Lavrov Ukraynada müharibə başlayandan sonra ilk dəfə Almaniyanın xarici işlər naziri ilə görüşüb

Rusiya xarici işlər naziri Sergey Lavrov Almaniyanın xarici işlər naziri İohann Vadeful ilə görüşüb.
Manevr.az xəbər verir ki, görüş BMT Baş Assambleyasının 81-ci sessiyasının yüksək səviyyəli həftəsi çərçivəsində Nyu-Yorkda keçirilib.
Rusiya Xarici İşlər Nazirliyinin sözçüsü Mariya Zaxarovanın sözlərinə görə, görüş Almaniya tərəfinin təşəbbüsü ilə baş tutub.
Rusiya və Almaniya xarici işlər nazirlərinin görüşü 2022-ci ilin yanvarından, yəni Rusiyanın Ukraynaya qarşı genişmiqyaslı müharibəsinin başlamasından əvvəlki dövrdən bəri ilk dəfə keçirilib. Sonuncu dəfə Lavrov 2022-ci il yanvarın 18-də həmin vaxt Almaniyanın xarici işlər naziri olan Annalena Berbokla görüşüb.
Budəfəki görüş 22 dəqiqə davam edib. Görüşün məzmunu ilə bağlı ətraflı məlumat açıqlanmayıb.