Xəbər lenti
Türkiyə-Azərbaycan gərginliyini kim yaradır? - Video
Manevr.az xəbər verir ki, Sabir Rüstəmxanlı bu dəfə Azərbaycan-Türkiyə münasibətlərinə soyuqluq gətirmək istəyən qüvvələrin niyyətindən danışıb.
Xalq şairi oktyabrın 15-16-da Türkiyənin Kayseri şəhərində keçirilən Türk Dünyası Şair və Yazarlarının II görüşündə iştirakından söz açıb. O, 1990-cı ilin Qanlı Yanvar hadisələrindən sonra Azərbaycana ilk dəstək verən şəhərin Kayseri olduğunu xatırladıb.
"Həmin ilin payızında Avropaya səfərim zamanı mənə o dövrə aid videolentlər təqdim etdilər. Mən gördüm ki, Qanlı Yanvardan sonra bizim səsimizə ilk səs verən Kayseri olub. Orada insanlar küçələrə çıxaraq Azərbaycanı dəstəkləyən möhtəşəm yürüş keçiriblər. Bu görüntülər sonradan Türkiyəyə yayılıb. Ardınca İğdırda, daha sonra Brüsseldə, Berlində, Frankfurtda və başqa şəhərlərdə Azərbaycana dəstək aksiyaları təşkil olunub. Canımızın yandığı bir vaxtda Kayseri bizə hay vermişdi. Türkiyə bütövlükdə hər zaman yanımızda olub, amma həmin səslər içində Kayseri birinci idi”, - deyə Xalq şairi bildirib.
O, görüş zamanı türklərin azərbaycanlılara münasibətində heç bir dəyişiklik olmadığını gördüyünü də vurğulayıb. Sabir Rüstəmxanlı, həmçinin öz təşəbbüsü ilə hazırlanan bəyanatın tədbir iştirakçıları tərəfindən yekdilliklə qəbul edildiyini deyib. O bildirib ki, sənəd Türk dünyasının şair və yazarları tərəfindən böyük həssaslıqla qarşılanıb. Bəyanatda Azərbaycan-Türkiyə münasibətlərinin yalnız iki ölkə üçün deyil, bütün Türk dünyası üçün əhəmiyyəti vurğulanıb.
Xalq şairi Azərbaycan-Türkiyə münasibətlərinə soyuqluq gətirmək istəyənlərin əsl məqsədinin Türk birliyini pozmaq və Türk dövlətləri təşkilatlarını zəiflətmək olduğunu bildirib.
"Azərbaycan-Türkiyə münasibətləri pozulan deyil. Amma düşmən öz işini görməkdədir və bunu açıq-aşkar hiss edirik. Ən yüksək səviyyədə məsələlərə aydınlıq gətirmək istəyənlər olsa da, aşağıda yenə "şeytan qazanı" qaynatmaq istəyənlər var", - deyə S.Rüstəmxanlı qeyd edib.
Daha ətraflı videomaterialda:
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Əkbər QOŞALI
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar