Rusiya generalları Putinin tələbini yerinə yetirmədilər

Manevr.az xəbər verir ki, Müharibə Araşdırmaları İnstitutu (ISW) Qərb kəşfiyyat məlumatlarına və Ukraynanın Baş Kəşfiyyat İdarəsinə istinadən məlumat yayıb. 
“Reuters”in məlumatına görə, 2025-ci ilin avqust ayında ordu komandanlığı Putinə Ukrayna cəbhəsinin oktyabr-noyabr aylarına qədər dağılacağına və Donetsk bölgəsinin müharibənin dördüncü ilinin ortalarına qədər tamamilə ələ keçiriləcəyinə söz verib.
“Financial Times”in yazdığınagörə, 2026-cı ilin yazında son tarix bu ilin payızına təxirə salınıb. “Bloomberg” isə yazıb ki, yayda hərbçilər Donbasın qışa qədər tamamilə Rusiyanın nəzarəti altına keçəcəyinə söz veriblər. 
Lakin, ISW-nin hesablamalarına görə, Rusiya ordusu hazırda Donetsk vilayətinin ərazisinin yalnız 79,89%-nə (21.170 kvadrat kilometr) nəzarət edir. ISW analitikləri hesab edirlər ki, Kremlin hərbi məqsədləri "reallıqdan uzaq qalmaqda davam edir". Keçən il Rusiya ordusu Ukrayna ərazisinin yalnız 0,8%-ni, 2024-cü ilə qədər isə yalnız 0,6%-ni ələ keçirə bilib. Bundan əlavə, müəyyən ərazilərdə Rusiyanın irəliləmə sürəti 100 ildən çox davam edən müasir müharibədə yeni rekordlar qırıb. Yəni bu da gündə 15-70 metr irəliləmək deməkdir.
ISW yazıb ki, hücumun hazırkı tempini nəzərə alınsa, o zaman Rusiya qoşunları 2026-cı ilin sonunadək Donbası ələ keçirə bilməyəcək və bəlkə də heç vaxt. Müdafiə Nazirliyinə yaxın mənbələr “Bloomberg”ə bildiriblər ki, Baş Qərargahın bəzi hərbi qulluqçuları da Putinin məqsədlərini qeyri-real hesab edir və Donbas uğrunda müharibənin 2027-ci ilə qədər davam edəcəyinə inanırlar.ölkə.az