U-3

Özbəkistan Respublikası Ali Təhsil,
 Elm və İnnovasiyalar Nazirliyi
University of Business and Science
Universitetin rektoru
cənab Karimjon Boymirzayevə

Hörmətli cənab Boymirzayev!

Azərbaycan Respublikasının Bakı şəhərində 2026-cı il 1–4 aprel tarixlərində “Ədəbi dostluq – əbədi dostluq” adlı nüfuzlu beynəlxalq ədəbi festivalın keçirilməsi nəzərdə tutulur. Festival çərçivəsində müxtəlif ədəbi tədbirlərin, görüşlərin, müzakirələrin və kitab təqdimatlarının təşkili planlaşdırılır.

Sözügedən tədbirlərdə University of Business and Science universitetinin Dil və ədəbiyyat təhsili kafedrasının professoru Şokirova Xavasxon Nurmamatovna kitab müəlliflərindən biri kimi iştirak edəcəkdir. Bu münasibətlə, professor Şokirova Xavasxon Nurmamatovnanın festivalda iştirakının təmin olunması üçün zəruri təşkilati və praktiki dəstəyin göstərilməsini Sizdən xahiş edirik.

Eyni zamanda, professor Şokirova Xavasxon Nurmamatovnanın Bakı Dövlət Universitetində və “Nəsimi” adına Dilçilik İnstitutunda mühazirələr oxuması, konfrans və seminarlarda məruzələrlə çıxış etməsi nəzərdə tutulur. Bu görüşlərin iki ölkə arasında elmi-mədəni və ədəbi əlaqələrin inkişafına, həmçinin universitetlərarası əməkdaşlığın möhkəmlənməsinə töhfə verəcəyinə inanırıq.

Qeyd etmək istərdik ki, professor Şokirova Xavasxon Nurmamatovnanın bu beynəlxalq festivalda kitab müəlliflərindən biri kimi iştirakı onun elmi-ədəbi fəaliyyətində mühüm beynəlxalq nailiyyətlərdən biri kimi qiymətləndirilir.

Ümidvarıq ki, bu təşəbbüsünüzü dəstəkləyəcək və hörmətli professorun festivalda layiqincə iştirakına köməklik göstərəcəksiniz.

Hörmətlə,

Anar
Azərbaycan Yazıçılar Birliyinin sədri