_99.jpg)
Xəbər lenti
Əməkdar jurnalistdən ÇAĞIRIŞ: "Dizaynerlərin, proqramçıların təxribatlarına uymayın"
"Dizaynerlərin, proqramçıların təxribatlarına uymayın, saytlarınızın "oturuşmuş" dizaynını dəyişməyin"
Manevr.az xəbər verir ki, Əməkdar jurnalist Rəhman Orxan sayt rəhbərlərinə müraciət edib:
"Əziz dostlar! Heç vaxt saytınızın LOQO-sunu, quruluşunu (strukturunu) dəyişməyə tələsməyin! Bilirəm, sizləri buna bəzi dizaynerlər, proqramçılar sövq edirlər. Boş qalmamaq, pul qazanmaq üçün. Onlar qazanc əldə etmək xatirinə kimlərinsə vasitəsilə redaksiyalarla əlaqə saxlayıb, sayt rəhbərlərini inandırmağa çalışırlar ki, guya saytın mövcud dizaynı hansı səbəblərə görəsə "müasir deyil, primitivdir" və s.
Baxın, nə Amerikanın məşhur "Nyu-York Tayms", "Vaşinqton-Post", nə də Rusiyanın "Pravda" və "İzvestiya" və s. qəzetləri öz loqotiplərini heç vaxt dəyişmirlər. Çünki qəzet elə ilk yarandığı "sifətdə" qalmalıdır. Sayt da o cümlədən. Guya amerikanların, ya da rusların texniki imkanları, ya da yaxşı dizaynerləri yoxdur, bizdən acizdirlər?
Şahidiyəm ki, neçə-neçə saytın dizaynı, strukturu dəyişdikdən sonra çoxlu problemlər yaranıb, ən başlıcası - əksər arxiv yazıları itib. Buna görə də hətta bir vaxt populyar olan bəzi saytlara üz tutanların, istifadəçilərin sayı da kəskin azalıb. Həmin saytlardan birinin rəhbəri bunu etiraf etmək istəməsə də, onun saytı bərbad günə düşərək, labirintə, rebusa çevrilib, istifadəsi çətinləşib. Bəzi dizaynerlər, proqramçılar bunu qəsdən edirlər ki, sayt rəhbərlərini özlərindən asılı vəziyyətə salıb, daha çox pul qopartsınlar. Dostlar, buna yol verməyin, oxucularınızı itirməyin!"
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar