Xəbər lenti
"Bu məlumatları paylaşanlar pulunu itirir" - DİN
Manevr.az xəbər verir ki, Nazirliyin Mətbuat Xidmətinin rəisi Elşad Hacıyev bildirib ki, son günlərdə bir neçə vətəndaş dələduzluq qurbanı olaraq pullarını itirib.
Yalnız ötən gün müxtəlif vətəndaşların bank kartlarından 6300, 4700, 2766, 2167, 1056, 1000, 624, 600, 450, 387, 300, 170 və 100 manat olmaqla, ümumilikdə minlərlə manat vəsait oğurlanıb. Bu hallar bank kartı məlumatlarının üçüncü şəxslərlə paylaşılması nəticəsində baş verib.
E.Hacıyev vətəndaşları diqqətli olmağa çağıraraq bildirib ki, dələduzlar özlərini bank əməkdaşı kimi təqdim edərək zəng edir, mesaj yazır və ya sosial şəbəkələr vasitəsilə əlaqə qururlar. Məqsədləri isə kart məlumatlarını ələ keçirərək vəsaitləri mənimsəməkdir.
DİN bu məlumatların heç vaxt paylaşılmamasını tövsiyə edir:
- Kartın üzərindəki 16 rəqəmli nömrəni;
- Son istifadə tarixini (məsələn, 05/26);
- CVV/CVC kodu (kartın arxasındakı 3 rəqəmli kod);
- PIN kodu (ATM və POS terminal üçün istifadə olunan kod);
Bu məlumatların paylaşılması aşağıdakı nəticələrə gətirib çıxara bilər:
- Bank hesabından icazəsiz pul çıxarılması;
- Kart vasitəsilə qanunsuz onlayn alış-verişlər;
- Dələduzluq və fırıldaqçılıq hallarının qurbanı olmaq;
- Pul itkisi zamanı bankın məsuliyyət daşımaması, çünki məlumatlar istifadəçi tərəfindən verilib;
DİN vətəndaşlara bu cür hallarla qarşılaşdıqda dərhal hüquq-mühafizə orqanlarına məlumat verməyi tövsiyə edir. E.Hacıyev qeyd edib ki, heç bir bank və ya hüquq-mühafizə orqanı telefon və ya mesaj vasitəsilə kart məlumatlarını tələb etmir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar