Xəbər lenti
Şuşanın işğalına görə təltif olunan general mənzildən çıxarılır
Ermənistanda general-mayor Armen Kaqramanyanın yaşadığı xidməti mənzillə bağlı məsələ məhkəmə müstəvisinə çıxıb.Ermənistan Müdafiə Nazirliyinin Vazgen Sarkisyan adına Hərbi İnstitutunun sabiq rəisi, Qarabağın işğalında iştirak etmiş general-mayor Armen Kaqramanyana 2009-cu ildə verilmiş 57,7 kvadratmetrlik xidməti mənzilin boşaldılması barədə bildiriş göndərilib.
Bu barədə onun vəkili Roman Yeritsyan məlumat yayıb.
Vəkilin sözlərinə görə, Qarabağdan olan Armen Kaqramanyan müxtəlif illərdə artıq mövcud olmayan separatçı rejimin silahlı birləşmələrində və rəhbər strukturlarında müxtəlif vəzifələr tutub. Daha sonra Ermənistan Silahlı Qüvvələrində xidmətini davam etdirən Kaqramanyan 2015-ci ilin fevralından etibarən Ermənistan Müdafiə Nazirliyinin Vazgen Sarkisyan adına Hərbi İnstitutuna rəhbərlik edib.
Qeyd olunub ki, o, Ermənistan tərəfindən “Müqəddəs Vardan Mamikonyan” ordeni, “İgidliyə görə” medalı, “Şuşanın işğalına görə” medalı və II dərəcəli “Döyüş Xaçı” ordeni də daxil olmaqla 12 dövlət və qurum mükafatı ilə təltif olunub.
Armen Kaqramanyan 2018-ci ilin oktyabrında ağır xəstəliyə görə vəzifəsindən azad edilib və hazırda da müalicəsini davam etdirir.
Vəkil bildirib ki, sözügedən mənzil Armen Kaqramanyan və ailə üzvlərinin Ermənistan Respublikasındakı yeganə yaşayış yeridir.
Məsələ ilə bağlı Ermənistanın İnzibati Məhkəməsinə iddia ərizəsi təqdim olunub. İddiada Müdafiə Nazirliyindən həmin addımın atılmamasının təmin edilməsi tələb olunur. musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Kriminal
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar