Kreml: Putin və Paşinyanın müavininin Astanada ayrıca görüşü planlaşdırılmır

Rusiya Prezidenti Vladimir Putin və Ermənistan Baş nazirinin müavini Mqer Qriqoryan arasında Astanada ayrıca görüş planlaşdırılmır.
Manevr.az xəbər verir ki, bunu Kremlin rəsmi nümayəndəsi Dmitri Peskov bildirib.
Onun sözlərinə görə, əgər istəsələr, Putin və Qriqoryan Avrasiya İqtisadi İttifaqı sammiti çərçivəsində danışa bilərlər.
Peskov qeyd edib ki, Rusiya hələlik Ermənistandan tərəvəzlərinin idxalına qoyulan qadağa ilə bağlı cavab almayıb.
Qeyd edək ki, Rosselxoznadzor 30 may tarixindən etibarən Ermənistandan pomidor, xiyar, bibər, göyərti və çiyələk idxalına qadağa qoyduğunu açıqlayıb. Bundan əvvəl isə Rusiya Ermənistandan bir sıra spirtli içkilərin, habelə “Cermuk” mineral suyunun və güllərin idxalını məhdudlaşdırıb.apa