Xəbər lenti
"Məxməri ayrılıqlar məktubların qanını içir" - Cavid Fərzəlinin AYDANa yazdığı şeiri
Aydan AbdullayevayaSən bir mərcan daşısan.
Sapsarı tənhalığa bürünürsən,
Dəniz sənə bənzər bir sahil doğur
Küçələrin gözlərində.
Əllərin narıncı sabahlar böyüdür,
Sənsə, balaca bir ay işığının içində yaşayırsan.
Gümüşü gecənin boynundan asılırsan,
Gözlərin uzaqların ipindən yapışır uşaq kimi.
Gecənin qucağını yırğalayır yorğun qaranlıqlar.
Divarların ürəyində həsrətin rəsmləri düzülür,
Kölgənə sığınan quşlar qanadlarını qoparır,
Məxməri ayrılıqlar məktubların qanını içir,
Hər səhər günəş qırışdırır zamanın üzünü,
Göy üzü həbsxanadır mərcan buludlara,
Qapqara kitablar taleyini bıçaqlayır...
Payızın dağılmış evində
Xatirələr it sümüyüdür
Gəmirir pəncərələrin gözlərini.
Şəklinin quruyan budaqlarına bahar gəlməz daha!
Tanrı da taleyin tərəfində olur.
Sularla barışır yelkənli sabahlar,
Dalğaların beli bükülür qarşında.
Küsmə qəddar güzgülərdən...
Güzgülər daşların ovuclarında suların yaddaşıdır.
Cavid Fərzəli
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar