Global Firepower 2026 hesabatına görə, dünyanın ən güclü hərbi birləşmələri müəyyən olunub. Türk Silahlı Qüvvələrinin (TSK) "Bordo Berlilər"i siyahıda bir çox dünya nəhəngini geridə qoyaraq ön sıralarda qərarlaşıb.
Manevr.az milli.az-a istinadla xəbər verir ki, beynəlxalq müdafiə analizi qurumları tərəfindən hazırlanan 2026-cı il siyahısında hibrid müharibə qabiliyyəti, operativ uğurlar və texnoloji inteqrasiya meyarları əsas götürülüb. TSK Xüsusi Təyinatlı Qüvvələr Komandanlığının Suriya və İraqdakı uğurlu antiterror əməliyyatları onları dünyanın ən çəkindirici güclərindən birinə çevirib.
Türkiyənin xüsusi təyinatlıları 2026-cı il hesabatında 4-cü yerə yüksəlib. Xüsusilə girovların xilas edilməsi və asimmetrik müharibə sahəsindəki mütəxəssislikləri onları bu zirvəyə daşıyıb.
Aşağıda 2026-cı il üzrə siyahının ilk 10 pilləsində qərarlaşan birləşmələr və onların fərqləndirici xüsusiyyətləri verilib:
 

Sıra	Ölkə	Birliyin Adı	Əsas Xüsusiyyəti
1	ABŞ	Navy SEALs & Delta Force	Quruda, dənizdə və havada çoxşaxəli əməliyyat qabiliyyəti.
2	Böyük Britaniya	SAS & SBS	Dünya standartlarında girov xilasetmə bacarığı.
3	Rusiya	Spetsnaz	Partizan (gerilla) müharibəsi texnikaları üzrə mütəxəssis.
4	Türkiyə	Bordo Berlilər	Sərhədyanı əməliyyatlar və yüksək nizam-intizam.
5	İsrail	Shayetet 13	Sualtı sabotaj və dəniz əməliyyatları.
6	Fransa	GIGN	Xüsusi girov xilasetmə texnikaları.
7	Kanada	JTF2	Məxfi əməliyyat qabiliyyəti.
8	Almaniya	GSG 9	Girov xilasetmədə yüksək müvəffəqiyyət dərəcəsi.
9	Hindistan	NSG (Qara Pişiklər)	Böyük şəhərlərdə çevik müdaxilə.
10	Avstraliya	SASR	Uzaq mənzilli kəşfiyyat mütəxəssisliyi.

Siyahıda həmçinin Çinin "Snow Leopard" (11-ci yer), Polşanın "JW GROM" (13-cü yer), Pakistanın "SSG" (16-cı yer) və Braziliyanın şəhər daxili qarşıdurmalarda ixtisaslaşmış "BOPE" (19-cu yer) bölmələri də yer alıb. Hesabatda qeyd olunur ki, müasir müharibələrdə artıq təkcə say deyil, həm də texnoloji üstünlük və hibrid müharibə taktikaları həlledici rol oynayır.