Xəbər lenti
Bu kəndə köçmək üçün minlərlə insan növbəyə düzüldü - Şəkillər
İspaniyanın Soriya əyalətində yerləşən və cəmi 40 nəfərin yaşadığı Arenillas kəndinin pulsuz mənzil və iş təklifi gözlənilməz maraqla qarşılanıb. Kənd rəhbərliyi dünyanın müxtəlif ölkələrindən 8 minə yaxın müraciət aldıqdan sonra qeydiyyatı dayandırıb.
Arenillas bələdiyyəsi fevral ayında əhalinin azalmasının qarşısını almaq və kəndə yeni sakinlər cəlb etmək məqsədilə xüsusi proqram elan etmişdi.
Layihə çərçivəsində uşaqlı bir ailəyə pulsuz bələdiyyə evi, divar ustalığı, kəndin barı və digər sosial obyektlərini idarə etmək imkanı təklif olunurdu.
Təşəbbüs qısa müddətdə İspaniya sərhədlərini aşaraq beynəlxalq diqqət çəkib. Arenillasın meri Sonia Tobaruela bildirib ki, Əlcəzair, Mərakeş, Almaniya, Birləşmiş Ərəb Əmirlikləri və Cənubi Amerikanın müxtəlif ölkələrindən ümumilikdə 7-8 min müraciət daxil olub. Onun sözlərinə görə, bəzi günlərdə bələdiyyəyə təxminən min elektron məktub göndərilib.
Sosial şəbəkələrdə və beynəlxalq mediada yayılan xəbərlər kəndə marağı daha da artırıb. Arenillas haqqında hazırlanmış videolardan biri internetdə 100 mindən çox baxış toplayıb.
Təklif edilən mənzil kəndə yeni sakinləri cəlb etmək üçün əvvəllər təmir edilmiş yeddi bələdiyyə evindən biridir. Evlərdən birinin boşalmasından sonra bələdiyyə yeni ailə axtarmağa başlayıb. Seçilən ailə həm kənddə çalışan ustalarla birlikdə işləmək, həm də yerli barı idarə etmək imkanı əldə edəcək.
Bələdiyyə yalnız barın gəlirinin kifayət etməyəcəyini nəzərə alaraq, layihəyə daimi iş imkanını da əlavə edib.
Proqramda məktəb yaşlı uşaqları olan ailələrə üstünlük verilib. Bundan başqa, kənddən təxminən 20 kilometr aralıda yerləşən Berlanqa-de-Duero qəsəbəsindəki məktəblərə uşaqların pulsuz daşınması da nəzərdə tutulub.
Yerli hakimiyyət müraciət edənləri kənd həyatının çətinlikləri barədə əvvəlcədən xəbərdar edib. Namizədlərdən qərar verməzdən əvvəl Arenillasa səfər etmələri və xüsusilə qış aylarında xidmətlərin məhdud olduğu kiçik yaşayış məntəqəsinin şərtləri ilə yaxından tanış olmaları istənilib.
Mer Sonia Tobaruela vurğulayıb ki, sosial şəbəkələrdə təqdim olunan kənd həyatı həmişə reallığı əks etdirmir və gələcək sakinlərin sonradan məyus olmaması üçün onlara bütün imkanlar və məhdudiyyətlər ətraflı izah olunub.
Təxminən 8 min müraciət arasından bir ailə seçildikdən sonra bələdiyyə yeni müraciətlərin qəbulunu dayandırıb. Buna görə də, Arenillasın hələ də pulsuz ev və iş təklif etdiyi ilə bağlı sosial şəbəkələrdə yayılan məlumatların həqiqəti əks etdirmədiyi bildirilib. qafqazinfo
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar