ABŞ İranın da süqut edəcəyini düşünürdü - Pezeşkian

Manevr.az xəbər verir ki, bunu İran Prezidenti Məsud Pezeşkian deyib.
"Rəqib İranın da Venesuela kimi süqut edəcəyini düşünürdü. Lakin bu baş vermədi. Əksinə, İranın gücü, müqaviməti, birliyi və həmrəyliyi bütün dünyanı heyrətləndirdi", - deyə Pezeşkian bildirib.
İran Prezidenti əlavə edib ki, ölkə ABŞ tərəfindən tətbiq edilən "ən ağır sanksiyalara" baxmayaraq, müqavimətini davam etdirəcək.
Qeyd edək ki, ABŞ Prezidenti Donald Tramp daha əvvəl İranla bağlı genişmiqyaslı "iqtisadi müharibə və təcrid" siyasətinin başladığını açıqlayıb. O, həmçinin Tehrana dəstək verən ölkələrin maliyyə qurumları, şirkətləri, hava limanları və dövlət strukturlarının ABŞ tərəfindən ciddi iqtisadi nəticələrlə üzləşəcəyini bildirib.