Xəbər lenti
Cavid Fərzəlinin "Kağız vətən"i
Cavid Fərzəli***
Bir kağız vətənə qarışdım,
Üsyan möhürü damğalayır barmaqlarımı.
Əskinaslar ciblərimin boğazını kəsir!
Səngəri vətən borcuyla doldurur ayaqlarımız.
Küçələr xəyanət doğur şərlənmiş hökm kağızında.
Kağız məzarlığısan,
Taleyin dizini bükür ölüm şöhrətin.
Bir gün tacir olarsan, brilyant sərhədləri satarsan,
Göy üzünə sahiblənmək üçün sevərsən vətən boyunu.
Neyləyim ki,
Yetimlər evinə atılan uşaqlar ana demir sənə?
Bir tikə çörəyi tiryək kimi yedizdirərsən atılmış dalanlara, acgöz küçələrə.
Kor pəncərələr ağladıqca
Göz yaşımı zibilliyə atıram!
Elə bilmə, səndən ötrü həsrət quruyub fəryad çiçəkləri.
Kölə heykəllərə boyun əyir yaralı kölgələr,
Əllərini lal dəyənəyə boyayır bu şəhər.
Ürəyi daşlaşıb iki gözüm arasında vətən hərflərin.
Səndən ötrü kül aynalara nəğmə oxumaq, dilsiz yağışların dilini kəsir.
Təmtəraqlı payızın köynəyində,
Yarpaq ləkəsisən.
Gecələrin qollarında,
Qaranlığa böhtan yaxır ay işığı.
Bir səhər küçələr yalandanmı ana deyirmiş sənə?
Azadlığı əlindən alınmış sularda,
Oyuncaq gəmilər küçə uşaqlarının arzularını boğur.
Ayaqqabılarından doğma ola bilmədim qapına...
Kağızdakı vətənə yad baxıram,
Çatacağam bir körpə səsinə,
Gözlərimdə ümid nüvəsi yaşayır!
Yaddaşı göyərən divarlar, narıncı küləklər
Hələ də səni ipək əsarətindən xilas etməyə can atır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar