Xəbər lenti
"Hələ də gözümdə həsrət gəzirəm..." - Gülnarə Nağıyeva
Gülnarə NağıyevaXƏZƏR
Yenə də coşğunsan, dalğalısan,
Mavi Xəzərim.
Yenidən səni görməyə gəldim,
Qoxunu içimə çəkməyə gəldim.
Bu nə gözəllik?
Gözoxşayan xoş mənzərə,
Qağayılar da seyrinə gəlmiş,
İnsanları heyran etmiş.
Bəzən səssizsən, bəzən coşqun,
Bəzən mavisən, bəzən gömgöy.
Dərindən də dərinsən.
Rəngin də, tərzin də mənə bənzəyir.
Qoynunda yatır min illərin sirri, sehri, möcuzəsi.
Səni seyr edəni ovsunlayırsan dərin.
Sən Bakının mavi rəngli örpəyisən,
İnsanların sevinc yeri, dərd yerisən.
Günəş salamlayır hər səhər səni
Gecələr qoynuna çəkilir geri.
RUHDAN RUHA
Yenə pərvazlanır şair ürəyim,
Ruhum ruhunun yanına gəlir.
Bəlkə də duyursan çırpınışımı,
Ruhumun ruhuna susadığını.
Hələ də gözümdə həsrət gəzirəm,
Qəlbimdə qüssədən hasar hörürəm,
Qəmli nəğmələrdə səni gəzirəm,
İllərdi qəlbimi belə üzürəm.
Bəlkə də bir ömrü boşa xərclədim,
Bahar gəncliyimi qışa xərclədim,
Artıq puç ömrümün sonuna gəldim.
Bütün təlaşımı, əzablarımı,
Ovcumun içinə yığib gəlirəm.
Mən bu kainatdan əbədi qopub,
Öz sevgi dünyama -Sənə gəlirəm.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Emil Rasimoğlu
İlqar İlkin
Emil Rasimoğlu
Emil Rasimoğlu
Sorğu
Portalımızı dəyərləndirin.
Çox oxunanlar