Rusiya Prezidenti Vladimir Putin ilin yekunları ilə bağlı mətbuat konfransı zamanı dondurulmuş ölkə aktivlərindən Ukraynanın maliyyələşdirilməsi planları ilə bağlı Avropa Birliyinə "qorxulu" xəbərdarlıq edib.
Manevr.az xəbər verir ki, prezident bu açıqlamanı illik birbaşa yayım zamanı səsləndirib.
Britaniyanın "Daily Express" qəzeti Putinin bəyanatını "qorxulu xəbərdarlıq" kimi xarakterizə edib:
"Vladimir Putin AB liderlərini sərt şəkildə tənqid edərkən eyni zamanda ciddi nəticələr barədə qorxulu xəbərdarlıq edib".
Nəşrin yazdığına görə, Rusiya lideri Aİ rəhbərlərinə bu cür addımların ciddi nəticələrə səbəb ola biləcəyini bildirib və təşəbbüsü kəskin şəkildə tənqid edib.
Qeyd edək ki, Putin daha əvvəl də bəyan etmişdi ki, dondurulmuş Rusiya aktivlərinin müsadirə olunması cəhdləri təkcə "oğurluq" deyil, "soyğunçuluq" kimi qiymətləndirilməlidir. Onun sözlərinə görə, məhz mümkün ağır nəticələr bu planların indiyədək reallaşdırılmasının qarşısını alıb.