_99.jpg)
Xəbər lenti
Eks-deputatın oğlundan şok açıqlama: “Atam öləndən sonra Adnan Oktar anamı…”
İyulun 11-də Türkiyədə bir sıra cinayətlərdə ittiham edilərək həbs olunan Adnan Oktarın daha bir dəhşətli əməli üzə çıxıb.
Məlumata görə, deputatın 30 yaşlı oğlu Erdem Ertüzün Oktar qruplaşması ilə əlaqəyə görə bir müddət öncə saxlanılıb. Qardaşı kimi bir vaxtlar təşkilatla əlbir olan 33 yaşlı Emre Ertüzün isə İstanbul polisinə gedərək ailəsinin başına gətirilənləri danışıb.
O, atası 1998-ci ildə dünyasını dəyişəndən sonra anasının yalançı din xadiminin adamları olan dayısı və xalalarının təkidi ilə təşkilata qoşulduğunu açıqlayıb.
“Fırıldaqçı təşkilat öncə atamdan anama qalan daşınmaz əmlaklardan istifadə etməyə başladı. Beykozdakı villa və Bağdad Caddəsindəki evimiz təşkilatın evi olaraq istifadə edildi. Kadıköydəki evimizə 1999-cu ildə cinayət şöbəsi tərəfindən basqın təşkil edildi. Evdə olan təşkilatın adamları saxlanıldı və təşkilata məxsus pullar götürüldü. Daha sonra Adnan Oktar anama 2 lüks avtomobil aldırtdı. Bunlardan biri quruplaşmaya verildi.
Adnan Oktar 2000-ci ildə həbsxanadan çıxandan sonra atamdan qalan daşınmaz əmlakların satışı prosesi daha da sürətləndirildi.
Mənə və bacıma miras qalan yüklü miqdarda valyuta, təxminən 1 milyon TL dəyərində hissə sənədi, atamın avtomobili və Bakırköydəki bina bizim 18 yaşımız olmadan Oktarın əmriylə anam tərəfindən satılaraq əldə edilən gəlir təşkilata verildi. Eləcə də dövlət tərəfindən atamın millət vəkilliyinə görə bizə ayrılan yetim və dul maaşı bilavasitə qruplaşmaya həvalə edildi.
O mənə “Atanda nə mal-mülk varmış. Ye-ye bitmədi” demişdi.
Adnan Oktarın Kandillidəki villasına aparılaraq orada xidmətçi işlərini görməyə məcbur edildim. Tez-tez hücuma və psixoloji işgəncəyə məruz qalırdım. Bir çox ərzaqları yeməyimiz Adnan Oktar tərəfindən qadağa edildiyindən düzgün qidalanmadığıma görə səhhətimdə ciddi problemlər yarandı. İstanbul Universitetinə daxil oldum, təhsil almağıma mane oldu. O, həmçinin əsgərliyə getməyimin də qarşısını aldı”, – deyə keçmiş deputatın oğlu bildirib.(Qafqazinfo)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Media
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar