Rusiya MN: Ukrayna Donetskdə xəstəxanaya PUA-larla zərbə endirib, 8 tibb işçisi ölüb

Ukrayna ordusu Rusiyanın nəzarətində olan Donetsk vilayətinin tibb müəssisəsinə PUA-larla zərbə endirib.
Manevr.az-ın məlumatına görə, bu barədə Rusiya Müdafiə Nazirliyi məlumat yayıb.
Bildirilib ki, PUA hücumu nəticəsində səkkiz tibb işçisi ölüb, 10 nəfər yaralanıb.
"10 mart tarixində, Moskva vaxtı ilə təxminən saat 3:40-da Ukrayna "Donetsk Xalq Respublikası"ndakı stasionar tibb müəssisəsinə PUA-dan istifadə edərək zərbə endirib. Zərbə zamanı müəssisədə 130-dan çox xəstə və təxminən 50 tibb işçisi olub. Hücum nəticəsində səkkiz tibb işçisi ölüb. Doqquz tibb işçisi də daxil olmaqla daha on nəfər müxtəlif dərəcədə yaralanıb", Rusiya MN-in məlumatında qeyd olunub.