Xəbər lenti
Gürcüstanda əcnəbi tələbələrə qarşı qaydalar sərtləşdirilir
Əcnəbilərin Gürcüstana girişi, onların ölkədə qalması, yaşayış icazəsinin verilməsi və ölkədən çıxarılması ilə bağlı hüquqi mexanizmlərin dəqiqləşdirilməsini nəzərdə tutan "Əcnəbilərin və vətəndaşlığı olmayan şəxslərin hüquqi vəziyyəti haqqında" qanun layihəsi parlamentdə birinci oxunuşda qəbul olunub.
Gürcüstan hökumətinin qanunvericilik təşəbbüsünü daxili işlər nazirinin müavini Aleksandr Daraxvelidze təqdim edib. Onun sözlərinə görə, təklif olunan qaydaya əsasən, əgər əcnəbi Gürcüstanda universitetə qəbul olmaq istəyirsə, ölkə hökuməti tərəfindən müəyyən edilmiş dil biliyini təsdiq edən sertifikat təqdim etməlidir. Bundan başqa, Milli İmtahan Mərkəzinə konkret hallarda xarici dil imtahanı təşkil etmək səlahiyyəti verilir.
Dəyişikliklərə əsasən, əgər əcnəbi tələbə Gürcüstanda təhsil alırsa, bir tədris ili ərzində qanunvericilikdə nəzərdə tutulmuş kreditlərin sayının ən azı üçdəbirini toplamalıdır.
Qanun layihəsinə görə, əgər əcnəbi şəxs tələbə statusunu 90 gündən artıq müddətə dayandırarsa, bu, onun yaşayış icazəsinin ləğv edilməsi üçün əsas olacaq. Həmçinin, əgər əcnəbi tələbə ölkəni 183 gündən çox müddətə tərk edərsə və bu, üzrlü səbəblə (məsələn, mübadilə proqramı və ya tibbi zərurət) bağlı olmazsa, bu da yaşayış hüququnun itirilməsinə səbəb olacaq.
Daxili işlər nazirinin müavininin sözlərinə görə, dəyişikliklər Gürcüstan vətəndaşı ilə nikaha daxil olduqdan sonra daimi yaşayış icazəsinin verilməsi məsələsinə də şamil edilir.
Xüsusilə, Cinayət Məcəlləsinə əlavə edilən yeni maddəyə əsasən, məqsədi ailə qurmaq deyil, əcnəbinin ölkədə qanuni yaşayış hüququ əldə etməsi olan saxta nikah bağlamaq, yaxud belə bir nikahda olmaq cəzalandırılacaq. azxeber.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar