Xəbər lenti
40 min kvadratlıq kompleks, 10 hektar torpaq – Milyardlıq sərvəti üzə çıxdı
Sankt-Peterburqu Federasiya Şurasında təmsil edən senator Andrey Kutepovun şəhərin hava limanına gedən yol üzərində yerləşən nəhəng daşınmaz əmlak kompleksinə sahib olduğu iddia edilir.Bu barədə VÇK-OGPU və Rucriminal.info mənbələri məlumat yayıb.
Söhbət Pulkovo şosesi, 43 ünvanında yerləşən iki böyük binadan gedir. Mənbənin məlumatına görə, kompleksin ümumi sahəsi təxminən 40 min kvadratmetr, ətrafındakı torpaq sahəsi isə 10 hektardır.
Araşdırma müəllifləri bu əmlakın senator Andrey Kutepova məxsus olduğunu və onun kompleksi bir neçə milyard rubla əldə etdiyini iddia edirlər.
Kutepov son beş ildə Sankt-Peterburqu Federasiya Şurasında təmsil edib və əsasən iqtisadi inkişaf, regional layihələrin dəstəklənməsi və sosial siyasət məsələləri ilə məşğul olub.
O, ictimaiyyət arasında daha çox bəzi mübahisəli qanunvericilik təşəbbüsləri ilə yadda qalıb. Bunlardan biri sağ sükanlı avtomobillərin istifadəsinin məhdudlaşdırılması ilə bağlı təklif olub.
Mənbə Kutepovun dövlət xidmətində olduğu illər ərzində maddi imkanlarını ciddi şəkildə artırdığını və nəticədə “milyarder senator” səviyyəsinə çatdığını iddia edir.
Sentyabrda Sankt-Peterburq Qanunvericilik Məclisinə keçiriləcək seçkilər isə Kutepov üçün ayrıca əhəmiyyət daşıyır. Senator Federasiya Şurasındakı yerini qorumağa çalışır.
VÇK-OGPU və Rucriminal.info mənbələrinin məlumatına görə, şəhərdə senator postu uğrunda müxtəlif siyasi və biznes qrupları arasında ciddi mübarizə gedir və Kutepovun mövqeyi əvvəlki qədər möhkəm deyil.
Mənbə iddia edir ki, bu səbəbdən senator ehtiyat variant üzərində də işləyir.
Bildirilir ki, Federasiya Şurasının sədri Valentina Matviyenkonun dəstəyinə arxalanan Kutepov Sankt-Peterburq Qanunvericilik Məclisinin hazırkı sədri Aleksandr Belskinin yerinə keçmək imkanını nəzərdən keçirir.
Maraqlıdır ki, mənbənin iddiasına görə, Belskinin özünün bu planlardan xəbəri yoxdur.
Beləliklə, sentyabr seçkiləri ərəfəsində Sankt-Peterburqda təkcə deputat mandatları deyil, Federasiya Şurasındakı təmsilçilik və şəhər parlamentinin rəhbərliyi uğrunda da ciddi pərdəarxası mübarizə getdiyi bildirilir.
Seçki prosesinin növbəti mərhələsində Kutepov Mərkəzi Seçki Komissiyasına gəlirləri və əmlakı barədə məlumat təqdim etməli olacaq. Mənbələr senatorun açıqlayacağı deklarasiyanın onun faktiki sərvəti ilə bağlı müzakirələri daha da gücləndirə biləcəyini qeyd edirlər. musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar