ABŞ-Ukrayna danışıqları yenə nəticəsiz bitdi

Ukrayna və Amerika nümayəndə heyətləri arasında son iki gündə ABŞ-da keçirilən danışıqlarda heç bir razılaşma əldə olunmayıb, tərəflər iqtisadi məsələləri və təhlükəsizlik zəmanətlərini müzakirə ediblər.
Manevr.az musavat.com-a istinadla xəbər verir ki, bunu  Ukrayna Təhlükəsizlik və Müdafiə Şurasının (NSDC) katibi Rüstəm Umerov Telegram kanalında açıqlayıb.
Onun sözlərinə görə, Davosda keçirilən Dünya İqtisadi Forumunda nümayəndə heyətləri səviyyəsində müzakirələri davam etdirmək niyyətindədirlər: "Biz iqtisadi inkişaf və çiçəklənmə planını, eləcə də Ukrayna üçün təhlükəsizlik zəmanətlərini müzakirə etdik və onların həyata keçirilməsi üçün praktik mexanizmlərə diqqət yetirdik. Davosda məsləhətləşmələrin növbəti mərhələsində komanda səviyyəsində işləməyə davam etmək barədə razılığa gəldik".
Umerov bildirib ki, Floridadakı danışıqlarda Zelenskinin ofisinin rəhbəri Kirill Budanov və hakim Xalq Xidmətçisi Partiyasının parlament fraksiyasının rəhbəri David Araxamiya iştirak edib. Amerika tərəfində ABŞ Prezidentinin xüsusi elçisi Stiven Vitkoff, sahibkar və Amerika liderinin kürəkəni Cared Kuşner, ABŞ Ordu katibi Daniel Driskol və Ağ Evin köməkçisi Coş Qruenbaum var idi.