_99.jpg)
Xəbər lenti
Türkiyədə batan gəmidə olan azərbaycanlıların kimliyi bilindi - YENİLƏNİB
Türkiyənin Samsun bölgəsində azərbaycanlıların da olduğu gəminin qəzaya uğraması nəticəsində ölənlərin sayı altı nəfərə çatıb.
Oxu.az Türkiyə KİV-ə istinadən xəbər verir ki, bununla bağlı Samsun valisi Osman Kaymak məlumat verib.
O qeyd edib ki, hadisə zamanı xilas edilən yeddi nəfərdən dördünün yaxınlıqdakı xəstəxanalarda müalicəsi davam etdirilir.
Xilas edilənlər arasında azərbaycanlıların olub-olmaması ilə bağlı məlumat yoxdur.
15:41
Samsunda batan Panama bayrağı altında üzən gəmi ilə bağlı yeni məlumatlar üzə çıxıb.
Oxu.Az xəbər verir ki, 1978-ci ildə inşa edilən 113 metrlik "Volgo Balt 214" adlı gəmi kömür ilə yüklü olub və hadisə zamanı iki yerə bölünüb.
Bundan başqa, gəmidə olan 13 nəfərin şəxsiyyəti məlum olub. Onlardan ikisi azərbaycanlıdır.
Bunlar 1972-ci il təvəllüdlü gəmi kapitanı İsmayılov Turbat və 1978-ci il təvəllüdlü kapitan köməkçisi İbrahimov Məmmədəlidir.
14:38
Türkiyənin Samsun bölgəsində batan gəmidən yeddi nəfər xilas edilib.
Oxu.Az Türkiyə KİV-ə istinadən xəbər verir ki, onlardan dördü xəstəxanaya yerləşdirilib.
İki nəfərin öldüyü qəzada göyərtədə olan iki nəfərin axtarışları davam edir.
14:25
Türkiyənin Samsun bölgəsindən 130 kilometr uzaqlıqda Panama bayrağı ilə üzən gəmi batıb.
Oxu.Az "CNN Türk"ə istinadən xəbər verir ki, Türkiyə Sahil Mühafizəsi Xidmətinin əməkdaşları helikopterlər vasitəsilə altı nəfəri xilas edib, iki nəfərin isə cəsədini aşkar edib.
Məlumatlara görə, gəmidə doqquzu Ukrayna, ikisi Azərbaycan və ikisi Rusiya vətəndaşı olmaqla, 13 nəfər olub. Onların xilas edilməsi prosesi davam edir.
Hadisənin səbəbləri məlum deyil. Xilasetmə işlərinə bir təyyarə, dörd helikopter, bir gəmi və iki qayıq cəlb edilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar