_99.jpg)
Xəbər lenti
Azərbaycanda vitse-spiker kişilərin öpüşməsinə qarşı çıxdı
“Bizim toxunulmazlıq hüququmuz var, ancaq koronavirusdan toxunulmazlıq “səlahiyyətimiz” yoxdur”.
Bunu Milli Məclisin vitse-spikeri Adil Əliyev parlamentin bu gün keçirilən iclasında deyib.
A.Əliyev bildirib ki, insanlar təmasdan yayınmalıdırlar:
“Vətəndaşlara çatdırmalıyıq ki, təmaslardan yayınsınlar. İnzibati Xətalar Məcəlləsinə dəyişiklik etməkdə məqsədimiz insanları cərimələmək deyil, onları təmasdan yayındırmaqdır. Hesab edirəm ki, hər kəs Nazirlər Kabineti yanında operativ qərargahın qaydalarına ciddi şəkildə əməl etməlidir”.
Parlament sədrinin müavini qeyd edib ki, xüsusilə də kişilərin görüşən zaman opüşməsinin qarşısını almaq üçün təbliğat aparmalıyıq.
Qeyd edək ki, Milli Məclisin bu gün keçirilən iclasında İnzibati Xətalar Məcəlləsinin 211-ci maddəsi təkmilləşdirilərək yeni redaksiyada təqdim olunub. Maddədə bildirilir ki, epidemiya əleyhinə rejimin, sanitariya-gigiyena və karantin rejimlərinin pozulmasına görə - fiziki şəxslər yüz manatdan iki yüz manatadək, vəzifəli şəxslər isə min beş yüz manatdan iki min manatadək məbləğdə cərimə edilir.
Yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur. Hüquqi şəxslərin iki min manatdan beş min manatadək məbləğdə cərimə edilməsi nəzərdə tutulur. Məcəllənin 388-1-ci maddəsinə də müvafiq düzəlişlər edilib. Dəyişiklik layihəsi səsverməyə çıxarılaraq qəbul edilib. /oxu.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar