.png)
Xəbər lenti
“Sülhməramlıların” həddini aşan məramı: Qarabağda paradı yalnız müzəffər Azərbaycan ordusu keçirə bilər!
Növbəti dəfə Qarabağda xidmət aparan Rusiya sülhməramlıları öz ali missiyasına zidd addımla gündəmə gəlib.
Rusiya Müdafiə Nazirliyinin məlumatına görə, Qarabağda sülhü qorumaq kimi əsas vəzifə daşıyan sülhməramlılar 9 May Qələbə Günü münasibətilə parad keçirmək niyyətindədir və bununla bağlı məşqlərə artıq start verilib.
Manevr.az oxu.az-a istinadən xəbər verir ki, Rusiya sülhməramlılarının öz məramlarına yaraşmayan fəaliyyətləri 10 noyabr tarixili üçtərəfli bəyanatdan sonra dəfələrlə gündəmə gəlib. Lakin bu dəfə məramı şübhə doğuran hərbi kontingent ən sadə şəkildə desək, öz “səhvlərinin” ən ağıra imza atıb.
Rusiya sülhməramlılarının Qarabağda - əbədi və əzəli Azərbaycan torpağında parad keçirməsi “supergüc” maraqları güdən Kreml üçün adi görünə bilər və ya öz torpağının belə müdafiəsini Rusiyaya həvalə etmiş İrəvan üçün tamamilə məqbul sayılar bəlkə də… Lakin suveren və qüdrətli Azərbaycan dövlətinin ərazisində başqa bir dövlətin ordusunun məramı nə olur olsun hərbi parad keçirməsi, buna hazırlaşması, hətta planlaşdırması belə Bakı üçün qəbuledilməzdir.
Rusiya sülhməramlıları növbəti dəfə unudur ki, onlar hansısa mübahisəli bölgədə deyil, Qarabağda bütün dünyanın Azərbaycan ərazisi kimi tanıdığı və qəbul etdiyi ərazilərdə xidmət aparır. Bura isə dünyanın bir çox nöqtələrində olduğu kimi supergüclərin vassallığını fəxrlə qəbul edən hansısa dırnaqarası dövlətin torpağı deyil, ordusunun qüdrəti və şücaəti ilə öz torpaqlarını işğaldan azad etmiş Azərbaycan Respublikasının ərazisidir. Bu ərazidə hərbi parad keçirəcək qüdrətə və hüquqa sahib olan yeganə ordu – Azərbaycan Respublikası Silahlı Qüvvələridir və bu ordu da öz tarixi qələbəsini Azadlıq meydanındakı möhtəşəm Zəfər Paradı ilə taclandırıb!
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar