Xəbər lenti
Səfərbərlik ELAN EDİLDİ - Hər kəsi orduya göndərəcəklər
Ukraynada davam edən ümumi səfərbərlik prosesi noyabrın 1-dən etibarən yeni meyarlarla həyata keçiriləcək. Ukrayna Silahlı Qüvvələri Baş Qərargahının ehtiyaclarına uyğun təşkil edilən prosesdə namizədlərin yaşı, peşə ixtisası və döyüş təcrübəsi əsas meyarlar olacaq.Ukrayna qanunvericiliyinə əsasən, rəsmi şəkildə möhlət hüququ əldə etmiş vətəndaşlar yenilənmiş səfərbərlik prosesi çərçivəsində məcburi hərbi xidmətə cəlb edilməkdən azad olunacaqlar.
Səfərbərlik çərçivəsində hərbi hissələrin prioritet ehtiyacları məxfilik səbəbindən ictimaiyyətə açıqlanmır. Bununla belə, sahədə tətbiq edilən qaydalar yaş və ixtisas qruplarına uyğun formalaşdırılır.
Tətbiq olunan qaydalara əsasən, 55 yaşdan yuxarı vətəndaşlar əsasən logistika və sürücülük kimi yardımçı bölmələrdə xidmətə cəlb edilirlər. Yaşı 50-dən yuxarı olan şəxslər üçün isə qanunvericilikdə qadağa olmadığı təqdirdə cəbhə xəttində xidmət etmək imkanı qalır.
Bu yaş qrupunda, xüsusilə əvvəllər döyüş təcrübəsi olan şəxslərə, eləcə də mühəndis, həkim və texniki təmir mütəxəssisləri kimi çatışmazlıq hiss edilən peşə sahiblərinə üstünlük verilir.
Qanunvericilik hərbi rütbə və kateqoriyalara uyğun yuxarı yaş hədlərini də müəyyən edir. Əsgərlər, çavuşlar, gizirlər və yüksək rütbəli zabitlər üçün yaş həddi 60, generallar və yüksək səviyyəli komandirlər üçün isə 65 yaşadək müəyyənləşdirilib.
Müəyyən edilmiş yaş həddinə çatan vətəndaşlar səfərbərlik öhdəliyindən tamamilə azad edilirlər.
Hərbi xidmətdən müvəqqəti və ya daimi azad olunmaq istəyən şəxslər isə bu hüquqlarını rəsmi sənədlərlə təsdiqləməlidirlər.
Qanunvericiliyə əsasən, əlilliyi olan şəxslər, əsirlikdən qayıdanlar, aliment borcu olmayan üç və ya daha çox uşaqlı ailələr, eləcə də uşaqlarını təkbaşına böyüdən valideynlər möhlət hüququndan yararlana bilərlər.
Bundan əlavə, əlilliyi olan və ya ağır xəstə yaxınlarına qulluq etmək öhdəliyi daşıyan yeganə sağlam ailə üzvləri, müharibədə birinci dərəcəli yaxınını itirənlər və ya yaxınlarının itkin düşməsi barədə xəbər alanlar da hərbi xidmətə çağırılmırlar.
İlk ali təhsil pilləsində əyani təhsil alan tələbələr, həmçinin təhsil müəssisələrində ən azı dörddə üç ştatla çalışan müəllimlər və akademik heyət üzvləri də azadolma hüququ olan qruplara daxildirlər. musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Əkbər QOŞALI
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar