Xəbər lenti
Biz ayrılmayacaqdıq...
“Sizə pislik etmiş bir düşməni bağışlayın, ancaq ölkənizə və millətinizə zərər verənləri heç vaxt bağışlamayın.”
Hz.Əli
Yusif və Günay 11 il eyni sinifdə oxuyublar. Bir-birlərini sevib-seçiblər. 2019-cu ilin iyunun 16-da isə ailə qurub bir ömür ayrılmayacaqlarına söz veriblər. Bu gözəl izdivacdan Aqşin adında oğulları dünyaya gəlib.
Nağıyev Yusif Bərxudar oğlu 1 yanvar 1996-cı ildə Bərdə rayonunun Əyricə kəndində anadan olub. 2014-cü ilin yanvar ayında həqiqi hərbi xidmətə çağırılıb və həmin ilin aprel ayından etibarən XTQ-də xidmətə başlayıb. 2016-cı ilin Aprel döyüşlərində böyük qəhrəmanlıqla döyüşüb.
Vətən müharibəsi başlayanda Yusif Nağıyev Füzuli, Cəbrayıl, Kəlbəcər, Xocavənd uğrunda gedən qanlı döyüşlərin iştirakçısı olub. Hadrut istiqamətində gedən döyüşlərdə yüksəklikləri tam ələ keçirilməsi üçün döyüş yoldaşları ilə birlikdə düşmənə ağır zərbələr vuraraq erməni mövqelərini darmadağın edib.
21 oktyabr 2020-ci ildə Xocavənd döyüşlərinin birində şəhidlik zirvəsinə ucalıb. 23 oktyabrda şəhidimizi doğulduğu Əyricə kəndində dəfn olunub.
Yusif şəhid olanda oğlu beş aylıq körpəydi. Ömür-gün yoldaşı Günay Yusifdən danışanda sözlər boğazında düyümlənir. Hələ də onun yoxluğuna inanmır: “Gözlərim yoldadı, elə bilirəm nə vaxtsa qayıdacaq. Axı biz ayrılmayacaqdıq..”
Azərbaycan Respublikasının Prezidenti İlham Əliyevin Sərəncamına əsasən Yusif Nağıyev ölümündən sonra bir sıra orden və medallarla təltif edilib:
“Rəşadət” ordeni, “İgidliyə görə” medalı, “Vətən uğrunda” medalı, “Cəbrayılın azad olunmasına görə” medalı, “Kəlbəcərin azad olunmasına görə” medalı, “Vətən müharibəsi iştirakçısı” medalı.
Türk oğlu qədər Allahını sevən,Vətən üçün canını verən fədakar millət yoxdur. Qəhrəman oğullarımız 44 günlük Vətən savaşında dünyaya Azərbaycanımızın gücünü göstədi.
Allah şəhidlərimizə rəhmət eləsin və sevənlərinə səbr versin.
Mənsurə Eldar XƏLƏFBƏYLİ
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar