Azərbaycanın sərnişin təyyarəsi Rusiya səmasında vurulduqdan sonra rəsmi Bakı etik davranaraq vəziyyəti eskalasiya etməməyə çalışıb. Azərbaycan Prezidenti bu məsələ ilə bağlı mediaya müsahibə verərək ədalətli istintaqın aparılmasının, günahkarların cəzalandırılmasının və zərərçəkənlərə kompensasiya ödənilməsinin vacibliyini vurğulayıb. Lakin Rusiya tərəfi məsələni obyektiv araşdırmaq əvəzinə, məsuliyyəti yayındırmağa və Azərbaycanı günahkar çıxarmağa çalışır.
Hazırda pilot danışıqlarının yayılması kimi manevrlərlə diqqət əsas məsələdən yayındırılır. Təyyarənin idarəetməni itirməsindən sonra hansı hava limanına enmə qərarının qəbul edilməsindən çox, onun vurulması faktı araşdırılmalıdır. Təyyarənin korpusunda və sərnişinlərin bədənində hava müdafiə sisteminin qəlpələrinin aşkar edilməsi ilə bağlı suallar cavabsız qaldığı halda, diqqəti başqa istiqamətə yönləndirmək cəhdləri davam edir.
Azərbaycan tərəfi etik məsələlərə hər zaman önəm verib, nə medianın, nə ekspertlərin, nə də sosial media istifadəçilərinin həddi aşan ritorikadan istifadə etdiyi müşahidə olunub. Buna baxmayaraq, Rusiyadan gələn təhqir və ucuz propaqanda kampaniyaları Azərbaycan ictimaiyyətində ciddi narazılıq doğurur. Bu davranışlar nə Azərbaycan ictimaiyyətində, nə də beynəlxalq səviyyədə qəbul edilə bilər.
Son dövrlər Rusiyanın bəzi media qurumlarının və ictimai fiqurlarının Azərbaycana və xalqımıza qarşı təhqiredici ritorika sərgiləməsinin şahidi oluruq. Ukrayna ilə müharibə kontekstində Rusiyada bu cür davranışların təsadüfi olmadığı, əksinə, hakimiyyət dairələrinin nəzarətində baş verdiyi şübhə doğurmur. Əgər belə olmasaydı, bu kimi çıxışlara qarşı dərhal ölçü götürülərdi. Lakin reallıq belə deyil.
Son dövrlərdə Federal Təhlükəsizlik Xidməti (FTX) tərəfindən idarə edildiyi ehtimal olunan bu kampaniyada, müxtəlif vasitələrlə Azərbaycan hədəf alınır. Bəzən neonasistlərin dili ilə hədələr səsləndirilir, bəzən isə "Komsomolskaya Pravda" kimi platformalarda uydurma və sifarişli məqalələr yayımlanır. Bu addımlar yalnız gülünc vəziyyət yaradır və Rusiyanın azsaylı dostlarını da itirməkdə maraqlı olduğunu göstərir.
Bu təhqir kampaniyası Azərbaycan-Rusiya münasibətlərində qarşılıqlı etimadı ciddi şəkildə zədələyir. Rusiyanın bir tərəfdən özünü beynəlxalq hüququn müdafiəçisi kimi təqdim etməsi, digər tərəfdən isə qonşu dövlətə qarşı belə ritorika sərgiləməsi böyük təzad təşkil edir.
Azərbaycan cəmiyyətində belə yanaşmanın səbəbləri və məqsədləri barədə müxtəlif fikirlər mövcuddur. Bəzi ekspertlər bunun məqsədli şəkildə regional gərginliyi artırmaq üçün həyata keçirildiyini vurğulayır. Digərləri isə bunu Rusiya daxilində ictimai rəyi manipulyasiya etməyə yönəlmiş bir addım kimi qiymətləndirir.
Azərbaycan xalqı və ictimaiyyəti Rusiyanın məsuliyyətli davranış sərgiləyəcəyinə, ədalətli istintaq apararaq cinayətkarları cəzalandıracağına və zərərçəkənlərə kompensasiya ödənəcəyinə ümid edir. Bu, yalnız iki dövlət arasındakı dostluq münasibətlərinin qorunması üçün deyil, həm də beynəlxalq hüquq və ədalət prinsiplərinə uyğunluq baxımından vacibdir.milli.az
Xəbər lenti
Axtarış
Reklam
Ədəbiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar