Bill Qeyts həyat yoldaşına neçə dəfə xəyanət edib?

Bill Qeytsin keçmiş həyat yoldaşı Melinda ilə boşanma prosesi zamanı milyarder 20-dən çox nikahdankənar münasibətdə olmaqda ittiham olunub.
Bu barədə Bill Qeyts özünün "Gates Foundation" əməkdaşları ilə keçirdiyi qapalı və gərgin toplantıda danışıb.
Manevr.az xəbər verir ki, məlumatı "The Wall Street Journal" yayıb.
Nəşrin mənbələrinin sözlərinə görə, fevral ayında keçirilən görüş zamanı 70 yaşlı Qeyts olduqca ruhdan düşmüş görünürdü. O, yalnız iki rus qadınla münasibətini təsdiqləyib. Həmin qadınların adları maliyyəçi Ceffri Epşteynin işi ilə bağlı məhkəmə sənədlərində hallanıb.
Lakin Qeyts əməkdaşlarını daha çox onunla təəccübləndirib ki, 2021-ci ildə boşanma prosesi zamanı daha 20-dən çox xəyanət iddiasının da hüquqi sənədlərdə yer aldığını etiraf edib.
Qeyd edək ki, Bill və Melinda French Qeyts 27 il evli olublar. Toplantıda milyarder bir daha ictimai şəkildə üzr istəyib, lakin vurğulayıb ki, maliyyəçi və yetkinlik yaşına çatmayanlara qarşı cinsi cinayətlərə görə məhkum olunmuş Cefri Epşteynlə görüşləri zamanı "qanunsuz heç bir hərəkət etməyib".ölkə.az