Rusların axın etdiyi ölkə: “Bura yeni Türkiyədir” deyirlər...

Ruslar Türkiyəni tərk edib indi bu ölkəyə axışırlar. Tətil qiymətlərinin münasib olması səbəbindən marşrutunu dəyişən ruslar buranı "Yeni Türkiyə" adlandırırlar.
Lirənin sürətlə ucuzlaşması səbəbindən Türkiyəyə turist axını baş verib. Turistləri arasında ruslar saylarına görə birinci yerdə idi. İstanbul, Mersin, Antalya kimi şəhərlərdə istirahət edən ruslar bu dəfə marşrutlarını Yaponiyaya çeviriblər. Nəticədə 2024-cü ildə Yaponiyada turizm bumu yaşanıb.
Manevr.az xəbər verir ki, Rusiyadan Yaponiyaya gedənlərin sayı əvvəlki illərlə müqayisədə təxminən 3 dəfə artıb. Bəzi rus xəbər saytları bu vəziyyəti "Yaponiya indi yeni Türkiyəyə çevrilir" deyə xarakterizə ediblər.
Yaponiyada rusiyalı turistlərin sayı 27 milyona çatıb
Xarici xəbər mənbələrindəki məlumata görə, 2024-cü ildə Yaponiya üzrə turistlərin sayı təxminən 27 milyona yüksəlib. Əvvəllər bahalı və girişi çətin  ölkələrdən biri olan Yaponiya indi ruslar üçün cəlbedici alternativdir.
Türkiyədə qiymətlər artır...
Rusların marşrutu Yaponiyaya çevirməsinin əsas səbəbləri var. Bunların arasında gələn ilk səbəb budur ki, Türkiyə artıq cazibədar istirahət məkanlarından biri deyil. Son vaxtlar yüksək qiymətlər səbəbindən ruslar Yaponiyaya getməyə başlayıblar. Digər səbəb isə Yaponiyanın fərqli mədəniyyətdən qaynaqlanmasıdır. Xüsusilə müasir həyat tərzi ilə seçilən Yaponiyada turistlər Tokio, Kyoto, Osaka kimi şəhərləri gəzməyə başlayıb.
Yapon pulu dollar qarşısında dəyərini itirir
Digər mühüm səbəb isə Yapon yeninin dollar qarşısında dəyərinin təxminən 50 faizini itirməsidir. Yaponiyada məhsullar xaricilər üçün sərfəli olmağa başlayır. Ölkədə isə inflyasiya 2,5 civarındadır. Məsələn, bir rusiyalının Yaponiyada həftəlik tətildə səyahət qiyməti 200 min rubl civarındadır. (Musavat.com)