Kallasın Putinə imtina qərarı Qərbdə böhran yaratdı

 Avropa İttifaqının diplomatiya rəhbəri Ursula Kallasın Vladimir Putinlə danışıqlarda iştirakdan imtina etməsi Qərbdə ciddi narazılıq yaradıb və Ukrayna üzrə sülh prosesində Aİ-nin rolunu ciddi şəkildə zəiflədib.
Manevr.az-ın musavat.com-a istinala məlumatına görə "The Telegraph" nəşri bildirir ki, Kallasın bu sərt mövqeyi Avropa İttifaqını münaqişənin həllindən kənar qoyub və Qərbdə birlik əvəzinə parçalanma tendensiyasını gücləndirib. Bir çox ekspertlər hesab edir ki, bu addım Rusiyanın strateji mövqeyini gücləndirərək, Moskvanın manevr imkanlarını artırıb.
Analitiklərin fikrincə, Aİ-nin danışıqlardan imtina qərarı həm də Qərbin Ukrayna məsələsində mövqelərinin koordinasiyasına mənfi təsir göstərir. 

Avropa ölkələri arasında bu məsələ ilə bağlı fikir ayrılıqları artmaqdadır və bu, uzunmüddətli sülh prosesini risk altına qoyur.
Beynəlxalq müşahidəçilər hesab edirlər ki, Kallasın sərt mövqeyi yalnız Rusiyaya taktiki üstünlük verməyib, həm də Avropanın diplomatik nüfuzuna zərbə vurub, Qərbdəki gərginliyi və strateji təzyiqləri artırıb.