Xəbər lenti
Hindistanda naməlum xəstəliyə görə 16 yaşlı yeniyetmə beş ildir gölməçədə yaşayır
Hindistanın Qərbi Benqal ştatının Mürşüdabad şəhərindən olan 16 yaşlı İqbal Şeyx vaxtının çox hissəsini gölməçədə keçirməyə məcburdur. Sərin su ona dərisində yaranan şiddətli və ağrılı yanma hissini azaltmağa kömək edir. Həkimlər artıq bir neçə ildir ki, bu vəziyyətin səbəbini müəyyənləşdirə bilmirlər.Bu barədə "LADbible" nəşri məlumat yayıb.
Yeniyetmənin ailəsi həm tibb müəssisələrinə, həm də xalq təbabəti ilə məşğul olanlara müraciət etsə də, heç bir nəticə əldə olunmayıb.
Gəncin hekayəsi sosial şəbəkələrdə geniş yayıldıqdan sonra Hindistanın ən varlı iş adamlarından biri olan Anant Ambaninin diqqətini çəkib. O, xəstəliyin səbəbinin müəyyənləşdirilməsi üçün İqbalın Mumbaya səfərini təşkil edib.
Bəzi mütəxəssislərin ehtimalına görə, İqbal dəridə yanma, qızartı və istilik hissinə səbəb olan nadir eritromelalgiya xəstəliyindən əziyyət çəkə bilər. Lakin yeniyetməyə hələ də dəqiq diaqnoz qoyulmayıb.
Bildirilir ki, Mumbaydakı həkimlər xəstəni hərtərəfli müayinə edərək müalicə və ya simptomların nəzarətdə saxlanılması üçün xüsusi plan hazırlamağa çalışacaqlar. oxu.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar