.png)
Xəbər lenti
"Rusiya qüvvələrinin Qarabağdan çıxarılması..."
“Baş verən hadisələrə nəzər saldıqda məlum olur ki, Rusiyanın, xüsusilə də, Müdafiə Nazirliyinin bəzi rəsmiləri sanki Qarabağda uzunmüddətli qala biləcəyini erməni ictimaiyyətinə nümayiş etdirmək istəyirlər. Onların səsləndirdiyi bəyanatlar, xüsusilə də, Şuşada, Laçında sülhməramlılar üçün əlavə şəhərciklərin salınmasına dair verilən bəyanatlar Azərbaycanın maraqlarına ziddir və belə bir fəaliyyətin həyata keçirilməsi mümkün deyil”.
Manevr.az xəbər verir ki, bunu bizimyol.info saytına açıqlamasında hərbi məsələlər üzrə ekspert Ədalət Verdiyev danışıb.
O, bildirib ki, bu bəyanatları zaman- zaman Rusiyanın kiçik nüfuza malik partiyaları və partiya rəhbərləri səsləndirib. O cümlədən, ağaşı çaplı partiya rəhbəri Sergey Mironov Qarabağın Rusiyaya birləşdirilməsi ilə bağlı axmaq fikirlər səsləndirib: “Təbii ki, həm Müdafiə Nazirliyinin, həm də kiçik də olsa da, partiya rəhbərinin belə fikirlər səsləndirməsi və Rusiya Xarici İşlər Nazirliyinin bu bəyanata təpki verməməsi Azərbaycan ictimaiyyətinin Rusiyaya qarşı neqativ fikirlərə köklənməsinə səbəb olur”.
Ədalət Verdiyevin sözlərinə görə, başqa tərəfdən Azərbaycan ərazilərində qadağan olunmuş Rusiya silahlarının, konkret olaraq “İskəndər” raketinin istifadə olunması faktları və bu faktlara istinadən Rusiya tərəfindən ağlabatan rəsmi məlumatın indiyədək mövcud olmaması vəziyyətin, yəni Rusiya-Azərbaycan münasibətərinin gərginləşməsinə gətirib çıxaracaq.
Ekspert hesab edir ki, Rusiya bu məsələlərə aydınlıq gətirməli və Azərbaycan ilə münasibətləri qorumağa çalışmalıdır. Əks halda Azərbaycan cəmiyyətində Rusiyanın Qarabağda gözlənilən müddətdən də daha erkən çıxması üçün sosial sifariş formalaşa bilər. Bu isə dönüşü geri olmayan proseslərlə nəticələnə bilər.
“İstənilən halda Rusiya Qarabağda təyin olunmuş 1960 nəfər kontingentin humanitar fəaliyyət adı altında genişləndirilməsindən çəkinməlidir. Bu gələcəkdə münasibətlərin qorunmasında müsbət rol oynaya bilər”-deyən ekspert bildirib ki, Azərbaycan artıq bu proseslərə qarşı öz etirazını Rusiya Sülhməramlıları komandanı Rüstəm Muradovu Bakıdan əliboş yola salmaqla nümayiş etdirib.
Ə. Verdiyev vurğulayıb ki, əgər Rusiyanın davranışlarında dəyişiklik olmasa, bu cür təpkilər gələcəkdə arta da bilər.
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar