Xəbər lenti
DEYİMLƏR
Böyük alimlərin çoxu kənddə doğulub, şəhərdə zirvələrə qanad açıb.
***
Araq hamıya üstün gələr, öz qabından başqa.
***
Qorxu qatili öldüyü ana qədər izləyər.
*
Yetişməmiş kal gördüm,
Cüt ayaqlı mal gördüm.
*
Yatmış aslanı tumarlamağın sonu aslan pəncəsinin zərbəsini dadmaqdı.
*
Balıq adamlar var, soyuqqanlı və sürüşkən...
*
Daş ürək yuxalar bir gün,
Az olan çoxalar bir gün.
Ay bu evin qara qızı,
Sənə də baxarlar bir gün.
*
Bəndərgahdan durub düşməni gözətləmək deyimini kim aça bilər ?
*
Adın nədi ? - Rəşid,
Birin de, birin eşit !
*
Koxası çaqqal olan obanın, darğası da tülkü olar.
*
SƏRRAF BABADAN SORUŞURLAR :
- BABA, ÖLÜ İLƏ DİRİNİN FƏRQİ NƏDİR ?
SƏRRAF BABA CAVAB VERDİ :
- BALA, ÖLÜ YEYİB DOYUB, DİRİ DOYUB YEYİR.
*
SƏRRAF BABADAN SORUŞURLAR :
- BABA, AĞILLI İLƏ DƏLİNİN FƏRQİ NƏDİR ?
SƏRRAF BABA CAVAB VERDİ :
- BALA, AĞILLI BİLDİYİNİ ELƏMİR, DƏLİ ELƏDİYİN BİLMİR.
*
Qışın ortasında yaz çətin olar,
Duzsuzun sözündə duz çətin olar.
Saz usta əlində saz olar yəqin,
Sərraf, hər ağacdan saz çətin olar.
*
Günah girir sözə, sözü məhv edir,
Əyri girir düzə, düzü məhv edir.
Yüz illər keçsə də əzab çəkirik,
"Bu bizim, o sizin" bizi məhv edir.
Hansı yazı silinməz ?
(Açmasını kim bilir ?)
*
ƏGƏR BİR ALÇAĞI SÖZLƏ İSLAH ETMƏK MÜMKÜN DEYİLSƏ, ONUN YEGANƏ İSLAH OLUNMAQ ALƏTİ DƏYƏNƏKDİR.
*
HƏYA ÇÖLƏ ATILMAZ,
HAQ DA UCUZ TUTULMAZ.
ƏSİL İNSANDA OLAN
VİCDAN PULA SATILMAZ.
*
QURDUN OĞLU ÇAQQALDIRSA, GÜNAHI ANASINDA AXTARMAQ LAZIMDIR.
*
GÜL ƏKDİM, TİKANLIDI,
YAR SEVDİM, ƏRKANLIDI.
HƏR ELDƏ BİR DOSTUM VAR,
SÜLEYMAN DOSTCANLIDIR.
*
BİR VAR YÜZÜN BİRİDİ,
YÜZ VAR BİRƏ BAŞ ƏYƏR.
*
Aslanın pəncəsinin altında "mən azadam" söyləyən kəs ya dəlidir, ya da ki, dərviş.
*
Ölmək hələ yox olmaq deyil, yox olmaq diriykən ölməkdir.
*
Bu asfalt dünyanın asfalt sifəti
Asfalta döndərir bu adamları.
Dəyişib olurlar asfalt adamı
Torpaq adamları, su adamlar.
*
Allah bir dərd verəndə, bəndə də dərdi sağaltmaq yerinə üstünə dərd gətirən min bir dərman düzəldir.
*
Kasıbın qismətinə düşüb bir qotur dana,
o da dadanıbdı qoşudakı bostana.
*
Kiminin əlində Haqqın qılıncı,
kiminin də başının altında şeytan balıncı.
*
Arxasız, köməksiz adam orta dirəksiz dam kimidi.
*
İki kürküm var,
On qardaşa çatar.
(Açmasını kim bilir?)
*
Ağca atı nalladım,
Səmərqəndə yolladım.
(Açmasını kim bilir ?)
*
Keçi qaçmaqla ceyran olmaz.
*
Kağızın işi dözməkdi, qələmin işi yazmaqdı.
*
Yalançının evi yandı, Yanğınsöndürmə idarəsi ona inanmadı.
*
Düyə göz eləməsə, buğa balkonun altında dayanmaz.
*
Düşmənim varsa, gülməsin,
Sirrimi dost da bilməsin.
Könlümdə ol, Pərvədiyar,
Kürəyim yerə gəlməsin.
*
Nəfsim ruhuma qıymasın,
Könlüm sevgidən doymasın.
Sağ əlimi sol əlimə
Allahım borclu qoymasın.
*
Sevgidən qidalanmayan şeir kökü qurumuş ağac kimidir, hər şeyi yerindədir, amma könül oxşamır.
*
Dərviş baba, pir baba,
Dediyi söz dürr, baba.
Sən özün bağlı kitab,
Kəlmələrin sirr, baba.
*
Yoldaşlıqda, dostluqda mehribanlığımızı itirdikcə insanlığımızın yavaş - yavaş dərin və kirli bir çuxura düşməyini görmürük.
*
Bəzən tərslik ağıllılığın gicliyə dönməsidi.
*
Gözlərin dərinliyində özünü büruzə verən ifadə çox vaxt dil ilə deyilə bilmir.
*
İnsan dərdin tək çəkər,
Dərdi də ürək çəkər.
At arpa, kişmiş yeyər,
Yükünü eşşək çəkər.
*
Dedik dağ bizimdi, bizim olmadı,
Dedik bağ bizimdi, bizim olmadı.
Elə dolu yağdı üzüm olmadı,
Şərab çəkəcəyik dərddən...Neyliyək ?
*
Aləm mənim içində,
Mən aləmin içəndə.
Ürəyim "dəstur" deyir
Bir meyxanə küncündə.
*
Sənsiz səninləyəm,ləpədöyəndə...
Kədər dalğaları döyür qəlbimi.
Sakit ləpələrin cuşa gələndə
Sahil qayalığın döydüyü kimi.
*
Sinəsinin sol tərəfində kimi ürək, kimi nur, kimi isə daş daşıyır.
*
Yeriyən ölülərə ağlamayın, gözünüzün yaşına heyfiniz gəlsin.
*
- Həsən, düzünü de, ev tapşırığını kim eyləyib ?
- Müəllimə, vallah - billah xəbərim yoxdu. Mən axşam tez yatmışdım. S.S.
*
Zəmanə ilanı Seyid Əhməd əliylə tutanların zəmanəsidi.
*
Namus hər bir qadının xanımlıq simvolu, həya isə bu simvolun cənnət tülündən rubəndidi.
*
Bu qismət dediyim yiyəsiz qoyun kimidi, kimin qapalağından girəcəyini bir Allah bilir.
*
Bu dünyada hər kəsin alacağından çox verəcəyi var.
*
Gədədən kəndxuda,
Vələdüzinadan ata,
Yaradanda xəta olmaz.
*
İş var həcətlə, iş var höcətlə görülər.
*
*DƏHDƏHLƏ GETMƏYƏN ATI BƏHBƏHLƏ YEDİZDİRMƏZLƏR, ÇIXARIB XOCAHAN BAZARINDA SATARLAR. *HƏR KİŞİNİN KİŞİLİYİ ONUN VİCDANI İLƏ ÖLÇÜLÜR.
*
İTƏ SALAM, DƏLİYƏ SUAL OLMAZ.
*
ƏGƏR GÖRÜRSƏ VƏ İNANMIRSA BU ADAM SAĞALMAZ XƏSTƏDİR.
*
ƏGƏR BU DÜNYA BİR QONAQ EVİDİRSƏ, NƏYƏ GÖRƏ BU EVİN QONAQLARI BİRİ BİRİNİ MƏHV ETMƏYƏ ÇALIŞIRLAR ?...
*
NAMƏRD ADAMLAR ÖZ DİLLƏRİ VƏ ƏMƏLLƏRİ İLƏ ÖZLƏRİNİ TƏQDİM EDİRLƏR - BU BİZİK
*
DAĞIN O ÜZÜ BİZİM, DAĞIN BU ÜZÜ SİZİN.
SƏN MƏNİ SEV, MƏN SƏNİ, BİR EDƏK KƏNDİMİZİ.
Süleyman Sərraf.
*
Pişiyin əyləncəsi
tutduğu siçanla oynamaqdı.
*
Canavarların olduğu kolluqda
keçinin nə işi ?
*
Hansı bağda üzüm yetişməz ?
(Açmasını kim bilir ?)
*
Qar, yağış yağmayan
hava hansı havadı ?
(Açmasını kim bilir ?)
*
İmkanım olsaydı belə bir qadağa qoyardım: Kim ki, sevə bilmirsə, eşqin nə olduğunu anlamırsa, şeir yazmasın.
*
Pöhrələr qırılır gözüm önündə,
Pöhrələr qırılır, kötülkər qalır.
Tapıb, itiririk tapdığımızı,
Ağrı yaddaşında itiklər qalır.
*
Sərxoşla mübahisə etmək olmayan bir düşmənlə dalaşmaq kimi bir şeydi.
*
Bu arvaddı, o da ər,
Bu mayadı, o da nər.
Şeytanın xoşladığı
Bir söz "aldı", bir söz "ver".
*
Yolumuz düzdən düşər,
Pir babam dizdən düşər.
İblis mələkləşəndə,
Mələk də gözdən düşər.
*
BOSTANIMA GİRƏN EŞŞƏYƏ HEÇ KƏS YİYƏ DURMUR, ELƏ Kİ, BELİNƏ YÜK VURURAM, QIRX YİYƏSİ ÇIXIR.
*
ALLAHIN VERDİYİ BU AZCA ÖMRÜ
İNSAN KİMİ YAŞAMAĞA QOYMURLAR.
İÇİNDƏ GÜL AÇAN XEYİRXAHLIĞI
ÜRƏYİNDƏ DAŞIMAĞA QOYMURLAR.
*
Üstünü yaşıl mamır örtmüş yanmış kötüklərə oxşayan adamlar var ki, hələ də həyatdan nə isə umurlar.
*
Aynalı da hər çiyinə Nəbinin çiynindəki kimi yarşmır.
*
Tulanın küçüyü böyüyüb çoban iti olmaz.
*
SƏNİN SAÇLARINI KÜLƏK DARAYIR,
MƏNİM SAÇLARIMA DƏRD SIĞAL ÇƏKİR.
MƏNİM ÜRƏYİMDƏ QIŞ TONQAL ÇATIB,
SƏNİN ÜRƏYİNDƏ BAHAR GÜL ƏKİR.
*
ZURNAÇININ TOYU, HAMAMÇININ SUYU ÇƏTİN QURTARA.
*
BƏZİ AYAQLAR BAŞ GƏZDİRİRLƏR, BƏZİ AYAQLAR ANCAQ QARIN.
*
BİZ HƏLƏ DƏ GÖNÜ SUYA VERİRİK.
*
Gün doğür şərin üstünə,
İt hürər nərin üstünə.
Alçaqlar baş qaldırır
Ərənin, ərin üstünə.
*
Binamusun namuslu övladının olduğunu nə görmüşəm, nə eşitmişəm.
*
Canın ağrıyırsa, gülməkmi olar ?
Hər sözü bal kimi yeməkmi olar ?
Yeriyən, sürünən hər bir canlıya
Allahın əşrəfi deməkmi olar ?
*
Boyunduruğa adət eləmiş öküz boynu...
*
Bir sümükdən ötəri biri birini al qanınına bələyən küçə itləri...
*
Palanı köhnəlmiş,
dərdi gözlərindən tökülən
qoca eşşək...
*
İMƏKLİYİB, YERİYİB, SONRA İSƏ BÜTÜN ÖMRÜ BOYU İLAN KİMİ SÜRÜNƏNLƏR VAR.
*
KİŞİNİN ÖZ ADI, ARVADI VƏ ÖVLADI ONUN NECƏ KİŞİ OLMAĞINA DƏLALƏT EDİR.
*
İTİ SARSAQ, ÖZÜ AXMAQ OLANIN VAY QONŞUSUNUN HALINA.
*
PİŞİK SİÇAN TUTMAQ ÜÇÜNDÜR, QUCAQDA YATMAQ ÜÇÜN YOX.
*
HƏR AT QAÇAĞAN,
HƏR QUŞ UÇAĞAN,
HƏR ULAQ YÜK ÇƏKƏN,
HƏR KİŞİ DƏ TORPAQ ƏKƏN OLMUR.
*
O gül ayağını soyuq üşüdər,
Gətir ürəyimdə isidim, gülüm.
*
Asfalta düşür
öpüşən dodaqların
kölgəsi.
*
Dünya uzundərə, keçən biz olduq,
Eşqə könlümüzü açan biz olduq.
Dərviş olduq, Haqq yolunun güvəni,
Mərifət camından içən biz olduq.
*
Palıdın sərin kölgəsində
ölmüş zaman kəsiyi...
*
Bu günün adamları ürəklərini əllərində gəzdirirlər, yumaq üçün.
*
O nədir ki yaz bitirir?
Yay yetirir..Payız gətirir. Qış ötürür.?
*
Burdan vurar qılıncı,
Bağdadda oynar ucu.
(Açmasını kim bilir ?)
*
Göyə tüpürərsən, öz başına düşər.
*
Bəzi adamlar canını əldən verərlər, amma fürsəti əldən verməzlər.
*
Beş qadın bir yerə toplanıb söhbətə başlasa, dönür olur məhkəmə.
*
Ağacın barı özünə yük olmaz.
*
Təkədə qoç hünəri olmaz.
*
Hər möhürü olan Süleyman deyil, hər Süleymanın da möhürü olmaz.
*
Şirin dilin yoxdursa, min bir dil bilsən ne xeyri olacaq?
*
Söyüddən meşə olmaz,
Hər bəydən paşa omaz.
Bir baltaya sap olar,
Ağacdan maşa olmaz.
*
Körpə zaman bilməz,
ac da aman bilməz.
*
Ağ qoyunun hərdən qara quzusu da olur.
*
Başındakı fəsə bax,
girdiyi küməsə bax!
*
Eşşək nə qədər qocalıb tükü ağarsa da, ondan tövləbaşı olmaz.
*
Canın yoxdusa, cananın da yoxdu.
*
Batbatdan qida olmaz,
oğraşdan quda olmaz.
*
Ayıya qaga deməyinən qağa olmur haa...
*
Sarımsağı bal kimi yeyirsən,
sonra da ağzımdan iy gəlir deyirsən.
*
Gül ağacından odun,
süləngidən qadın olmaz.
*
Özgəyə etmə, özünün başına gələr,
gəlinə etmə, qızının başına gələr.
*
Dağ başında xırmanın varsa,
sovurduğunu yel aparar,
sel ağzında dəyirmanın varsa,
üyütdüyünü sel aparar.
*
Bir kişini öz xanımı
istəsə vəzir edər,
istəsə rəzil edər.
*
Torpaq nələr çəkir, əkəni bilər,
Dərdin ağrısını çəkəni bilər.
Evin bərəkəti qaçırsa əgər,
Damının dirəyi çökəni bilər.
*
SÖZÜN ÇATA AŞIĞA,
YOLUN ÇIXA İŞIĞA.
VAY KİŞİNİN HALINA
İŞİ DÜŞƏ UŞAĞA.
*
İstəmiyən Hadı,
yeddi şiş kabab yedi.
*
İnsan özünə ya həkimdir, ya qənim. Sən özünə həkim olsan, sağlamlıq və xoşbəxtlik Məbədinin qapıları üzünə laybalay açılacaq.
*
Şər qarışa,toran düşə,
Dost evinə varan düşə.
Könlümün eşq guşəsinə
Məni məndə görən düşə.
*
Xızır, üzündə pərdə,
Qaf dağında səfərdə.
Allah könlümüzdədir,
Axtarma göydə, yerdə.
*
Saray nənəm deyərdi ki, ər bulaqdırsa, arvad göldü, gölün bir yanı açılıbsa, deməli bulaq boşuna axar.
*
Tərəkəmə deyər ki, qorxu oğrunun yol yoldaşıdı, hara getsə onunla gedər.
*
Çöldə gəzən dovşan özünü qəfəsdə olan aslandan xoşbəxt sayar.
*
Toyuq olmağına toyuqdu, amma qaz yumurtası yumurtlayır.
*
Dədələrimiz deyib: Hürməyən iti həyətdə saxlamazlar. Bəs yiyəsinə hürəni iti neyləməli ?
*
Dədələrimiz deyib: Qarın yamaq götürməz. Yoxsa baxır kimin qarnıdı?
*
Ələvilərin inanclarına görə Nəsimi soyulduqdan sonra öz dərisıni çiyninə ataraq Hələbdən çıxaraq qeybə çəkilib. İnanırsınızmı?
*
Anaxanım atlandı,
ağ köynəyi qatlandı.
(Açmasını kim bilir ?)
*
Dədələrimiz deyib ki, adam yorğunluğundan ölməz, yoğunluğundan ölər.
*
Köhnə kişilər deyərdilər ki, hər şey saqqala görə olsa, təkə gərək sərdar ola.
*
Axar bulaq bir itin ağzıyla mundar olmaz.
*
Dağın dumanı qurdun zamanı.
*
Nəvələr yığışa başıma hər gün,
Dərdlərim də yaddan çıxa büsbütün.
Sərraf baba, Allahına şükr elə !
Qürbətdə yaşamaq olsa da çətin.
*
Dədələrimiz deyib: Boynduruq bilir öküz nə çəkir ? Bəs öküz qanırmı boyunduruğn nə çəkdiyini?
*
Dədələrimiz deyib: Meşədə armudun yaxşısını ayı yeyər. İndi meşələri də dədələrinin malı kimi böldüklərindən yazıq ayı neyləsin ?
*
Dədələrimiz deyib: Gədədən bəy olmaz. Bəs indi?
*
Dosta açıq könül qapım,
Kim itirib, mən də tapım.
*
Hər sevən aşiqin könlü Sevilənin taxtıdır,
O vaxt ki, ixtiyarın yox, Sevilənin vaxtıdır.
*
İşığn kora, aşığın kara nə xeyri var?
*
Küheylan at iyidin xasının altına layiq, abır, həya da gözəl xanımların adına layiq.
*****************************************************
Tərəkəmənin oğrusu qurdla yeyər, çobanla axtarar.
*
Ağac var kölgəsində min qoyun daldalanar, ağac da var bir qoyunluq kölgəsi yoxdu.
*
Ağıl qızıldan tacdı, hər başda olmaz.
*
Əmri başdan gəlir əlin, ayağın,
Vay o gündən başın sözə baxmaya.
*
El arasında ələşən - küləşən deyimi hansı mənada işlənir ?
*
Həyətində heybətli və ayıq köpəyi olanın hinindən tülkü toyuq apara bilməz.
*
Dəvənin zülmü bilirsinizmi nə vaxt başlayır ? Ofsarını eşşəyin quyruğuna bağlayanda. Bəs bilirsinizmi kişinin zülmü nə vaxt başlayır ? Başının kəndirin arvadın əlinə verəndə.
*
Gözlər baxdı, dillər susdu,
Lal sükuta qulaq asdım.
Könlüm vəcdə gəlmək üçün
Üzünə baxmağım bəsdi.
*
Qadın nifrət edəndə həyatı ölümdən ayıra bilmir.
*
Bənnası çox olan divar əyri olar.
*
Alçaq adamın işi əyilməkdi,
tənbəl nökərin işi döyülməkdi.
*
Ağırlığın yer götürər,
Ruzisin Allah yetirər.
(Açmasını kim bilir?)
*
Yağış yağanda çimər, yuyunar,
Yazda geyinər, qışda soyunar.
(Açmasını kim bilir ?)
*
Bostanın qoruqçusu olmasa, xiyarın nubarını uzunqulaq yeyər.
*
Namxuda dünyada artıb yaldaşlar,
Üzümə gülürlər üzü padoşlar.
Bu qərib şairi şəhər içində
İtirib axtarmır dostlar, qardaşlar.
*
Xalqımızın mənəviyyatına, dilinə, dininə, adət və ənənəsinə, tarixinə və tarixi qəhrəmanlarına daş atanlara, dil uzadanlara Ana yurdumun çorəyi, suyu, havası haram olsun!
*
Ələk ilə su necə daşına bilər?
Açmasını kim bilir?
*
Qaranlıqda nəyimizi görə bilmirik ?
Açmasını kim bilir ?
*
Ən gözəl ətirli fil hansıdı ?
Açmasın kim bilir ?
*
Az idi arıq - uruq,
biri də gəldi dabanı cırıq.
*
Bəzən hamballıqda kişiyə düşər,
Qazanc da bir buğu şeşiyə düşər.
Əziyyət olsa da yükü yükləmək,
Ağırlığın çəkmək eşşəyə düşər.
*
AİLƏSİNƏ VƏ VƏTƏNİNƏ SEVƏRƏK XİDMƏT EDƏN LAYİQLİ ÖVLAD VALİDEYNİN ÖZÜNDƏN SONRA YADİGAR QOYDUĞU ƏN MÜKƏMMƏL ƏSƏRİDİR.
*
Arşın malı kilo ilə satılmaz.
*
Palazın tozun çırpa - çırpa,
qanmazın sözün çırpa - çırpa
bir az azaltmaq olar.
*
Küçə itini nə qədər bəsləsən də, öyrətsən də, ondan çoban iti olmaz.
*
QURD ULAMAĞIYNAN ÇOBANI YUXUDAN ELƏMİR EEY... İTİ HÜRDÜRÜB, QOYUNU QORXUYA SALIR.
*
MƏNBƏƏSİZ AXAR SU, KÖKSÜZ AĞAC, ƏSİL NƏSƏBSİZ İNSAN OLA BİLMƏZ.
*
KÖPƏYİ BAZARA DARĞA QOYDULAR,
QƏSSABLARIN ÜRƏKLƏRİN OYDULAR.
*
Bilə - bilə sevəcəm, gülə - gülə sevəcəm,
Nə qədər yaşayıram, elə belə sevəcəm.
Süleyman Sərraf.
*
Qadın ürəyi kişi üçün o qızıl sandıqdandır ki, açarı Sakit okeanın dibində, yeddi qala qapısının arxasındadır.Ay tapdınız haaa...
*
Dərvişlər aşiq olur,
Mən də sevsəm nə olar?
*
Bir ölünün üstündə qırx arvad ağlayar, amma hər arvad da öz dərdinə ağlayar.
*
Nə vaxtsa gördüyün hər hansı bir namərdlik hərlənər, fırlanar, axırda öz başına bəla olar.
*
Çox vaxt ürəkləri istədiyi gözəl işlər layiq olanlara nəsib olmur.
*
Mən asılan dar ağacı gül açar,
Yüz il sonra ürəklərdə dil açar.
Haqq olana mənim canım fədadır,
Dərviş olan Haqqa doğru yol açar.
*
Könül Allahın ona bəxş etdiyi nurdan işıqlanırsa, deməli artıq Eşqin yoluna yönəlib.
Süleyman Sərraf.
*
AŞİQ OLMAQ NƏ GÖZƏL,
AŞİQ ÖLMƏK NƏ GÖZƏL...
*
Oğru hara gedirsə getsin, nə edirsə etsin, yolunun sonu qazamatdı.
*
Bu ömür yazılmış baxtındı, qoca,
Müdriklik sonuncu taxtındı, qoca.
Artıq dodaq öpmək vaxtın keçibdi,
Sənin alın öpmək vaxtındı, qoca.
*
Kiminsə kölgəsində yaşamaq adəti,həyətdə zəncirə vurulmuş köpəyin əlində sümük olan sahibinin əllərinə baxmaq adəti ilə eynidir.
*
Əsil aşiqin ürəyi bəzən adi eşqin orealından çıxaraq Sevdiyinə qovuşmaq üçün İlahi eşqin orbitinə girir.
*
İnsan Allahın bəxş etdiyi bu az ömrü ölməyəcək kimi yaşayır, sabahı haqqında təsəvvürü belə yoxdur.
*
Baxışlarım
bahar çiçəkləri kimi
saçlarına tökülür,
sevə - sevə ölürəm.
*
Yağmur gözlərimə baxma, sevdiyim,
Dərisi soyulmuş dərd görəcəksən.
*
ATILAN DAŞ BAŞA DƏYƏR,
AYAĞIMIZ DAŞA DƏYƏR.
QOCALIQ ALIB QAPINI,
ÖMRÜMÜZ DƏ QIŞA DƏYƏR.
*
Başın gözəl olması içindəkinin də gözəl olmasına dəlalət eləmir.
*
Şərabın çəlləyinə düşmək yaxşıdı, yoxsa şeytanın kələyinə?
*
Mənim gözlərimdə mən axtaran kəs,
Özünü görərsən, məni görməzsən.
*
Dərdimi dağa dedim,
dağ əridi gözümdə.
*
Gözlərin danışır səndən xəbərsiz,
Ürəyin çırpınır barmaqlarında.
*
Guya naxır qapıya gəlməsə, axşam düşməyəcək?
*
Qonşunun papağını oğurlayan ancaq gorunda başına qoymaq istiyər, onu da molla qoymaz.
*
Qara eşşəyin başına yüyən vursan da ondan qatır olmaz.
*
El arasında "Sən böyüksən yoxsa saqqalın ?" zərb məsəli hansı mənada işlənir ?
*
Bilənlər cavab versin: Ermənilərin əccə nənəsinin fahişə olduğu tarixdən məlumdu. Qardaşı farsdırsa, bəs dədələri kimdi ?
*
Mənə maraqlıdı, niyə bu ədalətli Osmanlı sultanlarının və Səfəvi şahlarının hərəmlərində arvadların sayı belə çox idi?
*
ZAMAN KEÇİR TEZ, DƏDƏSİ,
SAVILIBDI QOZ, DƏDƏSİ.
BAŞIMIZDA QOZ SINDIRIR
BİRCƏ BİCİN YÜZ DƏDƏSİ.
*
YAYIN ORTASINDA QANADLARINI AĞAPPAQ QAR QUCAQLAYIB ÖPƏN QOCA ÇİNAR KİMİYƏM.
*
Bu günün atalar sözü: Tələsən tıxaca düşər.
*
Bu günün atalar sözü: Yuva plana düşdüyündən, ilanı yuvasından çıxarırlar.
*
Bu günün atalar sözü: Ağa Nəzərəm, Renciroverlə gəzərəm.
*
Məni qopartmısan məndən, Sevgilim,
İlişib qalmışam məndən uzaqda.
*
"Zahidin bir barmağın kəssən dönüb haqdan qaçar" deyən Nəsiminin dövründə Haqdan qaçanların sayı çox idi, yoxsa indi ?
*
DƏRVİŞİM TƏKKƏDƏDİR,
QİBLƏSİ MƏKKƏDƏDİR.
DAŞ SƏBİRLİ PİR BABAM
BİLMƏZ Kİ, HİKKƏ NƏDİR ?
*
Vəhdəti şühud nədir ?
Vəhdəti küsud nədir ?
Vəhdəti vücud nədir ?
*
Elm əl-yəqin nədir ?
Eyn əl-yəqin nədir ?
Həqq əl-yəqin nədir ?
*
Bir cöngəni illərin öküzünə boyunduruğ yoldaşı eləyəndə rəncbərin günü necə olar ?
*
KİM MARAĞALI ƏVHƏDİNİN "CAMİ CƏM" MƏSNƏVİSİNİ TAM OXUYUB VƏ BAŞA DÜŞÜB ?
*
Düyüsüz plovla kösövsüz ocaq
olsa, eşşəydə də olar qanacaq.
(Çətin məsələdi.)
*
Nəfsində bir həddi var,
Çalış həddini aşma !
Əgər ağlın vardırsa,
Aslanla pəncələşmə !
*
FÜZULİNİ BAŞA DÜŞƏNLƏR KÖNLÜNÜ, RUHUNU İLAHİ EŞQ UĞRUNDA DARA ÇƏKMƏYİ BACARAN AŞİQLƏRDİR.
*
Şəhvət ehtirasla gözlərini açanda, məhəbbət utandığından gözlərini yumur.
*
Tək olanda özünün, çoxluq olanda sözünün sahibi ol ki, sonra canına qorxu düşməsin.
*
Alır beşə, satır beşə,
mat qaımışam bu işə.
*
Keçidən dövlət, bicdən isə övlad olmaz.
*
Köhnə kişilər deyərdilər ki, dayanmadan yağış yağanda bir daşı arxası üstə çevirəndə yağış səngiyib kəsir.
*
Nənəm deyir ki, qız uşağı gecə güzgüyə baxsa, baxtı bağlanar.
*
GÜNAHINI GÖZLƏRİNLƏ GÖRƏRSƏN.
DÜLGƏR DEYİLSƏNSƏ ÇƏKİC GÖTÜRMƏ,
BİR TAXTAYA, BEŞ ƏLİNƏ VURARSAN.*
*
Sözü adama bal kimi yedizdirib zəhər kimi qusdururlar.
*
EŞQİN RİSALƏSİNİ OXUYUB BAŞA DÜŞƏN KİŞİNİN KÖNÜL TAXTININ SAHİBİ, ONUN RƏBBİDİR.
*
Dərviş yolları yorur,
Gəlib dərgahda durur.
Eşqimin mələkləri
Könlümdə məclis qurub.
*
Kişi torpağın əkər,
sonra da dərdin çəkər.
*
İt hürə - hürə məhləyə qurd dadandırar.
*
Dünyamız əvvəl - axır,
Sonumuz hara çıxır ?
Yan - yörənə baxsana,
Hər daşdan bir can baxır.
*
Dərvişəm, yoxdur əbam,
Şeytanla vardır davam.
Sözü gözəlləşdirən
Usta oğlu Sərrafam.
*
MƏN BİR DAĞIN AĞACIYAM,
HƏM ŞİRİNƏM, HƏM ACIYAM.
TİFİL SƏRRAFDAN ÖTƏRİ
ALLAHIMA DUAÇIYAM.
*
YA BİR DAŞQIN SEL OLACAM,
YA DA YANIB KÜL OLCAM.
GÜN GƏLƏCƏK, DƏRVİŞLƏRƏ
HAQQA GEDƏN YOL OLACAM.
*
EŞQİN ŞƏRABINDAN İÇDİM,
İÇİB DƏ ÖZÜMDƏN KEÇDİM.
QOŞULARAQ DƏRVİŞLƏRƏ
KÖNLÜMÜ DƏRGAHA AÇDIM.
*
ÜSTÜNDƏ YÜZ KİLOLUQ YÜKÜ DAŞIDIĞI ÜÇÜN BİR GÜN AYAQLARIM BEZƏCƏK MƏNDƏN.
*
ÇOXDANDI İTMİŞƏM ÖZ ÜRƏYMDƏ,
BİR GÜN TAPILACAM BAŞQA EŞQİNƏN.
*
Amerika xalqı öz içindən ağıllı, savadlı və cavan bir siyasətçi tapıb prezident seçə bilmir ki, özlərinin də, dünyanın da müqəddəratını iki haphap, ağılsız qocaya həvalə edirlər.
*
Zurnaçının toyu, hamamçının suyu çətin qurtara.
*
Cənnətdə Adəm nə gözəl,
Gülşəndə şəbnəm nə gözəl.
Pislikləri yandırmağa
Xaki - cəhənnəm nə gözəl.
*
Ağır yağış damlaları çırpılır
Səbrimin çat vermiş şüşəsinə.
Çıxıb bəd ruhların qaranlığından
Qoşuluram ölməkdə olan bu dünyanın nəşəsinə.
*
Nəsiminin dərisini soyduran,
Mənsuru dara çəkdirən İlahi sözdür.
Füzulinin könlündə
eşqin güllərini əkdirən İlahi sözdür.
*
Tazıdan çoban iti,
Qatırdan kəhər olmaz.
Şər içində nur itir,
Nur içində şər olmaz.
*
BARMAQ ARASI BAXMA YAŞADIĞIN HƏR GÜNƏ,
"HƏMİN GÜNÜ NƏ ETDİM ?"
SUALIN VER ÖZÜNƏ.
*
ƏRƏBLƏR, FARSLAR VƏ RUSLAR NİYƏ TÜRKLƏRİ SEVMİRLƏR ? BİZ ONLARA NƏ ETMİŞİK?
*
Qurban olduğum Allahın göndərdiyi müqəddəs kitablara əsasən ərəblər və yəhudilər İbrahim peyğəmbərin iki oğlundan törəyiblər. Bəs onda bunlar niyə düşmənidirlər?
*
DƏRDİNİ DİVARA DANIŞAN İNSAN
DƏRDİNİN DƏRMANIN TAPMAZ HEÇ ZAMAN.
*
YAYLAĞA BƏRƏKƏT, DÜZƏ BƏRƏKƏT,
ÇÖRƏYƏ BƏRƏKƏT, DUZA BƏRƏKƏT.
MEYİ, MƏZƏSİYLƏ QOCA ŞAİRİN
QƏLBİNDƏ GÜL AÇAN SÖZƏ BƏRƏKƏT.
*
SAVABI, GÜNAHI BİLMƏYƏN BİR KƏS
ŞƏKƏRİ ZƏHƏRDƏN AYIRA BİLMƏZ.
*
ALDIĞIN NƏFƏSƏ ŞÜKR ETMƏSƏN SƏN
BU GÖZƏL HƏYATIN QƏDRİN BİLMƏZSƏN.
*
Lazımlı olanlar lazım olan vaxtı tapılmazlar.
*
Yanıb külə dönmüş aşiqi ikinci dəfə yandıra bilməzsən.
*
Dost dostuyla didişməz,
Qul xətasız ötuşməz.
Nə qədər çarə qılsan,
Köhnə yara bitisməz.
*
ƏSİL ƏDƏBİYYAT KÖNÜL OXŞAYAN DUYĞULARIN SİMFONİYASIDIR, BAYAĞI MÜSUQİNİN BAŞ AĞRIDAN SƏS - KÜYÜ DEYİL.
*
Ürək dərdin sığınacaq yeridi.
*
Qeyrət kişi papağı,
Həya xanım yaşmağı.
Həmişə cırıq olar
Pinəcinin başmağı.
*
Adam var tamahı yox,
Ömrün yaşar gözü tox.
Dil var ki, inciyəni,
Dil də var, incisi çox.
*
Uca zirvələri aşasan, Sərraf,
Eşqini könlündə daşı sən, Sərraf.
Nə olar Allahın verdiyi ömrü
Zövq ilə, şövq ilə yaşasan, Sərraf.
*
Şəkəralı babam cır adamlara baxıb deyərdi ki, Allah dağına görə də qar yağdırır.
*
Rəhmətlik Tahir babam deyərdi ki, ağır qazan gec qaynadığı kimi, ağır adamın da ağzından söz çətin çıxar.
*
Ac olmaqla adam ölməz,
acı olmaqla adam ölə bilər.
*
Bu səhər də açıldı,
Bu axşam da gələcək.
Tək olan Allah bilir,
Kim sonunda güləcək.
*
İşığa həsrət pərvanə,
Pərvanəyə həsrət işıq.
Könlümüzdə sevgi yoxsa,
Demək çoxdan daşlaşmışıq.
*
DILQIR DANA AYIB OLUB NAXIRA,
AXŞAM OLUB, GƏLİB ÇIXMIR AXURA.
YA GEDİB QONŞUNUN BAĞINA GİRİB,
YA SAPIB YOLUNDAN DÜŞÜB ÇUXURA.
*
Məhəlləmizdə bir gənc divara belə yazıb: Adam kimi ölmək üçün də adam kimi yaşamaq lazımdır.
*
NAĞILA İNANIB NAĞILA DÜŞDÜK,
YALAN EVİMİZİ YIXIBDI, VALLAH.
ŞEYTANA O QƏDƏR ÜŞÜR VEMİŞİK
GƏLİB KÜRƏYİMİZƏ ÇIXIBDI, VALLAH.
*
Pir olan xəta bilməz,
Haqqını ata bilməz.
Bir qartalın udduğun,
Sərçələr uda bilməz.
*
Hər küləyə əsməzlər,
Hər kəlmədən kusməzlər.
Haqqdan belə buyrulub,
Bar ağacın kəsməzlər.
*
Kor divara qədər gedər.
*
Bəzi adamların üzündəki təbəssümdən belə dərd oxunur.
*
Şeytana daş atanların çoxu şeytana xidmət eliyənlərdi.
*
Hər yolunan getmək olmaz,
Hər arzuya yetmək olmaz.
Eşqi özünə yol bilən
Ürəyə hökm etmək olmaz.
*
Qız anasının dirriyidi, nə əkərsə, onu da dərər.
*
Aşiqin dərdindən gül ətri gələr.
*
Aslan ürəyin yoxdursa, şirlə pəncə - öncəyə gəlmək axmaqlıqdır.
*
KÖNLÜMÜZ SINIXIBDI,
GÜLÜMÜZ SOLUXUBDU.
SƏRRAF BABA BU YAŞDA
SEVGİYƏ YOLUXUBDU.
*
ZAMAN VAR OLANI YOX ETMƏKDƏ SƏLAHİYYƏTLİDİR.
*
ÜMİDİMİZİN TUTACAĞI İPLƏR YAMANCA QISALIB.
*
QÜSURSUZ ADAM AXTARAN KƏS, ÖMRÜNƏ HEYFİN GƏLSİN, YÜZ İL YAŞAYASAN DA TAPA BİLMƏZSƏN.
*
Söz var ki, dəli edər şairi,
Söz var ki, vəli edər şairi.
Soz var ki, sevən könüllərin
Yolu edər şairi.
*
Səni, məni çərçivəyə salan var,
Dünyaya gələndən ölənə kimi.
*
Ay yüz dəfə ölənlər, mən bir dəfə öləcəm,
Min bir dərdin içində baxıb kefə, öləcəm.
*
Əvvəl nədir, son nədir? - bilmək istəmir insan,
Nə qədər yaşasa da ölmək istəmir insan.
*
Hər birimiz bizdən əvvəl dünyaya gələnlərə də, bizdən sonra dünyaya gələnlərə də nə isə borcluyuq.
*
Qəlbi Haqq yolunda olanlara bir Pir, elm öyrənmək istəyənlərə bir ruhu nurdan yoğurulmuş Alim, dünyanı işıqlandırmağa bir Günəş bəs eyləyər.
*
Boşalan bir gün dolacaq,
Açılan bir gün solacaq.
Qalacaqlar var, qalacaq,
Olacaqlar var, olacaq.
*
Agda qara görənlər,
Kölgəsinə hürənlər.
Hər zaman işsiz qalsın
Şeytana iş verənlər.
*
Köpəyə yal qoyarlar,
Eşşəyə çul qoyarlar.
Söz batmayan gedənin
Adını kal qoyarlar.
*
Hər qapıya bir açar,
Hər cana bir dərd düçar.
Günahkar üz silləyə,
İlan gülləyə qaçar.
*
Quş var ət yeyir,
quş da var əti yeyilir.
*
Könül mehmanxana otağı deyil ki, hər gələni qəbul eliyəsən.
*
Hələ də ürəyinin yerini bilməyən adamlar var.
*
Arvad var ki,
nə alırsan geyir,
nə verirsən yeyir,
sonra da dədənə söyür.
*
YİYƏSİZ ÖLMÜŞ EŞŞƏYİN NƏ QƏDƏR SAHİBİ VARMIŞ ?...
*
SƏRT, BOZ ÜZLÜ QAYANIN SİNƏSİNDƏ DƏ GÖZƏL VƏ ƏTİRLİ GÜLLƏR AÇIR.
*
ƏKƏRƏM ƏKİLMƏZİ,
ÇƏKƏRƏM ÇƏKİLMƏZİ.
FƏLƏK BELİNİ BÜKÜR
MƏN DİZİ BÜKÜLMƏZİN.
*
Gündüzlər gözlərim səni axtara,
Gecələr könlümdə gecəliyəsən.
Başını qoyasan sinəmin üstə,
Özgə ümidləri puç eliyəsən.
*
ÖZ AĞZINA SAHİB OLA BİLMİR, HƏLƏ BİR DƏ QUNŞUNUN DA AĞZINA SAHİB OLMAQ İSTƏYƏR.
*
Ağacı aşırmâga qolunda güc yoxdursa, baltanı günahkar bilmə.
*
Dədəmin dədə yeri, babamın baba yeri,
Kişilik meydanının
qalıb xaraba yeri.
*
Sol Vənənd, sağ Vənəndli,
Dagbaşı dağ Vənəndli.
Tərtərin Qapanlısı
Bizlərə qardaş kənddi.
*
Bir də baxıb gördüm yaş altmış üçdü,
Dərdi, sevinciylə xoş altmış üçdü.
Yenə uyğunlaşmır bu yaşımda da,
Ürək iyirmi beşdi, baş altmış üçdü.
*
Gozlərinə baxıb üşüdüyüm adamlar var.
*
Oğrular öz doğruları ilə birlikdə günah içindədirlər.
*
Üzümə baxan adam,
Su kimi axan adam.
İçində kin bəsləyər
Özündən qorxan adam.
*
Hər üzümdən şərab, hər kişidən cənab alınmaz.
*
Özü kömürçü qızı, tərbiyəsi şahanə.
*
Qocanın huşu yoxdu,
Ağzında dişi yoxdu.
Baş var bədənə hakim,
Bədən var başı yoxdu.
*
Yol gedir Pirçivana,
Can qurban pir cavana.
Necədi, ay allahsız,
Qanmayam qana - qana.
*
Şər qarışar, toran düşər,
Dost evinə varan düşər.
Könlümün eşq guşəsinə
Məni məndə görən düşər.
*
Öküzün cütə getmək istəməyəni kəsilib qazanda bişər.
*
Kişi sındıran qab- qacagın səsi qaynananın evindən gələr.
*
Axmaqların çox olması müdriklərə əzab, fırıldaqçılara şans gətirər.
*
Nəfsinə qul adamlar çıxırlar küçələrə,
Nəfsinə qul adamlar yeyirlər bu şəhəri.
Nə gecəsi gecədir, nə gündüzü gündüzdür,
Gecə yarıdan keçir, tutmur uyğu şəhəri.
*
BİR ZIRRAMAYA BİR CÜMLƏNİ BAŞA SALMAQDANDIRSA, ÇÖLÜN AYISINA VELOSİPED SÜRMƏYİ ÖYRƏTMƏK DAHA YAXŞIDIR.
*
BİR DƏDƏ YEDDİ OĞLUNU BÖYÜDÜB KİŞİ ELƏDİ, GÜN GƏLDİ Kİ, YEDDİ OĞUL BU QOCA DƏDƏNİ ÖZ ARALARINDA BAŞ ELƏMƏDİLƏR.
*
XANIMDAN YAŞINI, KİŞİDƏN MAAŞINI SORUŞMAZLAR.
*
Keçmişdə belə bir deyim varmış: Çobana qoyun lazımdı, həllaca yun. Mənasını kim açar?
*
lan dərisini dəyişə bilər, xarakterini heç vaxt dəyişməz.
*
Adam var ki, sözün müxtəsərinə qanedi, adam da var ki , min ədəd min səhifəlik əsər də oxusa, yenə də hələ danadı.
*
Dərdini divara yazan qardaşım,
Şeytanın oyunun pozan qardaşım.
Səni diri - diri ağlamaq lazım,
Allahın yeridi, uzan, qardaşım.
*
Aygır qaçağan olar,
Qartal uçagan olar.
Hər sirri söz eləmə,
Sirr var, açsan qan olar.
*
Qarpız yeyən qıraqda qalıb, qabıq yeyəni döyürlər.
*
Sərraf, dağlar arxandı,
Gözün çətin qorxandı.
Sənə darga nə lazım ?
Öz vicdanın dargandı.
*
Toxum torbada göyərməz.
*
Şəkər suda əriyər,
Can toprakda çürüyər.
Paxilsansa, gün gələr
Dərd içinə yeriyər.
*
ÇƏN QONUBDU ÇAXMAĞA,
GÖZ İSTƏYİR BAXMAĞA.
HƏR DƏRD BİR ÜRƏK GƏZİR XƏNCƏRİNİ TAXMAĞA.
*
Şəkililər qaraqabaq adama deyirlər:- Səən canoo yiyiym, diyirsən dodağı qaşsın, kişi dodaxsız qalsın?
*
CANBAZIMIN ŞƏLALƏSİ,
DƏRVİŞİMİN YALI GÖZƏL.
BƏNDƏLƏRİ GEDƏ BİLSƏ,
RƏBBİMİN DƏ YOLU GÖZƏL.
*
Aləm mənim içimdə,
Mən aləmin içində.
Ürəyim dəstur deyir
Bir meyxanə küncündə.
*
Allahdan barat gələ,
Kasıbın üzü gülə.
Ürəkdəki dərdimiz
Əriyə gilə - gilə.
*
Süləngidən xatın olmaz, boz sıpadan qatır.
*
Damla ümmanın mənbəyi,
İlk an zamanın mənbəyi.
Gözəllik Haqqın nurudur,
Pislik şeytanın mənbəyi.
*
Ay ilan, sənin də balan olacaq,
Elə sənə bənzər ilan olacaq.
Nə qədər bəslənib xoş üz görsə də,
Qəfildən yiyəsin çalan olacaq.
*
İçmək olmaz hər bulağın suyunu,
Nanəciblər tanımazlar soyunu.
Bir də günah əmdikləri süddəndi,
Ona görə tapmır taylı tayını .
*
MƏN BİR DƏRVİŞ YOLUYAM,
SİRLƏRİNƏN DOLUYAM.
ÜZÜ DƏRGAHA DURAN
PİR BABAMIN HALIYAM.
*
VURAN OĞUL DƏDƏSİNDƏN SORUŞMUR,
MAĞMIN OĞUL SÖZ DEMƏYƏ GİRİŞMİR.
*
Haqqı görə biləsən,
Borcun verə biləsən.
Elə yıxıl ki, canım,
Sonra dura biləsən.
*
Dost evinə girərlər,
Girib salam verərlər.
Savab, günah - nə etsən ?
Sən görməzsən... Görərlər.
*
Hər kəsə öz doğma yeri,
Doğma elat, doğma yörük.
Mələrtinə dağlar ağlar,
Çobanı qurd olan sürü.
*
Kimimiz iş xəstəsi,
kimimiz dil ustası.
Paxılın arzusudu
Yaxşılığın batması.
*
ÜZÜMÜN SALXIMIN ÜZ, HAZIRLAŞAQ,
GÜLGÜN ŞƏRABINI SÜZ, HAZIRLAŞAQ.
ÖMÜR SÜRƏK GÖZƏLLİKƏR QOYNUNDA,
ÖLÜM GƏLMƏMİŞDƏN BİZ HAZIRLAŞAQ.
*
Rəbbim dağına baxıb qar verər, bağına baxıb bar.
*
Saxlaya bilsən dağarcık unu, əlindən tutar qara günü.
*
Çox yemək adamı iki eləməz, uzaq başı yekə eliyər.
*
SƏNİN TAMAHIN GÜNAH,
MƏNİM HAQQ SÖZÜM SİLAH.
SƏNİN SAHİBİN İBLİS,
MƏNİM SAHİBİM ALLAH.
*
Nənələrimiz nə demək istəyib ? - Qızım sənə söyləyim, gəlinim, sən eşit !
*
Dədələrimiz nə demək istəyib?- Çobana verərsən qızı, ya qoyun otarar, ya quzu.
*
İlahi, görəsən şərəfli, ləyaqətli insanları belə eybəcər dünyada yaratmaqda fikrin nə imiş?!
*
Bəzən fikirləşirəm, görəsən nağıl danışanlar nağıla inananlar üçün danışırlar, yoxsa nağıla düşənlər üçün ?
*
Bəzən fikirləşirəm, görəsən səhərdən axşama kimi şeytana nökərçilik edən kəs, gündə beş dəfə namaz qılmaqla Cənnətə düşə bilərmi ?
*
Bəzən fikirləşirəm görəsən adamlar niyə təkəbbürlülüklə ləyaqəti bir biri ilə qarışdırırlar ?
*
KÖHNƏ BALI ATMAZLAR,
SAĞMAL MALI SATMAZLAR.
ÜZMƏYİ BACARANLAR
LAL ARAZDA BATMAZLAR.
*
ŞAN SƏBƏTDƏN ALINAR,
QAZANLARI DOLANAR.
GİRİBSƏ BAL QAZANINA,
TAXTA QAŞIQ YALANAR.
*
Kim ,babasının atasının atasının adını bilir?
kim bilirsə əhsən ona...
Ancaq səmimi olun...
*
Qatıra dədən kimdi deyə soruşanda, cavabında dayım boz ayqırdı demişdi.
*
Ucuzdu var illəti, bahadı var hikməti.
*
Bir mıx bir nalı, bir nal bir atı, bir at bir əri, bir ər bir eli qurtarar.
*
POLİS QARDAŞLARIMI PEŞƏ BAYRAMLARI MÜNASİBƏTİ İLƏ ÜRƏKDƏN TƏBRİK EDİRƏM.
*
ƏN ÇƏTİN VƏ ƏN ASAN SUAL: MƏN KİMƏM VƏ NƏ ÜÇÜN YAŞAYIRAM ? - KİM BU SUALA CAVAB VERMƏK İQTİDARINDADIRSA ÜRƏYİNƏ EŞQ OLSUN !
*
Rəhmətlik İbiş babam deyirmiş ki, Vənətli qapısına halallıqla qardaş olub gələnin köləsi, fırıldaqla xaincəsinə gələnin bəlası olar.
*
Yiyəsinə xeyir verməyən ağıl, kişilikdə dədəsinə bənzəməyən oğul əldəki altıncı barmaq kimidir.
*
Rəhmətlik Usta Mürsəl deyərdi ki, ağzına gələn hər şeyi hər kəsin yanında danışma, xirtdəyi olan da var, xirtdəyi olmayan da.
*
Rəhmətlik İsa əmim (Xəlilov İsa) deyərdi ki, düz söz iti xəncər kimidi, nə təhər gəldi demək olmaz, yoxsa deyənin özünü də kəsər.
*
GÖZLƏRDƏN İTƏN OLACAM,
DAŞLARDA BİTƏN OLACAM.
HARDA MƏNİ BASDIRSALAR
BİR ƏLÇİM VƏTƏN OLACAM.
*
Pirin balası pir olar,
Şirin balası şir olar.
Əgər Allah istəyirsə
Daşın içində dürr olar.
*
Etdiyi savabların qazancını düşünməyən insanlar İlahi eşqin daşıyıcılarıdır.
*
Təkəbbürlülük məğrurluq deyil, məğrurluğun gözəlliyini əlindən almağa çalışan Şeytanın cəhdidir.
*
Böyük olduqları qədər sadə, sadə olduqları qədər böyük olan Haqq yolçuları yox olduqdan sonra belə var olurlar.
*
Qəlbi Haqq yolunda olanlara bir Pir, elm öyrənmək istəyənlərə bir ruhu nurdan yoğurulmuş Alim, dünyanı işıqlandırmağa bir Günəş bəs eyləyər.
Süleyman Sərraf.
*
Hər birimiz bizdən əvvəl dünyaya gələnlərə də, bizdən sonra dünyaya gələnlərə də nə isə borcluyuq.
*
Yanıb külə dönmüş insanı ikinci dəfə yandıra bilməzsən.
*
Canavarın qardaşı da canavar olar, əgər çaqqaldırsa, günah anasındadır.
*
"Gözlərini yum, seldən keç !" - axmaqların aksiyomasıdır.
*
EŞİTMƏMƏK AYRI, EŞİTMƏK İSTƏMƏMƏK AYRI.
*
CIZIQDANÇIXMA AYRI, CIZIĞINDAN ÇIXMA AYRI...
*
HƏYATI ÜÇ GÜN ÇİÇƏYİM,
KOR BƏXTİ KÖÇGÜN ÇİÇƏYİM.
YAĞIR OLMUŞ ÜRƏYİMDƏ
AÇILIR EÇQİN ÇİÇƏYİ.
*
Bal yeməyən, balın adını bilməklə necə dadını bilər ?
*
Şəhvətinizə zəncir vurun ki, ona görə özünüzü zəncirə vurmasınlar.
*
BİR AİLƏ O VƏDƏ DAĞILMAĞA MƏHKUMDUR Kİ, O EVDƏ ƏRİN CİLOVU ARVADIN ƏLİNDƏ OLSUN.
*
Qadının həyası, kişinin qeyrəti yoxdursa, onlar üçün "mənalı həyat" anlamı itir.
*
Dərman heç bir xəstəliyi sağaltmır. Xəstəni həkimdən asılı vəziyətə salır. Dərman - zəhərdi. Bütün dərdlərin çarəsi pəhrizdi.
*
Qərib quşa yuvanı Allah qurar.
*
Nə gözəl deyiblər:
- Ədəbi kimdən öyrəndin ?
- Ədəbsizdən.
*
Əgər ağılın yerini nifrət tutursa, vay o başın halına.
*
Günəşli havada yağan yağışa niyə tülkü toy eləyir deyirik ?
*
QATIRDAN KƏHƏR OLMAZ, ƏLƏYPƏRDƏN DƏ PEYĞƏMBƏR.
*
Xarab meyvəni süfrəyə qoymazlar, xarab adamı süfrə başına.
*
Rəhmətlik Behbud dayım yaxşı at haqqında deyərdi ki, səhər Gəzbeldə köhlənimə minərəm, axşamı Vənətlidə yenərəm.
*
Hər dənizin öz sahili var.
*
Rəhmətlik İbiş babam deyərmiş ki, meşədə ağacın düzünü dibindən kəsərlər, camaat içində adamın düzünü dilindən asarlar.
*
Kürkünə birə düşər samanlıqda yatanın,
Kəlməsi yerə düşər Haqqı ucuz tutanın.
*
Görəcəyin işi fikirləşib həll et ki, həll edəndən sonra fikirləşməyəsən.
*
Rəhmətlik İsgəndər əmim deyərdi ki, elə bədbaxt var ki, bostan əkməmişdən qarpız yemək umudundadı.
*
Sərraf babanın qarğışı:
Allah tülküyə aslan gücü verməsin !
*
Hər kəsin çatacağı bir son dayanacaq var.
*
Rəhmətlik Qara İsmayıl baba deyərdi ki, hürməyən köpəyi həyətdə saxlamazlar, azdırarlar.
*
ALLAH İSLAM ÜMMƏTİNİ NAMAZ QILIB, ORUC TUTUB, HƏCCƏ GEDİB İBLİSƏ XİDMƏT ELƏYƏNLƏRDƏN QORUSUN !
*
Düz sözü qulaq ardına vuran adamın yolunun sonu qaranlıqdı.
*
Hər kəsin ömür kitabının sonuncu səhifəsi var, amma kimin kitabı necə qurtaracaq, onu bir Allah bilir.
*
Adam var yapalaqdan betər, söz var şapalaqdan betər.
*
Sevilənin qapısı döyülər.
*
Rəhmətlik Şahsuvar baba deyərdi ki, bağlı qapı olmur, qıfılının açarı paxıl adam əlində olmasa.
*
Rəhmətlik Niyazalı əmim deyərdi ki, boynuyoğun, belinə örkən dolaşmıyan, zırrama adamın gözü ayağının altını görməz.
*
Rəhmətlik Bənövşə qocam deyərmiş ki, ana qızını ər evinə göndərəndə heç olmasa dilinin altına bir çıqqılı qənd də qoysun.
*
Rəhmətlik Susənbər qocam deyərdi ki, təzə doğulmuş körpənin üstünə çiy ət gətirməzlər, xətər toxunar.
*
Edəşməyin sonu didişməkdi.
*
Rəhmətlik Əbdüləzim əmim deyərdi ki,eşşək eşşəyliyiynən qarğıdalını badımcandan ayırır,filankəs hələ də pisi yaxşıdan ayıra bilmir
*
Rəhmətlik Kərim dayım deyərdi ki, əsil kişi kök ola bilər, amma kötük ola bilməz.
*
Rəhmətlik Həzi babam deyərdi ki, ac olanda badımcan da bal dadır.
*
Rəhmətlik Həcər qocam deyərdi ki, qızı öyrətmirsə anası, ər evində olsa da su sonası, ev - eşikdən nə qanası ?
*
Elə özüm boyda, özüm biçimdə,
O kənddə bir qərib itirib gəldim.
*
Bəyazı çəkərlər alın üstünə,
Qaymağı tökərlər balın üstünə.
Bilsəydim ki, gülüm burdan keçəcək,
Gül yağı səpərdim yolun üstünə.
*
Qızmış buğanı sınıq - salxaq qapalax saxlaya bilməz.
*
Heç görmüsünüzmü gənə çığır - bağırla yapışdığı yerdən qopsun?
*
Rəhmətlik Saray nənəm deyərdi ki, ayağı çarıqlı, əli çomaqlı, işini bilən çoban zırrama oxumuş qalustuqludan mərifətdi adamdı.
*
Rəhmətlik qayınatam İsmayıl kişi deyərdi ki, ürəyə məlhəm olanlar var, ürəyə mərhəm olanlar var, bir də ürəyi dirhəm olanlar var.
*
YER ÜZÜNÜN ƏŞRƏFİSƏN DEDİLƏR,
NİYƏ İTİRİRSƏN NURUNU, İNSAN ?
QƏLBİN GÜNAHDADIR, ƏLİN QANDADIR,
ÖZÜNMÜ QAZIRSAN GORUNU, İNSAN ?
*
Ata yəhəri ilə qiymət qoyan zəmanəyə çatmışıq.
*
Dünyada günahsız insanlar var, amma onlar hələ doğulmayıblar.
*
Hamı dəyişə bilər, amma qurumsaq heç vaxt dəyişməz.
*
Qoca köpək boşuna hürməz.
*
Öyrətməyin içində öyrənmək də var.
*
Keçi bağa girdisə, vay o bağın halına.
*
YAYDA QALXAR YAYLAĞA,
PAYIZ YENƏR ARANA.
ÇOBANIN VAXTI HANI
SIĞAL VERƏ, DARANA.
*
Təpərmi qalıbdır bu qoca canda ?
Gənclik güllər açır indi hər yanda.
Kitab oxuyuram, şeir yazıram,
İlişib qalmışam köhnə zamanda.
*
Dərviş könlüynən görər,
Haqqa ruhuyla varar.
Hər adam öz evinin
Yolağasından girər.
*
Yansa da can, sevəcəm,
Donsa da qan, sevəcəm.
Mən eşqdən yaranmışam,
Son anacan sevəcəm.
*
Tülküdən soruşurlar "Toyuq əti yeyirsənmi ?", tülkü də cavab vermiş "özünə gülünən əəə..."
*
Xəstələnmiş tulanın sahibinin könlündən ova çıxmaq keçir.
*
Hamilə gecə səhər dünyaya nə doğar?
*
Dırdır arvadın kişisi başından da olar, yaşından da.
*
İt qılından ələk, q...ə qızından mələk olmaz.
*
Bilən cavab versin:
Bu bıçaq bu quyruğu ha doğruyar,
Nə quyruq qurtarar, nə qazan dolar. (Tapması?)
*
İNSANIN SEVƏN KÖNLÜNDƏN BOY VERƏN BİR KƏLMƏ GÖZƏL SÖZ ÇOX MÜŞKÜLÜN AÇARI OLA BİLƏR.
*
Üstünü yaşıl mamır örtmüş, yanmış qara kötüklərə oxşayan adamlar var ki, hələ də həyatdan nə isə umurlar.
*
Qoduq anasından soruşur:
- Ana,mən böyüyəndə kim olacam ?
Anası deyir:
- Oğlum, sən böyüyəndə çox gözəl eşşək olacaqsan.
*
Cütə qoşulmuş öküz danalarla oynaqlaşan cöngəyə deyir : - Boynun boyunduruğa keçəndən sonra görüm belə oynaqlıya biləcəksən?
*
Ürəkdən gələn söz ürəyə çatar, dildən çıxan söz heç qulağa da çatmaz.
*
Gözəl əxlaq halal ruziyə açılan bir qapıdı.
*
Rəhmətlik Tahir babam deyərdi ki, evin xanımı hamıdan gec yatıb hamıdan erkən yuxudan durarsa, o evin ruzisi bol olar.
*
Bizim kənddə qurdağzını Qara İsmayıl babamdan yaxşı bağlayan yox idi.
*
Dədəm deyərdi ki, mırız adamdan nə qədər uzaq olsan bir o qədər də başın salamat olar.
*
Rəhmətlik Süsənbər qocam deyərdi ki, dar vaxtı və gecə qaynar suyu çölə torpağa tökməzlər.
*
Axdı ürəyimə gözümün yaşı,
kinin bülövlənmiş daşın əritdi.
*
Əbəjdadını tanımayan özünü bilməz,
özünü tanımayan sözünü bilməz.
*****************************************************************************3
Keçmişdə çobanlar heç vaxt sürüyə girib qoyunları saymazdı, çünkü sürüsündəki hər bir qoyunu, keçini yaxşı tanıyardı.
*
Hər bir təzənin köhnəlmək vaxtı çatar, amma heç bir köhnənin təzələnmək üçün nə vaxtı, nə zamanı var.
*
Dəvənin kefinin necəliyi onun yükünün ağırlığından asılıdı.
*
Dədəmin o usta dəmir əlləri
məni rəndələyib adam eylədi.
*
Deyirlər Generalsimus İosif Vissorionoviç Stalının atası alkaş Vaso yox, anasının xidmət etdiyi türk taciri olmuşdu ? Düzdürmü ?
*
Rəhmətlik Seyran qocam deyərmiş ki, atı dişinə baxıb alarlar, qızı işinə baxıb alarlar.
*
Rəhmətlik Valeh əmim bir vələdzina, hara gəldi daş atan gədə görəndə deyərdi ki, bala, hara gəldi daş atma, gedib dədənə dəyər.
*
Civiri doğruyarlar,
Görən nə toxuyarlar ?
Civir nədir və ondan nə toxuyurlar?
*
MƏN SEVƏN GÜLLƏRİ ŞAXTAMI VURUB ?...
DONUNU AÇMAĞA GÖZ YAŞI GƏRƏK.
*
Hər dirək pərdi saxlamaz.
Pərdi nəyə deyirlər ?
*
Bəzən elə olur ki, eşşəyin biri özünü darta - darta adama tərbiyə vermək istəyir. Bax onda "vur eşşək palçıqdan çıxsın".
*
QIŞ GƏLƏNDƏ ÜŞÜYƏRSƏN OTAQDA,
YAY GƏLƏNDƏ TƏRLƏYƏRSƏN YAYLAQDA.
ALLAHA ŞÜKR EDƏK NƏ QƏDƏR VARIQ,
GÖYƏ BAXIR SU İÇƏNDƏ TOYUQ DA.
*
Kimsən ? - sözündən görünər,
Çoxun azından görünər.
Yanlış sözün şilləsinin
Rəngi üzündə görünər.
*
Eşq ilahi bir möcüzədir.Kim şəhvətlə eşqi qarışdırırsa bədbəxt adamdır.Eşq ürəkləri şövqə gətirən, nurlandıran cənnətin kövsər bulağıdır.
*
Öz kəndinə,öz rayonuna, öz mahalına, öz ölkəsinə və öz xalqına hörmət etməyən kəs bu vətən torpağının üstündə gəzməyə layiq deyil.
*
Şirinliyin dərəcəsi balda, adamlığın qiyməti yolda bəlli olar.
*
Əsil dəmirçi hər dəmirdən qılınc düzəltməz.
*
Yolçunun yeməyi heybəsində olsa kimsəyə minnəti olmaz.
*
Bizim elatda gəlin qaynatasının və başqa yaşlı kişlərin yanında üzünü örtər, yaşmaq vurardı.
*
Həmişə şapalaq yemiş bədbəxtə birdən birə bal yedizdirəndə qursağı götürməz.
*
DƏRVİŞİM HAL ÜSTƏDİ,
KƏLMƏSİ BAL ÜSTƏDİ.
DÜNƏN " MƏNƏM " DEYƏNİN
KARVANI YOL ÜSTƏDİ.
*
Qadınların bir çoxu o qədər biabırcasına çılpaqlaşırlar ki, illər boyu vəsf etdiyim o gözəlliyə nifrət etməyim gəlir.
*
Hər tərəfinə dörd gözlə baxmaq istəyən adam heç nəyi görməz.
*
Mirvari əlimdədirsə, dənizə girmək nəyimə lazım.
*
Bizim elatda ağsaqqalların əyləşib söhbət etdiyi otağa qadınlar və uşaqlar girməzdi.
*
Tutduq dostun əlini biz,
Sevdik eşqin dilini biz.
Könül dilə sirr verməsə,
Aşkarlanmaz gizlinimiz.
*
Bizim elatda təzə doğulan, qırxı çıxmamış körpənin üstünə həmzatdı arvadı yaxın buraxmazdılar.
*
ƏSİL DOSTLUQ YADLAR TƏRƏFİNDƏN FƏTH EDİLMƏSİ MÜMKÜN OLMAYAN BİR " GƏLƏSƏN GÖRƏSƏN " QALASIDIR.
*
Bir kişinin ki, o dünyaya səfərə çıxmağa vaxtı çata, onun qoyulduğu tabut qızıldan ola və yaxud taxtadan ola fərqi var?
*
Qurd ürəkli tərəkəmə kişisinin də qurdbasan köpəyi olar.
*
Kirpi də öz balasını sığallıyanda elə bilir məxmər sığallıyır.
*
Rəhmətlik Həcər qocam deyərmiş ki, bir xanımın əsil gözəlliyini yuxudan ayılan vaxtı qiymətləndirmək olar.
*
Tarixdə on beş imperiya yaratdığına görə və dünyaya böyük şəxsiyyətlər bəxş etdiyinə görə mən öz türk törəm ilə öyünürəm.
*
Çobanın ürəyindən keçir ki, qoyunu cüt - cüt doğsun.
*
Dədələrimiz deyib ki,
nə ər bilər, nə evlad, axşamdan yatan arvad. Açmasını kim bilir?
*
Dədələrimiz deyib ki, əvvlədən nə idi hüsnu camalı, adı da üstündə - qotur Bayramalı. Açmasını kim bilir ?
*
Dədələrimiz deyib ki, qamış ola, camış ola, görməmiş ola. Açıqlanmasın kim bilir ?
*
YOLUNU AZMIŞ GÖZƏL SÖZLƏRİ ÖZ İŞIĞINA ÇƏKƏN MAYAK FƏNƏRİDİR HƏR ŞAİR ÜRƏYİ.
*
Xəncəri tiyəsinə görə, boş damı əyəsinə görə, köpəyi də yiyəsinə görə tanıyarlar.
*
İştahası üzüm çəkən kişi bağında üzüm əkər.
*
İL QURAQLIQ KEÇƏNDƏ İŞLƏNMƏMİŞ (XAM) SÜPÜRGƏ YANDIRARDILAR Kİ, YAĞIŞ YAĞSIN.
*
Hələ də ürəyinin yerin bilməyən adamlar var.
*
OĞLAN UŞAĞI İLK ADDIM ATANDA QURBAN KƏSƏRDİLƏR Kİ, UŞAĞIN GƏLƏCƏK HƏYATI UĞURLU OLSUN.
*
SƏFƏRƏ ÇIXANDA İTƏ BİR TİKƏ ÇÖRƏK ATARDILAR Kİ, İŞLƏRİ UĞURLU OLSUN.
*
UŞAĞI OLMAYAN GƏLİNƏ ÇOXUŞAQLI ANANIN İLK PALTARINI GEYDİRƏRDİLƏR Kİ, UŞAĞI OLSUN.
*
HANSI EVİN QARŞISINDA ÖZ ÖZÜNƏ DAĞDAĞAN BİTİRDİSƏ, O EVİ OCAQ SAYIRDILAR.
*
ŞƏR QARIŞANDA VƏ GECƏ VAXTI YUXULARINI DANIŞMAZDILAR.
*
GECƏ DIRNAQ TUTMAZDILAR.
*
GECƏ EVİ SÜPÜRMƏZDİLƏR.
*
NİYYƏT ELƏYİB QOZ AĞACI ƏKMƏZDİLƏR.
*
HEYVAN GECƏ ÇÖLDƏ QALANDA BİLƏN ADAMA QURDAĞZI BAĞLATDIRIRDILAR.
*
ŞƏR QARIŞAN VAXTI QONŞUYA NƏ BOŞ QAZAN VERMƏZDİLƏR, NƏ DƏ BOŞ QAZAN ALMAZDILAR.
*
TƏZƏ GƏLİNİN NİŞAN ÜZÜYÜNÜ TEZ BARMAĞINDAN ÇIXARTMASINI YAXŞI ƏLAMƏT SAYMAZDILAR.
*
QƏBİRSTANLIĞIN YANINDAN KEÇƏNDƏ "ƏSSƏLAMÜ ƏLEYKÜM, EY ƏHLİ QÜBUR ! YERİNİZ CƏNNƏT OLSUN !
DEYƏRDİLƏR.
*
DƏH - DƏHLƏ GETMƏYƏN ATI BƏH - BƏHLƏ SAXLAMAZLAR.
*
BÜTÜN GÜNAHKARLAR ÖZ GÜNAHLARINI SAVAB KİMİ YOZURLAR.
*
Məhləmizdə təzə zurnaçı peyda olub, elə istəyir ki, hamı onun çaldığına oynasın.
*
May ayının istisində yolağadan çıxan buzovun yiyəsinin halına baxasınız.
*
Saqqalın yekəliyi və başın daz olması hələ alimliyə dəlalət eləmir.
*
Bizim quzunun yad sürüsünün içində nə işi var ki, tutub kəsələr.
*
BOZ SIPA BÖYÜYƏNDƏ BOZ AT OLMAQ ÜMİDİNDƏDİR
*
DƏSTƏRXAN AÇMAQ NƏ DEMƏKDİR?
*
Dədələrimiz at nalını evin qapısına vurardılar. Səbəbini kim bilir ?
*
Dədələrimiz deyib ki, itdən çox çarıq aparan yoxdu, yenə ayaqları yalındı. Açıqlamasın kim bilir ?
*
Dədələrimiz deyib ki, dəvəquşu özün quş bilir, xəşil də özün aş bilir. Açıqlamasını kim bilir ?
*
Elatda belə bir deyim vardı:
"Darı unundan paxlava,
əncir ağacından oxlava olmaz."
Açıqlamasın kim bilir?
*
Elatda "başmaq seyrinə çıxmaq" deyimi var idi. Açıqlamasın kim bilir?
*
Allahın yolu uzun, verdiyi ömür qısa.
Yaşadıq, könlümüzü köz üstə basa - basa.
*
Hər kəsə öz balası...
BAXIB BALASINA SÖYLƏDİ ULAQ,
"İNŞALLAH, BALAM DA EŞŞƏK OLACAQ."
*
Dərdimi divara dedim, titrədi,
Ağaca söylədim, kökdən qurudu.
*
Dədələrimiz deyərdi ki, qapısını yadlardan qoruyan köpəyin yeməyini kəsənin qismətini Allah kəsər.
*
Nənələrimiz yaz əkininə bir həftə qalmış təndirdə şirin fətir bişirib uşaqlara paylayardılar ki, taxıl bərəkətli olsun.
*
Dədələrimiz deyib ki, xəmir xörəyi ilə çörək yeyənə gülərlər.
*
Allahın nurunun doğulduğu yer dərviş xislətli şair könlüdür.
*
Qəpik - qəpik edilən yaxşılığın külçə - külçə minnətinə nifrət edirəm.
*
İtə yavıncı düşəsən, nakişinin kölgəsinə də yaxın getmiyəsən.
*
GÖZƏL KÖNLÜ ACI DİLƏ,
ELİ ELƏ, ƏLİ ƏLƏ,
BÜLBÜLÜ DƏ KÜSƏN GÜLƏ
MÖHTAC EYLƏMƏ, ALLAHIM !
*
Dağdağan daşdan çıxar,
Payızdan, qışdan çıxar.
Axmaq adamın başı
Axmaq da işdən çıxar.
*
Artıbdı millətin şuğulzümməsi.
(Şüğülzümmənin mənası nədir ?)
*
Kaş qəməltin kimi qeyrətin də iti ola.
(Qəməlti nədir ?)
*
Xəşəmi doldurmuşam, çiynimə qaldırmışam.
(Xəşə nədir ?)
*
Usta xarratın (dülgərin) karandaşı qulağının dibində olar.
*
Hərə bir allahlıq eyləyir, Allah,
Sənin də yerini biz istəyirik.
*
İnsan, gözəlliyi könül gözü sevdiyindən sevər,
Kimə, nəyə vurulursa, özün sevdiyindən sevər.
*
Üzr bəttərəz günah - anlayana eşq olsun !
*
Bitməmiş yovşan dibində doğulmamış dovşan axtaran adamlar da var.
*
Dolu tüfəng birini qorxudar, boş ikisini.
*
Zər rəftar ustaları kimlərə deyərdilər?
*
Dağda kükrəyib dünyanı dağıdan sel düzə çıxan kimi öz məcrasında düşüb sakitləşir.
*
Qarğanın qartal qanadı qaldırmağa gücü çatmaz.
*
Boyunduruğa gəlməyən öküzü kəsərlər.
*
Bir də rəhmətliklər deyib ki, eşşəyə min ata çatana qədər. Ay qağa, heç görmüsənimi yorğun, beli yağır eşşək qacib ata çata ?
*
Bir də rəhmətliklər deyib ki, eşşəyə min ata çatana qədər. Ay qağa, heç görmüsənimi yorğun, beli yağır eşşək qacib ata çata ?
*
Dədələrimiz deyib ki, ayağını yorğanına görə uzat. Bəs bu kasıb bədbaxtın köhnə, cındır pambıq yorğanı gödək olsa neyləsin ?
*
Dədəm deyərdi ki, hətta boş evə girdikdə belə salam verməlisən. Salamın zahiri və batini mənasını kim aça bilər ?
*
Dədəm deyərdi ki, cümə günü o qədər gözəl gündür ki, Rəbbim həmən günü öz bəndəsini sorğu - sual eləməz.
*
Qədir ağacın əkmədilər,
Məni nura bukmədilər.
*
Əyilənlər də sınır, amma bir az gec.
*
Vurağan qoça, həmişə qarnı aca, yoldaşlıqda bicə kürəyini çevirmək olmaz.
*
Bu günün əmiri sabahın fəqiri ola bilər.
*
Mis qazandan mis çömçə
aş çəkər nimçə - nimçə.
*
Başında gözəl fikir,
qəlbində Haqqı zikir,
dilində Allaha şükür
bəndəsi torpaq əkir.
*
İki göz dünyanı görər, amma biri birini görməz.
*
Məscidə girən çoxdu,
Özünü görən yoxdu.
*
Divara daş gərəkdi, fikirə baş.
*
Su iz saxlamaz, ağız söz.
*
Dünya dəmdi, mən də dəm,
Kefliyəm, gözümdə nəm.
Sevə - sevə yaşayıb,
Sevə - sevə öləcəm.
*
Dağdan düzə yenəlim,
Bülbüllərlə dinəlim.
Sevən gönlüm, vaxtıdır,
Kəndimizə dönəlim.
*
Keçilərini niyə pöhrəliyə buraxırsan ki, sonra da yığa bilməyəsən.
*
Günümüzdə hırınan zırı qanmayanlar göbələk kimi artır.
*
Bəzi alimlərimizin dili moltanı dilidi, yazdığını oxuyursan, amma heç nə başa düşmürsən.
*
Dəvəyə dedilər boynun əyridi cavab verdi haram düzdü ki.. Qəlbi əyri adamlar belə etiraf etsələr görən nə olar ?
*
QEYRƏT KİŞİ PAPAĞI,
HƏYA XANIM YAŞMAĞI.
HƏMİŞƏ DEŞİK OLAR
PİNƏÇİNİN BAŞMAĞI.
*
SƏLİBÇİLƏRƏ QAN UDDURAN, QÜDSÜ SƏLİBÇİLƏRİN ƏLİNDƏN ALAN, DÖYÜŞƏ GİRƏNDƏ KƏFƏNINI GEYƏN SƏLAHƏDDİN ƏYYUBİ MİLLİYƏTCƏ KİMDİR?
*
Pir ərənlər, sevgi dolu xanımlar, ana vətəni qoruyan igidlər və bütün halalzadələr, Allah sabahlarınızı xeyirlərə açsın !
*
Bilən bildi, bilməyən heç, Gülən güldü, gülməyən heç.
Ölən öldü, ölməyən heç, Heçlərdən də biri mənəm.
*
LAQEYD ADAMLARIN YANINDA DURANDA DA ÜŞÜYÜRSƏN.
*
Pirin balası pir olar,
Şirin balası şir olar.
Əgər Allah istəyirsə
Daşın içində dürr olar.
*
ARVAD GEDİR BAQQALA,
RAST GƏLİR BİR NAQQALA.
QAZAN PEÇİN ÜSTÜNDƏ,
SÜD DAŞIR BALA - BALA.
*
Qeyrətin, namusun, vicdanın harada olduğnu bilməyənlər kişilikdən danışanda adamı yaratdığına görə Rəbbimə yazığım gəlir.
*
Təkəbbürlülük məğrurluq deyil, məğrurluğun gözəlliyini əlindən almağa çalışan Şeytanın cəhdidir.
*
HƏR SÜRÜNÜ TƏKƏSİ
DAĞA, DÜZƏ ÇƏKƏSİ.
QƏRİBƏ QİSMƏT OLAR
DƏRDLƏRİN ƏN YEKƏSİ.
*
Dilimdəki zikrimlə qəlbimdəki fikrin uzlaşmamasından xəta doğar.
*
İNDİKİ EŞŞƏKLƏR GİRDİYİ PALÇIĞA BİR DƏ GİRİRLƏR.
*
DƏDƏLƏR DEYİB " İLANIN ZƏHLƏSİ YARPIZDAN GEDƏR, O DA GƏLİB YUVASININ AĞZINDA BİTƏR." DOĞURDANMI İLANIN YARPIZDAN ZƏHLƏSİ GEDİR?
*
Arvadın başında boşqab sındırıb,
alçağın önündə boşqab yalayır.
*
İndiki örkənlər ta doğanaqdan keçmir.
*
"İlanın zəhləsi yarpızdan gedir, o da gəlib yuvasının ağzında bitir" deyiminə əsasən doğurdanmı ilanın yarpızdan zəhləsi gedir ?
*
Kəfən almamışdan gorun haqqında fikirləşmək lazımdı.
*
Tərəzi düz çəkər, əgər baqqalın vicdanı əyri olmasa.
*
Yarım saatdan sonra öz başına nələr gələcəyini bilməyən adam bizə onilliklərin praqnozunu verir.
*
Rəndə görməmiş ərköyün gədənin çılğınlığı may ayında Yazının düzündə mözələy tutmuş dananın çılğınlığına bənzəyir.
*
Özgə kölgəsində yatıb kef çəkən
Kölgəsiz bədbəxtin tamahı ülgüc.
*
Canavardan qaçan atın geri qanrılması onu qurdun yeminə çevirər.
*
Hər üzümdən şərab,
hər adamdan cənab
olmaz.
*
Bir ömür iki ayaq bir başı gəzdirir, Allahın bir sağ olunu da eşitmir.
*
Gözəl ətir gülə məxsus,
Gözəl kəlmə dilə məxsus.
Dərd də ürəyin yeridi,
O da əhli hala məxsus.
*
Daş var, divara qoyarlar,
Daş var, içini oyarlar.
Şair var ki, dəri soyar,
Şair var, dərisin soyarlar.
*
Lümpenproletarlar haqqında dədələrimiz deyib ki, bir həsirdi, bir Məmmədnəsir. Həsiri bildik. Bəs Məmmədnəsir kim ola?
*
Babalarımız deyib ki, hər oxuyan Molla Pənah, hər Qatırçı Murad olmaz. Bilmirsiniz bu Qatırçı Murad kim olub?
*
İtin quyruğun tapdalıyanda yiyəsinə də ağız atır.
*
Xain və paxıl adamlar danışanda belə içinin qarası üzünə vurur.
*
EŞQİN QƏLİBİ YOXDUR, ONUN NURU BÜTÜN KAİNATI İŞIQLANDIRA BİLƏR.
*
DƏDƏLƏRİMİZ DEYİB "BİR DƏLİ BİR QUYUYA DAŞ ATDI, YÜZ AĞILLI ONU ÇIXARDA BİLMƏDİ."
GUYA ÇIXARTSAYDILAR NƏ OLACAQDI Kİ?
*
GÜRZƏNİN NƏ YEKƏSİ, NƏ XIRDASI.
*
Sinəmə yığılan dərdin buludu
gözümün içindən yağır yenə də.
*
Hər ağac meyvəsiylə, barıyla,
hər xanım abırıyla, arıyla tanınar.
*
Boş əli ağıza aparmazlar, əsnəmək anından başqa.
*
Arvdadın əlindən düşüb sınarsa - qəza, uşağın əlindən düşüb sınarsa - cəza.
*
Qarışqa qanadlanınca özünü quş sanar.
*
*****************************************************************************4
Xanım öz həyat yoldaşını istəsə var edər, istəsə xar edər ?
*
Divarının o üzündə qonşusu acdı - toxdu xəbəri yoxdu, dünyanın gələcəyi haqqında fikir yürüdür.
*
Dünyada yeganə millətik ki, gənc bəylərimiz və xanımlarımız ailə qurduqdan sonra biri birinə həyat yoldaşım deyirlər.
*
BİRİSİ DÜNYASIN DƏYİŞƏNDƏ DEYİRLƏR " FİLANKƏSİN KİTABI BAĞLANDI". DEMƏLİ RƏBBİMİZ SON ANA QƏDƏR BİZİ KİTAB KİMİ OXUYUR ?
*
BİZLƏRDƏ BELƏ DEYİM VAR "ŞAPALAQ VURANDA DA BİSMİLLAH DE !". BİSMİLLAH DEMƏMİŞ ŞİLLƏ VURMAQ OLMAZ ?
*
Niyə ilan olursan ki, Sofu İsmayılın cızığına düşəsən ?
*
O qədər Həccə gedib İblisə xidmət eliyənlər var ki ...
*
Səhər-səhər bir mərdimazar çıxır Sərraf babanın qabağına soruşur: -Salam, nə təhərsən? Sərraf baba deyir:-Səni görənə qədər əla.
*
Sərrab babadan soruşurlar: Dağ ilə dərəni fərqi nə qədər ?
Baba cavab verir: Qalxmaqla düşmək qədər.
*
Sərraf babadan sorişirlar: Baba, sığalla sillənin fərqi nədir ?
Baba cavab verir: Sığal yatızdırır, sillə oyadır.
*
Elə gözəl xanımlar var ki, antikvar Çin vazalarına bənzəyirlər, üstü çox gözəl, amma içi boş.
*
SƏRRAF BABADAN SORUŞURLAR :
- BABA, BAŞ İLƏ AYAĞIN FƏRQİ NƏDİR ?
SƏRRAF BABA CAVAB VERDİ :
- BALA, BAŞ GƏTİRƏR, AYAQ APARAR.
*
SƏRRAF BABADAN SORUŞURLAR :
- BABA, AĞILLI İLƏ DƏLİNİN FƏRQİ NƏDİR ?
SƏRRAF BABA CAVAB VERDİ :
- BALA, AĞILLI BİLDİYİNİ ELƏMİR, DƏLİ ELƏDİYİN BİLMİR.
*
SƏRRAF BABADAN SORUŞURLAR :
- BABA, AĞILLI İLƏ DƏLİNİN FƏRQİ NƏDİR ?
SƏRRAF BABA CAVAB VERDİ :
- BALA, AĞILLI BİLDİYİNİ ELƏMİR, DƏLİ ELƏDİYİN BİLMİR.
*
SƏRRAF BABADAN SORUŞURLAR :
- BABA, ÖLÜ İLƏ DİRİNİN FƏRQİ NƏDİR ?
SƏRRAF BABA CAVAB VERDİ :
- BALA, ÖLÜ YEYİB DOYUB, DİRİ DOYUB YEYİR.
*
Qadının ürəyi dədəsi evindən gətirdiyi cehizlik sandıq kimidi, niyə ora nə istəsən qoya bilərsən, amma heç nə götürə bilməzsən?
*
Südlü inəyin təpiyinə dözmək olar.
*
Kiminin halal çörəyi, kiminin daşdan ürəyi.
*
Bu dünyada mənsiz də, sənsiz də bizlər və sizlər var idi.
*
Hər sinəsunə döyüb guruluyandan əsil kişi, hər qanadlarını çırpıb banlayandan əsil xoruz olmaz.
*
ƏZİZ DOSTLAR, NİYƏ BİR ÇOX OĞLANLARIMIZ CIR VƏ ZƏİFDİRLƏR, ƏKSƏRİYYƏTİ DƏ DANIŞIQLARINI, YERİŞLƏRİNİ QADINLARA BƏNZƏDİRLƏR ?
*
Bu qoca millətin dönüb yığvalı,
Bir soruşan yoxdur halın, əhvalın.
Elə pislik görür öz övladından,
Dəymişi dursada, tökülqr kalı.
*
Göyə tüpürəsən, qayıdıb öz üzünə düşər.
*
Barsız armud ağacına ayı da çıxmaz.
*
Ay bəy oğlu, atın olanda qamçının fikrini çəkərsən.
*
HƏR AÇAN ÇİÇƏYİ İYLƏMƏK OLMUR,
HƏR SÖZÜ ÜZƏ ŞAX SÖYLƏMƏK OLMUR.
ZARAFAT ETMƏYƏ DİL MÜBTƏLADIR,
ÜRƏKLƏ ZARAFAT EYLƏMƏK OLMUR.
?
ƏZİZ DOSTLAR, BU GÜN XALQIMIZIN MÜQƏDDƏS SAYDIĞI AİLƏ İNSTİTUTU DAĞILMAQ ÜZƏRƏDİR. SİZCƏ GÜNAHKAR KİMDİR ?
*
Yemək soğansızdısa, döşək yorğansızdısa, ev də tavansızdısa, işimiz olmaz - olmaza dirənər.
*
Bir adam 40 il cinayət edib, haram yeyib, günahsız körpələri, qadınları öldürüb.Tövbə etsə Allah bu qatili bağışlayarmı?
*
Nə azarın adam azarıdı, nə yeməyin adam yeməyi.
*
QALAYSIZ QALAYÇINI QAPIDAN QOVARLAR.
*
ULAQ AĞNAMAQDA,
UŞAQ OYNAMAQDA,
QUZULAR DA ARXACDA...
DƏDƏ HİRSLƏNMƏSİN, NEYNƏSİN ?!...
*
Allahın yolu uzun, verdiyi ömür qısa.
Yaşadıq, könlümüzü köz üstə basa - basa.
*
Gözdən pərdə asan xeyrxahlıq çaydan aralı tikilən körpü kimidi.
*
Üzündəki təbəssümdən belə kədər yağır.
*
Kor divara qədər gedər.
*
Kəhər ata mindin özünü, düşəndə də atını unutmaq olmaz.
*
Ağa dedi vur, demədi ha qır.
*
Ərəbin gözü öz qanını içməsə doymaz.
*
YAŞA Kİ, BORCUNU VERƏ BİLƏSƏN,
HAQQIN DƏRGAHINA GİRƏ BİLƏSƏN.
YOLU QƏBRİSTANDAN SALINAN HƏRDƏN,
ÖLÜMÜN ÜZÜNÜ GÖRƏ BİLƏSƏN.
*
Özü kömürçü qızı, tərbiyəsi şahanə.
*
Xoruzun quyruğu görünən kimi üzdəki yalançı abır örtüyü aradan qalxır.
*
Günümüzdə üzünə ələk tutanlar çoxalıb.
*
Adamın yaşamağı bir tükdən asılı olduğu zaman Allah yadına düşür.
*
Günahları özümüzdə yox zəmanəmizdə görənlərik.
*
Qırx qapı arxası, qırxlar məclisi,
Məclisin başında Allahın piri.
Ya bəktaşı olsun, ya da mövləvi,
Dərvişin könlündə Allahın sirri.
*
EŞQİNİZƏ EŞQ OLSUN, AY KÖNLÜNDƏ EŞQİN TAXTINI QURAN DOSTLARIM!
*
Getdiyin yolda yoldaşın da ola bilər, çıxdaşın da.
*
Bir gün səni hoppalara apararlar, Sərraf baba,
Bu dünyanın dərd sərindən qoparırlar, Sərraf baba.
*
Yal belində xırmanı olanın buğdasını yel aparar.
*
Kişi sel olanda, arvad da gərək göl ola.
*
Düşünməyi bacarmayan adamlar zatən kar və kor adamlardı.
*
EŞQLİ SÖZ KİTAB OLUR,
XEYİR İŞ SAVAB OLUR.
ÜZÜMDƏN HƏM MÜRƏBBƏ,
HƏM GÖZƏL ŞƏRAB OLUR.
*
RƏBBİM YAZIBSA NECƏ,
HƏR KƏS ÖZ YOLUN SEÇƏR.
ƏVVƏL AXIR HƏR İNSAN
SİRAT KÖRPÜSÜN KEÇƏR.
*
Bədii bir yazını yaşadan onun dilidir, onun sujet xəttidir, yoxsa həmin yazını yazanın özünə məxsus bədii yazı üslubudur ?
*
SÜNNÜ, ŞİƏ, BABİ FİLAN... CÜRƏBƏ CÜR MƏSSƏBLƏR,
MƏSSƏBLƏRİ UYDURUBLAR İNSAN ÜÇÜN QƏSSABLAR.
BƏLKƏ FİKİRLƏŞİB DƏRDİMİZƏ ÇARƏ QILAQ?
*
"Mən sənə gamış verdim, Süsənin meşəsini də vermədim ha" el məsəlinin mənasını kim açıqlayar?
*
Sürü kəfşəndən qayıdanda axsaq qabağa düşər.
*
Nənəmin cəhrəsindəki yununun iyi daraqdan, bişirdiyi yeməyin qoxusu qonaqdan gələr.
*
Kəfənin cibi olmaz.
*
Günahdan küfr doğar.
*
Biqeyrətin, namussuzun hesabı olar, məssəbi olmaz.
*
Dünyamız zarıncı, zəmanə xəstə,
Ümidin bağlayıb dərmanə xəstə.
Ruhu xəstələnib könlü korların,
İndi dərman yazır loğmanə xəstə.
*
Tamahın şeytanın çıxmaz sözündən,
Ölüm anan kimi öpər gözündən.
Baharlı, payızlı bu gözəl ömrü
Yaşa insan kimi bu yer üzündə!
*
Qurdun gözü qoyunda, başı da oyunda olar.
*
Başqasının quzusundan sənə qoç olmaz.
*
Bu gün hamımız şeytana lənət oxuyuruq. Bilənlər cavab versinlər: Müqəddəs kitablarda şeytana lənət oxunurmu?
*
Bu gecəni də sabah elədim,dostum
Çıxdım bu gecənin qoynundan,şükür.
Günü günə calayaraq yaşadım
Bezdim bu şeytanın oynundan,şükür.
*
Tanrı üçün darıxmışam,
Mələklərə minnətçiyəm.
*
Cəhənnəmə gedən yol da, cənnətə gedən yol da sənin ürəyindən başlayır.
*
Yalquzağa nə uzaq,
ən uzağı yeddi dərə keçəcək,
yeddi dağı aşacaq.
*
Gürzənin ən gözəli ölü gürzədi.
*
Namaz qılanın özü eşşək xislət olmasa,
eşşək anqırmaqla namaz batil olmaz.
*
Gün gələr ki, yetimin də çıxmağa öz doqqazı olar.
*
Allah həmən Allahdı, dağ da həmən dağdı, amma ağıl həmən ağıl deyil.
*
Sahildə gözləyən olar xəbərsiz,
Dərin ümmanlarda nə çəkirik biz?...
*
Güzgüdə özünə baxdığı zaman,
Güzgüyəmi qiymət verəcək insan ?
*
"Mən kiməm, mən nəyəm ?" mahiyyətinlə
Bilsən, barışarsan təbiətinlə.
*
AŞPAZIN İŞİ AŞLA,
BƏNNANIN İŞİ DAŞLA.
NAMƏRD ÖZ ƏMƏLİNDƏN
KEÇMƏZ Kİ, XOŞAXOŞLA.
*
Yerdəkilər sənə bəs eləmədi, indi də Göydəkinin işinə qarışırsan?
*
Ay məndən dəvə soruşan, hər kəsin dərdi özünə bir dəvədi.
*
Lığa uzanıb kef çəkən camışı ancaq zoğaldan ağac yerindən tərpədər.
*
Rəhmət çatmayana lənət tez çatar.
*
Dünya xırıldayır, ölməyi gəlir,
Özündən pisliyi silməyi gəlir.
İşimiz o qədər baş ayaq, vallah,
Bişmiş toyuğun da gülməyi gəlir.
*
Hər meyvə öz zamanında yetişir.
*
Bulanıq su güzgünü əvəz eləməz.
?
Ağır dərdlər səssiz gələr.
*
Ayığın fikrində olan sarxoşun dilində olur.
*
Torpaqdanıq, torpağınıq.
*
Qoca tülkünü tələyə salmaq çətin məsələdir.
*
ŞAİRİN KÖNLÜNDƏ EŞQİN ALOVU SƏNGİMƏYƏ BAŞLAYAN ANDAN O, YAVAŞ - YAVAŞ ÖLMƏYƏ BAŞLAYIR.
*
Gorda yatmaq vaxtın gələndə evdə yata bilməzsən.
*
Usta, özünü yorsan da, hər mismar hər taxtaya girmir, hər söz hər başa girmədiyi kimi.
*
Yeriyən xiyarlar çoxalan gündən,
Gül kimi xiyar da gözümdən düşüb.
*
Hər yekələn sıpadan Həmədan eşşəyi olmaz.
*
Usta, özünü yorsan da, hər mismar hər taxtaya girmir, hər söz hər başa girmədiyi kimi.
*
İslam tarixində Şəcərəddürr ( Bütöv adı əl - Məlikə İsmətəddin Ümm - Xəlil Şəcərəddürr.) adlı xanım kim olub?
*
Baca tüstüyə deyir ki, əyrim - üyrüm gedirsən. Tüstü də qayıdıb bacaya deyir ki, təpəsi dəliy, sən nə deyirsən ? (Elat gülməcəsi)
*
Qapısız xanə var, qibləsiz hamam,
Cavabın tapana söyləyək tamam.
*
Xanımın cihadı həyat yoldaşına ömrü boyu gözəl xidmət etməkdi.
*
Üzdə deyir Allah - Allah,
Arxada deyir yallah - yallah.
*
Asta qaçan namərddirsə, tələsən təndirə niyə düşür bəs?
*
Qoyun olmayan yerdə keçiyə kərəməz ağa deyərlər ? (Elat gülməcəsi.)
*
Baca tüstüyə deyir ki, əyrim - üyrüm gedirsən. Tüstü də qayıdıb bacaya deyir ki, təpəsi dəliy, sən nə deyirsən ? (Elat gülməcəsi)
*
Zəmanə ilanı Seyid Əhmədin əliylə tutanların zəmanəsidi.
*
Mənim üçün güclü şəxsiyyət öz səhv və qüsurlarını hamıdan qabaq görüb onları aradan qaldıran insandı.
*
Susuz səhrada gəmi düzəltmək işi özünü Nuh peyğəmbərin yerinə qoyan axmaqların işidi.
*
Dəvə oğurlasan da oğrusan, gəbə oğurlasanda.
*
Qurd ova çıxar, qurdun da ovuna çıxarlar.
*
Buynuzlayana arxadnan yanaşarlar, təpikləyənə qabaqdan.
*
Dünyada üç şey gözdən yayınmaz : təbiətdə duman, könül işində eşq, camaat içində pulsuzluq.
*
Zəmanəmizdə bir çoxları dədəsinə rəhmət qazandırmağa çalışan dəyirmançı oğlunun yolu ilə gedirlər.
*
Sirri saxlaya bilsən əsirin, saxlaya bilməsən ağan olar.
*
Hər kəs öz günahını zəmanənin, dünyanın və şeytanın üstünə yıxmağa çalışır.
*
Quşu quş ilə ovluyarlar.
*
Günah sahibləri öz odlarını cəhənnəmə özləri ilə apararlar.
*
Daşı daşın yanına qoyarsan divar, qoyun qoyunun yanında davar olar.
*
Kələfi elə dolaşdırırlar ki, sonra da açması Allaha qalır.
*
Şərti şumda kəsməyinə kəsirik eee, gərdiş elə dönər ki, sonunda nə şərt qalar, nə şum.
*
Odu üflüyərlər ocaq olanacan.
*
Selin ağzını bağlamaq olar, elin ağzını bağlamaq olmaz.
*
Bazara almağa gedərsən hər tərəfin adam olar, dost olar, satmağa gedərsən bir adam tapılmaz.
*
Allahım əvvəl "kun", yəni "ol" dedi və dünyamızı yaratdı. Yəni ilk olaraq söz yaranıb.Sözü urvatsız etməyə imkan verməyin !
*
*****************************************************************5
Əsil kişi odur ki,
onun ürəyi sirlərin gömüldüyü qəbirdir.
*
Söz var, iş bitirir,
Söz var, baş itirir.
*
Hara daş atırsan dəlləyə dəyir, amma sünnətə bir dəllək tapılmadı.
*
Əyərlə məyər evlənmiş, hələ onların keşkə adlı övladları da olmuş.
*
Səbr ağacı acı kökləri olan, fəqət çox dadlı meyvələri olan bir ağacdır ki, bəzən o gözəl barı çox gec yetişir.
*
Dünyadakı əziyyətlərin çoxu aza qənaət etməməkdən irəli gəlir.
*
YOL GEDİR PİRÇİVANA,
CAN QURBAN PİR CAVANA.
NECƏDİ, AY ALLAHSIZ,
QANMAYAM QANA - QANA.
*
QARAPAPAQ VƏ TƏRƏKƏMƏ EYNİ URUĞA VERİLƏN CÜT ADDIR. OĞUZ BABANIN TÖRƏSİNDƏNİK. QARSDAN,HƏMƏDANDAN, DƏRBƏNDƏ KİMİ BİZİM YURDUMUZDUR.
*
Dağdağana pir deyir, dədəsinə çor deyir.
*
Zirvəni zirvə edən onun yanındakı dağlar və təpələrdi.
*
Bir qığılcım ətrafını nurladıra da bilər, yandıra da bilər.
*
Gül budağda, yemiş tağda, alma bağda, gözəl qız da ağ duvağda gözəldi.
*
Qurdun qardaşı da qurd olar, əgər çaqqaldırsa, günah anasındadı.
*
Sərraf babadan yenə əndirabadi bir sual: - Kim vicdanın tərkibini və funksiyasını izah edə bilər ? Niyə hər adamda vicdan olmur ?
*
Bəzən əqrabanın əqrabaya etdiyini əqrəb eləməz.
*
Qabaq təkər haradan keçir keçsin, arxa təkər də oradan keçəcək.
*
Yayda kölgədə xoş, qışda da anbar boş.
*
Tutağan köpək hürəyən olmaz.
*
Laqeyd adamların yanında üşüyürəm.
*
SÖZLƏRİNDƏN DÜRR YAĞAN,
KÖNÜL GÖZÜYLƏ BAXAN,
ÜRƏYİNDƏN NUR DOĞAN
DOSTLAR, SALAM ƏLEYKÜM !
*
Ağzınızın ağası olun ki, ağzınızdan çıxan sözün qulu olmayasınlz.
*
Kəhər at kişnəməyiylə, kişi də işləməyiylə.
*
Boş qabın səsi, boş adamın sözü.
*
Ay kişilər, xanımları elə tərifləyin ki, o tərifin içində öz kiçik çatışmamazlıqlarını və kaprizlərini görə bilsinlər.
*
Aranda tutdan oldum, dağda quruddan.
*
Sağlığında kor Fatma, öləndə qara gözlüm.
*
Nə üçün bizi və küllü kainatı yaradan Allaha Sən deyə müraciət edirik, Allahın yaratdığı insanlara isə siz deyirik?
*
Qoca aslanın da könlündən hərdən bir cavan ceyran əti yemək keçir.
*
Şillə üzü qızardar, amma gözəl eləməz.
*
Laf ilə plov dəmlənməz, yağ ilə düyü gərək.
*
Qızıldan qaloş geyəsən, yenə adı qaloşdu.
*
Barmaqların zərə uyuşmursa nərd taxtanı bağlamaq yaxşıdır.
*
Bəzi adamların kim olması elə danışmağa başladığı andan özünü biruzə verir.
*
Yeddi dərviş bir döşəkcə üstündə rahat oturub söbət edərlər, iki bəy bir masa arxasında yarım saat rahat otura bilməz.
*
BAC VERƏNDƏ, BAC ALANDA,
UCALDANDA, UCALANDA,
GÜLÜŞ HƏDƏFİNƏ DÖNƏR
BİR ASLAN QOCALANDA.
*
ÇÖPƏ GÜLMƏK NƏ ANLAM DAŞIYIR ?
*
DƏRDLƏNİR QOCA PƏLƏNG
ÇAQQALLAR BAC ALANDA.
QIZLAR DA BABA DEYİR
SÜLEYMAN QOCALANDA.
*
HƏR QAPIYA BİR AÇAR,
HƏR CANA BİR DƏRD DÜÇAR.
GÜNAHKAR ÜZ SİLLƏYƏ,
İLAN GÜLLƏYƏ QAÇAR.
*
XƏNCƏRİNİN QAŞI DÜŞDÜ ? - NƏ ANLAM DAŞIYIR?
*
ƏŞƏBƏXEYBƏR NƏ ANLAM DAŞIYIR?
*
EYNİNƏ GƏLMƏK NƏ ANLAMINDADIR?
*
DOST DOSTUYLA DİDİŞMƏZ
QUL XƏTASIZ ÖTÜŞMƏZ.
NƏ QƏDƏR ÇARƏ QILSAN,
KÖHNƏ YARA BİTİŞMƏZ.
*
SÜSƏNDƏN ƏSKÜLÜMƏ,
SÖZ DEMƏ TƏRS, GÜLÜMƏ.
YANMIŞAM QURTARMIŞAM,
ETMƏYİN QƏSD KÜLÜMƏ.
*
Səndən hərəkət yoxdusa, bacadan bərəkət yağmaz.
*
Alim bildiyi şey haqqında düşünüb danışar, cahil isə ağzına gələni.
*
Məqsədi olmayan adam küləyin səhrada ora - bura qovduğu yelqovana bənzəyir.
*
Zaman gələr bir gün böyüdüb tərbiyə verdiyin züryətinlə sənə hörmət qoyarlar.
*
KUF ELƏ YELLƏNCƏKDİ,
GEDİBSƏ GƏLƏCƏKDİ.
SƏRRAF SEVİB YAŞAŞAYIB,
SEVƏRƏK ÖLƏCƏKDİ.
*
KƏLƏFİN UCU MƏNDƏ,
SEVGİNİN GÜCÜ MƏNDƏ.
ALLAH GÜNAHA YAZSA,
XƏLVƏTİN SUÇU MƏNDƏ.
*
ÖLƏNLƏ ÖLMƏK OLMAZ,
DƏRDİNƏN GÜLMƏK OLMAZ.
GƏLİB ÇATANDA ƏCƏL,
GETDİNSƏ, GƏLMƏK OLMAZ.
*
Zaman gələr bir gün böyüdüb tərbiyə verdiyin züryətinlə sənə hörmət qoyarlar.
*
Fəlfəlliyirsənsə, deməli qocalımısan.
*
Təbəssüm dan yeri qızaranda üfüqdən doğan günəşin nuru kimi könlümüzü riqqətə gətirir.
*
RUHU GÖZƏL, GƏL MƏNİ GÖR!
XEYRÜLƏMƏL, GƏL MƏNİ GÖR!
SƏRRAFA GƏL, GƏL MƏNİ GÖR!
GƏL MƏNİ GÖR, NƏ GÜNDƏYƏM?
*
TULUQ HƏMƏN TULUQDUR EEY, İÇİNDƏKİ HƏMƏNKİ DEYİL.
*
Göydən qızıl zənbildə yenmiş kimi davrananlar var ki, onlara baxanda zənbilə heyfim gəlir.
*
Biz vur dedik, öldür dimədik, bu zırrama isə vurub öldüdü.
*
Hər kəllayının bir dolayısı var.
*
İt dəvə kölgəsində yatır, deyir bəs öz kölgəsidi.
*
Ruzi göydən şabbadanxeyir düşmür.
*
Sözü deyir dağ ağırlığında, sonra da özü qalır bu ağırlığın altında.
*
Göydən qızıl zənbildə yenmiş kimi davrananlar var ki, onlara baxanda zənbilə heyfim gəlir.
*
Bədbəxt batbat yeyib havalanıb, camaat elə bilir eşqindən havalanıb.
*
Arvadı ölənin yükü ağır olar, dərdi çox.
*
Səbəb olmadan işini çətinə salmaq ağıldan qurreylərin işidi.
*
HƏR OĞUL ƏKƏNİNDİR, DƏRDİNİ ÇƏKƏNİNDİR.
*
YEMİŞİ BALLA YEYƏRSƏN,
ÖLDÜM - ÖLDÜM DEYƏRSƏN.
*
KİMSƏLƏR MALINI YEYƏCƏK, ƏFSUS,
SONRA DA GORUNA SÖYƏCƏK, ƏFSUS.
HAMININ QAPISIN DÖYƏN ƏZRAYIL
SƏNİN DƏ QAPINI DÖYƏCƏK, ƏFSUS.
*
Kürkünə birə düşər samanlıqda yatanın,
Kəlməsi yerə düşər Haqqı ucuz tutanın.
*
Dədəmin dörd oğlu var,
dördü də bir boyda.
(Açması?)
*
Evində yox urvalıq,
könlündəki darğalıq.
*
Özü ilə dost olmağı bacarmayan adam heç kimlə dost ola bilməz.
*
Rəhmətlik Kazım əmi (Dünyamalıyev) deyərdi ki, qurdbasan köpəyi olmayan çobanın sürüsünə qurd dadanar.
*
Cildlərlə yalan toplusunun üstündə tər tökür, adını da qoyur "Həqiqət axtarışında".
*
Güllər ağuşuna alıb aşiqi
bu yazdan çıxmağa qoymayacaqlar.
*
Adam tanımadığı bir kəsin üzünə çamxırsa, sonra əziyyətin çəkməli olar.
*
Aldanıb bu öküz mıxa bağlanıb,
hər gün boyunduruq görsə də boynu.
(Dədələrdən aldatma gününə)
*
Qız ananın dirriyidi, nə əkərsə, onu dərər.
*
Ovçunun işi gülləsi tükənənə qədərdi.
*
HALAL QAZANC YEYƏNLƏR,
ALLAHINI ÖYƏNLƏR,
SƏRRAFA DOST DEYƏNLƏR,
ƏS SALAMÜ ƏLEYKÜM!
*
İNSAN DƏRDİN TƏK ÇƏKƏR,
DƏRDİ DƏ ÜRƏK ÇƏKƏR.
AT ARPA, KİŞMİŞ YEYƏR,
YÜKÜNÜ EŞŞƏK ÇƏKƏR.
*
AĞUŞUN GÜZARIM OLA,
SEVGİN DƏ AZARIM OLA.
DİRİ İKƏN SEYRANGAHIM,
ÖLƏNDƏ MƏZARIM OLA.
*
SEVGİDİRSƏ, MƏN YALANI SEVİRƏM,
CANIM QURBAN, CAN ALANI SEVİRƏM.
GECƏ - GÜNDÜZ GÖZLƏRİMİ OXŞAYA,
SEVƏN CANA CAN OLANI SEVİRƏM.
*
ÜMİD BAĞIN QIRA - QIRA,
İLGƏY VURDUQ ORA - BURA.
ÖZÜMÜZÜ YORA - YORA, GEDİRİK ÜZÜ ÖLÜMƏ.
*
Eşq heç bir çərçivəyə sığmaz.
*
Ey dünyagir adamlar, itirdikdən sonra ağlamağın xeyri yoxdu, çünki qara torpaq ağuşuna aldığını geri qaytarmır.
*
Hər kəsin son anda döydüyü son qapı var.
*
Ürəyinin yağını yedirtdiyin adam vaxt olur ki, səni yemək fikrinə düşür.
*
Cənub Təbriz, şimal Dərbənd,
Mənim olmayan qollarım.
*
Rəhmətlik Həcər nənəm deyərdi ki,
şər vaxtı nərdivanın altından keçməzlər,
ərlik qız dədə evində gəlinlik geyərsə bəxti bağlanar.
*
Rəhmətlik Yunus əmim deyərdi ki, dədəsinin üzünə bozaran gün gələr ki, cəhənnəmin qır qazanında qızarar.
*
Rəhmətlik Cəlil baba deyərmiş ki, şapalaq yemiş üzü şeytan öpər.
*
Ürəyinin yağını yedirtdiyin adam vaxt olur ki, səni yemək fikrinə düşür.
*
CÜTƏ QOŞULMUŞ ÖKÜZ CÜTÇÜDƏN YOX, CÜTÇÜNÜN ƏLİNDƏKİ AĞACDAN QORXUR.
*
DƏRVİŞ OLAN SİRR OLAR,
DƏRS ALDIĞI PİR OLAR.
ÇAQQALIN DOSTU ÇAQQAL,
ŞİRİN DOSTU ŞİR OLAR.
*
Rəhmətlik Saray nənəm ( Kişi Saray ) deyərdi ki, o qədər başı buxara papaqlı, bığı burma biqeyrət gədə var ki...
*
Abrını çölə atanlar ləyaqət nə olduğun bilməzlər.
*
Mərdimazarlar hələ də bilmək istəmirlər ki, əvvəl - axır bir gün xoruzun quyruğu görünəcək.
*
Vicdanını satıb mənliklərini itirən dəyyusları görərkən deyirəm heyf Rəbbimin əziyyətinə
*
Hər qız ərə gedəndən, hər oğlan da evlənəndən sonra həyat yoldaşı ola bilmir.
*
HURİSƏN, PƏRİSƏN, MƏLƏKSƏN, KİMSƏN ?
ZÜLFÜNDƏ ÖPÜŞÜR YAZ ÇİÇƏKLƏRİ.
QOYNUNUN ƏTRİNƏ QATIŞIB ƏTRİ,
SİNƏNDƏ İNCİTMƏ, QIZ, ÇİÇƏKLƏRİ.
*
TƏRƏKƏMƏ DEYİMİ: AYINI HAMI TANIYAR, AMMA AYI HEÇ KƏSİ TANIMAZ.
*
Rəhmətlik Tovuz qocam deyərdi ki, süfrəyə qoyulanda horra da özünə (bozbaşdan nəyim əskikdi ?) deyir.
*
Rəhmətlik Niyazalı əmim deyərdi ki, motalın iyi bir evə hopdusa, çətin ondan əl çəkə.
*
Rəhmətlik meşəbəyi Bəhmən dayı deyərdi ki, ayını hamı tanıya bilər, ancaq ayı heç kəsi tanımağa borclu deyil.
*
Bir gün rəhmətlik İbiş babam (rəhmətlik meşəbəyi idi ) baxır ki, bir cavan əlində bir yaralı quş ona tərəf gəlir. Quşu onun əlindən alıb deyir: - Oğlum, quş var əti yeyilir, qüş var ət yeyir. Bu quş şahindi, ət yeyir.
*
XANDAN GƏLƏR XAN İYİ,
DABBAQDAN DA GÖN İYİ.
*
Rəhmətlik Tahir babam deyərdi ki, arvadların didişməsinə, uşaqların dalaşmağına, köpəklerin boğuşmasına ağıllı kişi qarışmaz.
*
Dədəm qapıdan içəri girəndə hamımız ayağa qalxardıq. Dədəm süfrənin başında əyləşərdi, yeməyin ən yaxşı yeri o kişinin sinisinə qoyulardı. Dədəm bismillah dedikdən sonra yeməyə başlayardıq.
*
Əgər dədəmlə nənəm piyada hara gedərdilərsə, nənəm dədəmdən bir addım geridə gedərdi.
*
Əgər evimizdə süfrə ətrafında hər hansı bir iş haqqında söhbət gedərdisə, hamı öz fikrini söylədikdən sonra sonuncu söz dədəmin sözü olardı və o sözdə işə çevrilərdi.
*
Rəhmətlik dədəm deyərdi ki, boş evə girsəniz belə, salam əleykum deyib, sonra o evə daxil olun .
*
İllər qabaq kəndimizin cavanları ağsaqqalların məclislərinə girməzdilər, ta ki, dəvət alana qədər. Məclisə girəndə isə ağsaqqallar icazə verənə qədər ayaq üstdə gözləyərdilər.
*
Rəhmətlik İsa əmim (Xəlilov İsa) deyərdi ki, evində sayılan kişi, elində də sayılar.
*
Keçmişdən bir deyim qalıb: Qurd anası quzuya süd verməz, yəni quzunu əmizdirməz.
*
Rəhmətlik Şəkəralı babam (Çoban olsa da, müdrik kişi idi.) göyə baxıb sabah havanın necə olacağını dəqiq deyərdi.
*
Hər dəmirçinin oğlu Dəmirçioğlu olmur.
*
Çovğunlu, küləkli havada çöldə nə işin var ki, soyuqlayıb titrətməyə düşəsən. (Özümü danlayıram.)
*
Dağın dərdini siçandan soruşan axmaqlar var .
*
Meşələrdən düz ağaclar azaldığı kimi içimizdə də düz adamlar azalır.
*
Şər qarışa, toran düşə,
Dost evinə varan düşə.
Könlümün eşq güşəsinə
Məni məndə görən düşə.
*
İçimizdə bəsləyirik biz dərdi,
Vətən dərdi, qeyrət dərdi, söz dərdi.
Mən Eşqin quluyam, qulun esqiyəm,
Hər kəsə öz dərdi, mənə öz dərdim.
*
Süfrə nur,xanə məmur,qəza-bəla geri dur! Artsın əskilməsin, daşsın tökülməsin !Allah bərəkət versin !
(İlaxır çərşnbənin duası)
*
Mənim əziz, könlü gözəl şair dostlarım, Beynəlxalq poeziya günü münasibətilə sizi ürəkdən təbrik edirəm və hər birinizə uğurlar arzulayıram.
*
Yaz da gözəl, qış da gözəl,
Çiçək açsa, daş da gözəl.
Nurlu, gözəl ürəklərdə
Süleyman hər yaşda gözəl.
*
Abırdan, həyadan rübəndin ola,
Nə qədər əlçatmaz olarsan, gözəl.
Allahın sevdiyi mələklər kimi
Sərrafın canını alarsan, gözəl.
*
Süfrə nur, xanə məmur,qəza-bəla geri dur! Artsın əskilməsin, daşsın tökülməsin !Allah bərəkət versin!
(İlaxır çərşnbənin duası)
*
Dərd bizdən ötə, olmaz,
Daşda gül bitə, olmaz.
Heç nədən hər şey olar,
Gədədən Dədə olmaz.
*
Rəhmətlik Məhəmməd dayı (Sadıqov) deyərdi ki, dədə olmağa nə var ki, dədəlik eləmək çətindi.
*
Rəhmətlik Nəriman dayı (Bəxtiyarov ) deyərmiş ki, yekə bığlı və uzun saqqallı olmaq hələ əsil kişi olmaq alnamına gəlmir.
*
Rəhmətlik İsmayıl dayım (Quliyev) deyərdi ki, bığın qeybətin saqqala eləməzlər.
*
Rəhmətlik Lətif əmim deyərdi ki, bir xatır, iki xatır, üçüncü də vur yatır.
*
Saqqalda feyz olsaydı keçi mollalıq edərdi.
*
Rəhmət qapısı açıq olanda kasıb yuxuda olar.
*
Yenə gözü yaşlı çiçəkləriylə
Açır pəncərəsin üzümə səhər.
Bakirə qızların gecələrindən
Açır pəncərəsin üzümə səhər.
*
Kişiliyin əsas düsturu: özü heç kəsi incitməməli, özü də heç kəsdən inciməməli.
*
Qeyrətli kişidən törəyən oğul meydan açar, namıslu xanımdan doğulan qız gözəl süfrə.
*
Xəyalımın pəncərəsindən süzə - süzə
gözlərimə sevgilimin gözləriylə
baxan yağış...
*
Haqqı görə biləsən,
Borcun verə biləsən.
Elə yıxıl ki, canım,
Sonra dura biləsən.
*
Axdı zaman, yaman axdı,
Ümidlərim boşa çıxdı.
Uzağımda yaxınım çox,
Yaxınımda yadım çoxdu.
*
Rəhmətlik Asya bibim deyərdi ki, çiçəyi çırtlayan bir qızı vaxtında qoçaq bir igidlə başgöz eləmək lazımdı.
*
Əvəzin bədəl adlı oğlu var.
*
Düz sözü iki adamdan eşidə bilərsən; ya vəlidən, ya dəlidən.
*
Kərəntisinin ovxarı yox, durubdu vər başında.
*
Qısrağı cavan gözüylə, qızı da qoca gözüylə alarlar.
*
Gözəlliyin qoruyucusu həya, kişiliyin qoruyucusu isə qeyrətdi.
*
Rəhmətlik Məhəmməd dayım (Kərim oğlu) deyərmiş ki. Vənətlinin kişiləri erkək satar, buğa satar, öəc satar, at satar, adam satmaz.
*
Rəhmətlik Əbdüləzim əmim deyərdi ki, bir dədə doqquz oğul saxlaya bilər, doqquz oğul bir dədəni saxlaya bilməz.
*
Qarnıqurdlu deyər ki, pişiycən də olmadıq, özü tutur, özü udur.
*
Şiri əhliləşdirmək olar, qurdu əhliləşdirmək olmaz.
*
Günah sahibi yaman, güman sahibi uman olar.
*
Dərdimdən gül ətri gəlir.
*
YALANDAN "ALLAH ŞAHİDİMDİR" DEYƏNDƏN İBLİSDƏN QORXDUĞNUZ KİMİ QORXUN !
*
AT ALAN DİŞİNƏ, ARVAD ALAN İŞİNƏ BAXAR.
*
Rəhmətlik Əlisavan dayı deyərdi ki, atın yoxdursa nalbənd ilə nə işin var?
*
Rəhmətlik Kərbəlayı Mehdiqulu babam deyərmiş ki, əlini yandırmaqdan qorxan oğuldan dəmirçiyə şəyird olmaz.
*
Rəhmətlik dədəm Usta Mürsəl deyərdi ki, əyri taxtanı rəndə, əyri adamı da mömin və güclü bəndə düzəldər.
*
Rəhmətlik Niyazalı əmim deyərdi ki, kababı döndərə - döndərə, adamı dindirə - dindirə bişirərlər.
*
Çırpını köz yandırar,
adamı söz yandırar.
*
Pirdən keçib pir olanlar,
Hər kəlməsi dürr olanlar.
"Ya hu" deyib sizə gəldim,
Haqq yolunda bir olanlar.
*
Dağ seliyəm, daşasıyam,
Dərə, təpə aşasıyam.
Öz evimdə, öz elimdə
Paşaların paşasıyam.
*
Rəhmətlik Xəlil müəllim deyərdi ki, öküz kimi işləməsən, aslan kimi yeyə bilməzsən.
*
Rəhmətlik Süleyman müəllim deyərdi ki, quzu otara - otara dərsini oxuyan uşaq bir də gördün alim olub.
*
Rəhmətlik Ələkbər oğlu Əli (baba) deyərmiş ki, dəlilərin bəyi olan qoçaq hərdən bir döyülməyi də yadından çıxartmamalıdı.
*
BÜTÜN DƏRDLƏRİNİ ÜRƏYİNƏ ATIRSAN, BƏS ÜRƏYİNİ HARA ATACAQSAN ?
*
XAR SU İTİN AĞZI DƏYMƏYİYNƏN MUNDAR OLMAZ
*
ZURNANIN KARA, ÇIRAĞIN KORA XEYİRİ DƏYMƏZ.
*
TƏRƏKƏMƏ SÜRÜSÜNÜ TƏK OTARANDA TƏKƏ İLƏ DƏRDLƏŞƏR.
*
ATASIZ QIZ YANMIŞ BAĞ, ANASIZ QIZ SUSUZ BULAQ.
*
TƏRƏKƏMƏ DEYİMİ: DUZ GÖYƏRƏN VAXTI QATIR DA DOĞAR.
*
QIZIL LƏYƏNİN QAN QUSANA NƏ XEYRİ VAR.
*
QIŞ GÜNƏŞİNƏ VƏ QADIN GÜLÜŞÜNƏ O QƏDƏR DƏ ÜMİD ELƏMƏK OLMAZ.
*
BALI ŞİRİN OLMASA, AYININ ARI PƏTƏYİ İLƏ NƏ İŞİ VAR.
*
Əgərlə məgər nigahlandılar, hələ bunların bəlkə və keşkə adlarında iki uşağı da oldu.
*
Vəhşət heyvandan,
Dəhşət insandan.
*
Deyirlər cəhənnəmdə od yoxdur, bu dünyadan o dünyaya köçən hər kəs öz odunu özü aparacaq.
*
At almamışdan, yəhərini alır.
(Görməmişlərə xitabən.)
*
Quş var əti yeyilər, quş da var ət yeyər.
*
Əncir ağacında oxlov, qarğıdalı unundan paxlava, hər qadının doğduğundan adam olmaz.
*
İnsan hər kəs üçün ya pis, ya da yaxşı adam olmaz.
*
Gedər meşəyə oduna, balta düşmür yadına.
*
Tutub buraxmamaqda qaratikan koluna bənzəyən adamlar da var.
*
Ayının üstünə ağacla getmək axmaqlıqdır.
*
Könül mehmanxana otağı deyil ki, hər gələni qəbul eliyəsən.
*
AY QONŞUNİN BACASINDAN XƏLVƏT - XƏLVƏT BAXAN ... , SƏNİN ÖZ BACANDAN XƏBƏRİN VARMI ?
*
Bir şahılıq qiyməti yoxdur, amma xoruz yerişi yeriyir.
*
Rəhmətlik Surxay babam deyərmiş ki, özgəsinin arvadına baxanın arvadına baxarlar.
*
Rəhmətlik İsgəndər müəllim ( əmim) deyərdi ki, vaxt var idi ki, ağacı yarpağıynan, kişini də papağıynan tanıyardılar.
*
Rəhmətlik Nüsrət əmim deyərdi ki, oynamağı bacarmırsan, oynayana da gülürsən, ay özündən müşdəbeh.
*
Tüpürcəklə hər üz qarası getmir.
*
SULTANIM, ŞAHIM İSMAYIL,
KƏDƏRİM, AHIM İSMAYIL.
ŞEYXİM, PİRİM, MÜRŞİDİM,
SƏCDƏGAHIM İSMAYIL.
*
Rəhmətlik Zülfəli əmim deyərmiş ki, hər dəmirçinin oğlu Dəmirçioğlu olmur.
*
Rəhmətlik Seyran qocam deyərdi ki, ələyinən xəlbiri biri birindən ayıra bilmirsənsə, sənin dəyirman da nə işin var ?
*
Rəhmətlik Asya bibim deyərdi ki, başağı sünbül - sünbül, dərzi də başaq - başaq.
*
Rəhmətlik Şahsuvar baba deyərmiş ki, aslan ürəyin yoxdursa, şirlə pəncə pəncəyə gəlmək nadanığa dəlalət edər.
*
Hər gözünü qamaşdıranı Günəş hesab eləmə.
*
Dörd dirək damın ola,
Yanmağa şamın ola.
Can Haqqın dərgahında,
Dilində "amin" ola.
*
Tərəkəmə deyimi: Qısır qoyun qəssab dükanına yaraşar.
*
BİR BAHAR DA NAZLANA - NAZLANA ÜZÜMÜZƏ GƏLİR.
*
BƏZİ ALÇAQLAR ÖLÜM QABAĞI BELƏ ÖZ PİSLİKLƏRİNDƏN ƏL ÇƏKMİRLƏR.
*
İlahi eşqə mübtəla olan hər kəsin könlündən zikr, dilindən şükür əskik olmaz.
*
KEÇƏL HƏMZƏ DƏ QIRATA MİNDİ, AMMA YENƏ KOROĞLU OLMADI.
*
Rəhmətlik Kərim müəllim deyərmiş ki, bir kişinin özündən sonra qoyduğu şah əsəri xalqına layiqincə xidmət edən savadlı övladıdır.
*
Rəhmətlik Məti babam deyərmiş ki, Vənətlinin oğrusu da mərddi, doğrusu da.
*
Rəhməlik Kərim dayim deyərdi ki, Vənətlinin köpəyi də qonağa, yada quyruq bulamaz.
*
Rəhmətlik Həcər qocam deyərmiş ki, vənətlilər yeddi oğulu "yoxdu" bilərlər, bir qızı isə "çoxdu" bilərlər.
*
Tərəkəmə binəsini Bağdaddan böyük və gözəl bilər.
*
Tərəkəmədən qız almaq olar, quzu almaq çətindir.
*
Tərəkəmə qışlaqda qar tutar, yaylaqda var tutar.
*
Pirin balası pir olar,
Şirin balası şir olar.
Əgər Allah istəyirsə
Daşın içində dürr olar.
*
TƏRƏKƏMƏ DEYİMİ: QOYUN DEYİR - QARNIMI DOYDUR, QARA BASDIR MƏNİ. KEÇİ DEYİR - QARNIMI DOYDUR, QORA BASDIR MƏNİ. AÇIQLAMASI ?
*
Tərəkəmələr, deyin görüm qoyunun neçə haram tikəsi var?
*
Hökmüdar var, tacı yox,
Könlü toxların acı yox.
Allah yazdığı düsturun
Təhlilə ehtiyacı yox.
*
Kürəyim o qədər ənik diş görüb,
Ürəyim dözümə baxmayır indi.
*
Hələ də ürəyinin yerıni bilməyən adamlar var
*
Başın bəlasını çəkər hər zaman,
Dilinin ucundan asılan adam.
*
Tülkünün dostluğu aslanla tutmaz,
Aslanın dostu da aslan olmalı.
*
GÖZLƏRİ KOR OLANLARIN GÖZLƏRİNİ AÇMAQ OLAR. RUHU VƏ QƏLBİ KOR OLANLARIN GÖZLƏRİNİ İSƏ AÇMAQ MÜŞKÜL MƏSƏLƏDİR.
*
Bəzi insanlar cəvizqurdu necə yaşayırsa, elə yaşayırlar.
*
Dəmirçinin körüyündən keçirib,
Süleymanı döyüb Sərraf eylərəm.
*
Meymun öz balasını gözəllər gözəli bilir.
*
Tülkünü ağzı ətə catanacandı...
*
Bəzi insanlar cəvizqurdu necə yaşayırsa, elə yaşayırlar.
*
Baxıb adamların şeytanlığına,
İblis utancından ölmək istəyir.
*
Dərdin qədəhinə şərab süzürəm,
Qoşulub Sərrafa dərd də məst olub.
*
BİR DƏFƏ BOYUNDURUQDAN CANINI QURTARMIŞ ÖKÜZ KÖNÜL XOŞLUĞU İLƏ BİR DƏ HƏMƏN BOYUNDURUĞUN ALTINA GİRƏRMİ ?
*
Eşşəyi bərkdən anqırmağına görə almazlar, yaxşı yük götürməyinə görə alarlar.
*
Canın ağrıyırsa, gülməkmi olar ?
Hər sözü bal kimi yeməkmi olar?
Yeriyən, sürünən hər bir canlıya
Allahın əşrəfi deməkmi olar?
*
Löhməyə daş atsan üstünə sıçrayar.
*
Dili gödək olanın əli də gödək olar.
*
Əzimə də kömək elə, Kazıma da kömək elə, gücün çatsa özünə də kömək elə.
*
Kim olursa olsun, hətda heç vaxt üzünü görməsə belə, hər kəsin bir dədəsi var.
*
Dəryanın dərinliyini qəvvasdan soruşarlar.
*
Üzünü görməsə də belə, hər kəsin bir atası var.
*
Şeytana uyan ağıl əvvəl özünə zərər verər.
*
Gözəlliklər cəm ola,
Dünyamız xürrəm ola.
Aralanıb şeytandan
Adəm də Adəm ola.
*
Əgər səhər açılsa,
əgər mən də sağ qalsam,
küsdürdüyüm könlümü günəşə tapşıracam...
*
Rəhmətlik Tahir babam deyirdi ki, köpəklər boğuşanda, uşaqlar dalaşanda, qadınla didişəndə kişilər işə qarışmamalıdı.
*
Misqallıq ağlı yoxudu, batmanlıq öyüd verir.
*
Payızda üzüm yemək istəyən, yayda kölgədə yatmaz.
*
Ağac kökünə, ev bünövrəsinə, elm isə istinadına söykənər.
*
Rəhmətlik Şəkəralı babam deyərdi ki, qadını kişidən çox yaşadan göz yaşlarıdı. Qadın ağladıqca dərdi göz yaşı ilə torpağa axır.
*
Hər kəsin nə vaxtsa özü də bilmədən qapısız divara dirənən bir günü olur.
*
Ağılsızlığından qurda yem olmasa bu qəşəy sıpa da böyüyüb yekə eşşək olacaq.
*
Dədəsi bəyzadə, nənəsi nökər,
Görən bu qıvlasız hansına çəkər?
*
Ürək aşiq olanda ağılın sözünə qulaq asmır.
*
Xain alnında güllə,
Dəyyus üzündə şillə.
Kişi üzü Dərgaha
Yol qalxır pillə - pillə.
*
ARVAD VAR Kİ,
NƏ ALIRSAN GEYİR,
NƏ VERİRSƏN YEYİR,
SONRA DA DƏDƏNƏ SÖYÜR.
*
Paxılın əsas işi yaxşı insanlar arasında vaynəfsə çıxartmaqdı.
*
Bir öpüşlə yara sağalsaydı, bulvardan yaxşı müalicəxana çıxardı.
*
Hürməyən iti həyətdə saxlamazlar.
*
Rəbbini sevən ürək Dərgaha giriş qapısıdı.
*
Arvaddan küsən axurda yatar.
*
İnsanın ən insaflı vəkili onun vicdanıdı.
*
Nəsib meyvəsi də qeyrət nisbətində toplanır.
*
Barmağını soxur gözümə, sonra da deyir "Görürsən?"
*
Arşın olmayan yerdə dirsək də ölçüdür.
*
Qabıqdan çıxmış gözəl Həkəri düyüsünün gözəl də aşı olur.
*
Axmağı buyur, dalınca yüyür.
*
Davada araya girənə yumruq dəyər.
*
Fələyin kəm gözlə baxdığı yurd susuz dəyirmana dönər.
*
Kəndxudası pir olan kəndin ocağı da gur yanar.
*
Həddindən artıq yumşaq olma, yoxsa səni udarlar.
*
Kasıb ağzı dualı,
Varlı başı havalı.
Özün ağıllı bilir
Tanıdığım zır dəli.
*
Fələk kəm gözlə baxar,
Kasıbı yerə soxar.
Zülüm güldüyü zaman
Göydən yerə dərd yağar.
*
Ürəyim baxmır ki, sözümə çoxdan,
Kədər yolun salıb gözümə çoxdan.
Mənə başqa düşmən lazım deyil ha
Mən özüm düşmənəm özümə çoxdan.
*
Dərd dalınca qaçmazlar,
Boş xəyalla uçmazlar.
Qapı var ki, açılmaz,
Qapı da var, açmazlar.
*
Tənbəl arvad güləyən, südsüz inək mələyən olar.
*
Acın sudan zəhləsi gedər.
*
Qarpızı görür, qarpız əkəni görmür.
*
Bəzən şər xeyir bildiklərimizin içində gizlənir.
*
Dərd səndən xəbərsiz gələr.
*
Vay o gündən ki, iyidin altında qaçağan atı büdrəyə.
*
Çölün donuzu fıştırıqla üzümlükdən çıxmaz.
*
Axtalanmış mənlik - ruhu və könlü üfunətə bulanmış bədən.
*
Gün gəlir ki, adam günahlarından hörülmüş örkəni boynuna keçirir.
*
Ölümünə sevmək məcnunluqdu.
*
GÖZÜMÜ YUMURAM, HƏR YAN QARANLIQ,
GÖZÜMÜ AÇDIĞIM İŞIĞA ŞÜKÜR !
RƏBBİM, İSTƏMİRƏM, QAZANLA VERMƏ,
VERDİYİN O HALAL QAŞIĞA ŞÜKÜR!
*
Çevrilib olurlar asfalt adamı,
torpak adamları, su adamları.
*
Plov yeyəndə düyünün içindəki qara daşdan deyil, ağ daşdan qorxun.
*
Yağ yeyib yaxada gəzən, üçdə alacağı, beşdə verəcəyi olmayan gədələrin girmədiyi yer qalmayıb.
*
Pis övlad altıncı barmaq kimidi, kəsərsən ağrıyar, kəsməzsən səni eybəcər göstərər.
*
Qəribədi sovet dönəmində eşşəyə görə vergi almırdılar. Bilmirsiniz indi alırlar?
*
Statistikaya görə yiyəsiz itlərin sayı artıb. Görəsən iki ayaqlıları da sayırlar ?
*
Əcələ işə şeytan qarışar.
*
Söz torbaya girməz.
*
Siçan dağdan küsmüş, dağın xəbəri yox.
*
SEVMƏK YAŞAMAQDIR, YAŞAMAQ SEVMƏK,
SEVİB YAŞAMIRSA, DAŞDANDIR ÜRƏK.
*
Bəyim bəy oğlu bəy doğar,
Xanım xan oğlu xan doğar.
Dədəsi ulaq olsa da,
Qatırı da madyan doğar.
*
CANI DİŞİMİZƏ TUTUB YAŞADIQ,
DƏRDLƏRİN ALTINDA YATIB YAŞADIQ.
GÜNAH ÇAMUR KİMİ ÇƏKDİ BİZLƏRİ,
QARA BATAQLIĞA BATIB YAŞADIQ.
*
Yazıq Qənbər lül olunca, adı qaldı lülqənbər.
*
Mehdiquluya baş qırxdıranın pambığı cibində gərək.
*
Əsil kişilər yolu yola yamamağı bacarırlar.
*
Küpəgirən qarının dilində saman çöpü dam dirəyinə çevrilir.
*
YAZIQ QƏNBƏR LÜL OLUNCA, ADI QALDI LÜLQƏNBƏR.
*
Hər adam bir div misalı,
Hər günah bir dəyirman daşı.
*
QARA TORPAĞA DÜŞƏN TOXUM BAHAR YAĞMURUNDAN CANA GƏLİB GÜNƏŞƏ BOYLANDIĞI KİMİ EŞQ DƏ AŞİQ KÖNLÜNÜ NURLANDIRIB SEVDİYİNƏ YÖNƏLDİR.
*
ZALIM OĞLU, BİR LİTR ARAQ İÇƏNDƏN SONRA PROKRORU DA SORĞU - SUAL ETMƏK FİKRİNƏ DÜŞÜR.
*
QARABAĞLI DUA ELƏDİ, YAĞIŞ QARADAĞA YAĞDI.
*
YEDDİ DƏRƏNİN SUYUNU BİR BİRİNƏ QARIŞDIRAN QANCIĞIN KÖPƏYİ DƏ ÖZÜ KİMİ OLAR.
*
Ütəlgini yenəsən,
Dərvişimə dönəsən.
Əgər Allah vermirsə,
Nə verərsən mənə sən.
*
İNSAN ANADAN KAMİL DOĞULMUR, ANCAQ BU KAMİLLİYƏ, BU GÖZƏLLİYƏ SAHİB OLA BİLMƏK QABİLİYYƏTİ İLƏ DÜNYAYA GƏLİR.
*
ƏGƏR TARİXİ VƏRƏQLƏSƏNİZ, GÖRƏRSİNİZ Kİ, MÜXTƏLİF DÖVRLƏRDƏ NÜXTƏLİF MƏDƏNİYYƏTLƏRİN MƏHVİ MƏNƏVİYYATIN ÖLÜMÜ İLƏ BAĞLIDIR.
*
BİZ BU HƏYATA QƏDƏM QOYANDA VALİDEYNLƏRİMİZİ VƏ BACI, QARDAŞLARIMIZI BİZ SEÇMİRİK, ANCAQ KÖNÜL DOSTLARIMIZI ÖZÜMÜZ SEÇİRİK.
*
Etibar dostluğun ürəyi, ehtiram isə dostluğun yaraşığıdı.
*
Qara qızın baxtı
Şahsevəni də yıxdı.
*
Yandırdığın barmağını ilanın ağzına soxmaq axmaqlığın pik nöqtəsidi.
*
Tətiyi çəkməmişdən qabaq "sonra nə olacaq ?" sualına cavab tapmalısan.
*
Bilirsiniz nədən qorxuram ? - Bir gün İblis deyə "Rəbbim məni bağışla ki, Adəmin övladına uydum, yolundan çıxdım."
*
Uşaq vaxtı kim quş tutmaq üçün cələ qurmağı bacarırdı ?
*
Üstünə örtməyə bir cırıq həsiri yoxdu, qonşunun yun yorğanına gülür.
*
Samanın dərdini çəkir, eşşəyin dərdini çəkmir.
*
Kəfşən yananda çobandan bilərlər.
*
Yapıncısı qalın olan çobanın qoyununu qurd aparar.
*
ƏZİZ DOSTLAR, BU GÜN XIDIR NƏBİ BAYRAMIDI, YƏNİ BƏRƏKƏT BAYRAMI. HAMINIZIN BAYRAMI MÜBARƏK !
*
Quzunu qurdla yeyənlər qoyuna qoşulub quzunu ağlayırlar.
*
Min adamın tədbirin bir Allahın təqdiri pozar.
*
Mərmər gözəl olmağına gözəldi, amma onun üstündə Allahın otu da bitməz.
*
Əyilməyi bacaranlar söyülməyə mübtəladırlar.
*
Bir gözəl işin ortasında söhbət baltası olmaq naqislikdi.
*
Ağılın unutduğunu dil yada salar.
*
Qismətsə bal olar güldən,
qismət deyilsə, nə gələr əldən?
*
Ürəyin gözəlliyi üzün gözəlliyi qədər asanmı görünər?
*
Minbərdi azan yeri
Haqqdan haqq qazan, yeri !
Ruhum ilə gəzirəm
Pir dədəm gəzən yeri.
*
Oğul var dədəsinin ayaqqabısını geyir, amma dədəsinin yerişini yeriyə bilmir.
*
Adam var dədəsi adını Şiraslan qoyub, amma camaat arasında tülkülükdə ad çıxarıb.
*
Könül canın xəlifəsidi.
*
Dili dilimdən deyil,
Gülü gülümdən deyil.
Bu bəxtin, bu taleyin
Hökmü əlimdə deyil.
*
İki yolun arası,
Mənim yolum harası?
Yoxdu haqqın o yanı,
Yoxdu haqqın bərisi.
*
Hər insan öz nəfsinin ağası olsa dünya nə gözəl olar.
*
Daşa yazarsan, çətin pozarsan.
*
Həddindən artıq ehtiyatlı olan adam ən qorxaq adamdı.
*
Ağ nefti qarışdırıb, lampaya tökmə, his olar,
qeyrətsiz qeyrətə gəlsə, vallah, hər şey tərs olar.
*
Dərvişlərin badəsindən
içib sərxoş olan Sərraf.
*
UŞAQ VAXTI KİM MEŞƏYƏ XƏZƏZ, KƏVƏR, MƏRÖVCƏ, QUZUQULAĞI, GÖBƏLƏK YIĞMAĞA GEDİB ?
*
Can ağrımaz, dərd sıxmasa,
Yoluna şeytan çıxmasa.
Qaçan ata qurd neyləyər,
Qanrılıb geri baxmasa.
*
Bir dərvişə yol olmadıq
Allah dedi "ol!", olmadıq.
Qartal qonan qaya olaq,
Yaradana qul olmadıq.
*
Dağbaşı
Vənətlidi Dağbaşı.
Bu dərdlərin içində
Saxla görüm sağ başı.
*
Can ağrımaz, dərd sıxmasa,
Yoluna şeytan çıxmasa.
Qaçan ata qurd neyləyər,
Qanrılıb geri baxmasa.
*
CANINI BİR QIZ ALA,
DÜŞƏSƏN HALADAN HALA.
GÖZƏLLİKLƏR BİRLƏŞƏ,
SEVDİYİN GÖZƏL OLA.
*
Heyvan kimi düşünüb adam kimi danışanlardan Rəbbim gözəl könüllü insanları hifz eləsin !
AMİN !
*
Qurd ulayan dərənin qoyunu cüt - cüt doğar.
*
Boranı əkən, yemiş dərməz.
*
ƏSİL KİŞİ DAVADA LAÇIN QUŞUDUR, İŞDƏ DƏ USTABAŞIDIR.
*
EŞQ NURA BƏLƏNMİŞ QƏLBİN YAŞAMAQ RİŞƏSİDİR.
*
Nə qədər bəzəyirsən bəzə, nə geyindirirsən geyindir, meymun elə meymundu.
*
Hər üstü unnu dəyirmançı deyil.
*
Söyüşcül adam söyülər, dalaşqan adam döyülər.
*
Şeytanla alver eyləyən,
özün satıb, özün alar.
*
Uşağın əlinə daş verir, sonra qonşunun pəncərəsini göstərərək deyir" Birdən ora atarsan haa..."
*
Özün göyün yeddinci qatında,
canın da dilinin altında.
*
Pişiyin bir gözü ətə baxar, o biri gözü itə.
*
Kirkirəni boşuna hərləmə, əvvəl qovrulmuş buğdasını tök ki, yeməyə qovudun olsun.
*
Bostançının beli əlində, suyu da arxında olmalıdı.
*
BULUD GÜNƏŞİN QARŞISINI KƏSƏ BİLƏR, AMMA ONUN VAR OLMASINI İNKAR ETMƏYƏ GÜCÜ ÇATMAZ.
*
Çovğunda çölə çıxan canının evini yıxar.
*
İşini əvvəldən elə görməlisən ki, sonradan qəmbərqulusu çıxmasın.
*
Bir adamda ki, dəvə kini var, eləsinin dostu olmaz.
*
Batbat yeyib dəli oldu, dedilər ki, eşqindən dəli olub.
*
Qatırdan kəhər atın yerişini ummazlar.
*
Elə adamlar var ki, suyu zərif içməyi eşşəkdən, vəfanı isə çoban itindən öyrənməlidirlər.
*
SOYUQ DƏYİB TƏBİMƏ,
ƏLİM GİRMƏZ CİBİMƏ.
PİS, YAXŞI DEYİLƏN SÖZ
QAYIDAR SAHİBİNƏ.
*
O FAĞIR, O ZALIM GECƏLƏRİNDƏ,
İLİŞİB QALIRAM KÜÇƏLƏRİNDƏ.
DƏRDLƏRİN CANAVAR PƏNCƏLƏRİNDƏ
GEDİB O DÜNYAYA, GƏLİRƏM, ALLAH.
*
Bədbəxt o karvanın halına ki, onun sarvanı haramı ola.
*
Ayı gücün, ayı pəncən yoxdursa, ayı ilə nə karın.
*
Dəh - dəhlə getməyən atı bəh - bəhlə saxlamazlar.
*
Öküzlə dost oldunsa, boynunu boyunduruğa keçirməyi də bilməlisən.
*
Vicdanını atan çox,
Bataqlıqda batan çox.
Özləri də bilmədən
Sel ağzında yatan çox.
*
BATAQLIĞA BATIR, AMMA HƏLƏ DƏ "ƏLİNİ VER" İLƏ "ƏLİMDƏN TUT"UN HESABINI ÇÖZƏLƏMƏKLƏ MƏŞĞULDUR.
*
Bəzən elə olur ki, ağlına gəlməyən başına gəlir.
*
Adam yanıla - yanıla öyrənir.
*
Çanaq başında çatlamamışdan bütün qəbahətlərinin üstündən xətt çəkməlisən.
*
Zaman gəlib ki, heç ata da oğulun babalın yuya bilmir.
*********************************************************6
Yayda başı bişənin qışda aşı bişər.
*
Qaz gələcək yerdən toyuq əsirgəməzlər.
*
Gözünü qırpırsan qorxaq deyirlər
Özündən çıxırsan axmaq deyirlər.
Dərdini dilinə gətirib hərdən
Laflamaq istərkən taytaq deyirlər.
*
Gündüzlər gözlərim önündə şəklin,
gecələr yuxumda gecələyirsən.
*
GƏLMİSƏN, GEDƏCƏKSƏN,
DÜNYADAN ÖTƏCƏKSƏN.
HANSI ÇÖLDƏ, ÇƏMƏNDƏ
GÜL OLUB BİTƏCƏKSƏN?
*
ALLAH QARTALIN DA ALLAHIDIR, SƏRÇƏNİN DƏ ALLAHIDIR.
*
Ay qəlbi yağır adam,
Ay fağır, ağır adam.
Dünya kiçik qəlbinə
Gör necə sığır, adam...
*
At sahibinə görə kişnəyər.
*
YOXSULLUQ VƏ SIXINTI İÇİNDƏ YAŞAYAN VƏ SINMAYAN KİŞİLƏR HEÇ BİR ƏZİYYƏTDƏN QORXMAZLAR. SƏBR DAĞARCIĞI OLAN KİŞİLƏR...
*
ÖZ GƏLİRİNİ VƏ ÖZ ÇIXARINI BİLMƏYƏNLƏR BU GÜNKÜ HƏYATA UYUŞMAYAN ADAMLARDIR. ƏSASƏN DƏ ŞAİRLƏR...
*
Uzunqulağın ən çox sevdiyi səs öz səsidi.
*
Nə özünə ev tikir, nə elin dərdin çəkir
*
Şaddığa gələn ocağa gələr,
Bəddiyə gələn bıçağa gələr.
*
Qətranı qaynatsan olmazkı şəkər,
Hər zatıqırıq da zatına çəkər.
*
Ocağa qoyulan hər qazandan plov umma, umsuq olarsan.
*
Elə ki, oldun mırıq,
İşin fırıq, qarnıcırıq.
*
YALAN SÖZÜ MƏRD VERMƏZ,
DOST DA DOSTA DƏRD VERMƏZ.
MÖHLƏTİ ALLAH VERƏR,
ƏZRAYIL MÖHLƏT VERMƏZ.
*
Biri körpü tapmır keçə, biri də su tapmır içə.
*
Çəkməlini mən bəyənmirəm, çarıqlı da məni bəyənmir.
*
Ayıya adamın bacardığı çox şeyi öyrədirik, amma özümüzü adam olmağı öyrədə bilmirik.
*
Əsil kişi o zaman böyük hörmətə layiq olur ki, söylədiyi ilə elədiyi üst üstə düşür.
*
Dəvənin üstündə gedən çoban itindən qorxmaz.
*
Bostandan çıxmır qoyun,
"Hö - hö"yə baxmır qoyun.
Qoşulma keçilərə,
Ağıldan mağmın qoyun.
*
Gədənin biri bəylik taxtına tamahsılandısa, vay o elin başbilənlərinin halına.
*
Vələdüzina başına papaq qoymaqla vələdüzinalıqdan çıxarmı ?
*
Haramzada sözü nənəsindən, işi şeytandan öyrənər.
*
Qoyun olmayan yerdə keçiyə Varəli deyirlər deyimi hansı mənada işlənir ?
*
Daş tökənlər çoxalır,
Dərd əkənlər çoxalır.
Şeytanın qapısına
Baş çəkənlər çoxalır.
*
Abırlı ananın qara qızını almaq, abırsız ananın gözəl qızından yeydi.
*
İt ətə, uşaq məhəbbətə.
*
Şükürsüz ağızdan tikəsi düşər.
*
Yatağan köpəyin sahibisənsə, tülkü toyuğunu hinindən aparar.
*
OĞRUDAN SORUŞURLAR:
- NİYƏ OĞURLUQ EDİRSƏN ?
OĞRU DA CAVAB VERİR:
- DƏDƏMDƏN ÖYRƏNDİYİM SƏNƏT BUDUR.
*
Hər kəsin qisməti özünə bənzər,
Mənim də qismətim dərdə mübtəla.
Bir qərib dərvişəm, incik ürəyim
Uçulub dağılmış yurda mübtəla.
*
Gecənin yarısı adamı yuxudan ayıldırlar, sonra da soruşurlar: "Qağa, kefin necədir?"
*
Gədədən kəndxuda,
Vələdüzinadan ata,
Yaradanda xəta olmaz.
*
İTƏ İT DEYƏNDƏ ACIĞI TUTUB DEDİ Kİ, MƏNƏ AD VERƏNDƏ ALLAHIN YANINDA İDİNMİ ?
*
Bu dünyada hər kəsin alacağından çox verəcəyi var.
*
GÖZÜMÜN YAŞINDAN ASILAN DƏRDİM...
*
Adamın gülməyi gəlir: "Filankəs fil qulağında yatıb." Görən bu fil qulağı nə boyda olan şeydi ki...
*
Əlli veribdisə, əlli də verər,
Qoçlar döyüşəndə kəllə də verər.
İnanma dünyanın mələkliyinə,
Sığal veribdisə, sillə də verər.
*
Adam zamana sığır,
Adam qılıfdan çıxır.
Daha nənələr geymir
On taxta tumanlığı.
*
Eyni güldən arı bal çəkər, ilan da zəhər.
*
Şahin öz ovunu göydə ovlayar,
Leşaparan ömrü boyu leş yeyər.
*
Qaranquş da hər eyvanda yuva qurmur.
*
Dam nə bilir orta dirək nə çəkir, daban nə bilir sevən ürək nə çəkir.
*
Daşı ətəkdən tökmək olar, ürəkdən əsla.
*
ALLAHDAN BAŞQA TƏK YOXDUR,
SEVƏMMİRSƏ, ÜRƏK YOXDUR.
ŞEYTANA BƏNDƏ OLANDAN
İÇİMİZDƏ MƏLƏK YOXDUR.
*
PİRİN BALASI PİR OLAR,
ŞİRİN BALASI ŞİR OLAR.
ƏGƏR ALLAH İSTƏYİRSƏ
DAŞIN İÇİNDƏ DÜRR OLAR.
*
Ət alsan quzu qolu alarsan, qız alsan əsilli, soylu.
*
Ey Adəm övladı, fürsət var ikən əsil korlara baxıb kor olmaqdan çəkinməyin məsləhətdir.
*
Torpaqdan, daşdan, ağacdan adam düzəldirik, amma özümüzdən adam düzəldə bilmirik.
*
Su da dönüb sərt olar, paxıl dönüb mərd olmaz.
*
İş var həcətlə görülür, iş var höcətlə.
*
GÖZƏL MƏCLİS AŞIĞINDAN BƏLLİ OLAR.
*
Hal üstündə bir dərvişəm,
Can qəsdində bir dərvişəm.
Ruhumla fənafillahın
Həvəsində bir dərvişəm.
*
Hər adam öz evində,
Qərib də dərd ovunda.
Qəmi şəraba qatıb,
Sərraf da öz kefində.
*
Hər mərəzin öz qərəzi.
*
Hər gördüyün gözlərinlə gördüyün kimi olmaya da bilər.
*
Qara torpaq milyonları götürər,
Hünərin var bir ağrısın tək götür!
*
Ay Süleyman, pis yaxşını itirər,
Ömr ağacı acı - şirin bitirər.
Qara torpaq milyonları götürər,
Hünərin var bir ağrısın tək götür.
*
" Ya Allah " deyərək aldadır hər kəs,
İnsan etdiyini şeytan eləməz.
Özümü etmişəm nəfsimə qəfəs,
Canımı yığmışam fağır içimə.
*
Ağıla səy etməz ağıldan yeylər,
Yetim də dərdini gör kimə söylər ?
İndiki qulları indiki bəylər
İşlədir quruca " sağ ola", vallah.
*
Beş dəli əlində ağac kəndin ortasında at oynadırsa, deməli həmin kənddə bir nəfər də ağıllı adam yoxdur.
*
Şahinin qüruru leşaparana qoşulmağa imkan vermir, acından ölsə belə.
*
Bir çox elmdən xəbərdar ola bilərsən, hətda gələcəyi belə görə bilərsən, amma yanındakı adamın ürəyin oxuya bilməzsən.
*
Bu asfalt dünyanın asfalt sifəti,
asfalta döndərir bu adamları.
*
Bu Yer boyda qəbrimiz, çəkdiyimiz cəbrimiz,
Ümman boyda səbrimiz daha azalır, dədə.
*
Tapıb, itiririk tapdığımızı,
ağrı yaddaşında itiklər qalır.
*
Nər qızanda pirin sözü boşuna.
*
Pas dəmiri, söz ürəyi yeyər.
*
İlan hər il dərisini dəyişir, xarakterini isə heç vaxt dəyişmir.
*
NAMƏRDLİKDİR PEŞƏN, ŞEYTAN,
ALÇAQLIQDAN ŞİŞƏN, ŞEYTAN.
TEZLİK İLƏ SƏNİN İŞİN
MÜRDƏŞİRƏ DÜŞƏ, ŞEYTAN.
*
BU HAYQIRAN MİNBAŞIMI?
KİMƏ ATIR SÖZ DAŞINI?
HA HAYQIRSIN, ÇOXU ARTIQ
KOLA SOXUB ÖZ BAŞINI.
*
EŞŞƏKLƏR MƏCLİSİNDƏ AĞIL LAL OLAR.
*
APARIBLAR, GƏTİRƏRLƏR,
NƏ QOYUBLAR GÖTÜRƏRLƏR.
SƏRRAF, SƏN ÖLMƏMİŞDƏN
HAQQINI İTİRƏRLƏR.
*
Körpənin dodağı qaçanda niyə
Atalar deyib ki, şeytan güldürür ?
Böyüyüb boynunu yoğunladandan
Sonra da deyirlər, zaman güldürür.
*
İnsaf vicdanın bünövrəsidi.
*
Həmişə dörd tuzu əlində saxlayan şeytanla qumar oynamaq axmaqlıq əlamətidir.
*
Boş ümidlərlə yaşayanların aqibətini Allah bilər.
*
Dərvişin məqamı Eşq, məkanı təkkə, yönü dərgah, yaşantı tərzi ədəbdi.
*
Eşqi dəlilik sayanlar Allahın verdiyi həyatın sirrinə vaqif ola bilməzlər.
*
Paxılın rahatlığı ölümündən sonra olur.
*
Taxılı anbara yığmamışdan qabaq gərək siçanla məsələni həll edəsən.
*
Kimsən ? - Sözündən görünər,
Çoxun azından görünər.
Yalnış sözün şilləsinin
Rəngi üzündə görünər.
*
Zamanın qəhrindən ağrıyır başlar,
Allahın özünə qıcanır dişlər.
Nə qədər azalıb lələlər, qağa,
Nə qədər çoxalıb qara keşişlər.
*
QAFİLƏ KƏLAM,
NAFİLƏ KƏLAM.
*
Yayın işini qışda, qışın işini yayda görmək istəyənlər xeyir tapmazlar.
*
İnsan elə insandı olmasa da pulu,
eşşək elə eşşəkdi olmasa da çulu.
*
Ağacdan maşa, axmaqdan paşa olmaz.
*
Dərvişin fikri nə isə zikri də odur.
*
Könülsüz verilən aş,
ya qarın ağrıdar, ya baş.
*
Bir elin kişiləri qeyrət toxumu əkər,
xanımları isə namus yükünü çəkər.
*
Kürsək vaxtı qancığın arxasına beş, on köpək düşər, erkək qurd isə özünə həyatında bir dişi qurd seçər.
*
Qızıldan açar
hər qapını açar.
*
Dədədən hikmət,
Oğuldan xidmət.
*
Əsil kişi soyundan,
körpə uşaq da oyundan
utanmaz.
*
Dərviş təkkədə,
Hacı Məkkədə.
*
Əsil anadan dayə olar,
Balatadan maya olar.
*
Ata yəhər lazım,
Yəhərə də ər lazım.
*
DAĞI DÜZƏ DÖNDƏRƏN VAR,
HAQQI DARDAN YENDİRƏN VAR.
CAN EVİNƏ KÖSÖV BASIB
GÜLƏ - GÜLƏ DİNDİRƏN VAR.
*
TOX OLMAQDAN BEZİRƏM,
SIXILMAQDAN BEZİRƏM.
ÖZÜM ƏKDİYİM AĞACDAN
YIXILMAQDAN BEZİRƏM.
*
Hər obanın öz göyçəyi,
Hər bağçanın öz çiçəyi.
Saza dönüb qan oğlayır
Hər şairin öz ürəyi.
*
Sevsəm, könül sözüm olur,
Sevsən, dünya bizim olur.
Oğurlama ürəyimi,
Hərdən mənə lazım olur.
*
Eşqindən ürəyi nura qərq olan
Dünyanı özü tək bilənə salam !
Həqqin yollarında "ənəlhəqq" olan,
Biz gedən yolları gələnə salam!
*
İlanı ölüncə, gəlini gəlincə...
*
Güclü böyük kökü olan ağac çovğunun üzünə gülər.
*
Osmanlı ləhcəsində işlədilən mırıldamaq sözü bizim ləhcəmizə necə uyğunlaşdırılır ?
*
Qəbirdən rahat yer yoxdur, nə səni incidirlər, nə də sən bir kimsəni incidirsən.
*
Vuran adammı qorxmaz adamdı, yoxsa vur deyənmi ?
*
Kasıba deyirlər ki, qış qapını alb,
kasıb da cavab verir ki, mən payızdan üşüməyi məşq eləyirəm.
*
ƏSİL LƏYAQƏTLİ QADIN ÖZÜLÜ OLAN BİR AİLƏNİN QORUYUCU MƏLƏYİDİR.
*
MƏNİM FİKRİMCƏ ÖLMƏK O QƏDƏR QORXULU DEYİL, ƏN QORXULUSU ÖLƏ - ÖLƏ YAŞAMAQDIR.
*
KİŞİ ÜÇÜN QADIN YA YAŞAMAĞININ SƏBƏBİ OLACAQ BÖYÜK MƏHƏBBƏTDİR, YA DA HƏYATINI CƏHƏNNƏMƏ ÇEVİRƏN BİR FƏLAKƏTDİR.
*
NUR VƏHDƏT, ZÜLMƏT İSƏ KƏSRƏTDİR.
*
ƏSİL DƏRVİŞLƏR ŞƏRAB İÇMƏMİŞDƏN MƏST OLARLAR.
*
HİKMƏT İNSAN KAMALININ BÜNÖVRƏSİDİR. O BÜNÖVRƏNİN ÜSTÜNDƏ NƏ EHTİŞAMLAR UCALIR...
*
CANI VERƏN ALLAH, ALAN DA ALLAH,
NUR OLUB KÖNLÜNƏ DOLAN DA ALLAH.
EY ADƏM ÖVLADI, UYMA ŞEYTANA,
YADINA SONUNU SALAN DA ALLAH.
*
EŞQİN YARATDIĞI DƏRD VƏ İZTİRABDAN GÖZƏL ŞEİRLƏR DOĞULUR.
*
PİSLİKLƏRİN ÜSTÜN ÖRTMƏ, İLAHİ!
KİŞİLƏRİ YAZIQ ETMƏ, İLAHİ!
TƏK ADINA VURULUB NURLANIRIQ,
KÖNLÜMÜZDƏN HEÇ VAXT İTMƏ, İLAHİ!
*
SEVƏ BİLƏRSƏNSƏ, YAŞAMAQ GÖZƏL,
SEVİB ÖLƏRSƏNSƏ, YAŞAMAQ GÖZƏL.
QƏLBİNDƏ PAS ATMIŞ QOCA HİKKƏNİN
DƏRDİN SİLƏRSƏNSƏ, YAŞAMAQ GÖZƏL.
*
Özgə bostanına oğurluğa girənin başında çomaq yarası.
*
İYİRMİ İL ƏVVƏL "ŞALVARI CIRIQLAR ÖLKƏSİNDƏ YAŞAYIRIQ" DESƏYDİLƏR, GÜLƏRDİK.
*
YƏHƏR ATIN, ÇUL EŞŞƏYİN,
AĞNAMAĞA KÜL EŞŞƏYİN.
ŞAHƏ QALXMAQ KƏHƏR ATIN,
YÜK DAŞIMAQ QUL EŞŞƏYİN.
*
KİŞİLƏR, BƏRBƏRƏ GETMƏMİŞDƏN QABAQ ƏVVƏL MARKETƏ GİRİB QİYMƏTLƏRİ SORUŞUN, YAZIQ BƏRBƏR DƏ ÖZ İŞİNİ İRAHAT GÖRSÜN DƏƏ...
*
KƏLƏYİN BOY ATIB BAR VERDİYİ YERDƏ ŞEYTAN DA MƏLƏKLƏŞİR.
*
Sən özün bilərsən ki, bu güzgüdəki sənsən və sənin özünü səndən yaxşı tanıyan yoxdur.
*
Əsil insan qorxduğuna deyil, sevdiyinə inanır.
*
Dünyada öz mənfəətləri üçün yaşayan adamlar başını qumda gizlətmiş dəvəquşu kimidirlər və elə bilirlər ki, onları heç kəs görmür.
*
Püfə ulaqlıqdı, söz də qulaqlıq.
*
Balın dadın bilməyən adam bal arısından mühazirə oxuyur.
*
Zəncir vura bilmirsənsə nəfsinə,
bir gün düşərsən qanunun qəfəsinə.
*
Gözəlliyi və həqiqətləri görmək istəmiyənlər həqiqi kor olanlardı.
*
Danışanda elə danış ki, ağzın mal tövləsinə bənzəməsin.
*
Şuğulsuz bənna qələmsiz müəllim kimidi.
*
Paxıllıq müalicə olunmayan xəstəlikdi.
*
Çaqqalı ha təriflə, yenə aslan olası deyil.
*
Bir korun ki, gözünü aça bilməyəcəksənsə, heç olmasa ümid çırağını söndürmə.
*
Təkəbbürlülük məğrurluq deyil, məğrurluğun gözəlliyinə əlindən alan şeytan duyğusallığıdı.
*
Öz doğmalarının gözündə yadlaşırsansa, yadların gözündə doğmalaşa bilməzsən.
*
İtlə yatan bitlə, birəylə durar.
*
Mənim fikrimcə müdrik alimlərimiz möcüzə yazıçı İsa Muğnnanın "İdeal" və ondan sonra yazdığı əsərlərə şərhlər yazmalıdırlar.
*
Yeriyən xiyarlar çoxalan gündən,
gül kimi xiyar da gözümdən düşüb.
*
Cübbə geyməklə molla olmaq olmaz.
*
Öz ölçüsünə sığmayan adamlar var.
*
Qırılan ağacdan hərə bir budaq qoparar.
*
İstedadsız yazar yaza bilməyəndə günahı qələmdə görər.
*
Nə günə qalmışıq, pərvərdigara,
Dəvəni nallamaq istiyənlər var.
Zamana gəlib ki, öz başlarından
Yuxarı tullanmaq istəyənlər var.
*
Dadanmış qudurmuşdan betər olur.
*
Canavardan qorxan davar saxlamaz,
xəbəri də dörd divar saxlamaz.
*
Aranda tutdan olduq, dağda quruddan.
*
Dadanmış qudurmuşdan betər olur.
*
Doxsandan sonra qoca,
yuxuda gedər haca.
*
NƏ TEZ GƏLDİ SAZAQLAR,
BUZLADI BUZ BULAQLAR.
BAKİRƏ SÖZLƏR DEYƏ
ÖPÜLMƏMİŞ DODAQLAR.
*
Su aşağıya axar, insan yuxarıya can atır.
*
Dovşan da küncə sıxılanda dişləyir.
*
Fürsət əmi oğlu həmişə qapınızı döyməz.
*
Rəbbim mənə öyüd verir ... Mən karam,
Rəbbim mənə yol göstərir ... Mən koram.
*
İşimiz baş - ayaq, qağa,
gedək daş daşıyaq, qağa.
Biz necə yaşayaq, qağa?
*
Əlhəmdülillah deyərək əlimdə çəkdiyim
qara təsbeh kimi
çəkirəm ömrümün qara günlərini.
*
Ürək qəfəsində çırpınan quşun
ruhunun azadlıq məhvəri eşqim.
*
Bəzən vüqarlı olmaqla təkəbbürlü olmağı qarışdırırlar.
*
ÇƏMƏNDƏ QOŞAN ÇƏPİŞ,
ATILIB DÜŞƏN ÇƏPİŞ.
HA OYNAQLA, SONUNDA
KABABDA BİŞƏN ÇƏPİŞ.
*
KEÇMİŞDƏ BEYBUD VƏ YAXUD BEHBUD NƏYƏ DEYİRDİLƏR ?
*
ƏGƏR BİR ŞEY ƏLDƏ ETMƏK İSTƏYİRSƏNƏ, ƏVVƏLCƏ HƏMİN ŞEYİN ZƏRƏRLİ TƏRƏFİNİ FİKİRLƏŞMƏLİSƏN.
*
Tərəkəmə əsilli dostlarımdan soruşuram: - Atın doğulandan yaşlanana qədər adlarını kim saya bilər ?
*
Adamı yarımçıq molla dindən eliyər, yarımçıq həkim candan.
*
Keçmişdə ovdan hara deyirdilər ?
*
Tərəkəmə əsilli dostlarımdan soruşuram: - əbrəş hansı qoyuna deyirlər, kola hansı keçiyə deyirlər ?
*
Piy basmış bədənin ağırlığını ayaqlar, murdar sözlü ağızın əziyyətin sillə yemiş yanaqlar çəkər.
*
Qəlbin zibillik yeridir,
Başın da köhnə külqabı.
*
Qeyrətli kişi atını, biqeyrət də arvadını öyər.
*
Xəsisin aşı bişməz, bişsə də ocaqdan düşməz.
*
Varsa təpər ürəkdə,
gücü bilinər biləkdə.
*
Öfkəylə qalxan zərərlə oturar.
*
Ayağına qarellə (qaragilə) tikanı batanın ağrıdan tükləri tikan - tikan olar.
*
Bəzən yaxın bildiyimiz adamlar qara gündə qaranlığa elə qarışırlar ki ...
*
Dağ nə qədər uca olursa olsun, yol üstündən aşar.
*
Qonşu qonşunun itmiş eşşəyini mahnı oxuya - oxuya axtarar.
*
Ağıllı dünyanın səy adamıyam,
Göy adam deyiləm, göy adamıyam.
*
Çaxçaxı işləməz, novu köhnəlmiş
Dəyirman daşıyam, söz üyüdürəm.
*
Dərdimin dərisin soyan cəlladam,
Özü öz könlünə qıyan cəlladam.
*
Hamının dostu olmaq heç kimin dostu olmamaqdı.
*
Ey Adəm övladı, Rəbbim səni sevə - sevə xəlq etmişdir, sən də Ona sevə - sevə qovuşmalısan. Eşqə eşq olsun !
*
Ac toyuq yuxuda özünü buğda anbarında görər.
*
Boş çuvalın dik durduğunu heç kim görməyib.
*
Evdəki hesab bazardakı hesabla uyğun ğəlməz.
*
Düşəm Eşqin atəşinə,
Məni yananda görəsən.
*
Qanmazı qandıran şapalağım var,
Şilləmin mərhəmət qapalağı var.
*
Kösəvi (közü) kağıza bükmək olmaz.
*
Təbəssümlə işıqlanmış köhnə bir daxma göz yaşı ilə suvanmış imarətdən daha gözəldi.
*
Hamının dostu olmaq heç kimin dostu olmamaqdı.
*
Dağ dönə bilməz, amma yol dağın başına dolana bilər.
*
Ağız yeyəndə mədənin də fikrini soruşmalıdı.
*
Canavar çox, ət azdırsa, vay zəifin halına.
*
Yazıqsan, yol azma dumanda, çəndə,
Düşərsən tələyə, keçərsən bəndə.
Dediyin hər sözə cavab verərsən,
Bunu istəsəndə, istəməsəndə.
*
ÜRƏYİM ELƏ BİL Kİ, SAZDA "MANSIRI" HAVASINA KÖKLƏNİB, SARI SİMİNDƏN QƏM SÜZÜLÜR.
*
Çobanlar kəpənək nəyə deyirlər?
*
Dəvəyə naz elə demişlər, o da tərpənişiylə iki damı uçurmuş.
*
Eşşək dərviş olmaz, odun daşımaqla təkkəyə,
Adam hacı olmaz, gedib gəlməklə Məkkəyə.
*
Dəmirdən canım olmaz, pozğundan xanım.
*
Sən baxan üzümdə şəkilin qalıb,
Könlümdə, gözümdə şəkilin qalıb.
Deyə bilmədiyim, məni yandıran
Kəlməmdə, sözümdə şəkilin qalıb.
*
Xalının tozu, dəlinin sözü qurtaran deyil.
*
Divarı nəm, insanı qəm yeyər.
*
Körpə zaman, ac da aman bilməz.
*
Ölmüş eşşəy canavardan qorxmaz.
*
ÖMÜR, İPLİYİ QIRIQ,
TALEH, DİŞLƏRİ MIRIQ.
RƏBBİM BİZİ SEVSƏDƏ,
NİYƏ HAQQI SAYMIRIQ ?
*
HAQDAN SİRRİM ƏLİDİR,
KÖNLÜ DÜRRÜM ƏLİDİR.
HƏR DƏRVİŞİN ÖZ PİRİ,
MƏNİM PİRİM ƏLİDİR.
*
Küçüklüyündə zəncirdə olan bir köpəklə ova getməzlər.
*
Hər ağacın meyvəsi yeyilməz, hər kişinin də sözü deyilməz
*
Fəzilətə açılan qapını hər adam aça bilmir.
*
Ata yəhərinə görə qiymət verməzlər.
*
Böyük olduqları qədər sadə, sadə olduqları qədər böyük olan Haqq yolçuları yox olduqdan sonra belə var olurlar.
*
O dam bu dama oxşayar,
Bu dam o dama oxşayar.
Ürək ürəyə oxşamaz,
Adam adama oxşayar.
*
DEYİRƏM GÖRƏSƏN İBTİDAİ İCMA QURLUŞUNDA DA QAYNANA - GƏLİN MÜHARİBƏLƏRİ VAR İMİŞ ?
*
Sevənin Kəbəsi öz içindədir,
Aşiqin qibləsi Sevdiyinədir.
Tövbə qəbul etməz İblisi məlun,
Bəndənin tövbəsi Sevdiyinədir.
*
Görəsən bu aşiqlərin gözləri niyə parıldayır, əlləri niyə bir yerdə durmur, nitqi niyə tutlur, dodaqları niyə quruyur və niyə bir yerdə dayana bilmirlər?
*
Qəlbi Haqq yolunda olanlara bir Pir, elm öyrənmək istəyənlərə bir ruhu nurdan yoğurulmuş Alim, dünyanı işıqlandırmağa bir Günəş bəs eyləyər.
*
Təkəsi yerində olmayan sürü
Ya qurda rast gələr, ya dağdan düşər.
*
Arvadın biri əla, ikisi bəla.
*
Soyun çəkər, huyun keçər.
*
Dədəsi alça yemiş, oğlunun dişi qamaşmış.
*
Əqrəbanın əqrabaya etdiyini əqrəb etməz.
*
Sayılı gün ötər tez,
sayılı pul bitər tez.
***
Araq hamıya üstün gələr, öz qabından başqa.
***
Qorxu qatili öldüyü ana qədər izləyər.
*
Yetişməmiş kal gördüm,
Cüt ayaqlı mal gördüm.
*
Yatmış aslanı tumarlamağın sonu aslan pəncəsinin zərbəsini dadmaqdı.
*
Balıq adamlar var, soyuqqanlı və sürüşkən...
*
Daş ürək yuxalar bir gün,
Az olan çoxalar bir gün.
Ay bu evin qara qızı,
Sənə də baxarlar bir gün.
*
Bəndərgahdan durub düşməni gözətləmək deyimini kim aça bilər ?
*
Adın nədi ? - Rəşid,
Birin de, birin eşit !
*
Koxası çaqqal olan obanın, darğası da tülkü olar.
*
SƏRRAF BABADAN SORUŞURLAR :
- BABA, ÖLÜ İLƏ DİRİNİN FƏRQİ NƏDİR ?
SƏRRAF BABA CAVAB VERDİ :
- BALA, ÖLÜ YEYİB DOYUB, DİRİ DOYUB YEYİR.
*
SƏRRAF BABADAN SORUŞURLAR :
- BABA, AĞILLI İLƏ DƏLİNİN FƏRQİ NƏDİR ?
SƏRRAF BABA CAVAB VERDİ :
- BALA, AĞILLI BİLDİYİNİ ELƏMİR, DƏLİ ELƏDİYİN BİLMİR.
*
Qışın ortasında yaz çətin olar,
Duzsuzun sözündə duz çətin olar.
Saz usta əlində saz olar yəqin,
Sərraf, hər ağacdan saz çətin olar.
*
Günah girir sözə, sözü məhv edir,
Əyri girir düzə, düzü məhv edir.
Yüz illər keçsə də əzab çəkirik,
"Bu bizim, o sizin" bizi məhv edir.
Hansı yazı silinməz ?
(Açmasını kim bilir ?)
*
ƏGƏR BİR ALÇAĞI SÖZLƏ İSLAH ETMƏK MÜMKÜN DEYİLSƏ, ONUN YEGANƏ İSLAH OLUNMAQ ALƏTİ DƏYƏNƏKDİR.
*
HƏYA ÇÖLƏ ATILMAZ,
HAQ DA UCUZ TUTULMAZ.
ƏSİL İNSANDA OLAN
VİCDAN PULA SATILMAZ.
*
QURDUN OĞLU ÇAQQALDIRSA, GÜNAHI ANASINDA AXTARMAQ LAZIMDIR.
*
GÜL ƏKDİM, TİKANLIDI,
YAR SEVDİM, ƏRKANLIDI.
HƏR ELDƏ BİR DOSTUM VAR,
SÜLEYMAN DOSTCANLIDIR.
*
BİR VAR YÜZÜN BİRİDİ,
YÜZ VAR BİRƏ BAŞ ƏYƏR.
*
Aslanın pəncəsinin altında "mən azadam" söyləyən kəs ya dəlidir, ya da ki, dərviş.
*
Ölmək hələ yox olmaq deyil, yox olmaq diriykən ölməkdir.
*
Bu asfalt dünyanın asfalt sifəti
Asfalta döndərir bu adamları.
Dəyişib olurlar asfalt adamı
Torpaq adamları, su adamlar.
*
Allah bir dərd verəndə, bəndə də dərdi sağaltmaq yerinə üstünə dərd gətirən min bir dərman düzəldir.
*
Kasıbın qismətinə düşüb bir qotur dana,
o da dadanıbdı qoşudakı bostana.
*
Kiminin əlində Haqqın qılıncı,
kiminin də başının altında şeytan balıncı.
*
Arxasız, köməksiz adam orta dirəksiz dam kimidi.
*
İki kürküm var,
On qardaşa çatar.
(Açmasını kim bilir?)
*
Ağca atı nalladım,
Səmərqəndə yolladım.
(Açmasını kim bilir ?)
*
Keçi qaçmaqla ceyran olmaz.
*
Kağızın işi dözməkdi, qələmin işi yazmaqdı.
*
Yalançının evi yandı, Yanğınsöndürmə idarəsi ona inanmadı.
*
Düyə göz eləməsə, buğa balkonun altında dayanmaz.
*
Düşmənim varsa, gülməsin,
Sirrimi dost da bilməsin.
Könlümdə ol, Pərvədiyar,
Kürəyim yerə gəlməsin.
*
Nəfsim ruhuma qıymasın,
Könlüm sevgidən doymasın.
Sağ əlimi sol əlimə
Allahım borclu qoymasın.
*
Sevgidən qidalanmayan şeir kökü qurumuş ağac kimidir, hər şeyi yerindədir, amma könül oxşamır.
*
Dərviş baba, pir baba,
Dediyi söz dürr, baba.
Sən özün bağlı kitab,
Kəlmələrin sirr, baba.
*
Yoldaşlıqda, dostluqda mehribanlığımızı itirdikcə insanlığımızın yavaş - yavaş dərin və kirli bir çuxura düşməyini görmürük.
*
Bəzən tərslik ağıllılığın gicliyə dönməsidi.
*
Gözlərin dərinliyində özünü büruzə verən ifadə çox vaxt dil ilə deyilə bilmir.
*
İnsan dərdin tək çəkər,
Dərdi də ürək çəkər.
At arpa, kişmiş yeyər,
Yükünü eşşək çəkər.
*
Dedik dağ bizimdi, bizim olmadı,
Dedik bağ bizimdi, bizim olmadı.
Elə dolu yağdı üzüm olmadı,
Şərab çəkəcəyik dərddən...Neyliyək ?
*
Aləm mənim içində,
Mən aləmin içəndə.
Ürəyim "dəstur" deyir
Bir meyxanə küncündə.
*
Sənsiz səninləyəm,ləpədöyəndə...
Kədər dalğaları döyür qəlbimi.
Sakit ləpələrin cuşa gələndə
Sahil qayalığın döydüyü kimi.
*
Sinəsinin sol tərəfində kimi ürək, kimi nur, kimi isə daş daşıyır.
*
Yeriyən ölülərə ağlamayın, gözünüzün yaşına heyfiniz gəlsin.
*
- Həsən, düzünü de, ev tapşırığını kim eyləyib ?
- Müəllimə, vallah - billah xəbərim yoxdu. Mən axşam tez yatmışdım. S.S.
*
Zəmanə ilanı Seyid Əhməd əliylə tutanların zəmanəsidi.
*
Namus hər bir qadının xanımlıq simvolu, həya isə bu simvolun cənnət tülündən rubəndidi.
*
Bu qismət dediyim yiyəsiz qoyun kimidi, kimin qapalağından girəcəyini bir Allah bilir.
*
Bu dünyada hər kəsin alacağından çox verəcəyi var.
*
Gədədən kəndxuda,
Vələdüzinadan ata,
Yaradanda xəta olmaz.
*
İş var həcətlə, iş var höcətlə görülər.
*
Əlli veribdisə, əlli də verər,
Qoçlar döyüşəndə kəllə də verər.
İnanma dünyanın mələkliyinə,
Sığal veribdisə, sillə də verər.
Qoçlar döyüşəndə kəllə də verər.
İnanma dünyanın mələkliyinə,
Sığal veribdisə, sillə də verər.
*
Şərəfsiz adamla yoldaş olmaqdandısa, bir gözəl evin divarında daş olmaq yaxşıdır.
*
GÖZƏL KİTABLAR GÖZƏL İNSANLARA GÖZƏL DÜŞÜNMƏYİ ÖYRƏDİR.
*
QURU İDİK, YAŞ OLDUQ,
AYAQ İDİK, BAŞ OLDUQ....
*
VAXTINDA VƏ YERİNDƏ DEYİLMƏMİŞ SÖZ VAXTINDA DƏRİLMƏYƏN MEYVƏ KİMİDİR, KAL OLDUĞUNDAN ADAMIN BOĞAZINDA QALIR.
*
NADANLA HƏMSÖHBƏT OLMAQDANDIRSA DİVARLA DANIŞMAQ DAHA ƏFZƏLDİR. *
İTƏ SALAM, DƏLİYƏ SUAL OLMAZ.
*
ƏGƏR GÖRÜRSƏ VƏ İNANMIRSA BU ADAM SAĞALMAZ XƏSTƏDİR.
*
ƏGƏR BU DÜNYA BİR QONAQ EVİDİRSƏ, NƏYƏ GÖRƏ BU EVİN QONAQLARI BİRİ BİRİNİ MƏHV ETMƏYƏ ÇALIŞIRLAR ?...
*
NAMƏRD ADAMLAR ÖZ DİLLƏRİ VƏ ƏMƏLLƏRİ İLƏ ÖZLƏRİNİ TƏQDİM EDİRLƏR - BU BİZİK
*
DAĞIN O ÜZÜ BİZİM, DAĞIN BU ÜZÜ SİZİN.
SƏN MƏNİ SEV, MƏN SƏNİ, BİR EDƏK KƏNDİMİZİ.
Süleyman Sərraf.
*
Pişiyin əyləncəsi
tutduğu siçanla oynamaqdı.
*
Canavarların olduğu kolluqda
keçinin nə işi ?
*
Hansı bağda üzüm yetişməz ?
(Açmasını kim bilir ?)
*
Qar, yağış yağmayan
hava hansı havadı ?
(Açmasını kim bilir ?)
*
İmkanım olsaydı belə bir qadağa qoyardım: Kim ki, sevə bilmirsə, eşqin nə olduğunu anlamırsa, şeir yazmasın.
*
Pöhrələr qırılır gözüm önündə,
Pöhrələr qırılır, kötülkər qalır.
Tapıb, itiririk tapdığımızı,
Ağrı yaddaşında itiklər qalır.
*
Sərxoşla mübahisə etmək olmayan bir düşmənlə dalaşmaq kimi bir şeydi.
*
Bu arvaddı, o da ər,
Bu mayadı, o da nər.
Şeytanın xoşladığı
Bir söz "aldı", bir söz "ver".
*
Yolumuz düzdən düşər,
Pir babam dizdən düşər.
İblis mələkləşəndə,
Mələk də gözdən düşər.
*
BOSTANIMA GİRƏN EŞŞƏYƏ HEÇ KƏS YİYƏ DURMUR, ELƏ Kİ, BELİNƏ YÜK VURURAM, QIRX YİYƏSİ ÇIXIR.
*
ALLAHIN VERDİYİ BU AZCA ÖMRÜ
İNSAN KİMİ YAŞAMAĞA QOYMURLAR.
İÇİNDƏ GÜL AÇAN XEYİRXAHLIĞI
ÜRƏYİNDƏ DAŞIMAĞA QOYMURLAR.
*
Üstünü yaşıl mamır örtmüş yanmış kötüklərə oxşayan adamlar var ki, hələ də həyatdan nə isə umurlar.
*
Aynalı da hər çiyinə Nəbinin çiynindəki kimi yarşmır.
*
Tulanın küçüyü böyüyüb çoban iti olmaz.
*
SƏNİN SAÇLARINI KÜLƏK DARAYIR,
MƏNİM SAÇLARIMA DƏRD SIĞAL ÇƏKİR.
MƏNİM ÜRƏYİMDƏ QIŞ TONQAL ÇATIB,
SƏNİN ÜRƏYİNDƏ BAHAR GÜL ƏKİR.
*
ZURNAÇININ TOYU, HAMAMÇININ SUYU ÇƏTİN QURTARA.
*
BƏZİ AYAQLAR BAŞ GƏZDİRİRLƏR, BƏZİ AYAQLAR ANCAQ QARIN.
*
BİZ HƏLƏ DƏ GÖNÜ SUYA VERİRİK.
*
Gün doğür şərin üstünə,
İt hürər nərin üstünə.
Alçaqlar baş qaldırır
Ərənin, ərin üstünə.
*
Binamusun namuslu övladının olduğunu nə görmüşəm, nə eşitmişəm.
*
Canın ağrıyırsa, gülməkmi olar ?
Hər sözü bal kimi yeməkmi olar ?
Yeriyən, sürünən hər bir canlıya
Allahın əşrəfi deməkmi olar ?
*
Boyunduruğa adət eləmiş öküz boynu...
*
Bir sümükdən ötəri biri birini al qanınına bələyən küçə itləri...
*
Palanı köhnəlmiş,
dərdi gözlərindən tökülən
qoca eşşək...
*
İMƏKLİYİB, YERİYİB, SONRA İSƏ BÜTÜN ÖMRÜ BOYU İLAN KİMİ SÜRÜNƏNLƏR VAR.
*
KİŞİNİN ÖZ ADI, ARVADI VƏ ÖVLADI ONUN NECƏ KİŞİ OLMAĞINA DƏLALƏT EDİR.
*
İTİ SARSAQ, ÖZÜ AXMAQ OLANIN VAY QONŞUSUNUN HALINA.
*
PİŞİK SİÇAN TUTMAQ ÜÇÜNDÜR, QUCAQDA YATMAQ ÜÇÜN YOX.
*
HƏR AT QAÇAĞAN,
HƏR QUŞ UÇAĞAN,
HƏR ULAQ YÜK ÇƏKƏN,
HƏR KİŞİ DƏ TORPAQ ƏKƏN OLMUR.
*
O gül ayağını soyuq üşüdər,
Gətir ürəyimdə isidim, gülüm.
*
Asfalta düşür
öpüşən dodaqların
kölgəsi.
*
Dünya uzundərə, keçən biz olduq,
Eşqə könlümüzü açan biz olduq.
Dərviş olduq, Haqq yolunun güvəni,
Mərifət camından içən biz olduq.
*
Palıdın sərin kölgəsində
ölmüş zaman kəsiyi...
*
Bu günün adamları ürəklərini əllərində gəzdirirlər, yumaq üçün.
*
O nədir ki yaz bitirir?
Yay yetirir..Payız gətirir. Qış ötürür.?
*
Burdan vurar qılıncı,
Bağdadda oynar ucu.
(Açmasını kim bilir ?)
*
Göyə tüpürərsən, öz başına düşər.
*
Bəzi adamlar canını əldən verərlər, amma fürsəti əldən verməzlər.
*
Beş qadın bir yerə toplanıb söhbətə başlasa, dönür olur məhkəmə.
*
Ağacın barı özünə yük olmaz.
*
Təkədə qoç hünəri olmaz.
*
Hər möhürü olan Süleyman deyil, hər Süleymanın da möhürü olmaz.
*
Şirin dilin yoxdursa, min bir dil bilsən ne xeyri olacaq?
*
Söyüddən meşə olmaz,
Hər bəydən paşa omaz.
Bir baltaya sap olar,
Ağacdan maşa olmaz.
*
Körpə zaman bilməz,
ac da aman bilməz.
*
Ağ qoyunun hərdən qara quzusu da olur.
*
Başındakı fəsə bax,
girdiyi küməsə bax!
*
Eşşək nə qədər qocalıb tükü ağarsa da, ondan tövləbaşı olmaz.
*
Canın yoxdusa, cananın da yoxdu.
*
Batbatdan qida olmaz,
oğraşdan quda olmaz.
*
Ayıya qaga deməyinən qağa olmur haa...
*
Sarımsağı bal kimi yeyirsən,
sonra da ağzımdan iy gəlir deyirsən.
*
Gül ağacından odun,
süləngidən qadın olmaz.
*
Özgəyə etmə, özünün başına gələr,
gəlinə etmə, qızının başına gələr.
*
Dağ başında xırmanın varsa,
sovurduğunu yel aparar,
sel ağzında dəyirmanın varsa,
üyütdüyünü sel aparar.
*
Bir kişini öz xanımı
istəsə vəzir edər,
istəsə rəzil edər.
*
Torpaq nələr çəkir, əkəni bilər,
Dərdin ağrısını çəkəni bilər.
Evin bərəkəti qaçırsa əgər,
Damının dirəyi çökəni bilər.
*
SÖZÜN ÇATA AŞIĞA,
YOLUN ÇIXA İŞIĞA.
VAY KİŞİNİN HALINA
İŞİ DÜŞƏ UŞAĞA.
*
İstəmiyən Hadı,
yeddi şiş kabab yedi.
*
İnsan özünə ya həkimdir, ya qənim. Sən özünə həkim olsan, sağlamlıq və xoşbəxtlik Məbədinin qapıları üzünə laybalay açılacaq.
*
Şər qarışa,toran düşə,
Dost evinə varan düşə.
Könlümün eşq guşəsinə
Məni məndə görən düşə.
*
Xızır, üzündə pərdə,
Qaf dağında səfərdə.
Allah könlümüzdədir,
Axtarma göydə, yerdə.
*
Saray nənəm deyərdi ki, ər bulaqdırsa, arvad göldü, gölün bir yanı açılıbsa, deməli bulaq boşuna axar.
*
Tərəkəmə deyər ki, qorxu oğrunun yol yoldaşıdı, hara getsə onunla gedər.
*
Çöldə gəzən dovşan özünü qəfəsdə olan aslandan xoşbəxt sayar.
*
Toyuq olmağına toyuqdu, amma qaz yumurtası yumurtlayır.
*
Dədələrimiz deyib: Hürməyən iti həyətdə saxlamazlar. Bəs yiyəsinə hürəni iti neyləməli ?
*
Dədələrimiz deyib: Qarın yamaq götürməz. Yoxsa baxır kimin qarnıdı?
*
Ələvilərin inanclarına görə Nəsimi soyulduqdan sonra öz dərisıni çiyninə ataraq Hələbdən çıxaraq qeybə çəkilib. İnanırsınızmı?
*
Anaxanım atlandı,
ağ köynəyi qatlandı.
(Açmasını kim bilir ?)
*
Dədələrimiz deyib ki, adam yorğunluğundan ölməz, yoğunluğundan ölər.
*
Köhnə kişilər deyərdilər ki, hər şey saqqala görə olsa, təkə gərək sərdar ola.
*
Axar bulaq bir itin ağzıyla mundar olmaz.
*
Dağın dumanı qurdun zamanı.
*
Nəvələr yığışa başıma hər gün,
Dərdlərim də yaddan çıxa büsbütün.
Sərraf baba, Allahına şükr elə !
Qürbətdə yaşamaq olsa da çətin.
*
Dədələrimiz deyib: Boynduruq bilir öküz nə çəkir ? Bəs öküz qanırmı boyunduruğn nə çəkdiyini?
*
Dədələrimiz deyib: Meşədə armudun yaxşısını ayı yeyər. İndi meşələri də dədələrinin malı kimi böldüklərindən yazıq ayı neyləsin ?
*
Dədələrimiz deyib: Gədədən bəy olmaz. Bəs indi?
*
Dosta açıq könül qapım,
Sirrin açılmaz niqabı.
Qırxıncı otağın açarınKim itirib, mən də tapım.
*
Hər sevən aşiqin könlü Sevilənin taxtıdır,
O vaxt ki, ixtiyarın yox, Sevilənin vaxtıdır.
*
İşığn kora, aşığın kara nə xeyri var?
*
Küheylan at iyidin xasının altına layiq, abır, həya da gözəl xanımların adına layiq.
*****************************************************
Tərəkəmənin oğrusu qurdla yeyər, çobanla axtarar.
*
Ağac var kölgəsində min qoyun daldalanar, ağac da var bir qoyunluq kölgəsi yoxdu.
*
Ağıl qızıldan tacdı, hər başda olmaz.
*
Əmri başdan gəlir əlin, ayağın,
Vay o gündən başın sözə baxmaya.
*
El arasında ələşən - küləşən deyimi hansı mənada işlənir ?
*
Həyətində heybətli və ayıq köpəyi olanın hinindən tülkü toyuq apara bilməz.
*
Dəvənin zülmü bilirsinizmi nə vaxt başlayır ? Ofsarını eşşəyin quyruğuna bağlayanda. Bəs bilirsinizmi kişinin zülmü nə vaxt başlayır ? Başının kəndirin arvadın əlinə verəndə.
*
Gözlər baxdı, dillər susdu,
Lal sükuta qulaq asdım.
Könlüm vəcdə gəlmək üçün
Üzünə baxmağım bəsdi.
*
Qadın nifrət edəndə həyatı ölümdən ayıra bilmir.
*
Bənnası çox olan divar əyri olar.
*
Alçaq adamın işi əyilməkdi,
tənbəl nökərin işi döyülməkdi.
*
Ağırlığın yer götürər,
Ruzisin Allah yetirər.
(Açmasını kim bilir?)
*
Yağış yağanda çimər, yuyunar,
Yazda geyinər, qışda soyunar.
(Açmasını kim bilir ?)
*
Bostanın qoruqçusu olmasa, xiyarın nubarını uzunqulaq yeyər.
*
Namxuda dünyada artıb yaldaşlar,
Üzümə gülürlər üzü padoşlar.
Bu qərib şairi şəhər içində
İtirib axtarmır dostlar, qardaşlar.
*
Xalqımızın mənəviyyatına, dilinə, dininə, adət və ənənəsinə, tarixinə və tarixi qəhrəmanlarına daş atanlara, dil uzadanlara Ana yurdumun çorəyi, suyu, havası haram olsun!
*
Ələk ilə su necə daşına bilər?
Açmasını kim bilir?
*
Qaranlıqda nəyimizi görə bilmirik ?
Açmasını kim bilir ?
*
Ən gözəl ətirli fil hansıdı ?
Açmasın kim bilir ?
*
Az idi arıq - uruq,
biri də gəldi dabanı cırıq.
*
Bəzən hamballıqda kişiyə düşər,
Qazanc da bir buğu şeşiyə düşər.
Əziyyət olsa da yükü yükləmək,
Ağırlığın çəkmək eşşəyə düşər.
*
AİLƏSİNƏ VƏ VƏTƏNİNƏ SEVƏRƏK XİDMƏT EDƏN LAYİQLİ ÖVLAD VALİDEYNİN ÖZÜNDƏN SONRA YADİGAR QOYDUĞU ƏN MÜKƏMMƏL ƏSƏRİDİR.
*
Arşın malı kilo ilə satılmaz.
*
Palazın tozun çırpa - çırpa,
qanmazın sözün çırpa - çırpa
bir az azaltmaq olar.
*
Küçə itini nə qədər bəsləsən də, öyrətsən də, ondan çoban iti olmaz.
*
QURD ULAMAĞIYNAN ÇOBANI YUXUDAN ELƏMİR EEY... İTİ HÜRDÜRÜB, QOYUNU QORXUYA SALIR.
*
MƏNBƏƏSİZ AXAR SU, KÖKSÜZ AĞAC, ƏSİL NƏSƏBSİZ İNSAN OLA BİLMƏZ.
*
KÖPƏYİ BAZARA DARĞA QOYDULAR,
QƏSSABLARIN ÜRƏKLƏRİN OYDULAR.
*
Bilə - bilə sevəcəm, gülə - gülə sevəcəm,
Nə qədər yaşayıram, elə belə sevəcəm.
Süleyman Sərraf.
*
Qadın ürəyi kişi üçün o qızıl sandıqdandır ki, açarı Sakit okeanın dibində, yeddi qala qapısının arxasındadır.Ay tapdınız haaa...
*
Dərvişlər aşiq olur,
Mən də sevsəm nə olar?
*
Bir ölünün üstündə qırx arvad ağlayar, amma hər arvad da öz dərdinə ağlayar.
*
Nə vaxtsa gördüyün hər hansı bir namərdlik hərlənər, fırlanar, axırda öz başına bəla olar.
*
Çox vaxt ürəkləri istədiyi gözəl işlər layiq olanlara nəsib olmur.
*
Mən asılan dar ağacı gül açar,
Yüz il sonra ürəklərdə dil açar.
Haqq olana mənim canım fədadır,
Dərviş olan Haqqa doğru yol açar.
*
Könül Allahın ona bəxş etdiyi nurdan işıqlanırsa, deməli artıq Eşqin yoluna yönəlib.
Süleyman Sərraf.
*
AŞİQ OLMAQ NƏ GÖZƏL,
AŞİQ ÖLMƏK NƏ GÖZƏL...
*
Oğru hara gedirsə getsin, nə edirsə etsin, yolunun sonu qazamatdı.
*
Bu ömür yazılmış baxtındı, qoca,
Müdriklik sonuncu taxtındı, qoca.
Artıq dodaq öpmək vaxtın keçibdi,
Sənin alın öpmək vaxtındı, qoca.
*
Kiminsə kölgəsində yaşamaq adəti,həyətdə zəncirə vurulmuş köpəyin əlində sümük olan sahibinin əllərinə baxmaq adəti ilə eynidir.
*
Əsil aşiqin ürəyi bəzən adi eşqin orealından çıxaraq Sevdiyinə qovuşmaq üçün İlahi eşqin orbitinə girir.
*
İnsan Allahın bəxş etdiyi bu az ömrü ölməyəcək kimi yaşayır, sabahı haqqında təsəvvürü belə yoxdur.
*
Baxışlarım
bahar çiçəkləri kimi
saçlarına tökülür,
sevə - sevə ölürəm.
*
Yağmur gözlərimə baxma, sevdiyim,
Dərisi soyulmuş dərd görəcəksən.
*
ATILAN DAŞ BAŞA DƏYƏR,
AYAĞIMIZ DAŞA DƏYƏR.
QOCALIQ ALIB QAPINI,
ÖMRÜMÜZ DƏ QIŞA DƏYƏR.
*
Başın gözəl olması içindəkinin də gözəl olmasına dəlalət eləmir.
*
Şərabın çəlləyinə düşmək yaxşıdı, yoxsa şeytanın kələyinə?
*
Mənim gözlərimdə mən axtaran kəs,
Özünü görərsən, məni görməzsən.
*
Dərdimi dağa dedim,
dağ əridi gözümdə.
*
Gözlərin danışır səndən xəbərsiz,
Ürəyin çırpınır barmaqlarında.
*
Guya naxır qapıya gəlməsə, axşam düşməyəcək?
*
Qonşunun papağını oğurlayan ancaq gorunda başına qoymaq istiyər, onu da molla qoymaz.
*
Qara eşşəyin başına yüyən vursan da ondan qatır olmaz.
*
El arasında "Sən böyüksən yoxsa saqqalın ?" zərb məsəli hansı mənada işlənir ?
*
Bilənlər cavab versin: Ermənilərin əccə nənəsinin fahişə olduğu tarixdən məlumdu. Qardaşı farsdırsa, bəs dədələri kimdi ?
*
Mənə maraqlıdı, niyə bu ədalətli Osmanlı sultanlarının və Səfəvi şahlarının hərəmlərində arvadların sayı belə çox idi?
*
ZAMAN KEÇİR TEZ, DƏDƏSİ,
SAVILIBDI QOZ, DƏDƏSİ.
BAŞIMIZDA QOZ SINDIRIR
BİRCƏ BİCİN YÜZ DƏDƏSİ.
*
YAYIN ORTASINDA QANADLARINI AĞAPPAQ QAR QUCAQLAYIB ÖPƏN QOCA ÇİNAR KİMİYƏM.
*
Bu günün atalar sözü: Tələsən tıxaca düşər.
*
Bu günün atalar sözü: Yuva plana düşdüyündən, ilanı yuvasından çıxarırlar.
*
Bu günün atalar sözü: Ağa Nəzərəm, Renciroverlə gəzərəm.
*
Məni qopartmısan məndən, Sevgilim,
İlişib qalmışam məndən uzaqda.
*
"Zahidin bir barmağın kəssən dönüb haqdan qaçar" deyən Nəsiminin dövründə Haqdan qaçanların sayı çox idi, yoxsa indi ?
*
DƏRVİŞİM TƏKKƏDƏDİR,
QİBLƏSİ MƏKKƏDƏDİR.
DAŞ SƏBİRLİ PİR BABAM
BİLMƏZ Kİ, HİKKƏ NƏDİR ?
*
Vəhdəti şühud nədir ?
Vəhdəti küsud nədir ?
Vəhdəti vücud nədir ?
*
Elm əl-yəqin nədir ?
Eyn əl-yəqin nədir ?
Həqq əl-yəqin nədir ?
*
Bir cöngəni illərin öküzünə boyunduruğ yoldaşı eləyəndə rəncbərin günü necə olar ?
*
KİM MARAĞALI ƏVHƏDİNİN "CAMİ CƏM" MƏSNƏVİSİNİ TAM OXUYUB VƏ BAŞA DÜŞÜB ?
*
Düyüsüz plovla kösövsüz ocaq
olsa, eşşəydə də olar qanacaq.
(Çətin məsələdi.)
*
Nəfsində bir həddi var,
Çalış həddini aşma !
Əgər ağlın vardırsa,
Aslanla pəncələşmə !
*
FÜZULİNİ BAŞA DÜŞƏNLƏR KÖNLÜNÜ, RUHUNU İLAHİ EŞQ UĞRUNDA DARA ÇƏKMƏYİ BACARAN AŞİQLƏRDİR.
*
Şəhvət ehtirasla gözlərini açanda, məhəbbət utandığından gözlərini yumur.
*
Tək olanda özünün, çoxluq olanda sözünün sahibi ol ki, sonra canına qorxu düşməsin.
*
Alır beşə, satır beşə,
mat qaımışam bu işə.
*
Keçidən dövlət, bicdən isə övlad olmaz.
*
Köhnə kişilər deyərdilər ki, dayanmadan yağış yağanda bir daşı arxası üstə çevirəndə yağış səngiyib kəsir.
*
Nənəm deyir ki, qız uşağı gecə güzgüyə baxsa, baxtı bağlanar.
*
Köhnə kişilər deyirdilər ki, yuxudan duranda sağ ayağını yerə qoysan, həmin gün xeyir görərsən.
*
MƏŞHƏR GÜNÜ ÖZ ÜZÜNƏ DURARSAN,GÜNAHINI GÖZLƏRİNLƏ GÖRƏRSƏN.
DÜLGƏR DEYİLSƏNSƏ ÇƏKİC GÖTÜRMƏ,
BİR TAXTAYA, BEŞ ƏLİNƏ VURARSAN.
ALLAHLA BAĞIMIZ QƏLBİMİZDƏDİR,
ƏRİYƏN YAĞIMIZ QƏLBİMİZDƏDİR.
HƏRƏNİN ÖZ DAĞI,ÖZ YAYLAĞI VAR,
BİZİM DƏ DAĞIMIZ QƏLBİMİZDƏDİR.
ƏRİYƏN YAĞIMIZ QƏLBİMİZDƏDİR.
HƏRƏNİN ÖZ DAĞI,ÖZ YAYLAĞI VAR,
BİZİM DƏ DAĞIMIZ QƏLBİMİZDƏDİR.
*
DOSTUM İLƏ QOŞA VURDUM,
SON BADƏMİ DAŞA VURDUM.
DÖNDÜM ÜZÜ QİBLƏYƏ MƏN,
BU BOŞ ÖMRÜ BAŞA VURDUM.
SON BADƏMİ DAŞA VURDUM.
DÖNDÜM ÜZÜ QİBLƏYƏ MƏN,
BU BOŞ ÖMRÜ BAŞA VURDUM.
*
BADƏDƏKİ ŞƏRAB DEYİL,
NƏ ŞƏRABDI, NƏ AB DEYİL.
SƏRRAF,KÖNÜL OXUYURSAN,
KÖNÜL AÇIQ KİTAB DEYİL.
NƏ ŞƏRABDI, NƏ AB DEYİL.
SƏRRAF,KÖNÜL OXUYURSAN,
KÖNÜL AÇIQ KİTAB DEYİL.
*
YA HU DEYİB DÖNƏRƏM,
SƏNİ ÖYÜB DÖNƏRƏM.
RƏBBİM, ADIN ZİKRİMDƏ,
BAŞI ƏYİB DÖNƏRƏM.
SƏNİ ÖYÜB DÖNƏRƏM.
RƏBBİM, ADIN ZİKRİMDƏ,
BAŞI ƏYİB DÖNƏRƏM.
*
Ora Qafın dağıdı,
Köksü İrəm bağıdı.
Ömrünün günlərini
Hərə bir cür dağıdır.
Köksü İrəm bağıdı.
Ömrünün günlərini
Hərə bir cür dağıdır.
*
Yetim var dədəlidən karlı, dədə var yetimdən aciz.
*
Bala girmiş qaşıq yalanar.
*
Hər aşiq könlünün öz qırxıncı otağı var ki, o ancaq Sevdiyinin girəcəyi otaqdır.
*
Əqrəbdə o qədər nifrət var ki, hətta özünü də çalıb öldürür.
*
Həya çölə atılmaz,
Haq da ucuz tutulmaz.
Əsil insanda olan
Vicdan pula satılmaz.
Haq da ucuz tutulmaz.
Əsil insanda olan
Vicdan pula satılmaz.
*
Balıq adamlar var, soyuqqanlı və sürüşkən...
*
Qar əriyər öz dağında,
Yarpaq düşər budağından.
Qocaldıqca, elə bil ki,
Torpaq çəkir ayağımdan.
Yarpaq düşər budağından.
Qocaldıqca, elə bil ki,
Torpaq çəkir ayağımdan.
*
Dövrümüzdə Yalıncıqların sayı yaman artıb eey...
*
Əvvəl qulaq as yerə,
Sonra ayaq bas yerə.
Vəd işə çevrilmirsə,
And içmə əbəs yerə.
Sonra ayaq bas yerə.
Vəd işə çevrilmirsə,
And içmə əbəs yerə.
*
Sənin tamahın günah,
Mənim düz sözüm silah.
Sənin sahibin İblis,
Mənim sahibim Allah.
Mənim düz sözüm silah.
Sənin sahibin İblis,
Mənim sahibim Allah.
*
Vaxt olur ki, dağın da siçana işi düşür.
*
Hər adı Əli olan Əsədullah deyil.
*
Baxmaq ayrı, görmək ayrı.
*
Güldən gülab, üzümdən şərab çəkilər.
*
Aslan yatağan olmaz,
Hər it tutağan olmaz.
Ərlərin pirliyinə
Haqqdan qadağa olmaz.
Hər it tutağan olmaz.
Ərlərin pirliyinə
Haqqdan qadağa olmaz.
*
Bir insan uzun müddət itinən yoldaşlıq edəndə xaraktercə itə oxşamağa başlayır
*
**********************************************************************************************2
Öz milliliyini qoruyan yapon xalqına pərəstiş edirəm və arzu edirəm biz də bir xalq olaraq öz kimliyimizi unutmayaq. Mən avropalı olmaq istəmirəm. Rəbbim bizim xalqı onlardan daha üstün yaradıb.
*
Xalqımızı elə bil qəsdən öz adət - ənənəsindən, yüksək intellektual qavrama qabiliyyətidən, milliliyidən ayırıb savadsız, geri zəkalı, pozğun bir kütləyə çevirməyə çalışırlar .
Cana gələr yer, yağa.
Yağanda dərd yağmaya,
Göydən yerə nur yağa.
**
Yağış yağa, qar yağa,Cana gələr yer, yağa.
Yağanda dərd yağmaya,
Göydən yerə nur yağa.
Qatırın qatır yükü,
dəvənin dəvə yükü.
Hər kəs bu dünyada
öz yükün çəkir.
*
dəvənin dəvə yükü.
Hər kəs bu dünyada
öz yükün çəkir.
*
Türkün mərdi də, dərdi də tükənən deyil.
*
Min illərdi qeyrət türkün ən kəsərli qılıncı, hikmət isə dözümlülük qalxanıdı.*
*
Qonşu bağına girən eşşəyi zogal ağacı ilə başa salarlar.Sözü adama bal kimi yedizdirib zəhər kimi qusdururlar.
*
EŞQİN RİSALƏSİNİ OXUYUB BAŞA DÜŞƏN KİŞİNİN KÖNÜL TAXTININ SAHİBİ, ONUN RƏBBİDİR.
*
Dərviş yolları yorur,
Gəlib dərgahda durur.
Eşqimin mələkləri
Könlümdə məclis qurub.
*
Kişi torpağın əkər,
sonra da dərdin çəkər.
*
İt hürə - hürə məhləyə qurd dadandırar.
*
Dünyamız əvvəl - axır,
Sonumuz hara çıxır ?
Yan - yörənə baxsana,
Hər daşdan bir can baxır.
*
Dərvişəm, yoxdur əbam,
Şeytanla vardır davam.
Sözü gözəlləşdirən
Usta oğlu Sərrafam.
*
MƏN BİR DAĞIN AĞACIYAM,
HƏM ŞİRİNƏM, HƏM ACIYAM.
TİFİL SƏRRAFDAN ÖTƏRİ
ALLAHIMA DUAÇIYAM.
*
YA BİR DAŞQIN SEL OLACAM,
YA DA YANIB KÜL OLCAM.
GÜN GƏLƏCƏK, DƏRVİŞLƏRƏ
HAQQA GEDƏN YOL OLACAM.
*
EŞQİN ŞƏRABINDAN İÇDİM,
İÇİB DƏ ÖZÜMDƏN KEÇDİM.
QOŞULARAQ DƏRVİŞLƏRƏ
KÖNLÜMÜ DƏRGAHA AÇDIM.
*
ÜSTÜNDƏ YÜZ KİLOLUQ YÜKÜ DAŞIDIĞI ÜÇÜN BİR GÜN AYAQLARIM BEZƏCƏK MƏNDƏN.
*
ÇOXDANDI İTMİŞƏM ÖZ ÜRƏYMDƏ,
BİR GÜN TAPILACAM BAŞQA EŞQİNƏN.
*
Amerika xalqı öz içindən ağıllı, savadlı və cavan bir siyasətçi tapıb prezident seçə bilmir ki, özlərinin də, dünyanın da müqəddəratını iki haphap, ağılsız qocaya həvalə edirlər.
*
Zurnaçının toyu, hamamçının suyu çətin qurtara.
*
Cənnətdə Adəm nə gözəl,
Gülşəndə şəbnəm nə gözəl.
Pislikləri yandırmağa
Xaki - cəhənnəm nə gözəl.
*
Ağır yağış damlaları çırpılır
Səbrimin çat vermiş şüşəsinə.
Çıxıb bəd ruhların qaranlığından
Qoşuluram ölməkdə olan bu dünyanın nəşəsinə.
*
Nəsiminin dərisini soyduran,
Mənsuru dara çəkdirən İlahi sözdür.
Füzulinin könlündə
eşqin güllərini əkdirən İlahi sözdür.
*
Tazıdan çoban iti,
Qatırdan kəhər olmaz.
Şər içində nur itir,
Nur içində şər olmaz.
*
BARMAQ ARASI BAXMA YAŞADIĞIN HƏR GÜNƏ,
"HƏMİN GÜNÜ NƏ ETDİM ?"
SUALIN VER ÖZÜNƏ.
*
ƏRƏBLƏR, FARSLAR VƏ RUSLAR NİYƏ TÜRKLƏRİ SEVMİRLƏR ? BİZ ONLARA NƏ ETMİŞİK?
*
Qurban olduğum Allahın göndərdiyi müqəddəs kitablara əsasən ərəblər və yəhudilər İbrahim peyğəmbərin iki oğlundan törəyiblər. Bəs onda bunlar niyə düşmənidirlər?
*
DƏRDİNİ DİVARA DANIŞAN İNSAN
DƏRDİNİN DƏRMANIN TAPMAZ HEÇ ZAMAN.
*
YAYLAĞA BƏRƏKƏT, DÜZƏ BƏRƏKƏT,
ÇÖRƏYƏ BƏRƏKƏT, DUZA BƏRƏKƏT.
MEYİ, MƏZƏSİYLƏ QOCA ŞAİRİN
QƏLBİNDƏ GÜL AÇAN SÖZƏ BƏRƏKƏT.
*
SAVABI, GÜNAHI BİLMƏYƏN BİR KƏS
ŞƏKƏRİ ZƏHƏRDƏN AYIRA BİLMƏZ.
*
ALDIĞIN NƏFƏSƏ ŞÜKR ETMƏSƏN SƏN
BU GÖZƏL HƏYATIN QƏDRİN BİLMƏZSƏN.
*
Lazımlı olanlar lazım olan vaxtı tapılmazlar.
*
Yanıb külə dönmüş aşiqi ikinci dəfə yandıra bilməzsən.
*
Dost dostuyla didişməz,
Qul xətasız ötuşməz.
Nə qədər çarə qılsan,
Köhnə yara bitisməz.
*
ƏSİL ƏDƏBİYYAT KÖNÜL OXŞAYAN DUYĞULARIN SİMFONİYASIDIR, BAYAĞI MÜSUQİNİN BAŞ AĞRIDAN SƏS - KÜYÜ DEYİL.
*
Ürək dərdin sığınacaq yeridi.
*
Qeyrət kişi papağı,
Həya xanım yaşmağı.
Həmişə cırıq olar
Pinəcinin başmağı.
*
Adam var tamahı yox,
Ömrün yaşar gözü tox.
Dil var ki, inciyəni,
Dil də var, incisi çox.
*
Uca zirvələri aşasan, Sərraf,
Eşqini könlündə daşı sən, Sərraf.
Nə olar Allahın verdiyi ömrü
Zövq ilə, şövq ilə yaşasan, Sərraf.
*
Şəkəralı babam cır adamlara baxıb deyərdi ki, Allah dağına görə də qar yağdırır.
*
Rəhmətlik Tahir babam deyərdi ki, ağır qazan gec qaynadığı kimi, ağır adamın da ağzından söz çətin çıxar.
*
Ac olmaqla adam ölməz,
acı olmaqla adam ölə bilər.
*
Bu səhər də açıldı,
Bu axşam da gələcək.
Tək olan Allah bilir,
Kim sonunda güləcək.
*
İşığa həsrət pərvanə,
Pərvanəyə həsrət işıq.
Könlümüzdə sevgi yoxsa,
Demək çoxdan daşlaşmışıq.
*
DILQIR DANA AYIB OLUB NAXIRA,
AXŞAM OLUB, GƏLİB ÇIXMIR AXURA.
YA GEDİB QONŞUNUN BAĞINA GİRİB,
YA SAPIB YOLUNDAN DÜŞÜB ÇUXURA.
*
Məhəlləmizdə bir gənc divara belə yazıb: Adam kimi ölmək üçün də adam kimi yaşamaq lazımdır.
*
NAĞILA İNANIB NAĞILA DÜŞDÜK,
YALAN EVİMİZİ YIXIBDI, VALLAH.
ŞEYTANA O QƏDƏR ÜŞÜR VEMİŞİK
GƏLİB KÜRƏYİMİZƏ ÇIXIBDI, VALLAH.
*
Pir olan xəta bilməz,
Haqqını ata bilməz.
Bir qartalın udduğun,
Sərçələr uda bilməz.
*
Hər küləyə əsməzlər,
Hər kəlmədən kusməzlər.
Haqqdan belə buyrulub,
Bar ağacın kəsməzlər.
*
Kor divara qədər gedər.
*
Bəzi adamların üzündəki təbəssümdən belə dərd oxunur.
*
Şeytana daş atanların çoxu şeytana xidmət eliyənlərdi.
*
Hər yolunan getmək olmaz,
Hər arzuya yetmək olmaz.
Eşqi özünə yol bilən
Ürəyə hökm etmək olmaz.
*
Qız anasının dirriyidi, nə əkərsə, onu da dərər.
*
Aşiqin dərdindən gül ətri gələr.
*
Aslan ürəyin yoxdursa, şirlə pəncə - öncəyə gəlmək axmaqlıqdır.
*
KÖNLÜMÜZ SINIXIBDI,
GÜLÜMÜZ SOLUXUBDU.
SƏRRAF BABA BU YAŞDA
SEVGİYƏ YOLUXUBDU.
*
ZAMAN VAR OLANI YOX ETMƏKDƏ SƏLAHİYYƏTLİDİR.
*
ÜMİDİMİZİN TUTACAĞI İPLƏR YAMANCA QISALIB.
*
QÜSURSUZ ADAM AXTARAN KƏS, ÖMRÜNƏ HEYFİN GƏLSİN, YÜZ İL YAŞAYASAN DA TAPA BİLMƏZSƏN.
*
Söz var ki, dəli edər şairi,
Söz var ki, vəli edər şairi.
Soz var ki, sevən könüllərin
Yolu edər şairi.
*
Səni, məni çərçivəyə salan var,
Dünyaya gələndən ölənə kimi.
*
Ay yüz dəfə ölənlər, mən bir dəfə öləcəm,
Min bir dərdin içində baxıb kefə, öləcəm.
*
Əvvəl nədir, son nədir? - bilmək istəmir insan,
Nə qədər yaşasa da ölmək istəmir insan.
*
Hər birimiz bizdən əvvəl dünyaya gələnlərə də, bizdən sonra dünyaya gələnlərə də nə isə borcluyuq.
*
Qəlbi Haqq yolunda olanlara bir Pir, elm öyrənmək istəyənlərə bir ruhu nurdan yoğurulmuş Alim, dünyanı işıqlandırmağa bir Günəş bəs eyləyər.
*
Boşalan bir gün dolacaq,
Açılan bir gün solacaq.
Qalacaqlar var, qalacaq,
Olacaqlar var, olacaq.
*
Agda qara görənlər,
Kölgəsinə hürənlər.
Hər zaman işsiz qalsın
Şeytana iş verənlər.
*
Köpəyə yal qoyarlar,
Eşşəyə çul qoyarlar.
Söz batmayan gedənin
Adını kal qoyarlar.
*
Hər qapıya bir açar,
Hər cana bir dərd düçar.
Günahkar üz silləyə,
İlan gülləyə qaçar.
*
Quş var ət yeyir,
quş da var əti yeyilir.
*
Könül mehmanxana otağı deyil ki, hər gələni qəbul eliyəsən.
*
Hələ də ürəyinin yerini bilməyən adamlar var.
*
Arvad var ki,
nə alırsan geyir,
nə verirsən yeyir,
sonra da dədənə söyür.
*
YİYƏSİZ ÖLMÜŞ EŞŞƏYİN NƏ QƏDƏR SAHİBİ VARMIŞ ?...
*
SƏRT, BOZ ÜZLÜ QAYANIN SİNƏSİNDƏ DƏ GÖZƏL VƏ ƏTİRLİ GÜLLƏR AÇIR.
*
ƏKƏRƏM ƏKİLMƏZİ,
ÇƏKƏRƏM ÇƏKİLMƏZİ.
FƏLƏK BELİNİ BÜKÜR
MƏN DİZİ BÜKÜLMƏZİN.
*
Gündüzlər gözlərim səni axtara,
Gecələr könlümdə gecəliyəsən.
Başını qoyasan sinəmin üstə,
Özgə ümidləri puç eliyəsən.
*
ÖZ AĞZINA SAHİB OLA BİLMİR, HƏLƏ BİR DƏ QUNŞUNUN DA AĞZINA SAHİB OLMAQ İSTƏYƏR.
*
Ağacı aşırmâga qolunda güc yoxdursa, baltanı günahkar bilmə.
*
Dədəmin dədə yeri, babamın baba yeri,
Kişilik meydanının
qalıb xaraba yeri.
*
Sol Vənənd, sağ Vənəndli,
Dagbaşı dağ Vənəndli.
Tərtərin Qapanlısı
Bizlərə qardaş kənddi.
*
Bir də baxıb gördüm yaş altmış üçdü,
Dərdi, sevinciylə xoş altmış üçdü.
Yenə uyğunlaşmır bu yaşımda da,
Ürək iyirmi beşdi, baş altmış üçdü.
*
Gozlərinə baxıb üşüdüyüm adamlar var.
*
Oğrular öz doğruları ilə birlikdə günah içindədirlər.
*
Üzümə baxan adam,
Su kimi axan adam.
İçində kin bəsləyər
Özündən qorxan adam.
*
Hər üzümdən şərab, hər kişidən cənab alınmaz.
*
Özü kömürçü qızı, tərbiyəsi şahanə.
*
Qocanın huşu yoxdu,
Ağzında dişi yoxdu.
Baş var bədənə hakim,
Bədən var başı yoxdu.
*
Yol gedir Pirçivana,
Can qurban pir cavana.
Necədi, ay allahsız,
Qanmayam qana - qana.
*
Şər qarışar, toran düşər,
Dost evinə varan düşər.
Könlümün eşq guşəsinə
Məni məndə görən düşər.
*
Öküzün cütə getmək istəməyəni kəsilib qazanda bişər.
*
Kişi sındıran qab- qacagın səsi qaynananın evindən gələr.
*
Axmaqların çox olması müdriklərə əzab, fırıldaqçılara şans gətirər.
*
Nəfsinə qul adamlar çıxırlar küçələrə,
Nəfsinə qul adamlar yeyirlər bu şəhəri.
Nə gecəsi gecədir, nə gündüzü gündüzdür,
Gecə yarıdan keçir, tutmur uyğu şəhəri.
*
BİR ZIRRAMAYA BİR CÜMLƏNİ BAŞA SALMAQDANDIRSA, ÇÖLÜN AYISINA VELOSİPED SÜRMƏYİ ÖYRƏTMƏK DAHA YAXŞIDIR.
*
BİR DƏDƏ YEDDİ OĞLUNU BÖYÜDÜB KİŞİ ELƏDİ, GÜN GƏLDİ Kİ, YEDDİ OĞUL BU QOCA DƏDƏNİ ÖZ ARALARINDA BAŞ ELƏMƏDİLƏR.
*
XANIMDAN YAŞINI, KİŞİDƏN MAAŞINI SORUŞMAZLAR.
*
Keçmişdə belə bir deyim varmış: Çobana qoyun lazımdı, həllaca yun. Mənasını kim açar?
*
lan dərisini dəyişə bilər, xarakterini heç vaxt dəyişməz.
*
Adam var ki, sözün müxtəsərinə qanedi, adam da var ki , min ədəd min səhifəlik əsər də oxusa, yenə də hələ danadı.
*
Dərdini divara yazan qardaşım,
Şeytanın oyunun pozan qardaşım.
Səni diri - diri ağlamaq lazım,
Allahın yeridi, uzan, qardaşım.
*
Aygır qaçağan olar,
Qartal uçagan olar.
Hər sirri söz eləmə,
Sirr var, açsan qan olar.
*
Qarpız yeyən qıraqda qalıb, qabıq yeyəni döyürlər.
*
Sərraf, dağlar arxandı,
Gözün çətin qorxandı.
Sənə darga nə lazım ?
Öz vicdanın dargandı.
*
Toxum torbada göyərməz.
*
Şəkər suda əriyər,
Can toprakda çürüyər.
Paxilsansa, gün gələr
Dərd içinə yeriyər.
*
ÇƏN QONUBDU ÇAXMAĞA,
GÖZ İSTƏYİR BAXMAĞA.
HƏR DƏRD BİR ÜRƏK GƏZİR XƏNCƏRİNİ TAXMAĞA.
*
Şəkililər qaraqabaq adama deyirlər:- Səən canoo yiyiym, diyirsən dodağı qaşsın, kişi dodaxsız qalsın?
*
CANBAZIMIN ŞƏLALƏSİ,
DƏRVİŞİMİN YALI GÖZƏL.
BƏNDƏLƏRİ GEDƏ BİLSƏ,
RƏBBİMİN DƏ YOLU GÖZƏL.
*
Aləm mənim içimdə,
Mən aləmin içində.
Ürəyim dəstur deyir
Bir meyxanə küncündə.
*
Allahdan barat gələ,
Kasıbın üzü gülə.
Ürəkdəki dərdimiz
Əriyə gilə - gilə.
*
Süləngidən xatın olmaz, boz sıpadan qatır.
*
Damla ümmanın mənbəyi,
İlk an zamanın mənbəyi.
Gözəllik Haqqın nurudur,
Pislik şeytanın mənbəyi.
*
Ay ilan, sənin də balan olacaq,
Elə sənə bənzər ilan olacaq.
Nə qədər bəslənib xoş üz görsə də,
Qəfildən yiyəsin çalan olacaq.
*
İçmək olmaz hər bulağın suyunu,
Nanəciblər tanımazlar soyunu.
Bir də günah əmdikləri süddəndi,
Ona görə tapmır taylı tayını .
*
MƏN BİR DƏRVİŞ YOLUYAM,
SİRLƏRİNƏN DOLUYAM.
ÜZÜ DƏRGAHA DURAN
PİR BABAMIN HALIYAM.
*
VURAN OĞUL DƏDƏSİNDƏN SORUŞMUR,
MAĞMIN OĞUL SÖZ DEMƏYƏ GİRİŞMİR.
*
Haqqı görə biləsən,
Borcun verə biləsən.
Elə yıxıl ki, canım,
Sonra dura biləsən.
*
Dost evinə girərlər,
Girib salam verərlər.
Savab, günah - nə etsən ?
Sən görməzsən... Görərlər.
*
Hər kəsə öz doğma yeri,
Doğma elat, doğma yörük.
Mələrtinə dağlar ağlar,
Çobanı qurd olan sürü.
*
Kimimiz iş xəstəsi,
kimimiz dil ustası.
Paxılın arzusudu
Yaxşılığın batması.
*
ÜZÜMÜN SALXIMIN ÜZ, HAZIRLAŞAQ,
GÜLGÜN ŞƏRABINI SÜZ, HAZIRLAŞAQ.
ÖMÜR SÜRƏK GÖZƏLLİKƏR QOYNUNDA,
ÖLÜM GƏLMƏMİŞDƏN BİZ HAZIRLAŞAQ.
*
Rəbbim dağına baxıb qar verər, bağına baxıb bar.
*
Saxlaya bilsən dağarcık unu, əlindən tutar qara günü.
*
Çox yemək adamı iki eləməz, uzaq başı yekə eliyər.
*
SƏNİN TAMAHIN GÜNAH,
MƏNİM HAQQ SÖZÜM SİLAH.
SƏNİN SAHİBİN İBLİS,
MƏNİM SAHİBİM ALLAH.
*
Nənələrimiz nə demək istəyib ? - Qızım sənə söyləyim, gəlinim, sən eşit !
*
Dədələrimiz nə demək istəyib?- Çobana verərsən qızı, ya qoyun otarar, ya quzu.
*
İlahi, görəsən şərəfli, ləyaqətli insanları belə eybəcər dünyada yaratmaqda fikrin nə imiş?!
*
Bəzən fikirləşirəm, görəsən nağıl danışanlar nağıla inananlar üçün danışırlar, yoxsa nağıla düşənlər üçün ?
*
Bəzən fikirləşirəm, görəsən səhərdən axşama kimi şeytana nökərçilik edən kəs, gündə beş dəfə namaz qılmaqla Cənnətə düşə bilərmi ?
*
Bəzən fikirləşirəm görəsən adamlar niyə təkəbbürlülüklə ləyaqəti bir biri ilə qarışdırırlar ?
*
KÖHNƏ BALI ATMAZLAR,
SAĞMAL MALI SATMAZLAR.
ÜZMƏYİ BACARANLAR
LAL ARAZDA BATMAZLAR.
*
ŞAN SƏBƏTDƏN ALINAR,
QAZANLARI DOLANAR.
GİRİBSƏ BAL QAZANINA,
TAXTA QAŞIQ YALANAR.
*
Kim ,babasının atasının atasının adını bilir?
kim bilirsə əhsən ona...
Ancaq səmimi olun...
*
Qatıra dədən kimdi deyə soruşanda, cavabında dayım boz ayqırdı demişdi.
*
Ucuzdu var illəti, bahadı var hikməti.
*
Bir mıx bir nalı, bir nal bir atı, bir at bir əri, bir ər bir eli qurtarar.
*
POLİS QARDAŞLARIMI PEŞƏ BAYRAMLARI MÜNASİBƏTİ İLƏ ÜRƏKDƏN TƏBRİK EDİRƏM.
*
ƏN ÇƏTİN VƏ ƏN ASAN SUAL: MƏN KİMƏM VƏ NƏ ÜÇÜN YAŞAYIRAM ? - KİM BU SUALA CAVAB VERMƏK İQTİDARINDADIRSA ÜRƏYİNƏ EŞQ OLSUN !
*
Rəhmətlik İbiş babam deyirmiş ki, Vənətli qapısına halallıqla qardaş olub gələnin köləsi, fırıldaqla xaincəsinə gələnin bəlası olar.
*
Yiyəsinə xeyir verməyən ağıl, kişilikdə dədəsinə bənzəməyən oğul əldəki altıncı barmaq kimidir.
*
Rəhmətlik Usta Mürsəl deyərdi ki, ağzına gələn hər şeyi hər kəsin yanında danışma, xirtdəyi olan da var, xirtdəyi olmayan da.
*
Rəhmətlik İsa əmim (Xəlilov İsa) deyərdi ki, düz söz iti xəncər kimidi, nə təhər gəldi demək olmaz, yoxsa deyənin özünü də kəsər.
*
GÖZLƏRDƏN İTƏN OLACAM,
DAŞLARDA BİTƏN OLACAM.
HARDA MƏNİ BASDIRSALAR
BİR ƏLÇİM VƏTƏN OLACAM.
*
Pirin balası pir olar,
Şirin balası şir olar.
Əgər Allah istəyirsə
Daşın içində dürr olar.
*
Etdiyi savabların qazancını düşünməyən insanlar İlahi eşqin daşıyıcılarıdır.
*
Təkəbbürlülük məğrurluq deyil, məğrurluğun gözəlliyini əlindən almağa çalışan Şeytanın cəhdidir.
*
Böyük olduqları qədər sadə, sadə olduqları qədər böyük olan Haqq yolçuları yox olduqdan sonra belə var olurlar.
*
Qəlbi Haqq yolunda olanlara bir Pir, elm öyrənmək istəyənlərə bir ruhu nurdan yoğurulmuş Alim, dünyanı işıqlandırmağa bir Günəş bəs eyləyər.
Süleyman Sərraf.
*
Hər birimiz bizdən əvvəl dünyaya gələnlərə də, bizdən sonra dünyaya gələnlərə də nə isə borcluyuq.
*
Yanıb külə dönmüş insanı ikinci dəfə yandıra bilməzsən.
*
Canavarın qardaşı da canavar olar, əgər çaqqaldırsa, günah anasındadır.
*
"Gözlərini yum, seldən keç !" - axmaqların aksiyomasıdır.
*
EŞİTMƏMƏK AYRI, EŞİTMƏK İSTƏMƏMƏK AYRI.
*
CIZIQDANÇIXMA AYRI, CIZIĞINDAN ÇIXMA AYRI...
*
HƏYATI ÜÇ GÜN ÇİÇƏYİM,
KOR BƏXTİ KÖÇGÜN ÇİÇƏYİM.
YAĞIR OLMUŞ ÜRƏYİMDƏ
AÇILIR EÇQİN ÇİÇƏYİ.
*
Bal yeməyən, balın adını bilməklə necə dadını bilər ?
*
Şəhvətinizə zəncir vurun ki, ona görə özünüzü zəncirə vurmasınlar.
*
BİR AİLƏ O VƏDƏ DAĞILMAĞA MƏHKUMDUR Kİ, O EVDƏ ƏRİN CİLOVU ARVADIN ƏLİNDƏ OLSUN.
*
Qadının həyası, kişinin qeyrəti yoxdursa, onlar üçün "mənalı həyat" anlamı itir.
*
Dərman heç bir xəstəliyi sağaltmır. Xəstəni həkimdən asılı vəziyətə salır. Dərman - zəhərdi. Bütün dərdlərin çarəsi pəhrizdi.
*
Qərib quşa yuvanı Allah qurar.
*
Nə gözəl deyiblər:
- Ədəbi kimdən öyrəndin ?
- Ədəbsizdən.
*
Əgər ağılın yerini nifrət tutursa, vay o başın halına.
*
Günəşli havada yağan yağışa niyə tülkü toy eləyir deyirik ?
*
QATIRDAN KƏHƏR OLMAZ, ƏLƏYPƏRDƏN DƏ PEYĞƏMBƏR.
*
Xarab meyvəni süfrəyə qoymazlar, xarab adamı süfrə başına.
*
Rəhmətlik Behbud dayım yaxşı at haqqında deyərdi ki, səhər Gəzbeldə köhlənimə minərəm, axşamı Vənətlidə yenərəm.
*
Hər dənizin öz sahili var.
*
Rəhmətlik İbiş babam deyərmiş ki, meşədə ağacın düzünü dibindən kəsərlər, camaat içində adamın düzünü dilindən asarlar.
*
Kürkünə birə düşər samanlıqda yatanın,
Kəlməsi yerə düşər Haqqı ucuz tutanın.
*
Görəcəyin işi fikirləşib həll et ki, həll edəndən sonra fikirləşməyəsən.
*
Rəhmətlik İsgəndər əmim deyərdi ki, elə bədbaxt var ki, bostan əkməmişdən qarpız yemək umudundadı.
*
Sərraf babanın qarğışı:
Allah tülküyə aslan gücü verməsin !
*
Hər kəsin çatacağı bir son dayanacaq var.
*
Rəhmətlik Qara İsmayıl baba deyərdi ki, hürməyən köpəyi həyətdə saxlamazlar, azdırarlar.
*
ALLAH İSLAM ÜMMƏTİNİ NAMAZ QILIB, ORUC TUTUB, HƏCCƏ GEDİB İBLİSƏ XİDMƏT ELƏYƏNLƏRDƏN QORUSUN !
*
Düz sözü qulaq ardına vuran adamın yolunun sonu qaranlıqdı.
*
Hər kəsin ömür kitabının sonuncu səhifəsi var, amma kimin kitabı necə qurtaracaq, onu bir Allah bilir.
*
Adam var yapalaqdan betər, söz var şapalaqdan betər.
*
Sevilənin qapısı döyülər.
*
Rəhmətlik Şahsuvar baba deyərdi ki, bağlı qapı olmur, qıfılının açarı paxıl adam əlində olmasa.
*
Rəhmətlik Niyazalı əmim deyərdi ki, boynuyoğun, belinə örkən dolaşmıyan, zırrama adamın gözü ayağının altını görməz.
*
Rəhmətlik Bənövşə qocam deyərmiş ki, ana qızını ər evinə göndərəndə heç olmasa dilinin altına bir çıqqılı qənd də qoysun.
*
Rəhmətlik Susənbər qocam deyərdi ki, təzə doğulmuş körpənin üstünə çiy ət gətirməzlər, xətər toxunar.
*
Edəşməyin sonu didişməkdi.
*
Rəhmətlik Əbdüləzim əmim deyərdi ki,eşşək eşşəyliyiynən qarğıdalını badımcandan ayırır,filankəs hələ də pisi yaxşıdan ayıra bilmir
*
Rəhmətlik Kərim dayım deyərdi ki, əsil kişi kök ola bilər, amma kötük ola bilməz.
*
Rəhmətlik Həzi babam deyərdi ki, ac olanda badımcan da bal dadır.
*
Rəhmətlik Həcər qocam deyərdi ki, qızı öyrətmirsə anası, ər evində olsa da su sonası, ev - eşikdən nə qanası ?
*
Elə özüm boyda, özüm biçimdə,
O kənddə bir qərib itirib gəldim.
*
Bəyazı çəkərlər alın üstünə,
Qaymağı tökərlər balın üstünə.
Bilsəydim ki, gülüm burdan keçəcək,
Gül yağı səpərdim yolun üstünə.
*
Qızmış buğanı sınıq - salxaq qapalax saxlaya bilməz.
*
Heç görmüsünüzmü gənə çığır - bağırla yapışdığı yerdən qopsun?
*
Rəhmətlik Saray nənəm deyərdi ki, ayağı çarıqlı, əli çomaqlı, işini bilən çoban zırrama oxumuş qalustuqludan mərifətdi adamdı.
*
Rəhmətlik qayınatam İsmayıl kişi deyərdi ki, ürəyə məlhəm olanlar var, ürəyə mərhəm olanlar var, bir də ürəyi dirhəm olanlar var.
*
YER ÜZÜNÜN ƏŞRƏFİSƏN DEDİLƏR,
NİYƏ İTİRİRSƏN NURUNU, İNSAN ?
QƏLBİN GÜNAHDADIR, ƏLİN QANDADIR,
ÖZÜNMÜ QAZIRSAN GORUNU, İNSAN ?
*
Ata yəhəri ilə qiymət qoyan zəmanəyə çatmışıq.
*
Dünyada günahsız insanlar var, amma onlar hələ doğulmayıblar.
*
Hamı dəyişə bilər, amma qurumsaq heç vaxt dəyişməz.
*
Qoca köpək boşuna hürməz.
*
Öyrətməyin içində öyrənmək də var.
*
Keçi bağa girdisə, vay o bağın halına.
*
YAYDA QALXAR YAYLAĞA,
PAYIZ YENƏR ARANA.
ÇOBANIN VAXTI HANI
SIĞAL VERƏ, DARANA.
*
Təpərmi qalıbdır bu qoca canda ?
Gənclik güllər açır indi hər yanda.
Kitab oxuyuram, şeir yazıram,
İlişib qalmışam köhnə zamanda.
*
Dərviş könlüynən görər,
Haqqa ruhuyla varar.
Hər adam öz evinin
Yolağasından girər.
*
Yansa da can, sevəcəm,
Donsa da qan, sevəcəm.
Mən eşqdən yaranmışam,
Son anacan sevəcəm.
*
Tülküdən soruşurlar "Toyuq əti yeyirsənmi ?", tülkü də cavab vermiş "özünə gülünən əəə..."
*
Xəstələnmiş tulanın sahibinin könlündən ova çıxmaq keçir.
*
Hamilə gecə səhər dünyaya nə doğar?
*
Dırdır arvadın kişisi başından da olar, yaşından da.
*
İt qılından ələk, q...ə qızından mələk olmaz.
*
Bilən cavab versin:
Bu bıçaq bu quyruğu ha doğruyar,
Nə quyruq qurtarar, nə qazan dolar. (Tapması?)
*
İNSANIN SEVƏN KÖNLÜNDƏN BOY VERƏN BİR KƏLMƏ GÖZƏL SÖZ ÇOX MÜŞKÜLÜN AÇARI OLA BİLƏR.
*
Üstünü yaşıl mamır örtmüş, yanmış qara kötüklərə oxşayan adamlar var ki, hələ də həyatdan nə isə umurlar.
*
Qoduq anasından soruşur:
- Ana,mən böyüyəndə kim olacam ?
Anası deyir:
- Oğlum, sən böyüyəndə çox gözəl eşşək olacaqsan.
*
Cütə qoşulmuş öküz danalarla oynaqlaşan cöngəyə deyir : - Boynun boyunduruğa keçəndən sonra görüm belə oynaqlıya biləcəksən?
*
Ürəkdən gələn söz ürəyə çatar, dildən çıxan söz heç qulağa da çatmaz.
*
Gözəl əxlaq halal ruziyə açılan bir qapıdı.
*
Rəhmətlik Tahir babam deyərdi ki, evin xanımı hamıdan gec yatıb hamıdan erkən yuxudan durarsa, o evin ruzisi bol olar.
*
Bizim kənddə qurdağzını Qara İsmayıl babamdan yaxşı bağlayan yox idi.
*
Dədəm deyərdi ki, mırız adamdan nə qədər uzaq olsan bir o qədər də başın salamat olar.
*
Rəhmətlik Süsənbər qocam deyərdi ki, dar vaxtı və gecə qaynar suyu çölə torpağa tökməzlər.
*
Axdı ürəyimə gözümün yaşı,
kinin bülövlənmiş daşın əritdi.
*
Əbəjdadını tanımayan özünü bilməz,
özünü tanımayan sözünü bilməz.
*****************************************************************************3
Keçmişdə çobanlar heç vaxt sürüyə girib qoyunları saymazdı, çünkü sürüsündəki hər bir qoyunu, keçini yaxşı tanıyardı.
*
Hər bir təzənin köhnəlmək vaxtı çatar, amma heç bir köhnənin təzələnmək üçün nə vaxtı, nə zamanı var.
*
Dəvənin kefinin necəliyi onun yükünün ağırlığından asılıdı.
*
Dədəmin o usta dəmir əlləri
məni rəndələyib adam eylədi.
*
Deyirlər Generalsimus İosif Vissorionoviç Stalının atası alkaş Vaso yox, anasının xidmət etdiyi türk taciri olmuşdu ? Düzdürmü ?
*
Rəhmətlik Seyran qocam deyərmiş ki, atı dişinə baxıb alarlar, qızı işinə baxıb alarlar.
*
Rəhmətlik Valeh əmim bir vələdzina, hara gəldi daş atan gədə görəndə deyərdi ki, bala, hara gəldi daş atma, gedib dədənə dəyər.
*
Civiri doğruyarlar,
Görən nə toxuyarlar ?
Civir nədir və ondan nə toxuyurlar?
*
MƏN SEVƏN GÜLLƏRİ ŞAXTAMI VURUB ?...
DONUNU AÇMAĞA GÖZ YAŞI GƏRƏK.
*
Hər dirək pərdi saxlamaz.
Pərdi nəyə deyirlər ?
*
Bəzən elə olur ki, eşşəyin biri özünü darta - darta adama tərbiyə vermək istəyir. Bax onda "vur eşşək palçıqdan çıxsın".
*
QIŞ GƏLƏNDƏ ÜŞÜYƏRSƏN OTAQDA,
YAY GƏLƏNDƏ TƏRLƏYƏRSƏN YAYLAQDA.
ALLAHA ŞÜKR EDƏK NƏ QƏDƏR VARIQ,
GÖYƏ BAXIR SU İÇƏNDƏ TOYUQ DA.
*
Kimsən ? - sözündən görünər,
Çoxun azından görünər.
Yanlış sözün şilləsinin
Rəngi üzündə görünər.
*
Eşq ilahi bir möcüzədir.Kim şəhvətlə eşqi qarışdırırsa bədbəxt adamdır.Eşq ürəkləri şövqə gətirən, nurlandıran cənnətin kövsər bulağıdır.
*
Öz kəndinə,öz rayonuna, öz mahalına, öz ölkəsinə və öz xalqına hörmət etməyən kəs bu vətən torpağının üstündə gəzməyə layiq deyil.
*
Şirinliyin dərəcəsi balda, adamlığın qiyməti yolda bəlli olar.
*
Əsil dəmirçi hər dəmirdən qılınc düzəltməz.
*
Yolçunun yeməyi heybəsində olsa kimsəyə minnəti olmaz.
*
Bizim elatda gəlin qaynatasının və başqa yaşlı kişlərin yanında üzünü örtər, yaşmaq vurardı.
*
Həmişə şapalaq yemiş bədbəxtə birdən birə bal yedizdirəndə qursağı götürməz.
*
DƏRVİŞİM HAL ÜSTƏDİ,
KƏLMƏSİ BAL ÜSTƏDİ.
DÜNƏN " MƏNƏM " DEYƏNİN
KARVANI YOL ÜSTƏDİ.
*
Qadınların bir çoxu o qədər biabırcasına çılpaqlaşırlar ki, illər boyu vəsf etdiyim o gözəlliyə nifrət etməyim gəlir.
*
Hər tərəfinə dörd gözlə baxmaq istəyən adam heç nəyi görməz.
*
Mirvari əlimdədirsə, dənizə girmək nəyimə lazım.
*
Bizim elatda ağsaqqalların əyləşib söhbət etdiyi otağa qadınlar və uşaqlar girməzdi.
*
Tutduq dostun əlini biz,
Sevdik eşqin dilini biz.
Könül dilə sirr verməsə,
Aşkarlanmaz gizlinimiz.
*
Bizim elatda təzə doğulan, qırxı çıxmamış körpənin üstünə həmzatdı arvadı yaxın buraxmazdılar.
*
ƏSİL DOSTLUQ YADLAR TƏRƏFİNDƏN FƏTH EDİLMƏSİ MÜMKÜN OLMAYAN BİR " GƏLƏSƏN GÖRƏSƏN " QALASIDIR.
*
Bir kişinin ki, o dünyaya səfərə çıxmağa vaxtı çata, onun qoyulduğu tabut qızıldan ola və yaxud taxtadan ola fərqi var?
*
Qurd ürəkli tərəkəmə kişisinin də qurdbasan köpəyi olar.
*
Kirpi də öz balasını sığallıyanda elə bilir məxmər sığallıyır.
*
Rəhmətlik Həcər qocam deyərmiş ki, bir xanımın əsil gözəlliyini yuxudan ayılan vaxtı qiymətləndirmək olar.
*
Tarixdə on beş imperiya yaratdığına görə və dünyaya böyük şəxsiyyətlər bəxş etdiyinə görə mən öz türk törəm ilə öyünürəm.
*
Çobanın ürəyindən keçir ki, qoyunu cüt - cüt doğsun.
*
Dədələrimiz deyib ki,
nə ər bilər, nə evlad, axşamdan yatan arvad. Açmasını kim bilir?
*
Dədələrimiz deyib ki, əvvlədən nə idi hüsnu camalı, adı da üstündə - qotur Bayramalı. Açmasını kim bilir ?
*
Dədələrimiz deyib ki, qamış ola, camış ola, görməmiş ola. Açıqlanmasın kim bilir ?
*
YOLUNU AZMIŞ GÖZƏL SÖZLƏRİ ÖZ İŞIĞINA ÇƏKƏN MAYAK FƏNƏRİDİR HƏR ŞAİR ÜRƏYİ.
*
Xəncəri tiyəsinə görə, boş damı əyəsinə görə, köpəyi də yiyəsinə görə tanıyarlar.
*
İştahası üzüm çəkən kişi bağında üzüm əkər.
*
İL QURAQLIQ KEÇƏNDƏ İŞLƏNMƏMİŞ (XAM) SÜPÜRGƏ YANDIRARDILAR Kİ, YAĞIŞ YAĞSIN.
*
Hələ də ürəyinin yerin bilməyən adamlar var.
*
OĞLAN UŞAĞI İLK ADDIM ATANDA QURBAN KƏSƏRDİLƏR Kİ, UŞAĞIN GƏLƏCƏK HƏYATI UĞURLU OLSUN.
*
SƏFƏRƏ ÇIXANDA İTƏ BİR TİKƏ ÇÖRƏK ATARDILAR Kİ, İŞLƏRİ UĞURLU OLSUN.
*
UŞAĞI OLMAYAN GƏLİNƏ ÇOXUŞAQLI ANANIN İLK PALTARINI GEYDİRƏRDİLƏR Kİ, UŞAĞI OLSUN.
*
HANSI EVİN QARŞISINDA ÖZ ÖZÜNƏ DAĞDAĞAN BİTİRDİSƏ, O EVİ OCAQ SAYIRDILAR.
*
ŞƏR QARIŞANDA VƏ GECƏ VAXTI YUXULARINI DANIŞMAZDILAR.
*
GECƏ DIRNAQ TUTMAZDILAR.
*
GECƏ EVİ SÜPÜRMƏZDİLƏR.
*
NİYYƏT ELƏYİB QOZ AĞACI ƏKMƏZDİLƏR.
*
HEYVAN GECƏ ÇÖLDƏ QALANDA BİLƏN ADAMA QURDAĞZI BAĞLATDIRIRDILAR.
*
ŞƏR QARIŞAN VAXTI QONŞUYA NƏ BOŞ QAZAN VERMƏZDİLƏR, NƏ DƏ BOŞ QAZAN ALMAZDILAR.
*
TƏZƏ GƏLİNİN NİŞAN ÜZÜYÜNÜ TEZ BARMAĞINDAN ÇIXARTMASINI YAXŞI ƏLAMƏT SAYMAZDILAR.
*
QƏBİRSTANLIĞIN YANINDAN KEÇƏNDƏ "ƏSSƏLAMÜ ƏLEYKÜM, EY ƏHLİ QÜBUR ! YERİNİZ CƏNNƏT OLSUN !
DEYƏRDİLƏR.
*
DƏH - DƏHLƏ GETMƏYƏN ATI BƏH - BƏHLƏ SAXLAMAZLAR.
*
BÜTÜN GÜNAHKARLAR ÖZ GÜNAHLARINI SAVAB KİMİ YOZURLAR.
*
Məhləmizdə təzə zurnaçı peyda olub, elə istəyir ki, hamı onun çaldığına oynasın.
*
May ayının istisində yolağadan çıxan buzovun yiyəsinin halına baxasınız.
*
Saqqalın yekəliyi və başın daz olması hələ alimliyə dəlalət eləmir.
*
Bizim quzunun yad sürüsünün içində nə işi var ki, tutub kəsələr.
*
BOZ SIPA BÖYÜYƏNDƏ BOZ AT OLMAQ ÜMİDİNDƏDİR
*
DƏSTƏRXAN AÇMAQ NƏ DEMƏKDİR?
*
Dədələrimiz at nalını evin qapısına vurardılar. Səbəbini kim bilir ?
*
Dədələrimiz deyib ki, itdən çox çarıq aparan yoxdu, yenə ayaqları yalındı. Açıqlamasın kim bilir ?
*
Dədələrimiz deyib ki, dəvəquşu özün quş bilir, xəşil də özün aş bilir. Açıqlamasını kim bilir ?
*
Elatda belə bir deyim vardı:
"Darı unundan paxlava,
əncir ağacından oxlava olmaz."
Açıqlamasın kim bilir?
*
Elatda "başmaq seyrinə çıxmaq" deyimi var idi. Açıqlamasın kim bilir?
*
Allahın yolu uzun, verdiyi ömür qısa.
Yaşadıq, könlümüzü köz üstə basa - basa.
*
Hər kəsə öz balası...
BAXIB BALASINA SÖYLƏDİ ULAQ,
"İNŞALLAH, BALAM DA EŞŞƏK OLACAQ."
*
Dərdimi divara dedim, titrədi,
Ağaca söylədim, kökdən qurudu.
*
Dədələrimiz deyərdi ki, qapısını yadlardan qoruyan köpəyin yeməyini kəsənin qismətini Allah kəsər.
*
Nənələrimiz yaz əkininə bir həftə qalmış təndirdə şirin fətir bişirib uşaqlara paylayardılar ki, taxıl bərəkətli olsun.
*
Dədələrimiz deyib ki, xəmir xörəyi ilə çörək yeyənə gülərlər.
*
Allahın nurunun doğulduğu yer dərviş xislətli şair könlüdür.
*
Qəpik - qəpik edilən yaxşılığın külçə - külçə minnətinə nifrət edirəm.
*
İtə yavıncı düşəsən, nakişinin kölgəsinə də yaxın getmiyəsən.
*
GÖZƏL KÖNLÜ ACI DİLƏ,
ELİ ELƏ, ƏLİ ƏLƏ,
BÜLBÜLÜ DƏ KÜSƏN GÜLƏ
MÖHTAC EYLƏMƏ, ALLAHIM !
*
Dağdağan daşdan çıxar,
Payızdan, qışdan çıxar.
Axmaq adamın başı
Axmaq da işdən çıxar.
*
Artıbdı millətin şuğulzümməsi.
(Şüğülzümmənin mənası nədir ?)
*
Kaş qəməltin kimi qeyrətin də iti ola.
(Qəməlti nədir ?)
*
Xəşəmi doldurmuşam, çiynimə qaldırmışam.
(Xəşə nədir ?)
*
Usta xarratın (dülgərin) karandaşı qulağının dibində olar.
*
Hərə bir allahlıq eyləyir, Allah,
Sənin də yerini biz istəyirik.
*
İnsan, gözəlliyi könül gözü sevdiyindən sevər,
Kimə, nəyə vurulursa, özün sevdiyindən sevər.
*
Üzr bəttərəz günah - anlayana eşq olsun !
*
Bitməmiş yovşan dibində doğulmamış dovşan axtaran adamlar da var.
*
Dolu tüfəng birini qorxudar, boş ikisini.
*
Zər rəftar ustaları kimlərə deyərdilər?
*
Dağda kükrəyib dünyanı dağıdan sel düzə çıxan kimi öz məcrasında düşüb sakitləşir.
*
Qarğanın qartal qanadı qaldırmağa gücü çatmaz.
*
Boyunduruğa gəlməyən öküzü kəsərlər.
*
Bir də rəhmətliklər deyib ki, eşşəyə min ata çatana qədər. Ay qağa, heç görmüsənimi yorğun, beli yağır eşşək qacib ata çata ?
*
Bir də rəhmətliklər deyib ki, eşşəyə min ata çatana qədər. Ay qağa, heç görmüsənimi yorğun, beli yağır eşşək qacib ata çata ?
*
Dədələrimiz deyib ki, ayağını yorğanına görə uzat. Bəs bu kasıb bədbaxtın köhnə, cındır pambıq yorğanı gödək olsa neyləsin ?
*
Dədəm deyərdi ki, hətta boş evə girdikdə belə salam verməlisən. Salamın zahiri və batini mənasını kim aça bilər ?
*
Dədəm deyərdi ki, cümə günü o qədər gözəl gündür ki, Rəbbim həmən günü öz bəndəsini sorğu - sual eləməz.
*
Qədir ağacın əkmədilər,
Məni nura bukmədilər.
*
Əyilənlər də sınır, amma bir az gec.
*
Vurağan qoça, həmişə qarnı aca, yoldaşlıqda bicə kürəyini çevirmək olmaz.
*
Bu günün əmiri sabahın fəqiri ola bilər.
*
Mis qazandan mis çömçə
aş çəkər nimçə - nimçə.
*
Başında gözəl fikir,
qəlbində Haqqı zikir,
dilində Allaha şükür
bəndəsi torpaq əkir.
*
İki göz dünyanı görər, amma biri birini görməz.
*
Məscidə girən çoxdu,
Özünü görən yoxdu.
*
Divara daş gərəkdi, fikirə baş.
*
Su iz saxlamaz, ağız söz.
*
Dünya dəmdi, mən də dəm,
Kefliyəm, gözümdə nəm.
Sevə - sevə yaşayıb,
Sevə - sevə öləcəm.
*
Dağdan düzə yenəlim,
Bülbüllərlə dinəlim.
Sevən gönlüm, vaxtıdır,
Kəndimizə dönəlim.
*
Keçilərini niyə pöhrəliyə buraxırsan ki, sonra da yığa bilməyəsən.
*
Günümüzdə hırınan zırı qanmayanlar göbələk kimi artır.
*
Bəzi alimlərimizin dili moltanı dilidi, yazdığını oxuyursan, amma heç nə başa düşmürsən.
*
Dəvəyə dedilər boynun əyridi cavab verdi haram düzdü ki.. Qəlbi əyri adamlar belə etiraf etsələr görən nə olar ?
*
QEYRƏT KİŞİ PAPAĞI,
HƏYA XANIM YAŞMAĞI.
HƏMİŞƏ DEŞİK OLAR
PİNƏÇİNİN BAŞMAĞI.
*
SƏLİBÇİLƏRƏ QAN UDDURAN, QÜDSÜ SƏLİBÇİLƏRİN ƏLİNDƏN ALAN, DÖYÜŞƏ GİRƏNDƏ KƏFƏNINI GEYƏN SƏLAHƏDDİN ƏYYUBİ MİLLİYƏTCƏ KİMDİR?
*
Pir ərənlər, sevgi dolu xanımlar, ana vətəni qoruyan igidlər və bütün halalzadələr, Allah sabahlarınızı xeyirlərə açsın !
*
Bilən bildi, bilməyən heç, Gülən güldü, gülməyən heç.
Ölən öldü, ölməyən heç, Heçlərdən də biri mənəm.
*
LAQEYD ADAMLARIN YANINDA DURANDA DA ÜŞÜYÜRSƏN.
*
Pirin balası pir olar,
Şirin balası şir olar.
Əgər Allah istəyirsə
Daşın içində dürr olar.
*
ARVAD GEDİR BAQQALA,
RAST GƏLİR BİR NAQQALA.
QAZAN PEÇİN ÜSTÜNDƏ,
SÜD DAŞIR BALA - BALA.
*
Qeyrətin, namusun, vicdanın harada olduğnu bilməyənlər kişilikdən danışanda adamı yaratdığına görə Rəbbimə yazığım gəlir.
*
Təkəbbürlülük məğrurluq deyil, məğrurluğun gözəlliyini əlindən almağa çalışan Şeytanın cəhdidir.
*
HƏR SÜRÜNÜ TƏKƏSİ
DAĞA, DÜZƏ ÇƏKƏSİ.
QƏRİBƏ QİSMƏT OLAR
DƏRDLƏRİN ƏN YEKƏSİ.
*
Dilimdəki zikrimlə qəlbimdəki fikrin uzlaşmamasından xəta doğar.
*
İNDİKİ EŞŞƏKLƏR GİRDİYİ PALÇIĞA BİR DƏ GİRİRLƏR.
*
DƏDƏLƏR DEYİB " İLANIN ZƏHLƏSİ YARPIZDAN GEDƏR, O DA GƏLİB YUVASININ AĞZINDA BİTƏR." DOĞURDANMI İLANIN YARPIZDAN ZƏHLƏSİ GEDİR?
*
Arvadın başında boşqab sındırıb,
alçağın önündə boşqab yalayır.
*
İndiki örkənlər ta doğanaqdan keçmir.
*
"İlanın zəhləsi yarpızdan gedir, o da gəlib yuvasının ağzında bitir" deyiminə əsasən doğurdanmı ilanın yarpızdan zəhləsi gedir ?
*
Kəfən almamışdan gorun haqqında fikirləşmək lazımdı.
*
Tərəzi düz çəkər, əgər baqqalın vicdanı əyri olmasa.
*
Yarım saatdan sonra öz başına nələr gələcəyini bilməyən adam bizə onilliklərin praqnozunu verir.
*
Rəndə görməmiş ərköyün gədənin çılğınlığı may ayında Yazının düzündə mözələy tutmuş dananın çılğınlığına bənzəyir.
*
Özgə kölgəsində yatıb kef çəkən
Kölgəsiz bədbəxtin tamahı ülgüc.
*
Canavardan qaçan atın geri qanrılması onu qurdun yeminə çevirər.
*
Hər üzümdən şərab,
hər adamdan cənab
olmaz.
*
Bir ömür iki ayaq bir başı gəzdirir, Allahın bir sağ olunu da eşitmir.
*
Gözəl ətir gülə məxsus,
Gözəl kəlmə dilə məxsus.
Dərd də ürəyin yeridi,
O da əhli hala məxsus.
*
Daş var, divara qoyarlar,
Daş var, içini oyarlar.
Şair var ki, dəri soyar,
Şair var, dərisin soyarlar.
*
Lümpenproletarlar haqqında dədələrimiz deyib ki, bir həsirdi, bir Məmmədnəsir. Həsiri bildik. Bəs Məmmədnəsir kim ola?
*
Babalarımız deyib ki, hər oxuyan Molla Pənah, hər Qatırçı Murad olmaz. Bilmirsiniz bu Qatırçı Murad kim olub?
*
İtin quyruğun tapdalıyanda yiyəsinə də ağız atır.
*
Xain və paxıl adamlar danışanda belə içinin qarası üzünə vurur.
*
EŞQİN QƏLİBİ YOXDUR, ONUN NURU BÜTÜN KAİNATI İŞIQLANDIRA BİLƏR.
*
DƏDƏLƏRİMİZ DEYİB "BİR DƏLİ BİR QUYUYA DAŞ ATDI, YÜZ AĞILLI ONU ÇIXARDA BİLMƏDİ."
GUYA ÇIXARTSAYDILAR NƏ OLACAQDI Kİ?
*
GÜRZƏNİN NƏ YEKƏSİ, NƏ XIRDASI.
*
Sinəmə yığılan dərdin buludu
gözümün içindən yağır yenə də.
*
Hər ağac meyvəsiylə, barıyla,
hər xanım abırıyla, arıyla tanınar.
*
Boş əli ağıza aparmazlar, əsnəmək anından başqa.
*
Arvdadın əlindən düşüb sınarsa - qəza, uşağın əlindən düşüb sınarsa - cəza.
*
Qarışqa qanadlanınca özünü quş sanar.
*
*****************************************************************************4
Xanım öz həyat yoldaşını istəsə var edər, istəsə xar edər ?
*
Divarının o üzündə qonşusu acdı - toxdu xəbəri yoxdu, dünyanın gələcəyi haqqında fikir yürüdür.
*
Dünyada yeganə millətik ki, gənc bəylərimiz və xanımlarımız ailə qurduqdan sonra biri birinə həyat yoldaşım deyirlər.
*
BİRİSİ DÜNYASIN DƏYİŞƏNDƏ DEYİRLƏR " FİLANKƏSİN KİTABI BAĞLANDI". DEMƏLİ RƏBBİMİZ SON ANA QƏDƏR BİZİ KİTAB KİMİ OXUYUR ?
*
BİZLƏRDƏ BELƏ DEYİM VAR "ŞAPALAQ VURANDA DA BİSMİLLAH DE !". BİSMİLLAH DEMƏMİŞ ŞİLLƏ VURMAQ OLMAZ ?
*
Niyə ilan olursan ki, Sofu İsmayılın cızığına düşəsən ?
*
O qədər Həccə gedib İblisə xidmət eliyənlər var ki ...
*
Səhər-səhər bir mərdimazar çıxır Sərraf babanın qabağına soruşur: -Salam, nə təhərsən? Sərraf baba deyir:-Səni görənə qədər əla.
*
Sərrab babadan soruşurlar: Dağ ilə dərəni fərqi nə qədər ?
Baba cavab verir: Qalxmaqla düşmək qədər.
*
Sərraf babadan sorişirlar: Baba, sığalla sillənin fərqi nədir ?
Baba cavab verir: Sığal yatızdırır, sillə oyadır.
*
Elə gözəl xanımlar var ki, antikvar Çin vazalarına bənzəyirlər, üstü çox gözəl, amma içi boş.
*
SƏRRAF BABADAN SORUŞURLAR :
- BABA, BAŞ İLƏ AYAĞIN FƏRQİ NƏDİR ?
SƏRRAF BABA CAVAB VERDİ :
- BALA, BAŞ GƏTİRƏR, AYAQ APARAR.
*
SƏRRAF BABADAN SORUŞURLAR :
- BABA, AĞILLI İLƏ DƏLİNİN FƏRQİ NƏDİR ?
SƏRRAF BABA CAVAB VERDİ :
- BALA, AĞILLI BİLDİYİNİ ELƏMİR, DƏLİ ELƏDİYİN BİLMİR.
*
SƏRRAF BABADAN SORUŞURLAR :
- BABA, AĞILLI İLƏ DƏLİNİN FƏRQİ NƏDİR ?
SƏRRAF BABA CAVAB VERDİ :
- BALA, AĞILLI BİLDİYİNİ ELƏMİR, DƏLİ ELƏDİYİN BİLMİR.
*
SƏRRAF BABADAN SORUŞURLAR :
- BABA, ÖLÜ İLƏ DİRİNİN FƏRQİ NƏDİR ?
SƏRRAF BABA CAVAB VERDİ :
- BALA, ÖLÜ YEYİB DOYUB, DİRİ DOYUB YEYİR.
*
Qadının ürəyi dədəsi evindən gətirdiyi cehizlik sandıq kimidi, niyə ora nə istəsən qoya bilərsən, amma heç nə götürə bilməzsən?
*
Südlü inəyin təpiyinə dözmək olar.
*
Kiminin halal çörəyi, kiminin daşdan ürəyi.
*
Bu dünyada mənsiz də, sənsiz də bizlər və sizlər var idi.
*
Hər sinəsunə döyüb guruluyandan əsil kişi, hər qanadlarını çırpıb banlayandan əsil xoruz olmaz.
*
ƏZİZ DOSTLAR, NİYƏ BİR ÇOX OĞLANLARIMIZ CIR VƏ ZƏİFDİRLƏR, ƏKSƏRİYYƏTİ DƏ DANIŞIQLARINI, YERİŞLƏRİNİ QADINLARA BƏNZƏDİRLƏR ?
*
Bu qoca millətin dönüb yığvalı,
Bir soruşan yoxdur halın, əhvalın.
Elə pislik görür öz övladından,
Dəymişi dursada, tökülqr kalı.
*
Göyə tüpürəsən, qayıdıb öz üzünə düşər.
*
Barsız armud ağacına ayı da çıxmaz.
*
Ay bəy oğlu, atın olanda qamçının fikrini çəkərsən.
*
HƏR AÇAN ÇİÇƏYİ İYLƏMƏK OLMUR,
HƏR SÖZÜ ÜZƏ ŞAX SÖYLƏMƏK OLMUR.
ZARAFAT ETMƏYƏ DİL MÜBTƏLADIR,
ÜRƏKLƏ ZARAFAT EYLƏMƏK OLMUR.
?
ƏZİZ DOSTLAR, BU GÜN XALQIMIZIN MÜQƏDDƏS SAYDIĞI AİLƏ İNSTİTUTU DAĞILMAQ ÜZƏRƏDİR. SİZCƏ GÜNAHKAR KİMDİR ?
*
Yemək soğansızdısa, döşək yorğansızdısa, ev də tavansızdısa, işimiz olmaz - olmaza dirənər.
*
Bir adam 40 il cinayət edib, haram yeyib, günahsız körpələri, qadınları öldürüb.Tövbə etsə Allah bu qatili bağışlayarmı?
*
Nə azarın adam azarıdı, nə yeməyin adam yeməyi.
*
QALAYSIZ QALAYÇINI QAPIDAN QOVARLAR.
*
ULAQ AĞNAMAQDA,
UŞAQ OYNAMAQDA,
QUZULAR DA ARXACDA...
DƏDƏ HİRSLƏNMƏSİN, NEYNƏSİN ?!...
*
Allahın yolu uzun, verdiyi ömür qısa.
Yaşadıq, könlümüzü köz üstə basa - basa.
*
Gözdən pərdə asan xeyrxahlıq çaydan aralı tikilən körpü kimidi.
*
Üzündəki təbəssümdən belə kədər yağır.
*
Kor divara qədər gedər.
*
Kəhər ata mindin özünü, düşəndə də atını unutmaq olmaz.
*
Ağa dedi vur, demədi ha qır.
*
Ərəbin gözü öz qanını içməsə doymaz.
*
YAŞA Kİ, BORCUNU VERƏ BİLƏSƏN,
HAQQIN DƏRGAHINA GİRƏ BİLƏSƏN.
YOLU QƏBRİSTANDAN SALINAN HƏRDƏN,
ÖLÜMÜN ÜZÜNÜ GÖRƏ BİLƏSƏN.
*
Özü kömürçü qızı, tərbiyəsi şahanə.
*
Xoruzun quyruğu görünən kimi üzdəki yalançı abır örtüyü aradan qalxır.
*
Günümüzdə üzünə ələk tutanlar çoxalıb.
*
Adamın yaşamağı bir tükdən asılı olduğu zaman Allah yadına düşür.
*
Günahları özümüzdə yox zəmanəmizdə görənlərik.
*
Qırx qapı arxası, qırxlar məclisi,
Məclisin başında Allahın piri.
Ya bəktaşı olsun, ya da mövləvi,
Dərvişin könlündə Allahın sirri.
*
EŞQİNİZƏ EŞQ OLSUN, AY KÖNLÜNDƏ EŞQİN TAXTINI QURAN DOSTLARIM!
*
Getdiyin yolda yoldaşın da ola bilər, çıxdaşın da.
*
Bir gün səni hoppalara apararlar, Sərraf baba,
Bu dünyanın dərd sərindən qoparırlar, Sərraf baba.
*
Yal belində xırmanı olanın buğdasını yel aparar.
*
Kişi sel olanda, arvad da gərək göl ola.
*
Düşünməyi bacarmayan adamlar zatən kar və kor adamlardı.
*
EŞQLİ SÖZ KİTAB OLUR,
XEYİR İŞ SAVAB OLUR.
ÜZÜMDƏN HƏM MÜRƏBBƏ,
HƏM GÖZƏL ŞƏRAB OLUR.
*
RƏBBİM YAZIBSA NECƏ,
HƏR KƏS ÖZ YOLUN SEÇƏR.
ƏVVƏL AXIR HƏR İNSAN
SİRAT KÖRPÜSÜN KEÇƏR.
*
Bədii bir yazını yaşadan onun dilidir, onun sujet xəttidir, yoxsa həmin yazını yazanın özünə məxsus bədii yazı üslubudur ?
*
SÜNNÜ, ŞİƏ, BABİ FİLAN... CÜRƏBƏ CÜR MƏSSƏBLƏR,
MƏSSƏBLƏRİ UYDURUBLAR İNSAN ÜÇÜN QƏSSABLAR.
BƏLKƏ FİKİRLƏŞİB DƏRDİMİZƏ ÇARƏ QILAQ?
*
"Mən sənə gamış verdim, Süsənin meşəsini də vermədim ha" el məsəlinin mənasını kim açıqlayar?
*
Sürü kəfşəndən qayıdanda axsaq qabağa düşər.
*
Nənəmin cəhrəsindəki yununun iyi daraqdan, bişirdiyi yeməyin qoxusu qonaqdan gələr.
*
Kəfənin cibi olmaz.
*
Günahdan küfr doğar.
*
Biqeyrətin, namussuzun hesabı olar, məssəbi olmaz.
*
Dünyamız zarıncı, zəmanə xəstə,
Ümidin bağlayıb dərmanə xəstə.
Ruhu xəstələnib könlü korların,
İndi dərman yazır loğmanə xəstə.
*
Tamahın şeytanın çıxmaz sözündən,
Ölüm anan kimi öpər gözündən.
Baharlı, payızlı bu gözəl ömrü
Yaşa insan kimi bu yer üzündə!
*
Qurdun gözü qoyunda, başı da oyunda olar.
*
Başqasının quzusundan sənə qoç olmaz.
*
Bu gün hamımız şeytana lənət oxuyuruq. Bilənlər cavab versinlər: Müqəddəs kitablarda şeytana lənət oxunurmu?
*
Bu gecəni də sabah elədim,dostum
Çıxdım bu gecənin qoynundan,şükür.
Günü günə calayaraq yaşadım
Bezdim bu şeytanın oynundan,şükür.
*
Tanrı üçün darıxmışam,
Mələklərə minnətçiyəm.
*
Cəhənnəmə gedən yol da, cənnətə gedən yol da sənin ürəyindən başlayır.
*
Yalquzağa nə uzaq,
ən uzağı yeddi dərə keçəcək,
yeddi dağı aşacaq.
*
Gürzənin ən gözəli ölü gürzədi.
*
Namaz qılanın özü eşşək xislət olmasa,
eşşək anqırmaqla namaz batil olmaz.
*
Gün gələr ki, yetimin də çıxmağa öz doqqazı olar.
*
Allah həmən Allahdı, dağ da həmən dağdı, amma ağıl həmən ağıl deyil.
*
Sahildə gözləyən olar xəbərsiz,
Dərin ümmanlarda nə çəkirik biz?...
*
Güzgüdə özünə baxdığı zaman,
Güzgüyəmi qiymət verəcək insan ?
*
"Mən kiməm, mən nəyəm ?" mahiyyətinlə
Bilsən, barışarsan təbiətinlə.
*
AŞPAZIN İŞİ AŞLA,
BƏNNANIN İŞİ DAŞLA.
NAMƏRD ÖZ ƏMƏLİNDƏN
KEÇMƏZ Kİ, XOŞAXOŞLA.
*
Yerdəkilər sənə bəs eləmədi, indi də Göydəkinin işinə qarışırsan?
*
Ay məndən dəvə soruşan, hər kəsin dərdi özünə bir dəvədi.
*
Lığa uzanıb kef çəkən camışı ancaq zoğaldan ağac yerindən tərpədər.
*
Rəhmət çatmayana lənət tez çatar.
*
Dünya xırıldayır, ölməyi gəlir,
Özündən pisliyi silməyi gəlir.
İşimiz o qədər baş ayaq, vallah,
Bişmiş toyuğun da gülməyi gəlir.
*
Hər meyvə öz zamanında yetişir.
*
Bulanıq su güzgünü əvəz eləməz.
?
Ağır dərdlər səssiz gələr.
*
Ayığın fikrində olan sarxoşun dilində olur.
*
Torpaqdanıq, torpağınıq.
*
Qoca tülkünü tələyə salmaq çətin məsələdir.
*
ŞAİRİN KÖNLÜNDƏ EŞQİN ALOVU SƏNGİMƏYƏ BAŞLAYAN ANDAN O, YAVAŞ - YAVAŞ ÖLMƏYƏ BAŞLAYIR.
*
Gorda yatmaq vaxtın gələndə evdə yata bilməzsən.
*
Usta, özünü yorsan da, hər mismar hər taxtaya girmir, hər söz hər başa girmədiyi kimi.
*
Yeriyən xiyarlar çoxalan gündən,
Gül kimi xiyar da gözümdən düşüb.
*
Hər yekələn sıpadan Həmədan eşşəyi olmaz.
*
Usta, özünü yorsan da, hər mismar hər taxtaya girmir, hər söz hər başa girmədiyi kimi.
*
İslam tarixində Şəcərəddürr ( Bütöv adı əl - Məlikə İsmətəddin Ümm - Xəlil Şəcərəddürr.) adlı xanım kim olub?
*
Baca tüstüyə deyir ki, əyrim - üyrüm gedirsən. Tüstü də qayıdıb bacaya deyir ki, təpəsi dəliy, sən nə deyirsən ? (Elat gülməcəsi)
*
Qapısız xanə var, qibləsiz hamam,
Cavabın tapana söyləyək tamam.
*
Xanımın cihadı həyat yoldaşına ömrü boyu gözəl xidmət etməkdi.
*
Üzdə deyir Allah - Allah,
Arxada deyir yallah - yallah.
*
Asta qaçan namərddirsə, tələsən təndirə niyə düşür bəs?
*
Qoyun olmayan yerdə keçiyə kərəməz ağa deyərlər ? (Elat gülməcəsi.)
*
Baca tüstüyə deyir ki, əyrim - üyrüm gedirsən. Tüstü də qayıdıb bacaya deyir ki, təpəsi dəliy, sən nə deyirsən ? (Elat gülməcəsi)
*
Zəmanə ilanı Seyid Əhmədin əliylə tutanların zəmanəsidi.
*
Mənim üçün güclü şəxsiyyət öz səhv və qüsurlarını hamıdan qabaq görüb onları aradan qaldıran insandı.
*
Susuz səhrada gəmi düzəltmək işi özünü Nuh peyğəmbərin yerinə qoyan axmaqların işidi.
*
Dəvə oğurlasan da oğrusan, gəbə oğurlasanda.
*
Qurd ova çıxar, qurdun da ovuna çıxarlar.
*
Buynuzlayana arxadnan yanaşarlar, təpikləyənə qabaqdan.
*
Dünyada üç şey gözdən yayınmaz : təbiətdə duman, könül işində eşq, camaat içində pulsuzluq.
*
Zəmanəmizdə bir çoxları dədəsinə rəhmət qazandırmağa çalışan dəyirmançı oğlunun yolu ilə gedirlər.
*
Sirri saxlaya bilsən əsirin, saxlaya bilməsən ağan olar.
*
Hər kəs öz günahını zəmanənin, dünyanın və şeytanın üstünə yıxmağa çalışır.
*
Quşu quş ilə ovluyarlar.
*
Günah sahibləri öz odlarını cəhənnəmə özləri ilə apararlar.
*
Daşı daşın yanına qoyarsan divar, qoyun qoyunun yanında davar olar.
*
Kələfi elə dolaşdırırlar ki, sonra da açması Allaha qalır.
*
Şərti şumda kəsməyinə kəsirik eee, gərdiş elə dönər ki, sonunda nə şərt qalar, nə şum.
*
Odu üflüyərlər ocaq olanacan.
*
Selin ağzını bağlamaq olar, elin ağzını bağlamaq olmaz.
*
Bazara almağa gedərsən hər tərəfin adam olar, dost olar, satmağa gedərsən bir adam tapılmaz.
*
Allahım əvvəl "kun", yəni "ol" dedi və dünyamızı yaratdı. Yəni ilk olaraq söz yaranıb.Sözü urvatsız etməyə imkan verməyin !
*
*****************************************************************5
Əsil kişi odur ki,
onun ürəyi sirlərin gömüldüyü qəbirdir.
*
Söz var, iş bitirir,
Söz var, baş itirir.
*
Hara daş atırsan dəlləyə dəyir, amma sünnətə bir dəllək tapılmadı.
*
Əyərlə məyər evlənmiş, hələ onların keşkə adlı övladları da olmuş.
*
Səbr ağacı acı kökləri olan, fəqət çox dadlı meyvələri olan bir ağacdır ki, bəzən o gözəl barı çox gec yetişir.
*
Dünyadakı əziyyətlərin çoxu aza qənaət etməməkdən irəli gəlir.
*
YOL GEDİR PİRÇİVANA,
CAN QURBAN PİR CAVANA.
NECƏDİ, AY ALLAHSIZ,
QANMAYAM QANA - QANA.
*
QARAPAPAQ VƏ TƏRƏKƏMƏ EYNİ URUĞA VERİLƏN CÜT ADDIR. OĞUZ BABANIN TÖRƏSİNDƏNİK. QARSDAN,HƏMƏDANDAN, DƏRBƏNDƏ KİMİ BİZİM YURDUMUZDUR.
*
Dağdağana pir deyir, dədəsinə çor deyir.
*
Zirvəni zirvə edən onun yanındakı dağlar və təpələrdi.
*
Bir qığılcım ətrafını nurladıra da bilər, yandıra da bilər.
*
Gül budağda, yemiş tağda, alma bağda, gözəl qız da ağ duvağda gözəldi.
*
Qurdun qardaşı da qurd olar, əgər çaqqaldırsa, günah anasındadı.
*
Sərraf babadan yenə əndirabadi bir sual: - Kim vicdanın tərkibini və funksiyasını izah edə bilər ? Niyə hər adamda vicdan olmur ?
*
Bəzən əqrabanın əqrabaya etdiyini əqrəb eləməz.
*
Qabaq təkər haradan keçir keçsin, arxa təkər də oradan keçəcək.
*
Yayda kölgədə xoş, qışda da anbar boş.
*
Tutağan köpək hürəyən olmaz.
*
Laqeyd adamların yanında üşüyürəm.
*
SÖZLƏRİNDƏN DÜRR YAĞAN,
KÖNÜL GÖZÜYLƏ BAXAN,
ÜRƏYİNDƏN NUR DOĞAN
DOSTLAR, SALAM ƏLEYKÜM !
*
Ağzınızın ağası olun ki, ağzınızdan çıxan sözün qulu olmayasınlz.
*
Kəhər at kişnəməyiylə, kişi də işləməyiylə.
*
Boş qabın səsi, boş adamın sözü.
*
Ay kişilər, xanımları elə tərifləyin ki, o tərifin içində öz kiçik çatışmamazlıqlarını və kaprizlərini görə bilsinlər.
*
Aranda tutdan oldum, dağda quruddan.
*
Sağlığında kor Fatma, öləndə qara gözlüm.
*
Nə üçün bizi və küllü kainatı yaradan Allaha Sən deyə müraciət edirik, Allahın yaratdığı insanlara isə siz deyirik?
*
Qoca aslanın da könlündən hərdən bir cavan ceyran əti yemək keçir.
*
Şillə üzü qızardar, amma gözəl eləməz.
*
Laf ilə plov dəmlənməz, yağ ilə düyü gərək.
*
Qızıldan qaloş geyəsən, yenə adı qaloşdu.
*
Barmaqların zərə uyuşmursa nərd taxtanı bağlamaq yaxşıdır.
*
Bəzi adamların kim olması elə danışmağa başladığı andan özünü biruzə verir.
*
Yeddi dərviş bir döşəkcə üstündə rahat oturub söbət edərlər, iki bəy bir masa arxasında yarım saat rahat otura bilməz.
*
BAC VERƏNDƏ, BAC ALANDA,
UCALDANDA, UCALANDA,
GÜLÜŞ HƏDƏFİNƏ DÖNƏR
BİR ASLAN QOCALANDA.
*
ÇÖPƏ GÜLMƏK NƏ ANLAM DAŞIYIR ?
*
DƏRDLƏNİR QOCA PƏLƏNG
ÇAQQALLAR BAC ALANDA.
QIZLAR DA BABA DEYİR
SÜLEYMAN QOCALANDA.
*
HƏR QAPIYA BİR AÇAR,
HƏR CANA BİR DƏRD DÜÇAR.
GÜNAHKAR ÜZ SİLLƏYƏ,
İLAN GÜLLƏYƏ QAÇAR.
*
XƏNCƏRİNİN QAŞI DÜŞDÜ ? - NƏ ANLAM DAŞIYIR?
*
ƏŞƏBƏXEYBƏR NƏ ANLAM DAŞIYIR?
*
EYNİNƏ GƏLMƏK NƏ ANLAMINDADIR?
*
DOST DOSTUYLA DİDİŞMƏZ
QUL XƏTASIZ ÖTÜŞMƏZ.
NƏ QƏDƏR ÇARƏ QILSAN,
KÖHNƏ YARA BİTİŞMƏZ.
*
SÜSƏNDƏN ƏSKÜLÜMƏ,
SÖZ DEMƏ TƏRS, GÜLÜMƏ.
YANMIŞAM QURTARMIŞAM,
ETMƏYİN QƏSD KÜLÜMƏ.
*
Səndən hərəkət yoxdusa, bacadan bərəkət yağmaz.
*
Alim bildiyi şey haqqında düşünüb danışar, cahil isə ağzına gələni.
*
Məqsədi olmayan adam küləyin səhrada ora - bura qovduğu yelqovana bənzəyir.
*
Zaman gələr bir gün böyüdüb tərbiyə verdiyin züryətinlə sənə hörmət qoyarlar.
*
KUF ELƏ YELLƏNCƏKDİ,
GEDİBSƏ GƏLƏCƏKDİ.
SƏRRAF SEVİB YAŞAŞAYIB,
SEVƏRƏK ÖLƏCƏKDİ.
*
KƏLƏFİN UCU MƏNDƏ,
SEVGİNİN GÜCÜ MƏNDƏ.
ALLAH GÜNAHA YAZSA,
XƏLVƏTİN SUÇU MƏNDƏ.
*
ÖLƏNLƏ ÖLMƏK OLMAZ,
DƏRDİNƏN GÜLMƏK OLMAZ.
GƏLİB ÇATANDA ƏCƏL,
GETDİNSƏ, GƏLMƏK OLMAZ.
*
Zaman gələr bir gün böyüdüb tərbiyə verdiyin züryətinlə sənə hörmət qoyarlar.
*
Fəlfəlliyirsənsə, deməli qocalımısan.
*
Təbəssüm dan yeri qızaranda üfüqdən doğan günəşin nuru kimi könlümüzü riqqətə gətirir.
*
RUHU GÖZƏL, GƏL MƏNİ GÖR!
XEYRÜLƏMƏL, GƏL MƏNİ GÖR!
SƏRRAFA GƏL, GƏL MƏNİ GÖR!
GƏL MƏNİ GÖR, NƏ GÜNDƏYƏM?
*
TULUQ HƏMƏN TULUQDUR EEY, İÇİNDƏKİ HƏMƏNKİ DEYİL.
*
Göydən qızıl zənbildə yenmiş kimi davrananlar var ki, onlara baxanda zənbilə heyfim gəlir.
*
Biz vur dedik, öldür dimədik, bu zırrama isə vurub öldüdü.
*
Hər kəllayının bir dolayısı var.
*
İt dəvə kölgəsində yatır, deyir bəs öz kölgəsidi.
*
Ruzi göydən şabbadanxeyir düşmür.
*
Sözü deyir dağ ağırlığında, sonra da özü qalır bu ağırlığın altında.
*
Göydən qızıl zənbildə yenmiş kimi davrananlar var ki, onlara baxanda zənbilə heyfim gəlir.
*
Bədbəxt batbat yeyib havalanıb, camaat elə bilir eşqindən havalanıb.
*
Arvadı ölənin yükü ağır olar, dərdi çox.
*
Səbəb olmadan işini çətinə salmaq ağıldan qurreylərin işidi.
*
HƏR OĞUL ƏKƏNİNDİR, DƏRDİNİ ÇƏKƏNİNDİR.
*
YEMİŞİ BALLA YEYƏRSƏN,
ÖLDÜM - ÖLDÜM DEYƏRSƏN.
*
KİMSƏLƏR MALINI YEYƏCƏK, ƏFSUS,
SONRA DA GORUNA SÖYƏCƏK, ƏFSUS.
HAMININ QAPISIN DÖYƏN ƏZRAYIL
SƏNİN DƏ QAPINI DÖYƏCƏK, ƏFSUS.
*
Kürkünə birə düşər samanlıqda yatanın,
Kəlməsi yerə düşər Haqqı ucuz tutanın.
*
Dədəmin dörd oğlu var,
dördü də bir boyda.
(Açması?)
*
Evində yox urvalıq,
könlündəki darğalıq.
*
Özü ilə dost olmağı bacarmayan adam heç kimlə dost ola bilməz.
*
Rəhmətlik Kazım əmi (Dünyamalıyev) deyərdi ki, qurdbasan köpəyi olmayan çobanın sürüsünə qurd dadanar.
*
Cildlərlə yalan toplusunun üstündə tər tökür, adını da qoyur "Həqiqət axtarışında".
*
Güllər ağuşuna alıb aşiqi
bu yazdan çıxmağa qoymayacaqlar.
*
Adam tanımadığı bir kəsin üzünə çamxırsa, sonra əziyyətin çəkməli olar.
*
Aldanıb bu öküz mıxa bağlanıb,
hər gün boyunduruq görsə də boynu.
(Dədələrdən aldatma gününə)
*
Qız ananın dirriyidi, nə əkərsə, onu dərər.
*
Ovçunun işi gülləsi tükənənə qədərdi.
*
HALAL QAZANC YEYƏNLƏR,
ALLAHINI ÖYƏNLƏR,
SƏRRAFA DOST DEYƏNLƏR,
ƏS SALAMÜ ƏLEYKÜM!
*
İNSAN DƏRDİN TƏK ÇƏKƏR,
DƏRDİ DƏ ÜRƏK ÇƏKƏR.
AT ARPA, KİŞMİŞ YEYƏR,
YÜKÜNÜ EŞŞƏK ÇƏKƏR.
*
AĞUŞUN GÜZARIM OLA,
SEVGİN DƏ AZARIM OLA.
DİRİ İKƏN SEYRANGAHIM,
ÖLƏNDƏ MƏZARIM OLA.
*
SEVGİDİRSƏ, MƏN YALANI SEVİRƏM,
CANIM QURBAN, CAN ALANI SEVİRƏM.
GECƏ - GÜNDÜZ GÖZLƏRİMİ OXŞAYA,
SEVƏN CANA CAN OLANI SEVİRƏM.
*
ÜMİD BAĞIN QIRA - QIRA,
İLGƏY VURDUQ ORA - BURA.
ÖZÜMÜZÜ YORA - YORA, GEDİRİK ÜZÜ ÖLÜMƏ.
*
Eşq heç bir çərçivəyə sığmaz.
*
Ey dünyagir adamlar, itirdikdən sonra ağlamağın xeyri yoxdu, çünki qara torpaq ağuşuna aldığını geri qaytarmır.
*
Hər kəsin son anda döydüyü son qapı var.
*
Ürəyinin yağını yedirtdiyin adam vaxt olur ki, səni yemək fikrinə düşür.
*
Cənub Təbriz, şimal Dərbənd,
Mənim olmayan qollarım.
*
Rəhmətlik Həcər nənəm deyərdi ki,
şər vaxtı nərdivanın altından keçməzlər,
ərlik qız dədə evində gəlinlik geyərsə bəxti bağlanar.
*
Rəhmətlik Yunus əmim deyərdi ki, dədəsinin üzünə bozaran gün gələr ki, cəhənnəmin qır qazanında qızarar.
*
Rəhmətlik Cəlil baba deyərmiş ki, şapalaq yemiş üzü şeytan öpər.
*
Ürəyinin yağını yedirtdiyin adam vaxt olur ki, səni yemək fikrinə düşür.
*
CÜTƏ QOŞULMUŞ ÖKÜZ CÜTÇÜDƏN YOX, CÜTÇÜNÜN ƏLİNDƏKİ AĞACDAN QORXUR.
*
DƏRVİŞ OLAN SİRR OLAR,
DƏRS ALDIĞI PİR OLAR.
ÇAQQALIN DOSTU ÇAQQAL,
ŞİRİN DOSTU ŞİR OLAR.
*
Rəhmətlik Saray nənəm ( Kişi Saray ) deyərdi ki, o qədər başı buxara papaqlı, bığı burma biqeyrət gədə var ki...
*
Abrını çölə atanlar ləyaqət nə olduğun bilməzlər.
*
Mərdimazarlar hələ də bilmək istəmirlər ki, əvvəl - axır bir gün xoruzun quyruğu görünəcək.
*
Vicdanını satıb mənliklərini itirən dəyyusları görərkən deyirəm heyf Rəbbimin əziyyətinə
*
Hər qız ərə gedəndən, hər oğlan da evlənəndən sonra həyat yoldaşı ola bilmir.
*
HURİSƏN, PƏRİSƏN, MƏLƏKSƏN, KİMSƏN ?
ZÜLFÜNDƏ ÖPÜŞÜR YAZ ÇİÇƏKLƏRİ.
QOYNUNUN ƏTRİNƏ QATIŞIB ƏTRİ,
SİNƏNDƏ İNCİTMƏ, QIZ, ÇİÇƏKLƏRİ.
*
TƏRƏKƏMƏ DEYİMİ: AYINI HAMI TANIYAR, AMMA AYI HEÇ KƏSİ TANIMAZ.
*
Rəhmətlik Tovuz qocam deyərdi ki, süfrəyə qoyulanda horra da özünə (bozbaşdan nəyim əskikdi ?) deyir.
*
Rəhmətlik Niyazalı əmim deyərdi ki, motalın iyi bir evə hopdusa, çətin ondan əl çəkə.
*
Rəhmətlik meşəbəyi Bəhmən dayı deyərdi ki, ayını hamı tanıya bilər, ancaq ayı heç kəsi tanımağa borclu deyil.
*
Bir gün rəhmətlik İbiş babam (rəhmətlik meşəbəyi idi ) baxır ki, bir cavan əlində bir yaralı quş ona tərəf gəlir. Quşu onun əlindən alıb deyir: - Oğlum, quş var əti yeyilir, qüş var ət yeyir. Bu quş şahindi, ət yeyir.
*
XANDAN GƏLƏR XAN İYİ,
DABBAQDAN DA GÖN İYİ.
*
Rəhmətlik Tahir babam deyərdi ki, arvadların didişməsinə, uşaqların dalaşmağına, köpəklerin boğuşmasına ağıllı kişi qarışmaz.
*
Dədəm qapıdan içəri girəndə hamımız ayağa qalxardıq. Dədəm süfrənin başında əyləşərdi, yeməyin ən yaxşı yeri o kişinin sinisinə qoyulardı. Dədəm bismillah dedikdən sonra yeməyə başlayardıq.
*
Əgər dədəmlə nənəm piyada hara gedərdilərsə, nənəm dədəmdən bir addım geridə gedərdi.
*
Əgər evimizdə süfrə ətrafında hər hansı bir iş haqqında söhbət gedərdisə, hamı öz fikrini söylədikdən sonra sonuncu söz dədəmin sözü olardı və o sözdə işə çevrilərdi.
*
Rəhmətlik dədəm deyərdi ki, boş evə girsəniz belə, salam əleykum deyib, sonra o evə daxil olun .
*
İllər qabaq kəndimizin cavanları ağsaqqalların məclislərinə girməzdilər, ta ki, dəvət alana qədər. Məclisə girəndə isə ağsaqqallar icazə verənə qədər ayaq üstdə gözləyərdilər.
*
Rəhmətlik İsa əmim (Xəlilov İsa) deyərdi ki, evində sayılan kişi, elində də sayılar.
*
Keçmişdən bir deyim qalıb: Qurd anası quzuya süd verməz, yəni quzunu əmizdirməz.
*
Rəhmətlik Şəkəralı babam (Çoban olsa da, müdrik kişi idi.) göyə baxıb sabah havanın necə olacağını dəqiq deyərdi.
*
Hər dəmirçinin oğlu Dəmirçioğlu olmur.
*
Çovğunlu, küləkli havada çöldə nə işin var ki, soyuqlayıb titrətməyə düşəsən. (Özümü danlayıram.)
*
Dağın dərdini siçandan soruşan axmaqlar var .
*
Meşələrdən düz ağaclar azaldığı kimi içimizdə də düz adamlar azalır.
*
Şər qarışa, toran düşə,
Dost evinə varan düşə.
Könlümün eşq güşəsinə
Məni məndə görən düşə.
*
İçimizdə bəsləyirik biz dərdi,
Vətən dərdi, qeyrət dərdi, söz dərdi.
Mən Eşqin quluyam, qulun esqiyəm,
Hər kəsə öz dərdi, mənə öz dərdim.
*
Süfrə nur,xanə məmur,qəza-bəla geri dur! Artsın əskilməsin, daşsın tökülməsin !Allah bərəkət versin !
(İlaxır çərşnbənin duası)
*
Mənim əziz, könlü gözəl şair dostlarım, Beynəlxalq poeziya günü münasibətilə sizi ürəkdən təbrik edirəm və hər birinizə uğurlar arzulayıram.
*
Yaz da gözəl, qış da gözəl,
Çiçək açsa, daş da gözəl.
Nurlu, gözəl ürəklərdə
Süleyman hər yaşda gözəl.
*
Abırdan, həyadan rübəndin ola,
Nə qədər əlçatmaz olarsan, gözəl.
Allahın sevdiyi mələklər kimi
Sərrafın canını alarsan, gözəl.
*
Süfrə nur, xanə məmur,qəza-bəla geri dur! Artsın əskilməsin, daşsın tökülməsin !Allah bərəkət versin!
(İlaxır çərşnbənin duası)
*
Dərd bizdən ötə, olmaz,
Daşda gül bitə, olmaz.
Heç nədən hər şey olar,
Gədədən Dədə olmaz.
*
Rəhmətlik Məhəmməd dayı (Sadıqov) deyərdi ki, dədə olmağa nə var ki, dədəlik eləmək çətindi.
*
Rəhmətlik Nəriman dayı (Bəxtiyarov ) deyərmiş ki, yekə bığlı və uzun saqqallı olmaq hələ əsil kişi olmaq alnamına gəlmir.
*
Rəhmətlik İsmayıl dayım (Quliyev) deyərdi ki, bığın qeybətin saqqala eləməzlər.
*
Rəhmətlik Lətif əmim deyərdi ki, bir xatır, iki xatır, üçüncü də vur yatır.
*
Saqqalda feyz olsaydı keçi mollalıq edərdi.
*
Rəhmət qapısı açıq olanda kasıb yuxuda olar.
*
Yenə gözü yaşlı çiçəkləriylə
Açır pəncərəsin üzümə səhər.
Bakirə qızların gecələrindən
Açır pəncərəsin üzümə səhər.
*
Kişiliyin əsas düsturu: özü heç kəsi incitməməli, özü də heç kəsdən inciməməli.
*
Qeyrətli kişidən törəyən oğul meydan açar, namıslu xanımdan doğulan qız gözəl süfrə.
*
Xəyalımın pəncərəsindən süzə - süzə
gözlərimə sevgilimin gözləriylə
baxan yağış...
*
Haqqı görə biləsən,
Borcun verə biləsən.
Elə yıxıl ki, canım,
Sonra dura biləsən.
*
Axdı zaman, yaman axdı,
Ümidlərim boşa çıxdı.
Uzağımda yaxınım çox,
Yaxınımda yadım çoxdu.
*
Rəhmətlik Asya bibim deyərdi ki, çiçəyi çırtlayan bir qızı vaxtında qoçaq bir igidlə başgöz eləmək lazımdı.
*
Əvəzin bədəl adlı oğlu var.
*
Düz sözü iki adamdan eşidə bilərsən; ya vəlidən, ya dəlidən.
*
Kərəntisinin ovxarı yox, durubdu vər başında.
*
Qısrağı cavan gözüylə, qızı da qoca gözüylə alarlar.
*
Gözəlliyin qoruyucusu həya, kişiliyin qoruyucusu isə qeyrətdi.
*
Rəhmətlik Məhəmməd dayım (Kərim oğlu) deyərmiş ki. Vənətlinin kişiləri erkək satar, buğa satar, öəc satar, at satar, adam satmaz.
*
Rəhmətlik Əbdüləzim əmim deyərdi ki, bir dədə doqquz oğul saxlaya bilər, doqquz oğul bir dədəni saxlaya bilməz.
*
Qarnıqurdlu deyər ki, pişiycən də olmadıq, özü tutur, özü udur.
*
Şiri əhliləşdirmək olar, qurdu əhliləşdirmək olmaz.
*
Günah sahibi yaman, güman sahibi uman olar.
*
Dərdimdən gül ətri gəlir.
*
YALANDAN "ALLAH ŞAHİDİMDİR" DEYƏNDƏN İBLİSDƏN QORXDUĞNUZ KİMİ QORXUN !
*
AT ALAN DİŞİNƏ, ARVAD ALAN İŞİNƏ BAXAR.
*
Rəhmətlik Əlisavan dayı deyərdi ki, atın yoxdursa nalbənd ilə nə işin var?
*
Rəhmətlik Kərbəlayı Mehdiqulu babam deyərmiş ki, əlini yandırmaqdan qorxan oğuldan dəmirçiyə şəyird olmaz.
*
Rəhmətlik dədəm Usta Mürsəl deyərdi ki, əyri taxtanı rəndə, əyri adamı da mömin və güclü bəndə düzəldər.
*
Rəhmətlik Niyazalı əmim deyərdi ki, kababı döndərə - döndərə, adamı dindirə - dindirə bişirərlər.
*
Çırpını köz yandırar,
adamı söz yandırar.
*
Pirdən keçib pir olanlar,
Hər kəlməsi dürr olanlar.
"Ya hu" deyib sizə gəldim,
Haqq yolunda bir olanlar.
*
Dağ seliyəm, daşasıyam,
Dərə, təpə aşasıyam.
Öz evimdə, öz elimdə
Paşaların paşasıyam.
*
Rəhmətlik Xəlil müəllim deyərdi ki, öküz kimi işləməsən, aslan kimi yeyə bilməzsən.
*
Rəhmətlik Süleyman müəllim deyərdi ki, quzu otara - otara dərsini oxuyan uşaq bir də gördün alim olub.
*
Rəhmətlik Ələkbər oğlu Əli (baba) deyərmiş ki, dəlilərin bəyi olan qoçaq hərdən bir döyülməyi də yadından çıxartmamalıdı.
*
BÜTÜN DƏRDLƏRİNİ ÜRƏYİNƏ ATIRSAN, BƏS ÜRƏYİNİ HARA ATACAQSAN ?
*
XAR SU İTİN AĞZI DƏYMƏYİYNƏN MUNDAR OLMAZ
*
ZURNANIN KARA, ÇIRAĞIN KORA XEYİRİ DƏYMƏZ.
*
TƏRƏKƏMƏ SÜRÜSÜNÜ TƏK OTARANDA TƏKƏ İLƏ DƏRDLƏŞƏR.
*
ATASIZ QIZ YANMIŞ BAĞ, ANASIZ QIZ SUSUZ BULAQ.
*
TƏRƏKƏMƏ DEYİMİ: DUZ GÖYƏRƏN VAXTI QATIR DA DOĞAR.
*
QIZIL LƏYƏNİN QAN QUSANA NƏ XEYRİ VAR.
*
QIŞ GÜNƏŞİNƏ VƏ QADIN GÜLÜŞÜNƏ O QƏDƏR DƏ ÜMİD ELƏMƏK OLMAZ.
*
BALI ŞİRİN OLMASA, AYININ ARI PƏTƏYİ İLƏ NƏ İŞİ VAR.
*
Əgərlə məgər nigahlandılar, hələ bunların bəlkə və keşkə adlarında iki uşağı da oldu.
*
Vəhşət heyvandan,
Dəhşət insandan.
*
Deyirlər cəhənnəmdə od yoxdur, bu dünyadan o dünyaya köçən hər kəs öz odunu özü aparacaq.
*
At almamışdan, yəhərini alır.
(Görməmişlərə xitabən.)
*
Quş var əti yeyilər, quş da var ət yeyər.
*
Əncir ağacında oxlov, qarğıdalı unundan paxlava, hər qadının doğduğundan adam olmaz.
*
İnsan hər kəs üçün ya pis, ya da yaxşı adam olmaz.
*
Gedər meşəyə oduna, balta düşmür yadına.
*
Tutub buraxmamaqda qaratikan koluna bənzəyən adamlar da var.
*
Ayının üstünə ağacla getmək axmaqlıqdır.
*
Könül mehmanxana otağı deyil ki, hər gələni qəbul eliyəsən.
*
AY QONŞUNİN BACASINDAN XƏLVƏT - XƏLVƏT BAXAN ... , SƏNİN ÖZ BACANDAN XƏBƏRİN VARMI ?
*
Bir şahılıq qiyməti yoxdur, amma xoruz yerişi yeriyir.
*
Rəhmətlik Surxay babam deyərmiş ki, özgəsinin arvadına baxanın arvadına baxarlar.
*
Rəhmətlik İsgəndər müəllim ( əmim) deyərdi ki, vaxt var idi ki, ağacı yarpağıynan, kişini də papağıynan tanıyardılar.
*
Rəhmətlik Nüsrət əmim deyərdi ki, oynamağı bacarmırsan, oynayana da gülürsən, ay özündən müşdəbeh.
*
Tüpürcəklə hər üz qarası getmir.
*
SULTANIM, ŞAHIM İSMAYIL,
KƏDƏRİM, AHIM İSMAYIL.
ŞEYXİM, PİRİM, MÜRŞİDİM,
SƏCDƏGAHIM İSMAYIL.
*
Rəhmətlik Zülfəli əmim deyərmiş ki, hər dəmirçinin oğlu Dəmirçioğlu olmur.
*
Rəhmətlik Seyran qocam deyərdi ki, ələyinən xəlbiri biri birindən ayıra bilmirsənsə, sənin dəyirman da nə işin var ?
*
Rəhmətlik Asya bibim deyərdi ki, başağı sünbül - sünbül, dərzi də başaq - başaq.
*
Rəhmətlik Şahsuvar baba deyərmiş ki, aslan ürəyin yoxdursa, şirlə pəncə pəncəyə gəlmək nadanığa dəlalət edər.
*
Hər gözünü qamaşdıranı Günəş hesab eləmə.
*
Dörd dirək damın ola,
Yanmağa şamın ola.
Can Haqqın dərgahında,
Dilində "amin" ola.
*
Tərəkəmə deyimi: Qısır qoyun qəssab dükanına yaraşar.
*
BİR BAHAR DA NAZLANA - NAZLANA ÜZÜMÜZƏ GƏLİR.
*
BƏZİ ALÇAQLAR ÖLÜM QABAĞI BELƏ ÖZ PİSLİKLƏRİNDƏN ƏL ÇƏKMİRLƏR.
*
İlahi eşqə mübtəla olan hər kəsin könlündən zikr, dilindən şükür əskik olmaz.
*
KEÇƏL HƏMZƏ DƏ QIRATA MİNDİ, AMMA YENƏ KOROĞLU OLMADI.
*
Rəhmətlik Kərim müəllim deyərmiş ki, bir kişinin özündən sonra qoyduğu şah əsəri xalqına layiqincə xidmət edən savadlı övladıdır.
*
Rəhmətlik Məti babam deyərmiş ki, Vənətlinin oğrusu da mərddi, doğrusu da.
*
Rəhməlik Kərim dayim deyərdi ki, Vənətlinin köpəyi də qonağa, yada quyruq bulamaz.
*
Rəhmətlik Həcər qocam deyərmiş ki, vənətlilər yeddi oğulu "yoxdu" bilərlər, bir qızı isə "çoxdu" bilərlər.
*
Tərəkəmə binəsini Bağdaddan böyük və gözəl bilər.
*
Tərəkəmədən qız almaq olar, quzu almaq çətindir.
*
Tərəkəmə qışlaqda qar tutar, yaylaqda var tutar.
*
Pirin balası pir olar,
Şirin balası şir olar.
Əgər Allah istəyirsə
Daşın içində dürr olar.
*
TƏRƏKƏMƏ DEYİMİ: QOYUN DEYİR - QARNIMI DOYDUR, QARA BASDIR MƏNİ. KEÇİ DEYİR - QARNIMI DOYDUR, QORA BASDIR MƏNİ. AÇIQLAMASI ?
*
Tərəkəmələr, deyin görüm qoyunun neçə haram tikəsi var?
*
Hökmüdar var, tacı yox,
Könlü toxların acı yox.
Allah yazdığı düsturun
Təhlilə ehtiyacı yox.
*
Kürəyim o qədər ənik diş görüb,
Ürəyim dözümə baxmayır indi.
*
Hələ də ürəyinin yerıni bilməyən adamlar var
*
Başın bəlasını çəkər hər zaman,
Dilinin ucundan asılan adam.
*
Tülkünün dostluğu aslanla tutmaz,
Aslanın dostu da aslan olmalı.
*
GÖZLƏRİ KOR OLANLARIN GÖZLƏRİNİ AÇMAQ OLAR. RUHU VƏ QƏLBİ KOR OLANLARIN GÖZLƏRİNİ İSƏ AÇMAQ MÜŞKÜL MƏSƏLƏDİR.
*
Bəzi insanlar cəvizqurdu necə yaşayırsa, elə yaşayırlar.
*
Dəmirçinin körüyündən keçirib,
Süleymanı döyüb Sərraf eylərəm.
*
Meymun öz balasını gözəllər gözəli bilir.
*
Tülkünü ağzı ətə catanacandı...
*
Bəzi insanlar cəvizqurdu necə yaşayırsa, elə yaşayırlar.
*
Baxıb adamların şeytanlığına,
İblis utancından ölmək istəyir.
*
Dərdin qədəhinə şərab süzürəm,
Qoşulub Sərrafa dərd də məst olub.
*
BİR DƏFƏ BOYUNDURUQDAN CANINI QURTARMIŞ ÖKÜZ KÖNÜL XOŞLUĞU İLƏ BİR DƏ HƏMƏN BOYUNDURUĞUN ALTINA GİRƏRMİ ?
*
Eşşəyi bərkdən anqırmağına görə almazlar, yaxşı yük götürməyinə görə alarlar.
*
Canın ağrıyırsa, gülməkmi olar ?
Hər sözü bal kimi yeməkmi olar?
Yeriyən, sürünən hər bir canlıya
Allahın əşrəfi deməkmi olar?
*
Löhməyə daş atsan üstünə sıçrayar.
*
Dili gödək olanın əli də gödək olar.
*
Əzimə də kömək elə, Kazıma da kömək elə, gücün çatsa özünə də kömək elə.
*
Kim olursa olsun, hətda heç vaxt üzünü görməsə belə, hər kəsin bir dədəsi var.
*
Dəryanın dərinliyini qəvvasdan soruşarlar.
*
Üzünü görməsə də belə, hər kəsin bir atası var.
*
Şeytana uyan ağıl əvvəl özünə zərər verər.
*
Gözəlliklər cəm ola,
Dünyamız xürrəm ola.
Aralanıb şeytandan
Adəm də Adəm ola.
*
Əgər səhər açılsa,
əgər mən də sağ qalsam,
küsdürdüyüm könlümü günəşə tapşıracam...
*
Rəhmətlik Tahir babam deyirdi ki, köpəklər boğuşanda, uşaqlar dalaşanda, qadınla didişəndə kişilər işə qarışmamalıdı.
*
Misqallıq ağlı yoxudu, batmanlıq öyüd verir.
*
Payızda üzüm yemək istəyən, yayda kölgədə yatmaz.
*
Ağac kökünə, ev bünövrəsinə, elm isə istinadına söykənər.
*
Rəhmətlik Şəkəralı babam deyərdi ki, qadını kişidən çox yaşadan göz yaşlarıdı. Qadın ağladıqca dərdi göz yaşı ilə torpağa axır.
*
Hər kəsin nə vaxtsa özü də bilmədən qapısız divara dirənən bir günü olur.
*
Ağılsızlığından qurda yem olmasa bu qəşəy sıpa da böyüyüb yekə eşşək olacaq.
*
Dədəsi bəyzadə, nənəsi nökər,
Görən bu qıvlasız hansına çəkər?
*
Ürək aşiq olanda ağılın sözünə qulaq asmır.
*
Xain alnında güllə,
Dəyyus üzündə şillə.
Kişi üzü Dərgaha
Yol qalxır pillə - pillə.
*
ARVAD VAR Kİ,
NƏ ALIRSAN GEYİR,
NƏ VERİRSƏN YEYİR,
SONRA DA DƏDƏNƏ SÖYÜR.
*
Paxılın əsas işi yaxşı insanlar arasında vaynəfsə çıxartmaqdı.
*
Bir öpüşlə yara sağalsaydı, bulvardan yaxşı müalicəxana çıxardı.
*
Hürməyən iti həyətdə saxlamazlar.
*
Rəbbini sevən ürək Dərgaha giriş qapısıdı.
*
Arvaddan küsən axurda yatar.
*
İnsanın ən insaflı vəkili onun vicdanıdı.
*
Nəsib meyvəsi də qeyrət nisbətində toplanır.
*
Barmağını soxur gözümə, sonra da deyir "Görürsən?"
*
Arşın olmayan yerdə dirsək də ölçüdür.
*
Qabıqdan çıxmış gözəl Həkəri düyüsünün gözəl də aşı olur.
*
Axmağı buyur, dalınca yüyür.
*
Davada araya girənə yumruq dəyər.
*
Fələyin kəm gözlə baxdığı yurd susuz dəyirmana dönər.
*
Kəndxudası pir olan kəndin ocağı da gur yanar.
*
Həddindən artıq yumşaq olma, yoxsa səni udarlar.
*
Kasıb ağzı dualı,
Varlı başı havalı.
Özün ağıllı bilir
Tanıdığım zır dəli.
*
Fələk kəm gözlə baxar,
Kasıbı yerə soxar.
Zülüm güldüyü zaman
Göydən yerə dərd yağar.
*
Ürəyim baxmır ki, sözümə çoxdan,
Kədər yolun salıb gözümə çoxdan.
Mənə başqa düşmən lazım deyil ha
Mən özüm düşmənəm özümə çoxdan.
*
Dərd dalınca qaçmazlar,
Boş xəyalla uçmazlar.
Qapı var ki, açılmaz,
Qapı da var, açmazlar.
*
Tənbəl arvad güləyən, südsüz inək mələyən olar.
*
Acın sudan zəhləsi gedər.
*
Qarpızı görür, qarpız əkəni görmür.
*
Bəzən şər xeyir bildiklərimizin içində gizlənir.
*
Dərd səndən xəbərsiz gələr.
*
Vay o gündən ki, iyidin altında qaçağan atı büdrəyə.
*
Çölün donuzu fıştırıqla üzümlükdən çıxmaz.
*
Axtalanmış mənlik - ruhu və könlü üfunətə bulanmış bədən.
*
Gün gəlir ki, adam günahlarından hörülmüş örkəni boynuna keçirir.
*
Ölümünə sevmək məcnunluqdu.
*
GÖZÜMÜ YUMURAM, HƏR YAN QARANLIQ,
GÖZÜMÜ AÇDIĞIM İŞIĞA ŞÜKÜR !
RƏBBİM, İSTƏMİRƏM, QAZANLA VERMƏ,
VERDİYİN O HALAL QAŞIĞA ŞÜKÜR!
*
Çevrilib olurlar asfalt adamı,
torpak adamları, su adamları.
*
Plov yeyəndə düyünün içindəki qara daşdan deyil, ağ daşdan qorxun.
*
Yağ yeyib yaxada gəzən, üçdə alacağı, beşdə verəcəyi olmayan gədələrin girmədiyi yer qalmayıb.
*
Pis övlad altıncı barmaq kimidi, kəsərsən ağrıyar, kəsməzsən səni eybəcər göstərər.
*
Qəribədi sovet dönəmində eşşəyə görə vergi almırdılar. Bilmirsiniz indi alırlar?
*
Statistikaya görə yiyəsiz itlərin sayı artıb. Görəsən iki ayaqlıları da sayırlar ?
*
Əcələ işə şeytan qarışar.
*
Söz torbaya girməz.
*
Siçan dağdan küsmüş, dağın xəbəri yox.
*
SEVMƏK YAŞAMAQDIR, YAŞAMAQ SEVMƏK,
SEVİB YAŞAMIRSA, DAŞDANDIR ÜRƏK.
*
Bəyim bəy oğlu bəy doğar,
Xanım xan oğlu xan doğar.
Dədəsi ulaq olsa da,
Qatırı da madyan doğar.
*
CANI DİŞİMİZƏ TUTUB YAŞADIQ,
DƏRDLƏRİN ALTINDA YATIB YAŞADIQ.
GÜNAH ÇAMUR KİMİ ÇƏKDİ BİZLƏRİ,
QARA BATAQLIĞA BATIB YAŞADIQ.
*
Yazıq Qənbər lül olunca, adı qaldı lülqənbər.
*
Mehdiquluya baş qırxdıranın pambığı cibində gərək.
*
Əsil kişilər yolu yola yamamağı bacarırlar.
*
Küpəgirən qarının dilində saman çöpü dam dirəyinə çevrilir.
*
YAZIQ QƏNBƏR LÜL OLUNCA, ADI QALDI LÜLQƏNBƏR.
*
Hər adam bir div misalı,
Hər günah bir dəyirman daşı.
*
QARA TORPAĞA DÜŞƏN TOXUM BAHAR YAĞMURUNDAN CANA GƏLİB GÜNƏŞƏ BOYLANDIĞI KİMİ EŞQ DƏ AŞİQ KÖNLÜNÜ NURLANDIRIB SEVDİYİNƏ YÖNƏLDİR.
*
ZALIM OĞLU, BİR LİTR ARAQ İÇƏNDƏN SONRA PROKRORU DA SORĞU - SUAL ETMƏK FİKRİNƏ DÜŞÜR.
*
QARABAĞLI DUA ELƏDİ, YAĞIŞ QARADAĞA YAĞDI.
*
YEDDİ DƏRƏNİN SUYUNU BİR BİRİNƏ QARIŞDIRAN QANCIĞIN KÖPƏYİ DƏ ÖZÜ KİMİ OLAR.
*
Ütəlgini yenəsən,
Dərvişimə dönəsən.
Əgər Allah vermirsə,
Nə verərsən mənə sən.
*
İNSAN ANADAN KAMİL DOĞULMUR, ANCAQ BU KAMİLLİYƏ, BU GÖZƏLLİYƏ SAHİB OLA BİLMƏK QABİLİYYƏTİ İLƏ DÜNYAYA GƏLİR.
*
ƏGƏR TARİXİ VƏRƏQLƏSƏNİZ, GÖRƏRSİNİZ Kİ, MÜXTƏLİF DÖVRLƏRDƏ NÜXTƏLİF MƏDƏNİYYƏTLƏRİN MƏHVİ MƏNƏVİYYATIN ÖLÜMÜ İLƏ BAĞLIDIR.
*
BİZ BU HƏYATA QƏDƏM QOYANDA VALİDEYNLƏRİMİZİ VƏ BACI, QARDAŞLARIMIZI BİZ SEÇMİRİK, ANCAQ KÖNÜL DOSTLARIMIZI ÖZÜMÜZ SEÇİRİK.
*
Etibar dostluğun ürəyi, ehtiram isə dostluğun yaraşığıdı.
*
Qara qızın baxtı
Şahsevəni də yıxdı.
*
Yandırdığın barmağını ilanın ağzına soxmaq axmaqlığın pik nöqtəsidi.
*
Tətiyi çəkməmişdən qabaq "sonra nə olacaq ?" sualına cavab tapmalısan.
*
Bilirsiniz nədən qorxuram ? - Bir gün İblis deyə "Rəbbim məni bağışla ki, Adəmin övladına uydum, yolundan çıxdım."
*
Uşaq vaxtı kim quş tutmaq üçün cələ qurmağı bacarırdı ?
*
Üstünə örtməyə bir cırıq həsiri yoxdu, qonşunun yun yorğanına gülür.
*
Samanın dərdini çəkir, eşşəyin dərdini çəkmir.
*
Kəfşən yananda çobandan bilərlər.
*
Yapıncısı qalın olan çobanın qoyununu qurd aparar.
*
ƏZİZ DOSTLAR, BU GÜN XIDIR NƏBİ BAYRAMIDI, YƏNİ BƏRƏKƏT BAYRAMI. HAMINIZIN BAYRAMI MÜBARƏK !
*
Quzunu qurdla yeyənlər qoyuna qoşulub quzunu ağlayırlar.
*
Min adamın tədbirin bir Allahın təqdiri pozar.
*
Mərmər gözəl olmağına gözəldi, amma onun üstündə Allahın otu da bitməz.
*
Əyilməyi bacaranlar söyülməyə mübtəladırlar.
*
Bir gözəl işin ortasında söhbət baltası olmaq naqislikdi.
*
Ağılın unutduğunu dil yada salar.
*
Qismətsə bal olar güldən,
qismət deyilsə, nə gələr əldən?
*
Ürəyin gözəlliyi üzün gözəlliyi qədər asanmı görünər?
*
Minbərdi azan yeri
Haqqdan haqq qazan, yeri !
Ruhum ilə gəzirəm
Pir dədəm gəzən yeri.
*
Oğul var dədəsinin ayaqqabısını geyir, amma dədəsinin yerişini yeriyə bilmir.
*
Adam var dədəsi adını Şiraslan qoyub, amma camaat arasında tülkülükdə ad çıxarıb.
*
Könül canın xəlifəsidi.
*
Dili dilimdən deyil,
Gülü gülümdən deyil.
Bu bəxtin, bu taleyin
Hökmü əlimdə deyil.
*
İki yolun arası,
Mənim yolum harası?
Yoxdu haqqın o yanı,
Yoxdu haqqın bərisi.
*
Hər insan öz nəfsinin ağası olsa dünya nə gözəl olar.
*
Daşa yazarsan, çətin pozarsan.
*
Həddindən artıq ehtiyatlı olan adam ən qorxaq adamdı.
*
Ağ nefti qarışdırıb, lampaya tökmə, his olar,
qeyrətsiz qeyrətə gəlsə, vallah, hər şey tərs olar.
*
Dərvişlərin badəsindən
içib sərxoş olan Sərraf.
*
UŞAQ VAXTI KİM MEŞƏYƏ XƏZƏZ, KƏVƏR, MƏRÖVCƏ, QUZUQULAĞI, GÖBƏLƏK YIĞMAĞA GEDİB ?
*
Can ağrımaz, dərd sıxmasa,
Yoluna şeytan çıxmasa.
Qaçan ata qurd neyləyər,
Qanrılıb geri baxmasa.
*
Bir dərvişə yol olmadıq
Allah dedi "ol!", olmadıq.
Qartal qonan qaya olaq,
Yaradana qul olmadıq.
*
Dağbaşı
Vənətlidi Dağbaşı.
Bu dərdlərin içində
Saxla görüm sağ başı.
*
Can ağrımaz, dərd sıxmasa,
Yoluna şeytan çıxmasa.
Qaçan ata qurd neyləyər,
Qanrılıb geri baxmasa.
*
CANINI BİR QIZ ALA,
DÜŞƏSƏN HALADAN HALA.
GÖZƏLLİKLƏR BİRLƏŞƏ,
SEVDİYİN GÖZƏL OLA.
*
Heyvan kimi düşünüb adam kimi danışanlardan Rəbbim gözəl könüllü insanları hifz eləsin !
AMİN !
*
Qurd ulayan dərənin qoyunu cüt - cüt doğar.
*
Boranı əkən, yemiş dərməz.
*
ƏSİL KİŞİ DAVADA LAÇIN QUŞUDUR, İŞDƏ DƏ USTABAŞIDIR.
*
EŞQ NURA BƏLƏNMİŞ QƏLBİN YAŞAMAQ RİŞƏSİDİR.
*
Nə qədər bəzəyirsən bəzə, nə geyindirirsən geyindir, meymun elə meymundu.
*
Hər üstü unnu dəyirmançı deyil.
*
Söyüşcül adam söyülər, dalaşqan adam döyülər.
*
Şeytanla alver eyləyən,
özün satıb, özün alar.
*
Uşağın əlinə daş verir, sonra qonşunun pəncərəsini göstərərək deyir" Birdən ora atarsan haa..."
*
Özün göyün yeddinci qatında,
canın da dilinin altında.
*
Pişiyin bir gözü ətə baxar, o biri gözü itə.
*
Kirkirəni boşuna hərləmə, əvvəl qovrulmuş buğdasını tök ki, yeməyə qovudun olsun.
*
Bostançının beli əlində, suyu da arxında olmalıdı.
*
BULUD GÜNƏŞİN QARŞISINI KƏSƏ BİLƏR, AMMA ONUN VAR OLMASINI İNKAR ETMƏYƏ GÜCÜ ÇATMAZ.
*
Çovğunda çölə çıxan canının evini yıxar.
*
İşini əvvəldən elə görməlisən ki, sonradan qəmbərqulusu çıxmasın.
*
Bir adamda ki, dəvə kini var, eləsinin dostu olmaz.
*
Batbat yeyib dəli oldu, dedilər ki, eşqindən dəli olub.
*
Qatırdan kəhər atın yerişini ummazlar.
*
Elə adamlar var ki, suyu zərif içməyi eşşəkdən, vəfanı isə çoban itindən öyrənməlidirlər.
*
SOYUQ DƏYİB TƏBİMƏ,
ƏLİM GİRMƏZ CİBİMƏ.
PİS, YAXŞI DEYİLƏN SÖZ
QAYIDAR SAHİBİNƏ.
*
O FAĞIR, O ZALIM GECƏLƏRİNDƏ,
İLİŞİB QALIRAM KÜÇƏLƏRİNDƏ.
DƏRDLƏRİN CANAVAR PƏNCƏLƏRİNDƏ
GEDİB O DÜNYAYA, GƏLİRƏM, ALLAH.
*
Bədbəxt o karvanın halına ki, onun sarvanı haramı ola.
*
Ayı gücün, ayı pəncən yoxdursa, ayı ilə nə karın.
*
Dəh - dəhlə getməyən atı bəh - bəhlə saxlamazlar.
*
Öküzlə dost oldunsa, boynunu boyunduruğa keçirməyi də bilməlisən.
*
Vicdanını atan çox,
Bataqlıqda batan çox.
Özləri də bilmədən
Sel ağzında yatan çox.
*
BATAQLIĞA BATIR, AMMA HƏLƏ DƏ "ƏLİNİ VER" İLƏ "ƏLİMDƏN TUT"UN HESABINI ÇÖZƏLƏMƏKLƏ MƏŞĞULDUR.
*
Bəzən elə olur ki, ağlına gəlməyən başına gəlir.
*
Adam yanıla - yanıla öyrənir.
*
Çanaq başında çatlamamışdan bütün qəbahətlərinin üstündən xətt çəkməlisən.
*
Zaman gəlib ki, heç ata da oğulun babalın yuya bilmir.
*********************************************************6
Yayda başı bişənin qışda aşı bişər.
*
Qaz gələcək yerdən toyuq əsirgəməzlər.
*
Gözünü qırpırsan qorxaq deyirlər
Özündən çıxırsan axmaq deyirlər.
Dərdini dilinə gətirib hərdən
Laflamaq istərkən taytaq deyirlər.
*
Gündüzlər gözlərim önündə şəklin,
gecələr yuxumda gecələyirsən.
*
GƏLMİSƏN, GEDƏCƏKSƏN,
DÜNYADAN ÖTƏCƏKSƏN.
HANSI ÇÖLDƏ, ÇƏMƏNDƏ
GÜL OLUB BİTƏCƏKSƏN?
*
ALLAH QARTALIN DA ALLAHIDIR, SƏRÇƏNİN DƏ ALLAHIDIR.
*
Ay qəlbi yağır adam,
Ay fağır, ağır adam.
Dünya kiçik qəlbinə
Gör necə sığır, adam...
*
At sahibinə görə kişnəyər.
*
YOXSULLUQ VƏ SIXINTI İÇİNDƏ YAŞAYAN VƏ SINMAYAN KİŞİLƏR HEÇ BİR ƏZİYYƏTDƏN QORXMAZLAR. SƏBR DAĞARCIĞI OLAN KİŞİLƏR...
*
ÖZ GƏLİRİNİ VƏ ÖZ ÇIXARINI BİLMƏYƏNLƏR BU GÜNKÜ HƏYATA UYUŞMAYAN ADAMLARDIR. ƏSASƏN DƏ ŞAİRLƏR...
*
Uzunqulağın ən çox sevdiyi səs öz səsidi.
*
Nə özünə ev tikir, nə elin dərdin çəkir
*
Şaddığa gələn ocağa gələr,
Bəddiyə gələn bıçağa gələr.
*
Qətranı qaynatsan olmazkı şəkər,
Hər zatıqırıq da zatına çəkər.
*
Ocağa qoyulan hər qazandan plov umma, umsuq olarsan.
*
Elə ki, oldun mırıq,
İşin fırıq, qarnıcırıq.
*
YALAN SÖZÜ MƏRD VERMƏZ,
DOST DA DOSTA DƏRD VERMƏZ.
MÖHLƏTİ ALLAH VERƏR,
ƏZRAYIL MÖHLƏT VERMƏZ.
*
Biri körpü tapmır keçə, biri də su tapmır içə.
*
Çəkməlini mən bəyənmirəm, çarıqlı da məni bəyənmir.
*
Ayıya adamın bacardığı çox şeyi öyrədirik, amma özümüzü adam olmağı öyrədə bilmirik.
*
Əsil kişi o zaman böyük hörmətə layiq olur ki, söylədiyi ilə elədiyi üst üstə düşür.
*
Dəvənin üstündə gedən çoban itindən qorxmaz.
*
Bostandan çıxmır qoyun,
"Hö - hö"yə baxmır qoyun.
Qoşulma keçilərə,
Ağıldan mağmın qoyun.
*
Gədənin biri bəylik taxtına tamahsılandısa, vay o elin başbilənlərinin halına.
*
Vələdüzina başına papaq qoymaqla vələdüzinalıqdan çıxarmı ?
*
Haramzada sözü nənəsindən, işi şeytandan öyrənər.
*
Qoyun olmayan yerdə keçiyə Varəli deyirlər deyimi hansı mənada işlənir ?
*
Daş tökənlər çoxalır,
Dərd əkənlər çoxalır.
Şeytanın qapısına
Baş çəkənlər çoxalır.
*
Abırlı ananın qara qızını almaq, abırsız ananın gözəl qızından yeydi.
*
İt ətə, uşaq məhəbbətə.
*
Şükürsüz ağızdan tikəsi düşər.
*
Yatağan köpəyin sahibisənsə, tülkü toyuğunu hinindən aparar.
*
OĞRUDAN SORUŞURLAR:
- NİYƏ OĞURLUQ EDİRSƏN ?
OĞRU DA CAVAB VERİR:
- DƏDƏMDƏN ÖYRƏNDİYİM SƏNƏT BUDUR.
*
Hər kəsin qisməti özünə bənzər,
Mənim də qismətim dərdə mübtəla.
Bir qərib dərvişəm, incik ürəyim
Uçulub dağılmış yurda mübtəla.
*
Gecənin yarısı adamı yuxudan ayıldırlar, sonra da soruşurlar: "Qağa, kefin necədir?"
*
Gədədən kəndxuda,
Vələdüzinadan ata,
Yaradanda xəta olmaz.
*
İTƏ İT DEYƏNDƏ ACIĞI TUTUB DEDİ Kİ, MƏNƏ AD VERƏNDƏ ALLAHIN YANINDA İDİNMİ ?
*
Bu dünyada hər kəsin alacağından çox verəcəyi var.
*
GÖZÜMÜN YAŞINDAN ASILAN DƏRDİM...
*
Adamın gülməyi gəlir: "Filankəs fil qulağında yatıb." Görən bu fil qulağı nə boyda olan şeydi ki...
*
Əlli veribdisə, əlli də verər,
Qoçlar döyüşəndə kəllə də verər.
İnanma dünyanın mələkliyinə,
Sığal veribdisə, sillə də verər.
*
Adam zamana sığır,
Adam qılıfdan çıxır.
Daha nənələr geymir
On taxta tumanlığı.
*
Eyni güldən arı bal çəkər, ilan da zəhər.
*
Şahin öz ovunu göydə ovlayar,
Leşaparan ömrü boyu leş yeyər.
*
Qaranquş da hər eyvanda yuva qurmur.
*
Dam nə bilir orta dirək nə çəkir, daban nə bilir sevən ürək nə çəkir.
*
Daşı ətəkdən tökmək olar, ürəkdən əsla.
*
ALLAHDAN BAŞQA TƏK YOXDUR,
SEVƏMMİRSƏ, ÜRƏK YOXDUR.
ŞEYTANA BƏNDƏ OLANDAN
İÇİMİZDƏ MƏLƏK YOXDUR.
*
PİRİN BALASI PİR OLAR,
ŞİRİN BALASI ŞİR OLAR.
ƏGƏR ALLAH İSTƏYİRSƏ
DAŞIN İÇİNDƏ DÜRR OLAR.
*
Ət alsan quzu qolu alarsan, qız alsan əsilli, soylu.
*
Ey Adəm övladı, fürsət var ikən əsil korlara baxıb kor olmaqdan çəkinməyin məsləhətdir.
*
Torpaqdan, daşdan, ağacdan adam düzəldirik, amma özümüzdən adam düzəldə bilmirik.
*
Su da dönüb sərt olar, paxıl dönüb mərd olmaz.
*
İş var həcətlə görülür, iş var höcətlə.
*
GÖZƏL MƏCLİS AŞIĞINDAN BƏLLİ OLAR.
*
Hal üstündə bir dərvişəm,
Can qəsdində bir dərvişəm.
Ruhumla fənafillahın
Həvəsində bir dərvişəm.
*
Hər adam öz evində,
Qərib də dərd ovunda.
Qəmi şəraba qatıb,
Sərraf da öz kefində.
*
Hər mərəzin öz qərəzi.
*
Hər gördüyün gözlərinlə gördüyün kimi olmaya da bilər.
*
Qara torpaq milyonları götürər,
Hünərin var bir ağrısın tək götür!
*
Ay Süleyman, pis yaxşını itirər,
Ömr ağacı acı - şirin bitirər.
Qara torpaq milyonları götürər,
Hünərin var bir ağrısın tək götür.
*
" Ya Allah " deyərək aldadır hər kəs,
İnsan etdiyini şeytan eləməz.
Özümü etmişəm nəfsimə qəfəs,
Canımı yığmışam fağır içimə.
*
Ağıla səy etməz ağıldan yeylər,
Yetim də dərdini gör kimə söylər ?
İndiki qulları indiki bəylər
İşlədir quruca " sağ ola", vallah.
*
Beş dəli əlində ağac kəndin ortasında at oynadırsa, deməli həmin kənddə bir nəfər də ağıllı adam yoxdur.
*
Şahinin qüruru leşaparana qoşulmağa imkan vermir, acından ölsə belə.
*
Bir çox elmdən xəbərdar ola bilərsən, hətda gələcəyi belə görə bilərsən, amma yanındakı adamın ürəyin oxuya bilməzsən.
*
Bu asfalt dünyanın asfalt sifəti,
asfalta döndərir bu adamları.
*
Bu Yer boyda qəbrimiz, çəkdiyimiz cəbrimiz,
Ümman boyda səbrimiz daha azalır, dədə.
*
Tapıb, itiririk tapdığımızı,
ağrı yaddaşında itiklər qalır.
*
Nər qızanda pirin sözü boşuna.
*
Pas dəmiri, söz ürəyi yeyər.
*
İlan hər il dərisini dəyişir, xarakterini isə heç vaxt dəyişmir.
*
NAMƏRDLİKDİR PEŞƏN, ŞEYTAN,
ALÇAQLIQDAN ŞİŞƏN, ŞEYTAN.
TEZLİK İLƏ SƏNİN İŞİN
MÜRDƏŞİRƏ DÜŞƏ, ŞEYTAN.
*
BU HAYQIRAN MİNBAŞIMI?
KİMƏ ATIR SÖZ DAŞINI?
HA HAYQIRSIN, ÇOXU ARTIQ
KOLA SOXUB ÖZ BAŞINI.
*
EŞŞƏKLƏR MƏCLİSİNDƏ AĞIL LAL OLAR.
*
APARIBLAR, GƏTİRƏRLƏR,
NƏ QOYUBLAR GÖTÜRƏRLƏR.
SƏRRAF, SƏN ÖLMƏMİŞDƏN
HAQQINI İTİRƏRLƏR.
*
Körpənin dodağı qaçanda niyə
Atalar deyib ki, şeytan güldürür ?
Böyüyüb boynunu yoğunladandan
Sonra da deyirlər, zaman güldürür.
*
İnsaf vicdanın bünövrəsidi.
*
Həmişə dörd tuzu əlində saxlayan şeytanla qumar oynamaq axmaqlıq əlamətidir.
*
Boş ümidlərlə yaşayanların aqibətini Allah bilər.
*
Dərvişin məqamı Eşq, məkanı təkkə, yönü dərgah, yaşantı tərzi ədəbdi.
*
Eşqi dəlilik sayanlar Allahın verdiyi həyatın sirrinə vaqif ola bilməzlər.
*
Paxılın rahatlığı ölümündən sonra olur.
*
Taxılı anbara yığmamışdan qabaq gərək siçanla məsələni həll edəsən.
*
Kimsən ? - Sözündən görünər,
Çoxun azından görünər.
Yalnış sözün şilləsinin
Rəngi üzündə görünər.
*
Zamanın qəhrindən ağrıyır başlar,
Allahın özünə qıcanır dişlər.
Nə qədər azalıb lələlər, qağa,
Nə qədər çoxalıb qara keşişlər.
*
QAFİLƏ KƏLAM,
NAFİLƏ KƏLAM.
*
Yayın işini qışda, qışın işini yayda görmək istəyənlər xeyir tapmazlar.
*
İnsan elə insandı olmasa da pulu,
eşşək elə eşşəkdi olmasa da çulu.
*
Ağacdan maşa, axmaqdan paşa olmaz.
*
Dərvişin fikri nə isə zikri də odur.
*
Könülsüz verilən aş,
ya qarın ağrıdar, ya baş.
*
Bir elin kişiləri qeyrət toxumu əkər,
xanımları isə namus yükünü çəkər.
*
Kürsək vaxtı qancığın arxasına beş, on köpək düşər, erkək qurd isə özünə həyatında bir dişi qurd seçər.
*
Qızıldan açar
hər qapını açar.
*
Dədədən hikmət,
Oğuldan xidmət.
*
Əsil kişi soyundan,
körpə uşaq da oyundan
utanmaz.
*
Dərviş təkkədə,
Hacı Məkkədə.
*
Əsil anadan dayə olar,
Balatadan maya olar.
*
Ata yəhər lazım,
Yəhərə də ər lazım.
*
DAĞI DÜZƏ DÖNDƏRƏN VAR,
HAQQI DARDAN YENDİRƏN VAR.
CAN EVİNƏ KÖSÖV BASIB
GÜLƏ - GÜLƏ DİNDİRƏN VAR.
*
TOX OLMAQDAN BEZİRƏM,
SIXILMAQDAN BEZİRƏM.
ÖZÜM ƏKDİYİM AĞACDAN
YIXILMAQDAN BEZİRƏM.
*
Hər obanın öz göyçəyi,
Hər bağçanın öz çiçəyi.
Saza dönüb qan oğlayır
Hər şairin öz ürəyi.
*
Sevsəm, könül sözüm olur,
Sevsən, dünya bizim olur.
Oğurlama ürəyimi,
Hərdən mənə lazım olur.
*
Eşqindən ürəyi nura qərq olan
Dünyanı özü tək bilənə salam !
Həqqin yollarında "ənəlhəqq" olan,
Biz gedən yolları gələnə salam!
*
İlanı ölüncə, gəlini gəlincə...
*
Güclü böyük kökü olan ağac çovğunun üzünə gülər.
*
Osmanlı ləhcəsində işlədilən mırıldamaq sözü bizim ləhcəmizə necə uyğunlaşdırılır ?
*
Qəbirdən rahat yer yoxdur, nə səni incidirlər, nə də sən bir kimsəni incidirsən.
*
Vuran adammı qorxmaz adamdı, yoxsa vur deyənmi ?
*
Kasıba deyirlər ki, qış qapını alb,
kasıb da cavab verir ki, mən payızdan üşüməyi məşq eləyirəm.
*
ƏSİL LƏYAQƏTLİ QADIN ÖZÜLÜ OLAN BİR AİLƏNİN QORUYUCU MƏLƏYİDİR.
*
MƏNİM FİKRİMCƏ ÖLMƏK O QƏDƏR QORXULU DEYİL, ƏN QORXULUSU ÖLƏ - ÖLƏ YAŞAMAQDIR.
*
KİŞİ ÜÇÜN QADIN YA YAŞAMAĞININ SƏBƏBİ OLACAQ BÖYÜK MƏHƏBBƏTDİR, YA DA HƏYATINI CƏHƏNNƏMƏ ÇEVİRƏN BİR FƏLAKƏTDİR.
*
NUR VƏHDƏT, ZÜLMƏT İSƏ KƏSRƏTDİR.
*
ƏSİL DƏRVİŞLƏR ŞƏRAB İÇMƏMİŞDƏN MƏST OLARLAR.
*
HİKMƏT İNSAN KAMALININ BÜNÖVRƏSİDİR. O BÜNÖVRƏNİN ÜSTÜNDƏ NƏ EHTİŞAMLAR UCALIR...
*
CANI VERƏN ALLAH, ALAN DA ALLAH,
NUR OLUB KÖNLÜNƏ DOLAN DA ALLAH.
EY ADƏM ÖVLADI, UYMA ŞEYTANA,
YADINA SONUNU SALAN DA ALLAH.
*
EŞQİN YARATDIĞI DƏRD VƏ İZTİRABDAN GÖZƏL ŞEİRLƏR DOĞULUR.
*
PİSLİKLƏRİN ÜSTÜN ÖRTMƏ, İLAHİ!
KİŞİLƏRİ YAZIQ ETMƏ, İLAHİ!
TƏK ADINA VURULUB NURLANIRIQ,
KÖNLÜMÜZDƏN HEÇ VAXT İTMƏ, İLAHİ!
*
SEVƏ BİLƏRSƏNSƏ, YAŞAMAQ GÖZƏL,
SEVİB ÖLƏRSƏNSƏ, YAŞAMAQ GÖZƏL.
QƏLBİNDƏ PAS ATMIŞ QOCA HİKKƏNİN
DƏRDİN SİLƏRSƏNSƏ, YAŞAMAQ GÖZƏL.
*
Özgə bostanına oğurluğa girənin başında çomaq yarası.
*
İYİRMİ İL ƏVVƏL "ŞALVARI CIRIQLAR ÖLKƏSİNDƏ YAŞAYIRIQ" DESƏYDİLƏR, GÜLƏRDİK.
*
YƏHƏR ATIN, ÇUL EŞŞƏYİN,
AĞNAMAĞA KÜL EŞŞƏYİN.
ŞAHƏ QALXMAQ KƏHƏR ATIN,
YÜK DAŞIMAQ QUL EŞŞƏYİN.
*
KİŞİLƏR, BƏRBƏRƏ GETMƏMİŞDƏN QABAQ ƏVVƏL MARKETƏ GİRİB QİYMƏTLƏRİ SORUŞUN, YAZIQ BƏRBƏR DƏ ÖZ İŞİNİ İRAHAT GÖRSÜN DƏƏ...
*
KƏLƏYİN BOY ATIB BAR VERDİYİ YERDƏ ŞEYTAN DA MƏLƏKLƏŞİR.
*
Sən özün bilərsən ki, bu güzgüdəki sənsən və sənin özünü səndən yaxşı tanıyan yoxdur.
*
Əsil insan qorxduğuna deyil, sevdiyinə inanır.
*
Dünyada öz mənfəətləri üçün yaşayan adamlar başını qumda gizlətmiş dəvəquşu kimidirlər və elə bilirlər ki, onları heç kəs görmür.
*
Püfə ulaqlıqdı, söz də qulaqlıq.
*
Balın dadın bilməyən adam bal arısından mühazirə oxuyur.
*
Zəncir vura bilmirsənsə nəfsinə,
bir gün düşərsən qanunun qəfəsinə.
*
Gözəlliyi və həqiqətləri görmək istəmiyənlər həqiqi kor olanlardı.
*
Danışanda elə danış ki, ağzın mal tövləsinə bənzəməsin.
*
Şuğulsuz bənna qələmsiz müəllim kimidi.
*
Paxıllıq müalicə olunmayan xəstəlikdi.
*
Çaqqalı ha təriflə, yenə aslan olası deyil.
*
Bir korun ki, gözünü aça bilməyəcəksənsə, heç olmasa ümid çırağını söndürmə.
*
Təkəbbürlülük məğrurluq deyil, məğrurluğun gözəlliyinə əlindən alan şeytan duyğusallığıdı.
*
Öz doğmalarının gözündə yadlaşırsansa, yadların gözündə doğmalaşa bilməzsən.
*
İtlə yatan bitlə, birəylə durar.
*
Mənim fikrimcə müdrik alimlərimiz möcüzə yazıçı İsa Muğnnanın "İdeal" və ondan sonra yazdığı əsərlərə şərhlər yazmalıdırlar.
*
Yeriyən xiyarlar çoxalan gündən,
gül kimi xiyar da gözümdən düşüb.
*
Cübbə geyməklə molla olmaq olmaz.
*
Öz ölçüsünə sığmayan adamlar var.
*
Qırılan ağacdan hərə bir budaq qoparar.
*
İstedadsız yazar yaza bilməyəndə günahı qələmdə görər.
*
Nə günə qalmışıq, pərvərdigara,
Dəvəni nallamaq istiyənlər var.
Zamana gəlib ki, öz başlarından
Yuxarı tullanmaq istəyənlər var.
*
Dadanmış qudurmuşdan betər olur.
*
Canavardan qorxan davar saxlamaz,
xəbəri də dörd divar saxlamaz.
*
Aranda tutdan olduq, dağda quruddan.
*
Dadanmış qudurmuşdan betər olur.
*
Doxsandan sonra qoca,
yuxuda gedər haca.
*
NƏ TEZ GƏLDİ SAZAQLAR,
BUZLADI BUZ BULAQLAR.
BAKİRƏ SÖZLƏR DEYƏ
ÖPÜLMƏMİŞ DODAQLAR.
*
Su aşağıya axar, insan yuxarıya can atır.
*
Dovşan da küncə sıxılanda dişləyir.
*
Fürsət əmi oğlu həmişə qapınızı döyməz.
*
Rəbbim mənə öyüd verir ... Mən karam,
Rəbbim mənə yol göstərir ... Mən koram.
*
İşimiz baş - ayaq, qağa,
gedək daş daşıyaq, qağa.
Biz necə yaşayaq, qağa?
*
Əlhəmdülillah deyərək əlimdə çəkdiyim
qara təsbeh kimi
çəkirəm ömrümün qara günlərini.
*
Ürək qəfəsində çırpınan quşun
ruhunun azadlıq məhvəri eşqim.
*
Bəzən vüqarlı olmaqla təkəbbürlü olmağı qarışdırırlar.
*
ÇƏMƏNDƏ QOŞAN ÇƏPİŞ,
ATILIB DÜŞƏN ÇƏPİŞ.
HA OYNAQLA, SONUNDA
KABABDA BİŞƏN ÇƏPİŞ.
*
KEÇMİŞDƏ BEYBUD VƏ YAXUD BEHBUD NƏYƏ DEYİRDİLƏR ?
*
ƏGƏR BİR ŞEY ƏLDƏ ETMƏK İSTƏYİRSƏNƏ, ƏVVƏLCƏ HƏMİN ŞEYİN ZƏRƏRLİ TƏRƏFİNİ FİKİRLƏŞMƏLİSƏN.
*
Tərəkəmə əsilli dostlarımdan soruşuram: - Atın doğulandan yaşlanana qədər adlarını kim saya bilər ?
*
Adamı yarımçıq molla dindən eliyər, yarımçıq həkim candan.
*
Keçmişdə ovdan hara deyirdilər ?
*
Tərəkəmə əsilli dostlarımdan soruşuram: - əbrəş hansı qoyuna deyirlər, kola hansı keçiyə deyirlər ?
*
Piy basmış bədənin ağırlığını ayaqlar, murdar sözlü ağızın əziyyətin sillə yemiş yanaqlar çəkər.
*
Qəlbin zibillik yeridir,
Başın da köhnə külqabı.
*
Qeyrətli kişi atını, biqeyrət də arvadını öyər.
*
Xəsisin aşı bişməz, bişsə də ocaqdan düşməz.
*
Varsa təpər ürəkdə,
gücü bilinər biləkdə.
*
Öfkəylə qalxan zərərlə oturar.
*
Ayağına qarellə (qaragilə) tikanı batanın ağrıdan tükləri tikan - tikan olar.
*
Bəzən yaxın bildiyimiz adamlar qara gündə qaranlığa elə qarışırlar ki ...
*
Dağ nə qədər uca olursa olsun, yol üstündən aşar.
*
Qonşu qonşunun itmiş eşşəyini mahnı oxuya - oxuya axtarar.
*
Ağıllı dünyanın səy adamıyam,
Göy adam deyiləm, göy adamıyam.
*
Çaxçaxı işləməz, novu köhnəlmiş
Dəyirman daşıyam, söz üyüdürəm.
*
Dərdimin dərisin soyan cəlladam,
Özü öz könlünə qıyan cəlladam.
*
Hamının dostu olmaq heç kimin dostu olmamaqdı.
*
Ey Adəm övladı, Rəbbim səni sevə - sevə xəlq etmişdir, sən də Ona sevə - sevə qovuşmalısan. Eşqə eşq olsun !
*
Ac toyuq yuxuda özünü buğda anbarında görər.
*
Boş çuvalın dik durduğunu heç kim görməyib.
*
Evdəki hesab bazardakı hesabla uyğun ğəlməz.
*
Düşəm Eşqin atəşinə,
Məni yananda görəsən.
*
Qanmazı qandıran şapalağım var,
Şilləmin mərhəmət qapalağı var.
*
Kösəvi (közü) kağıza bükmək olmaz.
*
Təbəssümlə işıqlanmış köhnə bir daxma göz yaşı ilə suvanmış imarətdən daha gözəldi.
*
Hamının dostu olmaq heç kimin dostu olmamaqdı.
*
Dağ dönə bilməz, amma yol dağın başına dolana bilər.
*
Ağız yeyəndə mədənin də fikrini soruşmalıdı.
*
Canavar çox, ət azdırsa, vay zəifin halına.
*
Yazıqsan, yol azma dumanda, çəndə,
Düşərsən tələyə, keçərsən bəndə.
Dediyin hər sözə cavab verərsən,
Bunu istəsəndə, istəməsəndə.
*
ÜRƏYİM ELƏ BİL Kİ, SAZDA "MANSIRI" HAVASINA KÖKLƏNİB, SARI SİMİNDƏN QƏM SÜZÜLÜR.
*
Çobanlar kəpənək nəyə deyirlər?
*
Dəvəyə naz elə demişlər, o da tərpənişiylə iki damı uçurmuş.
*
Eşşək dərviş olmaz, odun daşımaqla təkkəyə,
Adam hacı olmaz, gedib gəlməklə Məkkəyə.
*
Dəmirdən canım olmaz, pozğundan xanım.
*
Sən baxan üzümdə şəkilin qalıb,
Könlümdə, gözümdə şəkilin qalıb.
Deyə bilmədiyim, məni yandıran
Kəlməmdə, sözümdə şəkilin qalıb.
*
Xalının tozu, dəlinin sözü qurtaran deyil.
*
Divarı nəm, insanı qəm yeyər.
*
Körpə zaman, ac da aman bilməz.
*
Ölmüş eşşəy canavardan qorxmaz.
*
ÖMÜR, İPLİYİ QIRIQ,
TALEH, DİŞLƏRİ MIRIQ.
RƏBBİM BİZİ SEVSƏDƏ,
NİYƏ HAQQI SAYMIRIQ ?
*
HAQDAN SİRRİM ƏLİDİR,
KÖNLÜ DÜRRÜM ƏLİDİR.
HƏR DƏRVİŞİN ÖZ PİRİ,
MƏNİM PİRİM ƏLİDİR.
*
Küçüklüyündə zəncirdə olan bir köpəklə ova getməzlər.
*
Hər ağacın meyvəsi yeyilməz, hər kişinin də sözü deyilməz
*
Fəzilətə açılan qapını hər adam aça bilmir.
*
Ata yəhərinə görə qiymət verməzlər.
*
Böyük olduqları qədər sadə, sadə olduqları qədər böyük olan Haqq yolçuları yox olduqdan sonra belə var olurlar.
*
O dam bu dama oxşayar,
Bu dam o dama oxşayar.
Ürək ürəyə oxşamaz,
Adam adama oxşayar.
*
DEYİRƏM GÖRƏSƏN İBTİDAİ İCMA QURLUŞUNDA DA QAYNANA - GƏLİN MÜHARİBƏLƏRİ VAR İMİŞ ?
*
Sevənin Kəbəsi öz içindədir,
Aşiqin qibləsi Sevdiyinədir.
Tövbə qəbul etməz İblisi məlun,
Bəndənin tövbəsi Sevdiyinədir.
*
Görəsən bu aşiqlərin gözləri niyə parıldayır, əlləri niyə bir yerdə durmur, nitqi niyə tutlur, dodaqları niyə quruyur və niyə bir yerdə dayana bilmirlər?
*
Qəlbi Haqq yolunda olanlara bir Pir, elm öyrənmək istəyənlərə bir ruhu nurdan yoğurulmuş Alim, dünyanı işıqlandırmağa bir Günəş bəs eyləyər.
*
Təkəsi yerində olmayan sürü
Ya qurda rast gələr, ya dağdan düşər.
*
Arvadın biri əla, ikisi bəla.
*
Soyun çəkər, huyun keçər.
*
Dədəsi alça yemiş, oğlunun dişi qamaşmış.
*
Əqrəbanın əqrabaya etdiyini əqrəb etməz.
*
Sayılı gün ötər tez,
sayılı pul bitər tez.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar