_99.jpg)
Xəbər lenti
Separatçılar Sərsəng anbarından yeni kanal çəkəcəklər... –İşin içində Avropa ölkələri də var
Dağlıq Qarabağı və ətraf əraziləri işğal etmiş erməni terrorçu-separatçıları torpaqlarımızda qnunsuz məskunlaşma və tikinti-quruculuq işləri aparma siyasətini israrla davam etdirirlər.
İşğalçılar bu dəfə Avropadan investisiyanın cəlb edilməsi yoluyla, Sərsəngin yeni sağ sahil kanalını tikməyə hazırlaşırlar.
Bir neçə il ərzində tikilib təhvil verilməsi planlaşdırılan bu kanal vasitəsi ilə su anbarından suyu öz axını ilə axıtmaq və işğal altındakı Ağdərə rayonunun tarlalarını suvarmaq məqsədi güdülür. Layihədə rayon ərazisində 3 yeni su anbarının tikilməsi də planlaşdırılır.
Onu da qeyd edək ki, erməni mediası bu məlumatı separatçı rejimin “prezidentinin müşaviri”, “xüsusi işlər üzrə nümayəndəsi” kimi təqdim etdikləri Araik Arutyunyana istinadla yayıblar.
Arutyunyan özünün “facebook” səhifəsində vurğulayıb ki, bu investisiya layihəsi onun Avropa ölkələrinə olan səfərinin məhsuludur və bu layihə Qarabağda suvarılan torpaqların sahəsini ikiqat artırmağa imkan verəcək.
Araik Arutyunyan onu da yazıb ki, layihə çərçivəsində tikiləcək yeni SES-lər gələcəkdə elektrik enerjisini ixrac etməyə də imkan verəcək: “İnvestorlar göstərilən yerlərdə bağçılığın inkişafında da iştirak edəcəklər. Onların nümayəndələri Arsaxdadırlar (Dağlıq Qarabağda-red.) və bu böyük layihənin həyata keçirilməsi müddətlərini və texniki məsələlərini müzakirə edirlər”.
Qeyd edək ki, Arutyunyan separatçı rejimlə anlaşan Avropa ölkəsinin və şirkətinin adını hələ açıqlamayıb. Sadəcə, bildirib ki, “digər xoş yeniliklər haqqında” sonra məlumat verəcək.
Azərbaycan Xarici İşlər Nazirliyi isə hələ məsələyə mövqeyini açıqlamayıb./strateq.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar