Xəbər lenti
"Göy üzü başımızın üstündən asılmış divar", "Kölgəsindən ötrü darıxan adam" - Cavidin və Aydanın şeiri
Cavid FərzəliMənim hansımız qəddarıq? sualıma, Aydan Abdullayeva kölgəsiz ahları ilə belə bir güzgü tutdu. Bəzən bir sualın cavabı həm də yeni bir fəlsəfə açarı olur...
Söylə, hansımız qəddarıq?
Əlini qana batırmadan ağacların başını kəsən günəşmi,
yoxsa əli qan içində kor bir kölgə?
Göy üzü başımızın üstündən asılmış divar.
Bu divar içində min bir sancıyla işıq təki yanmaqmı,
yoxsa Tanrını qarğıyıb barmaqlarını havadan asmaq?
Yaxşı günün gəlməyəcəyini bilə-bilə
gözlərini bir çağa yuxuda çürütməkmi,
yoxsa səhərin yoluna bir ağac əkib
qaralmış kölgələrin əlindən tutmaq?
İndi de, hansı daha ağır günahdır;
gözləməkdən şəkillərinin ürəyi saralmış pəncərəni uçurmaq,
yoxsa o pəncərədən boy atıb
həsrətlə ağlayana göz yummaq?
De, hansı sabah daha parlaqdır–
qaranlığın sərxoşluğu olan sübh,
yoxsa səhərin ürəyinə qatılan zəhər?..
Aydan AbdullayevaGünəşdən ötrü darıxan adam
Kor sabahlar böyüdür gözlərində...
Əli əsalı sabah...
Əlləri əsir sabahın...
Gecənin qucağında yenə dil açıb kiminsə günahı!
Yenə günahından boy atır kimsə...
Evindən ötrü darıxan adam
Baxır öz üzünün kölgəsində uçan quşlara!
Baxır ayaq açıb ürəyindən qaçan qışlara...
Nə deyir evlər günəşin üzündəki o səhər qırışlara?!
Kölgəsindən ötrü darıxan adam
Nə bilsin ki çəkdiyi ahın da kölgəsi yoxdu?
Üzündə göy üzü bitən günahın da!
Qapqara yağışlar da, sənin taleyin!
Qorumur günəşin uşaq vaxtını!
Sabahından yıxılır taleyin...
Qurudu budaqları şəklinin!
Əsdi küləkləri günahının üzünə...
Heç taleyin də baxmırsa üzünə,
Güzgülərdən küsmə!
Güzgülər göy üzü deyil axı,
sinəsində sənə sabah böyüdə...
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Emil Rasimoğlu
İlqar İlkin
Emil Rasimoğlu
Emil Rasimoğlu
Sorğu
Portalımızı dəyərləndirin.
Çox oxunanlar