Xəbər lenti
ABŞ İrandan uranını çıxarmaq istədi, amma bu səbəbdən imtina etdi - Şok detallar
ABŞ İranın uranını çıxarmaq üçün yerüstü əməliyyatı nəzərdən keçirsə də, lakin son anda yüksək risklər səbəbindən bundan imtina edib.
Manevr.az xəbər verir ki, bu barədə CNN yazıb.
Nəşrin məlumatına görə, ABŞ ordusu may ayında İranın yüksək dərəcədə zənginləşdirilmiş uran ehtiyatlarını çıxarmaq üçün yerüstü əməliyyat planlaşdırsa da, sonradan planı çox riskli hesab edərək tərk edib.
Nəşrin yazdığına görə, hərbi variantdan imtina etdikdən sonra İran nüvə obyektlərinin təhlükəsizliyini gücləndirib. Son həftələrdə beynəlxalq hesablamalara görə, təxminən yarım ton silah dərəcəli uran saxlanılan obyektlərdə tunellər qismən dağılıb və girişlər minalanıb.
Bu materiallara çıxış artıq xeyli mürəkkəb, təhlükəli və vaxt aparan bir prosesə çevrilib.
CNN mənbələrinə istinadən qeyd edib ki, təhlükəsizlik dəyişiklikləri ABŞ və İran arasında Vaşinqtonun nəzarəti altında uranın köçürülməsini və sonradan məhv edilməsini əhatə edəcək potensial razılaşmaya əlavə maneələr yaradır.
ABŞ administrasiyasının yüksək vəzifəli rəsmisi bildirib ki, iki tərəf İranın zənginləşdirilmiş uranı ABŞ-a təhvil verməsi ilə bağlı "razılaşmaya yaxınlaşır". O əlavə edib ki, daha sonra material məhv ediləcək və ölkədən çıxarılacaq.
Lakin mümkün razılaşmanın konkret şərtləri müzakirə mövzusu olaraq qalır və İran mediasında sızdırılan məlumatlar artıq Amerika prezidentində kəskin reaksiya doğurub.
Nüvə təhlükəsizliyi üzrə mütəxəssislər xəbərdarlıq edirlər ki, hətta İran mütəxəssislərinin özləri üçün belə, uranın çıxarılması və daşınması hazırda olduqca çətindir. Ağır avadanlıq və mina təmizləmə əməliyyatları tələb edir.
ABŞ Milli Nüvə Təhlükəsizliyi Administrasiyasının nüvə materiallarının utilizasiya proqramının keçmiş rəhbəri Skott Rekker qeyd edib ki, belə bir vəziyyət müqavilənin yoxlanılmasını çətinləşdirə və bəzi materialların beynəlxalq yoxlama üçün əlçatmaz qalması riskini yarada bilər.
Ehtiyatların əsas hissəsinin İsfahan ərazisindəki çökmüş tunellərdə, qalan hissəsinin isə digər nüvə obyektlərində yerləşə biləcəyi təxmin edilir.
Müqavilə imzalansa belə, mənbələr bildirir ki, materialın beynəlxalq nəzarət altında necə çıxarılacağını, sınaqdan keçiriləcəyini və daşınacağını müəyyən etmək üçün ayrıca bir mürəkkəb texniki danışıqlar mərhələsi tələb olunacaq.
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar