Xəbər lenti
Edamı 8 dəfə təxirə salındı: "Quş adam" 101 yaşında öldü
ABŞ-da 1950-ci ildə ölüm cəzasına məhkum edilən Frensis Klifford Smit səkkiz dəfə edamını gözləsə də, hər dəfə hökmün icrası təxirə salınıb və ya ləğv edilib.
Manevr.az xəbər verir ki, 70 ildən çox həbsdə qalan Smit bu ilin iyununda 101 yaşında vəfat edib.
O, Konnektikut ştatında yaxta klubunun gecə gözətçisi Qrover Hartın qətlində təqsirli bilinib. Həbs edilərkən 25 yaşı olan Smit ömrünün sonuna qədər günahsız olduğunu deyib.
İllər keçdikcə hökmün əsaslılığı ilə bağlı ciddi şübhələr yaranıb. Bir neçə şahid əvvəlki ifadələrindən imtina edib, başqa bir məhbus isə qətli özünün törətdiyini etiraf edib. Smiti dindirən polis əməkdaşlarından biri də sonradan onun günahsız olduğuna inandığını bildirib.
Smit həbsdə olduğu müddətdə yalnız üç dəfə qısa müddətə azadlıqda olub. 1967-ci ildə həbsxanadan qaçsa da, 12 gün sonra tutulub. 1974-cü ildə Milad axşamını evində keçirməsinə icazə verilib. 1975-ci ildə şərti azadlığa buraxılıb, lakin təxminən 10 ay sonra oğurluq və silah saxlama səbəbindən yenidən həbs olunub.
2020-ci ildə nəzarət altında azadlığa buraxılmağa razılaşan Smit yaşlı məhbuslar üçün nəzərdə tutulmuş müəssisəyə köçürülüb. Həbsxanada quşları mütəmadi yemlədiyinə görə ona “Quş adam” ləqəbi verilib. Bildirilir ki, Smit çörəyi paltarında gizlədərək quşlara aparır, həbsxana əməkdaşları isə buna göz yumurdular.
Son illərini qocalar evində nəzarət altında keçirən Smit iyunda yuxuda vəfat edib. Müəssisə nümayəndəsi onun ölüm səbəbini qocalıqla əlaqələndirib.lent.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar