Yeri güclü maqnit qasırğası bürüdü

Manevr.az Lent.az-a istinadən məlumatına görə, qasırğa yanvarın 16-da başlayıb, sabah bir qədər zəifləyəcək, bazar günü isə geomaqnit fonu normallaşacaq.
Maqnitosferin pozulması zamanı insanlarda, xüsusən də meteohəssas insanlarda baş ağrıları, başgicəllənmə, yorğunluq və yuxululuq hissi, arterial təzyiqin yüksəlməsi, ürək, bel və oynaqlarda ağrılar, ürəkbulanma ola bilər.
Müəyyən xroniki xəstəliklərin olması halında, xəstəliyin mənfi təzahürləri pisləşə bilər.
Maqnit qasırğası zamanı sağlamlığa zərəri minimuma endirmək üçün qasırğa zamanı və ondan bir neçə gün əvvəl sağlam həyat tərzinin əsas prinsiplərinə xüsusilə diqqətlə riayət etmək lazımdır.
Qidalanmağınızı balanslaşdırmaq, yağlı, qızardılmış, ədviyyatlı qidalardan, un məmulatlarından, siqaretdən, qəhvədən, enerji içkilərindən və spirtli içkilərdən uzaq durmaq tövsiyə olunur.
Bunun əvəzinə daha çox tərəvəz, meyvə, balıq yeməli, daha çox su və bitki çayları içməli, açıq havada daha çox vaxt keçirməli və fiziki fəaliyyəti məhdudlaşdırmalısınız.