Xəbər lenti
Çində 82 yaşlı kişi xəstəxanadakı həyat yoldaşını ziyarət etmək üçün hər gün 12 saat yol gedib
Çində 82 yaşlı kişi xəstəxanada olan həyat yoldaşını ziyarət etmək üçün hər gün saatlarla yol qət edib."South China Morning Post" nəşri xəbər verir.
Bildirilir ki, 82 yaşlı Çen Açun və həyat yoldaşı Syue 50 ildən artıq evli olublar. Bir il əvvəl qadın insult keçirib, daha sonra isə ağır pnevmoniyaya yoluxub. O, Ninbo şəhərində yerləşən xəstəxananın reanimasiya şöbəsinə yerləşdirilib.
Oğullarının məşğul olması səbəbindən həyat yoldaşına qayğını tamamilə Çen öz üzərinə götürüb. O, hər gün səhər saat 04:30-da oyanır, yemək hazırlayır və bir neçə avtobus dəyişərək xəstəxanaya yollanırdı. Reanimasiyada ziyarət üçün ayrılan vaxt cəmi 30 dəqiqə - saat 10:30-dan 11:00-dək olsa da, kişi günortaya qədər xəstəxanada qalır, daha sonra evə qayıdırdı. Beləliklə, onun gündəlik yol xərci və vaxt itkisi ümumilikdə 12 saat təşkil edirdi.
Xərcləri azaltmaq üçün o, yeməyi özü ilə gətirirdi. Müalicə müddətində Çen təxminən 14 min dollar məbləğində bütün yığımlarını xərcləyib. Oğlu da tibbi xərcləri qarşılamaq üçün evini satıb.
Hadisə ictimaiyyətdə böyük rezonans doğurub. Xəstəxana ziyarət vaxtını artırıb, ictimai nəqliyyat ona pulsuz xidmət göstərib, vətəndaşlar isə 20 min dollardan çox ianə toplayıblar.
Syuenin vəziyyəti stabil qalsa da, bu il martın 13-də həkimlərin səylərinə baxmayaraq, qadının həyatını xilas etmək mümkün olmayıb. oxu.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar