İrəvan Moskvaya və Xameneninin müşavirinə “yol göstərdi”

İrəvan “Tramp marşrutu” layihəsində iştirakla bağlı Moskvanın iddialarını rədd edib.
Manevr.az Musavat.com-a istinadla xəbər verir ki, bu barədə Ermənistan parlamentinin vitse-spikeri Ruben Rubinyan bildirib.
Onun sözlərinə görə, bu layihə ilə bağlı Rusiya ilə heç bir müzakirə aparılmır.
Rusiya Xarici İşlər Nazirliyinin “kömək etməyə hazırıq” açıqlamasına o, ironik cavab verib: "Onlar üçün çox şadam".
Rubinyan həmçinin İran Ali Rəhbərinin müşavirinin sözlərindən məsafə saxlayıb və vurğulayıb ki, bu, Tehran mövqeyi deyil. Onun sözlərinə görə, İran XİN layihəni problem yox, imkan kimi qiymətləndirir və İrəvan da məhz bu rəsmi mövqeyə əsaslanır.