Çeçen generaldan şok açıqlama: “Bu, İsrailin məhvinə gətirəcək”

Manevr.az xəbər verir ki, bunu Rusiya Ordusunun Baş Hərbi-Siyasi İdarəsinin rəis müavini və Çeçenistanın “Axmat” xüsusi təyinatlı dəstəsinin komandiri general-leytenant Apti Alaudinov TASS-a müsahibəsində deyib.
Onun fikrincə, İsrail Yaxın Şərqdəki müharibələrinə NATO və ABŞ-ni cəlb etməyi hədəfləyir.
“Yaxın Şərqdəki müharibənin yalnız şiddətlənəcəyini anlamalıyıq. Düşünürəm ki, İsrailin məqsədi məhz budur: münaqişəni mümkün qədər şiddətləndirmək və həm ABŞ-ni, həm də bütün NATO blokunu ora cəlb etməkdir”, - A.Alaudinov qeyd edib.
General söyləyib ki, nəticədə İsrail öz gücünü həddindən artıq yüksək qiymətləndirəcək və özünü bir dövlət kimi qoruya bilməyəcək.