Xəbər lenti
"Çiyinlərindən boylanan günəş qumsalda kölgə dilənir" - Cavid Fərzəlinin Əlisəmid Kürə ŞEİRİ
***
Əlisəmid Kürə
Kim baxacaq köhnə divar saatına?
Addımları topuqlayıbdı zamanın.
Əqrəbləri pəltəkdir divar saatının.
Kentavrı çapdıq şəhərdə,
Adını bükdük kor heykəllərə.
Ömrünün küncünə qısılan
Ovuc-ovuc qırmızı buludlar
Əllərinin qarğışıymış.
Billur külqabıda
Barmaqları intihar edir şəkillərinin.
Çiyinlərindən boylanan günəş qumsalda kölgə dilənir.
Ovucları yanmış küçələrdə
Dilənçi şəhər üzünə durur sənin.
Cibində gəzdirdiyin bıçaq
Payızın qanını tökür daha.
Yuxusunu unutduğun gecələr
Gözlərini bələyir hər sabaha!
Kitablar rəfdə kiriyər,
Sətirlər özünü asar gözlərimizdən;
Vərəqlərin ürəyində daşa dönən
Gözünün qəhəri dirilmədi.
Taleyin üzünə
Uşaq boylu yağışlar yağarmış.
Qocaların beli
Ölümün qulağına pıçıldamaq üçün əyilirmiş.
Üzün soyudu şüşə kimi.
Ölümün mürəkkəbi daşdı kağızdan.
Divarda yarıcan
Saatın kəfkiri buza döndü.
Cavid Fərzəli
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar