Xəbər lenti
Anasını 132 bıçaq zərbəsi ilə öldürdü
Krımda 31 yaşlı yerli sakin yaşlı anasını xüsusi amansızlıqla qətlə yetirməkdə ittiham olunur.Təqsirləndirilən şəxs günahını etiraf edib. Cinayət işi üzrə bütün materiallar baxılması üçün Krım Respublikasının Ali Məhkəməsinə göndəriləcək.
Hüquq-mühafizə orqanlarının məlumatına görə, hadisə yanvarın 30-da Simferopol rayonunun Trudovoye kəndində, Şosse küçəsində yerləşən mənzildə baş verib. İstintaqın versiyasına əsasən, təqsirləndirilən şəxs 71 yaşlı anası ilə mübahisə edib.
Münaqişə zamanı o, əvvəlcə qadının üz nahiyəsinə zərbə endirib. Daha sonra servantdakı qatlanan bıçağı götürərək anasına azı 132 bıçaq zərbəsi vurub.
Aldığı ağır xəsarətlər nəticəsində qadının həyatını xilas etmək mümkün olmayıb. Məhkəmə-tibbi ekspertizası zamanı mərhumun baş, boyun, döş qəfəsi və qarın nahiyəsində, eləcə də sağ yuxarı ətrafında dərialtı toxumaların və yumşaq toxumaların zədələnməsi ilə müşayiət olunan çoxsaylı xəsarətlər aşkar edilib.
Hazırda cinayət işi üzrə məhkəmə baxışına hazırlıq işləri davam etdirilir. Təqsirləndirilən şəxsi uzunmüddətli azadlıqdan məhrumetmə cəzası gözləyir. lent.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar