Şimali Koreya Yapon dənizinə iki ballistik raket atıb

Şimali Koreya Yapon dənizinə düşdüyü güman edilən iki ballistik raket buraxıb.
Manevr.az xəbər verir ki, bu barədə Kyodo xəbər agentliyi Yaponiya hökumət mənbələrinə istinadən məlumat yayıb.
Yaponiya Müdafiə Nazirliyinin məlumatına görə, raketlər Yaponiyanın eksklüziv iqtisadi zonasından kənara düşüb.
Heç bir ziyan qeydə alınmayıb. Lakin ölkənin sahil mühafizəsi, ərazidəki gəmiləri son dərəcə ehtiyatlı olmağa və raket parçalarından qaçmağa çağırıb.