Xəbər lenti
Körpə qidaları beyin inkişafını məhv edə bilər - QORXUNC TAPINTI
Qlobal miqyasda bir sıra körpə qidalarının geri çağırılması sistemli bir problemi üzə çıxarıb. Belə ki, mürəkkəb tərkibli qidaları ana südünə daha çox bənzətmək istəyi çirklənmə riskini artırır və təchizat zəncirinə nəzarəti zəiflədir.Manevr.az xəbər verir ki, Fransada iki körpənin ölümünün "Nestle" körpə qidası ilə mümkün əlaqələr üçün araşdırılır.
ABŞ-da körpələrin xəstəxanaya yerləşdirilməsi "ByHeart" startapının məhsullarının geniş miqyasda geri çağırılmasına səbəb oldu.
Bu hadisələr əsas bazar oyunçularına - "Nestle", "Danone" və "Abbott"-a təsir edib və rəsmi olaraq dünyada ən çox tənzimlənən sahələrdən biri hesab edilən uşaq qidası sənayesinə etimadı sarsıdıb. Böhranın əsas elementi körpə qidasında geniş istifadə edilən və beyin inkişaf etdirici əlavə olan araxidon turşusu (ARA) ilə bağlıdır. Nestle-nin çirklənmənin mənbəyi olaraq dünyanın ən böyük istehsalçılardan biri - Çin şirkəti "Cabio"-nu ittiham edib. Təchizatçıların çoxalması və qidaya nəzarət tənzimləmələrinin dövlət yoxlamalarından daha çox özəl auditlorlara etibar edilməsi problemi kəskinləşdirib.
Nestle-nin məhsullarını geri çağırması şirkət tarixində ən böyük geri çağırışdır və 60-dan çox ölkəyə təsir göstərir.
Qlobal dünyanın tərkib hissəsi olan Azərbaycandan da bu məsələ yan keçməyib. 2025-ci il noyabrın 11-də Azərbaycan Qida Təhlükəsizliyi Agentliyi (AQTA) ABŞ "ByHeart Whole Nutrition Infant Formula" adlı uşaq qidasının körpələrdə botulizm hallarına (zəhərli bakteriya ilə baş verən ağır qida zəhərlənməsi) səbəb olmasına görə ölkəmizdə istifadəsinə qarşı xəbərdarlıq yayıb.
2026-cı il yanvarın 7-də isə “Nestle” şirkəti tərəfindən körpə və erkən yaşlı uşaqlar üçün nəzərdə tutulmuş bəzi qida məhsulları ilə bağlı ehtiyat tədbiri xarakterli geriçağırma qərarı qəbul edilib. Avstriya, Danimarka, Finlandiya, Almaniya, İrlandiya, İtaliya, İsveçrə və Birləşmiş Krallıq ərazilərində “SMA”, “BEBA”, “ALFAMINO”, “Pre NAN” və bir neçə digər ticarət nişanı altında istehsal olunan məhsulların müəyyən partiyaları dövriyyədən geri çağrılıb. Buna səbəb istehsal prosesi zamanı məhsulların “Bacillus cereus” bakteriyası mənşəli “Sereulid” toksini ilə çirklənmə ehtimalıdır.
Xatırladaq ki, ÜST-ün tövsiyyəsinə görə, ana südü ilə qidalandırma körpələri qidalandırmağın ən təhlükəsiz və ən təsirli yolu olaraq qalır, lakin körpə qidası bazarı böyüməyə davam edir və 2034-cü ilə qədər dövriyyəsi 180 milyard dolları keçə bilər.modern.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Emil Rasimoğlu
Emil Rasimoğlu
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
Sorğu
Portalımızı dəyərləndirin.
Çox oxunanlar