İran Səudiyyə Ərəbistanına hücum edib

İran tərəfindən buraxılan üç hücum dronunu Səudiyyə Ərəbistanının hava hücumundan müdafiə qüvvələri ələ keçirib. 
Manevr.az xəbər verir ki, bu barədə Səudiyyə Ərəbistanının Müdafiə Nazirliyi  məlumat yayıb. 
Nazirliyin açıqlamasında deyilir: "Bazar günü Səudiyyə Ərəbistanının hava məkanına daxil olduqdan sonra üç dron ələ keçirilərək məhv edilib".
Müdafiə Nazirliyinin sözçüsü general-mayor Turki əl-Malikinin bildirdiyinə görə, dronlar İraq ərazisindən buraxılıb.
Əl-Maliki əlavə edib ki, Səudiyyə Ərəbistanı "uyğun vaxtda və yerdə cavab vermək hüququnu özündə saxlayır və Krallıq vətəndaşlarının və sakinlərinin suverenliyinə və təhlükəsizliyinə qəsd etmək cəhdlərinin qarşısını almaq üçün bütün zəruri əməliyyat tədbirlərini görəcək və həyata keçirəcək".