Ukraynanın Sumı vilayətinin Rusiya ilə sərhəd kəndlərindən mülki əhalinin evakuasiyasına başlanılıb

Ukraynanın Sumı vilayətinin sərhəd kəndlərindən mülki əhalinin evakuasiyasına başlanılıb.
Manevr.az xəbər verir ki, bunu Sumı vilayətinin hərbi administrasiyasının rəhbəri Oleq Qriqorov bildirib.
Sumının Krasnopolsk bölgəsindən əvvəllər evakuasiyadan imtina edən sakinlər təxliyə olunub. Oleq Qriqorov deyib ki, sərhədyanı kəndlərin sakinlərinin evakuasiyası yeganə düzgün seçimdir.
Qeyd edək ki, dekabrın 20-də Rusiya Ordusunun Krasnopolsk rayonunun sərhəddə yerləşən Qrabovsk kəndini nəzarətə götürməsindən sonra 50-yə yaxın yerli sakinin Rusiya apardığı barədə xəbərlər yayılıb. Bu sakinlərin "filtrasiya tədbirləri" üçün Rusiyaya aparıldığı qeyd olunur. Eyni zamanda, jurnalistlər rus hərbi bölmələrinin Vısokiy və Ryasnoye kəndlərinə doğru hərəkət etdiyini və Ryasnoyedə hələ də mülki əhalinin olduğunu bildiriblər. Axşam saatlarında həmin kəndlərdən də evakuasiya başlayıb.apa