına səbəb oluram... Amma sizin düşündükləriniz artıq bizi zərrə qədər maraqlandırmayacaq".

Qalina Benislavskaya Yeseninin məzarları yanbayandır. Özünü sevgi uğrunda qurban verib, eşq zirvəsinə yüksələn bu cəsarətli qadın Sergeylə birgə uyuyur.

Yeseninin ən dəlisov və qalmaqallı qadını isə amerikalı rəqqasə Aysedora Dünkan olub. Onların arasında qısa zaman kəsiyində ehtiraslı məhəbbət baş qaldırır. Cütlük kilsədə evlənib, hər iki soyadı daşıyacaqlarına söz verirlər. Sergey özünü qürurla Dünkan Yesenin adlandırırdı. Aysedora ondan düz 18 yaş böyük idi və ən böyük xəyalı ailə qurub, övlad dünyaya gətirmək idi. Lakin Sergey anlayırdı ki, o, uzun müddətli münasibətlərdən boğulub, sənət eşqini itirə bilər. Dünkan Yesenin münasibətləri sonsuz qalmaqallar, savaşlar həsrət və vüsalla bitirdi.

Yeseninin müəmmalı ölümündən təxminən bir il sonra Dünkan Fransanın Nitsa şəhərində özünü şalı ilə boğaraq intihar edir. Məşhur rəqqasənin son sözləri bu olur: "Əlvida dostlarım, mən şöhrətə doğru gedirəm".

Yeseninin qadınlara olan ehtirası, məhəbbəti bitib-tükənmirdi. O, bir münasibətinə son verib, digərinə qucaq açır və ya eyni anda bir neçə ilham pərisilə görüşürdü. O, qəlbini adi qadınlara əmanət etmirdi. Dövrünün ziyalı xanımları, şairələri ilə eşq macərası yaşayırdı. Yaraşıqlı şair sanki ömrünün 30-cu baharında həyata vida edəcəyindən xəbərdar idi. Odur ki, daim tələsir, bir an belə tənha qalmaq istəmirdi.

1925-cı ildə Yesenin Lev Tolstoyun nəvəsi Sofya Tolstaya ilə tanış olur. O, Sergeydən 5 yaş kiçik idi və damarlarında dahi rus simasının qanı axırdı. Sofya Sergeyin yarım qalan növbəti ümidləri, gerçəkləşməyən xəyalları idi. Xanım Tolstaya zəmanəsinin ziyalı, dünyagörüşlü və qürürlu qadını idi. Sergeydən özünə hörmət və sevgi tələb edirdi. Onun bu cəhətləri Sergeyi tez təngə gətirir və çox keçmir ki, Sofiya ilə də münasibətini bitirir. Sofiya şair haqda xatirələrində onu əyyaş adlandırırdı.

Müəmmalı ölüm

Sergey Yesenin 1925-ci ildə Leninqrad (indiki Sankt-Peterburq) şəhərində yerləşən qonaq evlərinin birində qalmalı olur. Bir neçə gündən sonra otaqda şairin qan içində cansız bədəni tapılır. İlkin versiyalardan biri o idi ki, Yesenin intihar edib. Lakin anası da daxil olmaqla heç kim bunun intihar olduğuna inana bilmirdi. Şairi dünyaya gətirən Tatyana Fyodrovna bütün qəlbi ilə hiss edirdi ki, sevimli övladı öldürülüb. Buna baxmayaraq Yeseninin müəmmalı ölümünün əsl səbəbi hələ də bəlli deyil.

Əlvida Bakı!

Yeseninin Bakıya ilk səfəri 1920-ci ildə baş tutub. Yaradıcılığında əsas yer tutan bir sıra əsərlərinin də məhz Küləklər şəhərində tamamlamağa müəssər olub.

4 ildən sonra Sergey yenidən Bakıya gəlib, bir neçə gün qalır. 1925-ci ildə qatarla Tiflisdən Moskvaya dönərkən yolu Bakıdan keçir. Bu şəhərin vurğunu olan şair 1 gün də olsa doğma məkanda ayaq saxlayır.

Yesenin "Fars motivləri" əsərini də bu illər ərzində Bakıda yazıb, bitirir. Burada "Bakinskiy raboçiy" qəzetinin təşkil etdiyi ədəbi dərnəklərdə iştirak edir, tez-tez Mərdəkan qəsəbəsində baş tutan şairlərin yığıncaqlarına qatılır. Həmin ilin may ayında şair xəstəxanaya yatırılır. Onun xəstəliyinin dəqiq səbəbi naməlum qalsa da, belə bir fərziyyə var ki, hələ 17 yaşında ikən intihara cəhd məqsədilə içdiyi sirkə essensiyası onun ciyərlərini çox zəiflətmişdi. Müalicənin səbəbi də bu olub. Lakin bu, dəqiq fakt deyil. Bir müddət sonra Bakıdan Moskvaya dönən nəzm ustası "Əlvida Bakı" şeirini qələmə alır.

Şairin Bakıya son səfəri Sofya Tolstaya ilə birgə baş tutur. Yesenin Azərbaycanı da, istiqanlı xalqımızı da çox sevirdi. Böyük ədəbi xadim daim bakılıların diqqəti və qayğısı ilə əhatələnirdi. O, çox vaxt milyonçu Murtuza Muxtarovun Mərdəkandakı imarətində qalırdı. Hazırda Dendrari adı ilə fəaliyyət göstərən bu ərazidə Sergey Yeseninin ev muzeyi yerləşir.

"Fars motivləri"

Sergey Yeseninin ən böyük arzusu İranda olmaq idi. Odur ki, dostu Çagin Bakının Xəzər sahillərini, çadralı qadınlarla dolu küçələrini ona gəzdirərək buranın İran olduğuna inandırır. Muxtarovun fəvvarəli, gözəl bağ-bağatlı imarətində qonaq olan şairə tezliklə sirrin üstünü açıb, buranın İran yox, Bakı olduğunu bildirirlər.

Yesenin və Vahid

Yesenin Bakıda olduğu müddətdə onu bir sıra Azərbaycan şairlərilə tanış edirlər. Günlərin bir günü şair çayxanaya gəlir, çayını içib, hesabı ödəmək istəyəndə, xidmətçi bildirir ki, borcu qalmayıb və bir məşhur şairimiz onun hesabını ödəyib. Bu şair ölməz qəzəlxanımız Əliağa Vahid idi. Tezliklə iki qüdrətli ədəbiyyat nümayəndəsi arasında sıx dostluq telləri yaranır. Vahid onu tez-tez şeir məclislərinə aparardı. Sergey Azərbaycan dilində başa düşməsə də, qəzəllərimizin nizamını, çox sevirdi. Bir gün Yesenin Vahidə deyir: "Sənin şeirlərin nə haqdadır?" Vahid belə cavab verir: "Şair nədən yazar, eşq, həyat, ölüm".

Vahidlə birgə müğam məclislərini ziyarət edən Yesenin folklorumuzun şahı olan xalq musiqilərimizə, xüsusən də tarın ifasına vurulmuşdu. O, Bayatı-Şirazı dəfələrlə dinləyər, həzz alardı.

Bakını və bakılıları çox sevən Yesenin küləklər şəhərinə olan dərin sevgisini belə ifadə edirdi: "Bu şəhərdə gəzişərkən, kölgəmi hiss etmirdim".

122 yaşlı eşq şairi haqda bir çox qaranlıq məqamları üzə çıxarsaq da, onun həyatına və yaradıcılığına aid hələ qaranlıq qalan onlarla faktlar, məlumatlar var. publika.az


Manevr.az

Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL
Yeseninin Əliağa Vahidlə Bakı SƏRGÜZƏŞTLƏRİ... - EŞQ MACƏRALARI - ŞƏKİL

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar