Xəbər lenti
Rusiya Xarici İşlər Nazirliyi Yaponiyaya tələb irəli sürüb
Moskva sentyabrın 3-də təqdim etdiyi etiraz notasında Tokiodan ABŞ-ın quru bazalı "Typhon" raket sistemlərinin yerləşdirilməsini dayandırmağı və onları Yaponiya ərazisindən çıxarmağı tələb edib. Manevr.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarovanın nazirliyin rəsmi saytında dərc olunan açıqlamasında bildirilib.
Bəyanatda qeyd olunub ki, Yaponiyanın sözügedən sistemləri yerləşdirilmə müddətindən və ya üsulundan asılı olmayaraq, hər hansı bəhanə ilə öz ərazisində yerləşdirməsinin yolverilməzliyi xüsusi vurğulanıb.
Bundan əlavə, Moskva Tokionun İkinci Dünya Müharibəsinin nəticələrini – o cümlədən Cənubi Kuril adaları ilə bağlı ərazi məsələlərini – tanımasının və yenidən silahlanma kursundan imtina etməsinin zəruriliyini qeyd edib.
Bəyanatda həmçinin qeyd olunur ki, sentyabrın 16-da Rusiyanın xarici işlər nazirinin müavini Aleksey Rudenko Yaponiyanın Moskvadakı səfiri Akira Muto ilə görüşdə Tokionu Rusiya notasının məzmununa son dərəcə ciddi yanaşmağa çağırıb.
Daha əvvəl Rusiya Prezidenti Vladimir Putinin köməkçisi Yuri Uşakov Yaponiyanın Kuril adaları ərazisi ilə bağlı BMT-nin yeni dünya xəritəsini dəyişdirmək tələbini cəfəngiyat adlandıraraq rədd etmişdi.
Sevinc
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Əkbər QOŞALI
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar