Xəbər lenti
"Hamı öz yuvasında, yurdunda yabançıdı, gülüşlər, qəhqəhələr, sevgilər yalançıdı" - ŞEİR
***
Bu qaranlıq da çıxar
Bir gün işığa, səbr et.
Sıx dişini bir az da,
Bir az da daha səbr et.
Səbr et atam, qardaşım,
Anam, bacım, səbr elə.
Kədərim, dərdim, qəmim,
Ağrım, acım, səbr elə.
Bələn torpağa, səbr et,
Bürün bayrağa, səbr et.
Sal səsini içinə
Oyanmasın yatanlar.
İndi yaman çoxalıb,
Qoçular, şarlatanlar.
Gözümüz görə-görə
Cibimizə girirlər,
Evimizə girirlər.
Günü gündən çoxalır
Mədəni dilənçilər,
Kəfillər, sələmçilər.
Bu gözəlim Vətəni
Manat-manat yeyirlər,
Alqış-alqış udurlar,
Sığal-sığal ovudub,
Medal-medal satırlar.
Yalandan gəlib keçir
Adamların ruzusu.
Hər gün təzə ixtira,
Hər gün ölüm qorxusu.
Hamı öz yuvasında,
Yurdunda yabançıdı.
Gülüşlər, qəhqəhələr,
Sevgilər yalançıdı.
Gedənlər nə bilir ki,
Nə çəkir qalan indi.
Nə bilir nə çəkirsən,
Nə çəkir balan indi?
Bu günü də yola ver,
Sabaha nə qalıb ki?
Tut haqqın ətəyindən,
Bir də gördün səhərdi,
Hər tərəf işıq saçır,
Azadlıqdı, bir də sən,
Üstünə nur tökülür
Günəşin köynəyindən..
Ah, nə gözəl xəbərdi.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Emil Rasimoğlu
İlqar İlkin
Emil Rasimoğlu
Emil Rasimoğlu
Sorğu
Portalımızı dəyərləndirin.
Çox oxunanlar