Manevr.az milli.az-a istinadən xəbər verir ki, o həyat yoldaşı Fazil bəylə tanışığını yada salıb.
"Məni Moskvada məclisə çağırdılar. 5 min dollar qiymət dedim. Toya getdim. Sən demə, Fazil müəllimin o zaman arvadı ilə boşanma söhbəti gedirmiş. 20 ilə yaxın olacaq ki, ər-arvadıq. Şənlikdə oxuyan zaman mənə bir oğlan (Fazil bəy) yaxınlaşıb dedi ki, aşağı düşüb ortada oynayın. Cavab verdim ki, mən kişilərin stoluna getmirəm.
O, da dedi ki, kişilərin demirəm, insanların içərisində oynayın. Düşüb aşağıda oynadım, əllərimi 5 minlik rubllarla doldurdu. Fazil bəyi görən digər biznesmenlər də məni pul yağışına tutdu. Pulu yığıb-yığışdıra bilmirdim. Köməkçim pulları daşıyırdı. O vaxt sosial şəbəkələr yox idi, indiklər kimi çəkib gözə soxmurduq.
Məclis bitdi. Bir müddət sonra məni Ağstafadan toya istədilər. Musiqiçilərlə birgə 15 min dollar qonarar dedim. Toy Fazil müəllimin qardaşı oğlunun toyu idi. O da məbləği çox bilib, istəməmişdi. Həyat yoldaşım bütün xərcimizi öz üzərinə götürdü, qardaşı məni xoş günündə görmək istəyirdi. Toydan sonra mənə gözəl bir paltar da aldı. Daha sonra eşq başladı. Açıq dedim ki, yalnızca ailə quracağam, iki qızım var, qeyri-ciddi münasibət mənlik deyil. Mən dedim ki, qızlarımın arxasında durmağa ata istəyirəm olsun. O, da dedi ki, elə mən arvadımdan boşanıb ailə qurmaq istəyirəm. Evləndik və gerisi məlumdur. Xoşbəxtlik - ailə və uşaqlardır. Əsl ailə olduq, bəziləri kimi başqalarının kişisini 3-5 günlük ər kimi təqdim etmirəm".
